ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐ
ՀՐԱՄԱՆ
12 մարտի 2020 թվականի N 102-Ն
ՊԱՐՏԱՊԱՆԻ ԿՈՂՄԻՑ ՍՆԱՆԿՈՒԹՅԱՆ ԳՈՐԾՈՎ ԿԱՌԱՎԱՐՉԻՆ ՆԵՐԿԱՅԱՑՎՈՂ` ԳՈՒՅՔԻ ԵՎ ԳՈՒՅՔԱՅԻՆ ԻՐԱՎՈՒՆՔՆԵՐԻ ԿԱԶՄԻ, ՔԱՆԱԿԻ ԵՎ ԳՏՆՎԵԼՈՒ ՎԱՅՐԻ ՎԵՐԱԲԵՐՅԱԼ ՀԱՅՏԱՐԱՐԱԳՐԻ ՁԵՎԸ ԵՎ ՀԱՅՏԱՐԱՐԱԳՐԻ ՆԵՐԿԱՅԱՑՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ
Ղեկավարվելով «Սնանկության մասին» օրենքի 54.1-րդ հոդվածի 3-րդ մասով.
ՀՐԱՄԱՅՈՒՄ ԵՄ`
1. Սահմանել`
1) պարտապանի կողմից սնանկության գործով կառավարչին ներկայացվող` գույքի և գույքային իրավունքների կազմի, քանակի և գտնվելու վայրի վերաբերյալ հայտարարագրի ձևը` համաձայն N 1 հավելվածի,
2) պարտապանի կողմից սնանկության գործով կառավարչին ներկայացվող` գույքի և գույքային իրավունքների կազմի, քանակի և գտնվելու վայրի վերաբերյալ հայտարարագրի ներկայացման կարգը` համաձայն N 2 հավելվածի:
2. Սույն հրամանն ուժի մեջ է մտնում 2020 թվականի ապրիլի 15-ից:
Ռ. Բադասյան
Հավելված N 1
արդարադատության նախարարի
2020 թվականի մարտի 12-ի
N 102-Ն հրամանի
ՁԵՎ
ՊԱՐՏԱՊԱՆԻ ԿՈՂՄԻՑ ՍՆԱՆԿՈՒԹՅԱՆ ԳՈՐԾՈՎ ԿԱՌԱՎԱՐՉԻՆ ՆԵՐԿԱՅԱՑՎՈՂ` ԳՈՒՅՔԻ ԵՎ ԳՈՒՅՔԱՅԻՆ ԻՐԱՎՈՒՆՔՆԵՐԻ ԿԱԶՄԻ, ՔԱՆԱԿԻ ԵՎ ԳՏՆՎԵԼՈՒ ՎԱՅՐԻ ՎԵՐԱԲԵՐՅԱԼ ՀԱՅՏԱՐԱՐԱԳՐԻ
ՀՀ սնանկության դատարանում հարուցված թիվ _____ սնանկության գործի շրջանակում, ղեկավարվելով «Սնանկության մասին» օրենքի 54.1-րդ հոդվածով, պարտապան`
_________________________________________________________________________
ֆիզիկական անձի անուն, ազգանուն, հայրանուն
_________________________________________________________________________
բնակության հասցե, էլեկտրոնային փոստի հասցե (առկայության դեպքում), բջջ. հեռախոսի համար, անձնագրի սերիա և համար (նույնականացման քարտի համար), սոցիալական քարտի համար/հանրային ծառայությունների համարանիշ (առկայության դեպքում)
_________________________________________________________________________
իրավաբանական անձի անվանում, ՀՎՀՀ և պետական գրանցման համար, գտնվելու վայրի հասցե, էլեկտրոնային փոստի հասցե / հայտարարագիր տվողի (իրավաբանական անձի ներկայացուցչի) անուն, ազգանուն, պաշտոն
ներկայացնում է սույն հայտարարագիրը սեփականության իրավունքով իրեն պատկանող գույքի և գույքային իրավունքների, այդ թվում` պահանջի իրավունքի, կազմի, քանակի և գտնվելու վայրի, դեբիտորական պարտավորությունների, դատական ակտի, ժառանգության վկայագրի կամ այլ իրավահաստատող փաստաթղթի հիման վրա պարտապանի անունով գրանցման կամ հաշվառման ենթակա, սակայն չգրանցված (չհաշվառված) գույքի և գույքային իրավունքների, ինչպես նաև «Սնանկության մասին» օրենքի 54-րդ հոդվածի 1-ին մասով նախատեսված գործարքների մասին:
Առդիր` «» թերթ:
«_____»__________20 թ.
