Սեղմել Esc փակելու համար:
ԱՌԳՐԱՎՎԱԾ «ՎԵՐՑՎԱԾ», ԿԱՄԱՎՈՐ ՀԱՆՁՆՎԱԾ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ԱՌԳՐԱՎՎԱԾ «ՎԵՐՑՎԱԾ», ԿԱՄԱՎՈՐ ՀԱՆՁՆՎԱԾ ԵՎ ԳՏՆՎԱԾ ԶԵՆՔԻ ԵՎ ՌԱԶՄԱՄԹԵՐՔԻ ԸՆԴՈՒՆՄԱՆ Կ ...

 

 

i

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

14 մայիսի 2020 թվականի N 758-Ն

 

ԱՌԳՐԱՎՎԱԾ «ՎԵՐՑՎԱԾ», ԿԱՄԱՎՈՐ ՀԱՆՁՆՎԱԾ ԵՎ ԳՏՆՎԱԾ ԶԵՆՔԻ ԵՎ ՌԱԶՄԱՄԹԵՐՔԻ ԸՆԴՈՒՆՄԱՆ ԿԱՐԳԸ ՍԱՀՄԱՆԵԼՈՒ ՄԱՍԻՆ

 

Համաձայն «Զենքի մասին» օրենքի 29-րդ հոդվածի 5-րդ մասի` Հայաստանի Հանրապետության կառավարությունը որոշում է.

1. Սահմանել առգրավված «վերցված», կամավոր հանձնված և գտնված զենքի և ռազմամթերքի ընդունման կարգը` համաձայն հավելվածի:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:

 

Հայաստանի Հանրապետության

    վարչապետ                     Ն. Փաշինյան

 

2020 թ. մայիսի 18

Երևան

 

Հավելված

ՀՀ կառավարության

2020 թվականի մայիսի 14-ի

N 758-Ն որոշման

 

ԿԱՐԳ

ԱՌԳՐԱՎՎԱԾ «ՎԵՐՑՎԱԾ», ԿԱՄԱՎՈՐ ՀԱՆՁՆՎԱԾ ԵՎ ԳՏՆՎԱԾ ԶԵՆՔԻ ԵՎ ՌԱԶՄԱՄԹԵՐՔԻ ԸՆԴՈՒՆՄԱՆ

 

1. Սույն կարգով կարգավորվում է Հայաստանի Հանրապետության ոստիկանության (այսուհետ` ոստիկանություն) կենտրոնական ապարատի ստորաբաժանումների, ոստիկանության` Երևան քաղաքի և մարզային վարչությունների և դրանց ենթակա ստորաբաժանումների կողմից հանրային իշխանության մարմիններից, հասարակական կազմակերպություններից, իրավաբանական և ֆիզիկական անձանցից առգրավված ?վերցված?, կամավոր հանձնված, գտնված զենքը և ռազմամթերքը (այսուհետ` զենք) ոստիկանության տնտեսական վարչության զինապահեստ (այսուհետ` զինապահեստ) ընդունելու գործընթացը:

2. Ոստիկանության կենտրոնական ապարատի ստորաբաժանումները, ոստիկանության` Երևան քաղաքի և մարզային վարչությունները և դրանց ենթակա ստորաբաժանումները պարտավոր են զենքը տասնօրյա ժամկետում ուղարկել ոստիկանության փորձաքրեագիտական վարչություն` հետազոտության կամ փորձաքննության, ինչպես նաև համապատասխան հաշվառումներով ստուգելու համար:

3. Ոստիկանության փորձաքրեագիտական վարչությունում հետազոտված կամ փորձաքննության ենթարկված զենքը խմբավորվում և պահեստավորվում է:

4. Վարույթն իրականացնող մարմնի` քրեական գործի հարուցումը մերժելու մասին կամ քրեական գործը կարճելու մասին որոշումների, դատարանի օրինական ուժի մեջ մտած որոշումների կամ դատավճիռների առկայության դեպքում, զենքը (այդ թվում` իրեղեն ապացույց ճանաչված և դրա պահելու անհրաժեշտությունը վերացած) հանձնվում է զինապահեստ:

5. Ոստիկանության փորձաքրեագիտական վարչության փորձագետի եզրակացության հիման վրա ոստիկանության տնտեսական վարչությունը կազմակերպում է զենքի ընդունումը զինապահեստ: Զինապահեստ ընդունելիս զենքը հաշվառվում է ոստիկանության պետի հրամանով սահմանված կարգով:

6. Զինապահեստ ընդունված օգտագործման համար պիտանի զենքը ոչնչացման ենթակա չէ:

7. Սպառազինության բաժնի աշխատակցի եզրակացության հիման վրա օգտագործման համար պիտանի զենքը հաշվառվում է ոստիկանության սպառազինության մեջ` հետագայում ոստիկանության ստորաբաժանումների կողմից ծառայողական նպատակներով օգտագործելու համար:

8. Զինապահեստ ընդունված քաղաքացիական և ծառայողական զենքը, բացառությամբ սույն կարգի 7-րդ կետով նախատեսված դեպքի, հանձնվում է կոմիսիոն վաճառքի (մատակարար իրավաբանական անձի համապատասխան լիցենզիայի առկայության դեպքում), որից ստացված գումարը փոխանցվում է Հայաստանի Հանրապետության պետական բյուջե:

9. Զինապահեստ ընդունված օգտագործման համար ոչ պիտանի զենքը Հայաստանի Հանրապետության օրենսդրությամբ սահմանված կարգով ենթակա է ոչնչացման:

 

 

pin
ՀՀ կառավարություն
14.05.2020
N 758-Ն
Որոշում