Պարտապան` __________________________________________________________
(անուն, ազգանուն, հայրանուն (իրավաբանական անձի անվանում,
ներկայացուցչի անուն, ազգանուն), ստորագրություն)
ՏՎՅԱԼՆԵՐ ՀԱՅՏԱՐԱՐԱԳՐՄԱՆ ԵՆԹԱԿԱ ԳՈՒՅՔԻ ԵՎ ԳՈՒՅՔԱՅԻՆ ԻՐԱՎՈՒՆՔՆԵՐԻ ՎԵՐԱԲԵՐՅԱԼ
1. ԱՆՇԱՐԺ ԳՈՒՅՔ
._____________________________________________________________.
|NN |Գտնվելու վայրը|Տեսակը, |Գույքի նկատմամբ |Մակերեսը|
|հ/հ|(հասցեն) |նշանակությունը |իրավունքը |(քմ, հա)|
| | |(բնակելի, |(սեփականություն,| |
| | |հասարակական |ընդհանուր | |
| | |արտադրական, այլ)|սեփականություն),| |
| | | |ծանրաբեռնվա- | |
| | | |ծությունը (գրավ,| |
| | | |վարձակալություն,| |
| | | |սերվիտուտ, այլ) | |
|___|______________|________________|________________|________|
|1. | | | | |
|___|______________|________________|________________|________|
|2. | | | | |
._____________________________________________________________.
2. ՓՈԽԱԴՐԱՄԻՋՈՑՆԵՐ, ՇԻՆԱՐԱՐԱԿԱՆ, ԳՅՈՒՂԱՏՆՏԵՍԱԿԱՆ ԵՎ ԱՅԼ ՏՐԱՆՍՊՈՐՏ
.____________________________________________________________________.
|NN |Անվանումը, |Թողարկման|Գույքի նկատմամբ | Ծանոթություն |
|հ/հ|մակնիշը և |տարեթիվը |իրավունքը | |
| |հաշվառման | |(սեփականություն, | |
| |համարանիշը | |ընդհանուր | |
| | | |սեփականություն), | |
| | | |ծանրաբեռնվածությունը | |
| | | |(գրավ, վարձակալություն,| |
| | | |սերվիտուտ, այլ) | |
|___|______________|_________|_______________________|_______________|
|1. | | | | |
|___|______________|_________|_______________________|_______________|
|2. | | | | |
.____________________________________________________________________.
3. ՊԱՐՏԱՏՈՄՍԵՐ, ԲԱԺՆԵՏՈՄՍԵՐ, ԱՅԼ ԱՐԺԵԹՂԹԵՐ
.________________________________________________.
|NN |Արժեթղթեր |Տեսակը |Անվանական |Ծանոթություն|
|հ/հ|թողարկողը | |արժեքը | |
| |(տրամադրողը)| |(գումարը) | |
|___|____________|_______|__________|____________|
|1. | | | | |
|___|____________|_______|__________|____________|
|2. | | | | |
.________________________________________________.
4. ԲԱԺՆԵՄԱՍԵՐ ԵՎ ԱՅԼ ՄԱՍՆԱԿՑՈՒԹՅՈՒՆ ԿԱԶՄԱԿԵՐՊՈՒԹՅՈՒՆՆԵՐՈՒՄ
.________________________________________________________.
|NN |Կազմակերպության |Տեսակը | Արժեքը |Ծանոթություն |
|հ/հ|անվանումը | | | |
|___|________________|________|____________|_____________|
|1. | | | | |
|___|________________|________|____________|_____________|
|2. | | | | |
.________________________________________________________.
5. ՄՇԱԿՈՒԹԱՅԻՆ ԱՐԺԵՔՆԵՐ ԵՎ ՀՆԱՈՃ ԻՐԵՐ
.____________________________________________________________________.
|NN |Մշակութային արժեքի|Ստեղծման |Գտնվելու վայրը|Քանակը |Ծանոթություն|
|հ/հ|անվանումը |ժամանակա-| | | |
| | |շրջանը | | | |
|___|__________________|_________|______________|_______|____________|
|1. | | | | | |
|___|__________________|_________|______________|_______|____________|
|2. | | | | | |
.____________________________________________________________________.
6. ԹԱՆԿԱՐԺԵՔ ՄԵՏԱՂ ԵՎ ՊԵՐՃԱՆՔԻ ԱՌԱՐԿԱՆԵՐ
.___________________________________________________________________.
|NN |Գտնվելու վայրը |Գույքի տեսակը| Քանակը և քաշը |Ծանոթություն |
|հ/հ| | | | |
|___|__________________|_____________|________________|_____________|
|1. | | | | |
|___|__________________|_____________|________________|_____________|
|2. | | | | |
.___________________________________________________________________.
7. ԴՐԱՄԱԿԱՆ ՄԻՋՈՑՆԵՐ
.____________________________________________.
|NN |Արժույթ |Գումարի չափը |Ծանոթություն |
|հ/հ| | | |
|___|_________|_______________|______________|
|1. | | | |
|___|_________|_______________|______________|
|2. | | | |
.____________________________________________.
8. ԸՆՏԱՆԻ ԿԵՆԴԱՆԻՆԵՐ
.__________________________________________.
|NN |Տեսակը |Քանակը |Ծանոթություն |
|հ/հ| | | |
|___|___________|___________|______________|
|1. | | | |
|___|___________|___________|______________|
|2. | | | |
.__________________________________________.
9. ԳՅՈՒՂՄԹԵՐՔ
._______________________________________________.
|NN |Անվանումը |Քաշը (տոննա, կգ)|Ծանոթություն|
|հ/հ| | | |
|___|_____________|________________|____________|
|1. | | | |
|___|_____________|________________|____________|
|2. | | | |
._______________________________________________.
10. ԱՇԽԱՏԱՎԱՐՁ, ՆՊԱՍՏՆԵՐ, ԿՐԹԱԹՈՇԱԿՆԵՐ, ԿԵՆՍԱԹՈՇԱԿՆԵՐ
.____________________________________________.
|NN |Տեսակը |Գումարի չափը|Ծանոթություն |
|հ/հ| | | |
|___|_____________|____________|_____________|
|1. | | | |
|___|_____________|____________|_____________|
|2. | | | |
.____________________________________________.
11. ԲՌՆԱԳԱՆՁՄԱՆ ԵՆԹԱԿԱ ԱՅԼ ԳՈՒՅՔ
.__________________________________________________________.
|NN |Գույքի գտնվելու |Գույքի տեսակը|Քանակը|Ծանոթություն |
|հ/հ|վայրը | | | |
|___|________________|_____________|______|________________|
|1. | | | | |
|___|________________|_____________|______|________________|
|2. | | | | |
.__________________________________________________________.
12. ՊԱՀԱՆՋԻ ԻՐԱՎՈՒՆՔ
._________________________________________________________________.
|NN |Պահանջի իրավունքի|Պահանջը հիմնավորող|Պարտավոր անձի |Պահանջի|
|հ/հ| տեսակը | փաստաթուղթ |անուն, ազգանուն,|չափը |
| | | |բնակության կամ | |
| | | |հաշվառման վայրը | |
|___|_________________|__________________|________________|_______|
|1. | | | | |
|___|_________________|__________________|________________|_______|
|2. | | | | |
._________________________________________________________________.
13. ԴԵԲԻՏՈՐԱԿԱՆ ՊԱՐՏԱՎՈՐՈՒԹՅՈՒՆՆԵՐ
.__________________________________________________________.
|NN |Տեսակը |Պարտավորության|Մարման ժամկետը|Ծանոթություն|
|հ/հ| |չափը | | |
|___|___________|______________|______________|____________|
|1. | | | | |
|___|___________|______________|______________|____________|
|2. | | | | |
.__________________________________________________________.
14. ԴԱՏԱԿԱՆ ԱԿՏԻ, ԺԱՌԱՆԳՈՒԹՅԱՆ ՎԿԱՅԱԳՐԻ ԿԱՄ ԱՅԼ ԻՐԱՎԱՀԱՍՏԱՏՈՂ ՓԱՍՏԱԹՂԹԻ ՀԻՄԱՆ ՎՐԱ ՊԱՐՏԱՊԱՆԻ ԱՆՈՒՆՈՎ ԳՐԱՆՑՄԱՆ ԿԱՄ ՀԱՇՎԱՌՄԱՆ ԵՆԹԱԿԱ, ՍԱԿԱՅՆ ՉԳՐԱՆՑՎԱԾ (ՉՀԱՇՎԱՌՎԱԾ) ԳՈՒՅՔ ԵՎ ԳՈՒՅՔԱՅԻՆ ԻՐԱՎՈՒՆՔ
.________________________________________________________.
|NN |Գտնվելու վայրը |Գույքի, գույքային |Իրավահաստատող |
|հ/հ| |իրավունքի տեսակը |փաստաթղթի տեսակը |
| | | |և տվյալները |
|___|_______________|__________________|_________________|
|1. | | | |
|___|_______________|__________________|_________________|
|2. | | | |
.________________________________________________________.
15. «ՍՆԱՆԿՈՒԹՅԱՆ ՄԱՍԻՆ» ՕՐԵՆՔԻ 54-ՐԴ ՀՈԴՎԱԾՈՎ ՆԱԽԱՏԵՍՎԱԾ ԳՈՐԾԱՐՔՆԵՐ
.___________________________________________________________________.
|NN |Գործարքի |Գործարքի |Գործարքի|Գործարքի առարկայի|Ծանոթություն|
|հ/հ|տեսակը, |կատարման |կողմը |իրացման արժեքի և | |
| |առարկան |ժամանակա- | |շուկայական արժեքի| |
| | |հատվածը | |տարբերությունը | |
| | | | |(առկայության | |
| | | | |դեպքում) | |
|___|___________|___________|________|_________________|____________|
|1. | | | | | |
|___|___________|___________|________|_________________|____________|
|2. | | | | | |
.___________________________________________________________________.
1. Պարտապանի կողմից ներկայացվող` գույքի և գույքային իրավունքների կազմի, քանակի ու գտնվելու վայրի մասին հայտարարագրում տվյալներ թաքցնելը կամ խեղաթյուրելը կամ հայտարարագիր ներկայացնելուց չարամտորեն խուսափելն առաջացնում է օրենքով սահմանված պատասխանատվություն:
Պարտապան` __________________________________________________________
(անուն, ազգանուն, հայրանուն (իրավաբանական անձի անվանում,
ներկայացուցչի անուն, ազգանուն), ստորագրություն)
«____»__________20 թ.
Հավելված N 2
արդարադատության նախարարի
2020 թվականի մարտի 12-ի
N 102-Ն հրամանի
ԿԱՐԳ
ՊԱՐՏԱՊԱՆԻ ԿՈՂՄԻՑ ՍՆԱՆԿՈՒԹՅԱՆ ԳՈՐԾՈՎ ԿԱՌԱՎԱՐՉԻՆ ՆԵՐԿԱՅԱՑՎՈՂ` ԳՈՒՅՔԻ ԵՎ ԳՈՒՅՔԱՅԻՆ ԻՐԱՎՈՒՆՔՆԵՐԻ ԿԱԶՄԻ, ՔԱՆԱԿԻ ԵՎ ԳՏՆՎԵԼՈՒ ՎԱՅՐԻ ՎԵՐԱԲԵՐՅԱԼ ՀԱՅՏԱՐԱՐԱԳՐԻ ՆԵՐԿԱՅԱՑՄԱՆ
1. Սույն կարգով սահմանվում է պարտապանին սնանկ ճանաչելու մասին վճիռն օրինական ուժի մեջ մտնելու պահից 20 օրվա ընթացքում պարտապանի կողմից սեփականության իրավունքով իրեն պատկանող գույքի, գույքային իրավունքների, այդ թվում` պահանջի իրավունքի, կազմի, քանակի և գտնվելու վայրի, դեբիտորական պարտավորությունների, դատական ակտի, ժառանգության վկայագրի կամ այլ իրավահաստատող փաստաթղթի հիման վրա պարտապանի անունով գրանցման կամ հաշվառման ենթակա, սակայն չգրանցված (չհաշվառված) գույքի և գույքային իրավունքների, ինչպես նաև «Սնանկության մասին» օրենքի 54-րդ հոդվածի 1-ին մասով նախատեսված գործարքների մասին հայտարարագիրը սնանկության գործով կառավարչին (այսուհետ` կառավարիչ) ներկայացնելու կարգը:
2. Պարտապան իրավաբանական անձի անունից հայտարարագիրը ներկայացնում է գործադիր մարմնի ղեկավարը կամ օրենքով, իրավաբանական անձի կանոնադրությամբ կամ այլ ներքին իրավական ակտով իրավասու ճանաչված անձը:
3. Պարտապանը հայտարարագրին կից կառավարչին է ներկայացնում սույն հրամանի հավելված 1-ում սահմանված և պարտապանի կողմից լրացված գույքի և գույքային իրավունքների մասին ապացույցներ, որոնք համարվում են հայտարարագրի անբաժանելի մասը: Ներկայացվող փաստաթղթերը համարակալվում են, և էջերի քանակի մասին նշում է կատարվում ներկայացվող հայտարարագրում:
4. Իրավաբանական անձը հայտարարագրին կից ներկայացնում է նաև իր գործունեության վերջին հաշվեկշիռը, գույքացանկը, առկայության դեպքում` դրամարկղային գրքի տրամադրման տարին, ամիսը, ամսաթիվը:
5. Հայտարարագրի ցուցանիշներն ամբողջական լրացված են համարվում, եթե.
1) սահմանված բաժիններից յուրաքանչյուրում լրացված վերջին տողին հաջորդող չլրացված տողի կամ որևէ չլրացված բաժնի 1-ին տողի 2-րդ սյունակում դրված է գծիկ.
2) հայտարարագրի բոլոր էջերի վերջում դրված է հայտարարատուի ստորագրությունը:
6. Հայտարարատուներին ընդհանուր բաժնային սեփականության իրավունքով պատկանող գույքը յուրաքանչյուր հայտարարատուի կողմից հայտարարագրում նշվում է իր բաժնեմասի չափով:
7. Հայտարարագրի համապատասխան բաժիններում «գտնվելու վայր», «քանակ», «քաշ» սյունակներում լրացվում է հայտարարագրման ենթակա գույքի համապատասխանաբար հասցեն, քաշը (տոննա, կգ և այլն), քանակը (հատ):
8. «Անշարժ գույք» բաժինը լրացվում է հետևյալ կարգով.
1) 3-րդ «Տեսակը, նշանակությունը (բնակելի, հասարակական, արտադրական, այլ)» սյունակում լրացվում է 2-րդ սյունակի համապատասխան տողում նշված հայտարարատուին պատկանող անշարժ գույքի տեսակը` շենքի, շինության, հողամասի - բնակելի (մարդկանց բնակության համար նախատեսված` բնակելի և օժանդակ մասերից բաղկացած, կոմունալ հարմարություններով օժտված), հասարակական (բնակչության սոցիալական սպասարկման, ինչպես նաև վարչական ու հասարակական կազմակերպությունների տեղակայման համար նախատեսված) և արտադրական (արդյունաբերական, գյուղատնտեսական և տնտեսության մյուս ճյուղերի արտադրությունների տեղակայման և դրանց մեջ տեխնոլոգիական սարքավորումների շահագործման համար անհրաժեշտ պայմաններն ապահովող).
2) 4-րդ` «Գույքի նկատմամբ իրավունքը (սեփականություն, ընդհանուր սեփականություն), ծանրաբեռնվածությունը (գրավ, վարձակալություն, սերվիտուտ, այլ)» սյունակում լրացվում է 2-րդ սյունակի համապատասխան տողում նշված, հայտարարատուին պատկանող անշարժ գույքի նկատմամբ իրավունքը` միանձնյա սեփականություն, ընդհանուր համատեղ սեփականություն, ընդհանուր բաժնային սեփականություն, ինչպես նաև այդ գույքով առկա ծանրաբեռնվածությունը` գրավ, վարձակալություն, սերվիտուտ և այլն` նշելով համապատասխան իրավական հիմքը (պայմանագրի կնքման ամսաթիվ, կողմեր, համապատասխան որոշման վավերապայմաններ): Ընդ որում, ընդհանուր համատեղ սեփականության դեպքում նշվում է նաև համասեփականատերերի թիվը.
3) 5-րդ «Մակերեսը (քմ, հա)» սյունակում լրացվում է 2-րդ սյունակի համապատասխան տողում նշված, հայտարարատուին պատկանող անշարժ գույքի մակերեսը` քառակուսի մետրերով կամ հեկտարով:
9. «Փոխադրամիջոցներ, շինարարական, գյուղատնտեսական և այլ տրանսպորտ» բաժինը լրացվում է հետևյալ կարգով`
1) 2-րդ «Անվանումը, մակնիշը և հաշվառման համարանիշը» սյունակում լրացվում են հայտարարատուին պատկանող փոխադրամիջոցի (ավտոմոբիլային տրանսպորտային միջոց, անվավոր, թրթուրավոր, ինքնագնաց մեքենա կամ մեխանիզմ, օդային և ջրային փոխադրամիջոց, ինչպես նաև այլ` շինարարական, գյուղատնտեսական տեխնիկա, այսուհետ` փոխադրամիջոց) լրիվ անվանումը, մակնիշը և հաշվառման համարանիշը.
2) 3-րդ «Թողարկման տարեթիվը» սյունակում լրացվում է 2-րդ սյունակի համապատասխան տողում նշված, հայտարարատուին պատկանող փոխադրամիջոցի թողարկման (արտադրության) տարեթիվը.
3) 4-րդ «Գույքի նկատմամբ իրավունքը (սեփականություն, ընդհանուր սեփականություն), ծանրաբեռնվածությունը (գրավ, վարձակալություն, սերվիտուտ, այլ)» սյունակում լրացվում է 2-րդ սյունակի համապատասխան տողում նշված, հայտարարատուին պատկանող փոխադրամիջոցի նկատմամբ իրավունքը` միանձնյա սեփականություն, ընդհանուր համատեղ սեփականություն, ընդհանուր բաժնային սեփականություն, անհատույց օգտագործում կամ վարձակալություն, ինչպես նաև այդ գույքով առկա ծանրաբեռնվածությունը` գրավ, վարձակալություն, սերվիտուտ և այլն` նշելով համապատասխան իրավական հիմքը (պայմանագրի կնքման ամսաթիվ, կողմեր, համապատասխան որոշման վավերապայմաններ): Ընդ որում, ընդհանուր համատեղ սեփականության դեպքում նշվում է նաև համասեփականատերերի թիվը:
10. «Պարտատոմսեր, բաժնետոմսեր, այլ արժեթղթեր» բաժինը լրացվում է հետևյալ կարգով`
1) 2-րդ «Արժեթղթեր թողարկողը (տրամադրողը)» սյունակում լրացվում է հայտարարատուին պատկանող պարտատոմսը, բաժնետոմսը, արժեթուղթը թողարկողի լրիվ անվանումը.
2) 3-րդ «Տեսակը» սյունակում լրացվում է 2-րդ սյունակի համապատասխան տողում նշված, հայտարարատուին պատկանող`
ա) պարտատոմսի տեսակը` պարտատոմս ըստ ներկայացնողի կամ պարտատոմս անվանական, կամ պարտատոմս գրավով ապահովված, պարտատոմս երաշխավորությամբ ապահովված, կամ պարտատոմս առանց ապահովման, կամ այլ բաժնետոմս,
բ) բաժնետոմսի տեսակը` բաժնետոմս ըստ ներկայացնողի կամ բաժնետոմս անվանական, կամ բաժնետոմս ազատ շրջանառու, կամ բաժնետոմս սահմանափակ շրջանառու, կամ բաժնետոմս հասարակ, կամ բաժնետոմս արտոնյալ, կամ այլ բաժնետոմս,
գ) այլ արժեթուղթ.
3) 4-րդ «Անվանական արժեքը (գումարը)» սյունակում լրացվում է 2-րդ սյունակի համապատասխան տողում նշված հայտարարատուին պատկանող պարտատոմսի, բաժնետոմսի, այլ արժեթղթի մեկ հատի անվանական արժեքը` Հայաստանի Հանրապետության դրամով կամ արտարժույթով, իսկ անվանական արժեք չունեցող արժեթղթերի դեպքում 4-րդ սյունակում դրվում է «-» նշանը:
11. «Բաժնեմասեր և այլ մասնակցություն կազմակերպություններում» բաժինը լրացվում է հետևյալ կարգով`
1) 2-րդ «Կազմակերպության անվանումը» սյունակում լրացվում է այն իրավաբանական անձի անվանումը, որի կանոնադրական (բաժնեհավաք) կապիտալում հայտարարատուն ներդրում է կատարել կամ ունի մասնակցություն.
2) 3-րդ «Տեսակը» սյունակում լրացվում է 2-րդ սյունակի համապատասխան տողում նշված կազմակերպությունում հայտարարատուի մասնակցության տեսակը կամ կազմակերպության կանոնադրական (բաժնեհավաք) կապիտալում ներդրումը.
3) 4-րդ «Արժեքը» սյունակում լրացվում է 3-րդ սյունակի համապատասխան տողում նշված, հայտարարատուի մասնակցության (ներդրման) արժեքը` Հայաստանի Հանրապետության դրամով կամ արտարժույթով:
12. «Մշակութային արժեքներ և հնաոճ իրեր» բաժինը լրացվում է հետևյալ կարգով`
1) 2-րդ «Մշակութային արժեքի անվանումը» սյունակում լրացվում է հայտարարատուին պատկանող մշակութային արժեքների և հնաոճ իրերի անվանումը` առանձին-առանձին.
2) 3-րդ «Ստեղծման ժամանակաշրջանը» սյունակում 2-րդ սյունակի համապատասխան տողում նշված, հայտարարատուին պատկանող մշակութային արժեքներից և հնաոճ իրերից յուրաքանչյուրի ստեղծման ժամանակաշրջանը կամ դարը կամ տարեթիվը.
3) 6-րդ «Ծանոթություն» սյունակում լրացվում է 2-րդ սյունակի համապատասխան տողում նշված, հայտարարատուին պատկանող մշակութային արժեքներից և հնաոճ իրերից յուրաքանչյուրի հեղինակի անունը, ազգանունը (կեղծանունը):
13. «Թանկարժեք մետաղ և պերճանքի առարկաներ» բաժինը լրացվում է հետևյալ կարգով`
1) 3-րդ «Գույքի տեսակը» սյունակում լրացվում է առարկայի տեսակը:
14. «Դրամական միջոցներ» բաժինը լրացվում է հետևյալ կարգով`
1) 2-րդ «Արժույթ» սյունակում լրացվում են հայտարարատուին պատկանող դրամական միջոցների արժույթը` ՀՀ դրամ, ԱՄՆ դոլար, Եվրո, ՌԴ ռուբլի և այլն,
2) 3-րդ «Գումարի չափը» սյունակում լրացվում է դրամական միջոցների չափը դրամային արտահայտությամբ` առանձին տողերով (թվերով և բառերով):
15. «Ընտանի կենդանիներ» բաժինը լրացվում է հետևյալ կարգով`
1) 2-րդ` «Տեսակը» սյունակում լրացվում են տնային կենդանիների տեսակների անվանումը.
ա) խոշոր եղջերավոր անասուններ (կովեր, եզներ, գոմեշներ, մոզիներ, հորթեր, ձիեր և այլն).
բ) մանր եղջերավոր անասուններ (ոչխարներ, այծեր և այլն).
գ) այլ տնային կենդանիներ (խոզեր, խոճկորներ, թռչուններ և այլն).
2) 4-րդ «Ծանոթություն» սյունակում լրացվում է 2-րդ սյունակում նշված կենդանիների տարիքը, մոտավոր քաշը և արժեքը:
16. «Գյուղմթերքներ» բաժինը լրացվում է հետևյալ կարգով.
1) 2-րդ «Անվանումը» սյունակում լրացվում է գյուղմթերքների անվանումը (տեսակը) (ցորեն, գարի, ծիրան, կարտոֆիլ և այլն):
17. «Աշխատավարձ, նպաստներ, կրթաթոշակներ, կենսաթոշակներ» բաժինը լրացվում է հետևյալ կարգով`
1) 2-րդ «Տեսակը» սյունակում լրացվում է հայտարարատուի յուրաքանչյուր ամիս ստացվող դրամական փոխհատուցման տեսակը (աշխատավարձ, նպաստ, կենսաթոշակ, կրթաթոշակ),
2) 3-րդ «Գումարի չափը» սյունակում լրացվում է 2-րդ սյունակի համապատասխան տողում նշված դրամական փոխհատուցման տեսակի չափը:
18. «Բռնագանձման ենթակա այլ գույք» բաժինը լրացվում է հետևյալ կարգով
1) 3-րդ «Գույքի տեսակը» սյունակում լրացվում է գույքի տեսակը, բացառությամբ` «Դատական ակտերի հարկադիր կատարման մասին» օրենքի 51-րդ հոդվածով սահմանված գույքերի տեսակների:
2) 5-րդ «Ծանոթություն» սյունակում լրացվում է հայտարարատուին պատկանող` բռնագանձման ենթակա այլ գույքի նկատմամբ իրավունքը` միանձնյա սեփականության, ընդհանուր համատեղ սեփականության, ընդհանուր բաժնային սեփականության: Ընդ որում, ընդհանուր համատեղ սեփականության դեպքում նշվում է նաև համասեփականատերերի թիվը:
19. «Պահանջի իրավունք» բաժինը լրացվում է հետևյալ կարգով.
1) 2-րդ «Պահանջի իրավունքի տեսակը» սյունակում լրացվում է պահանջի իրավունքի տեսակի անվանումը (դատական ակտ, պայմանագիր, գրավ, ռեգրես),
2) 3-րդ «Պահանջը հիմնավորող փաստաթուղթ» սյունակում լրացվում են 2-րդ սյունակի համապատասխան տողում նշված պահանջը հիմնավորող փաստաթղթերը, դրանց ռեկվիզիտները,
3) 4-րդ «Պարտավոր անձի անուն, ազգանուն, բնակության կամ հաշվառման վայր» սյունակում լրացվում է այն ֆիզիկական անձի անուն, ազգանուն, բնակության վայրը կամ այն իրավաբանական անձի անվանումը և ՀՎՀՀ-ն, ում հանդեպ հայտարարագիր տվողն ունի 2-րդ սյունակի համապատասխան տողում նշված պահանջի իրավունք,
4) 5-րդ «Պահանջի չափը» սյունակում լրացվում է 2-րդ սյունակի համապատասխան տողում նշված պահանջի իրավունքի տեսակի չափը` դրամային արտահայտությամբ:
20. «Դեբիտորական պարտավորություններ» բաժինը լրացվում է հետևյալ կարգով.
1) 2-րդ «Տեսակը» սյունակում լրացվում է դեբիտորական պարտավորության ծագման հիմքը և իրավահարաբերության բնույթը,
2) 3-րդ «Պարտավորության չափը» սյունակում լրացվում է 2-րդ սյունակի համապատասխան տողում նշված պարտավորության չափը դրամական արտահայտությամբ,
3) 4-րդ «Մարման ժամկետը» սյունակում լրացվում է պարտավորության կատարման վերջնաժամկետը,
4) 5-րդ «Ծանոթություն» սյունակում լրացվում են պարտավորության կողմերի տվյալները:
21. «Դատական ակտի, ժառանգության վկայագրի կամ այլ իրավահաստատող փաստաթղթի հիման վրա պարտապանի անունով գրանցման կամ հաշվառման ենթակա, սակայն չգրանցված (չհաշվառված) գույք և գույքային իրավունք» բաժինը լրացվում է հետևյալ կարգով.
1) 3-րդ «Գույքի, գույքային իրավունքի տեսակը» սյունակում լրացվում է հայտարարատուին պատկանող գույքի, գույքային իրավունքի տեսակը.
2) 4-րդ «Իրավահաստատող փաստաթղթի տեսակը և տվյալները» սյունակում լրացվում են գույքի և գույքային իրավունքի վերաբերյալ իրավահաստատող փաստաթղթի տեսակը (դատական ակտ, ժառանգության վկայագիր կամ այլ իրավահաստատող փաստաթուղթ), իրավահաստատող փաստաթղթի կազմման կամ կայացման տարին, ամիսը, ամսաթիվը և անհրաժեշտ այլ տվյալներ:
22. «Սնանկության մասին» օրենքի 54-րդ հոդվածով նախատեսված գործարքներ» բաժինը լրացվում է հետևյալ կարգով.
1) 2-րդ «Գործարքի տեսակը, առարկան» սյունակում լրացվում է գործարքի տեսակի անվանումը` գույքի փոխանցում, օտարում, հատուցելի, անհատույց և գործարքի առարկան,
2) 3-րդ «Գործարքի կատարման ժամանակահատվածը» սյունակում լրացվում է գործարքի (փոխանցման) կատարման ամիսը, ամսաթիվը և տարին,
3) 4-րդ «Գործարքի կողմը» սյունակում լրացվում են գործարքի մյուս կողմի վերաբերյալ տվյալները.
4) 5-րդ «Գործարքի առարկայի իրացման արժեքի և շուկայական արժեքի տարբերությունը (առկայության դեպքում)» սյունակում լրացվում է գործարքի (փոխանցումների, օտարումների) հետևանքով պարտապանին պատճառված վնասի չափը` «Սնանկության մասին» օրենքի 54-րդ հոդվածի իմաստով` Հայաստանի Հանրապետության դրամով կամ արտարժույթով.
5) 6-րդ «Ծանոթություն» սյունակում լրացվում է, եթե առկա է «Սնանկության մասին» օրենքի 54-րդ հոդվածի 2-րդ մասով նախատեսված հանգամանքներից որևէ մեկը, հակառակ դեպքում 5-րդ սյունակում դրվում է «-» նշանը:
23. Հայտարարագրում համապատասխան գույքին վերաբերող «Ծանոթություն» սյունակում կարող է նշում կատարվել այդ գույքի` արագ փչացող կամ «Սնանկության մասին» օրենքի իմաստով պահպանման էական ծախսեր պահանջող գույք հանդիսանալու մասին` համապատասխան հիմնավորումներով:
24. Հայտարարագիրը կառավարչին կարող է ներկայացվել էլեկտրոնային եղանակով` էլեկտրոնային ստորագրությամբ կամ փաստաթղթի սքանավորված տարբերակով նրա պաշտոնական էլեկտրոնային փոստի կամ կառավարչի նշած այլ էլեկտրոնային փոստի հասցեին ուղարկելով: Էլեկտրոնային եղանակով ուղարկելու անհնարինության դեպքում այն կարող է ներկայացվել թղթային տարբերակով` հանձնվել առձեռն կամ ուղարկվել փոստային առաքմամբ` կառավարչի գործունեության վայրի կամ նրա կողմից նշված այլ հասցեով:
25. Հայտարարագիրը ամբողջական լրացված չլինելու դեպքում կառավարիչն այդ մասին տեղեկացնում է հայտարարատու անձին` պահանջելով իր սահմանած ժամկետում ներկայացնել հայտարարագրի շտկված (լրամշակված) տարբերակը: