Սեղմել Esc փակելու համար:
ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ «ԲԱՆԱԿ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀՀ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ «ԲԱՆԱԿԻ ԿԵՆՏՐՈՆԱԿԱՆ ՄԱՐԶԱԿԱՆ ԱԿՈՒՄԲ» ՊԵՏԱԿԱՆ ՀԻՄՆ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

27 մայիսի 2020 թվականի N 863-Ա

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԱՇՏՊԱՆՈՒԹՅԱՆ ՆԱԽԱՐԱՐՈՒԹՅԱՆ «ԲԱՆԱԿԻ ԿԵՆՏՐՈՆԱԿԱՆ ՄԱՐԶԱԿԱՆ ԱԿՈՒՄԲ» ՊԵՏԱԿԱՆ ՀԻՄՆԱՐԿ ՍՏԵՂԾԵԼՈՒ ՄԱՍԻՆ

 

i

Ղեկավարվելով «Զորամասերի և զինվորական հաստատությունների կարգավիճակի մասին» օրենքի 7.1-ին հոդվածի 1-ին, 2-րդ և 3-րդ մասերով` Հայաստանի Հանրապետության կառավարությունը որոշում է.

1. Ստեղծել Հայաստանի Հանրապետության պաշտպանության նախարարության (այսուհետ` նախարարություն) «Բանակի կենտրոնական մարզական ակումբ» պետական հիմնարկ (այսուհետ` մարզական ակումբ):

2. Մարզական ակումբի գտնվելու վայրն է` Հայաստանի Հանրապետություն, քաղ. Երևան, Բագրևանդի 5:

3. Սահմանել, որ մարզական ակումբի`

1) գործունեության նպատակն է Հայաստանի Հանրապետության զինված ուժերում սպորտի զարգացումը, նախարարության մարզական հավաքական թիմերի կազմավորումը և դրանցով Հայաստանի Հանրապետության զինված ուժերը հանրապետական և միջազգային առաջնություններում ներկայացումը, զինվորական ծառայության ընթացքում հաշմանդամություն ձեռք բերած անձանց ներգրավումը զինված ուժերի մարզական կյանքին և պարասպորտի զարգացումը, նախազորակոչային և զորակոչային տարիքի երիտասարդության շրջանում զինվորական ծառայության գրավչության մասսայականացումը.

2) խնդիրներն են`

ա. նախազորակոչային տարիքի պատանիների նախապատրաստումը զինված ուժերի հավաքական թիմերում և դրանց ռեզերվներում ընդգրկումը,

բ. զինծառայողների ու նախարարության համակարգի քաղաքացիական ծառայողների, նրանց ընտանիքների անդամների համար ֆիզիկական կուլտուրայով և սպորտով զբաղվելու պայմանների ստեղծումը,

գ. ռազմակիրառական մարզաձևերի զարգացումը.

3) գործառույթներն են`

ա. մասնագիտական հատուկ պատրաստության ծառայությունների մատուցումը,

բ. Հայաստանի Հանրապետության զինված ուժերի հավաքական թիմերի մարզումների կազմակերպումը, այդ թվում` ուսումնամարզական հավաքների կազմակերպումը, անցկացումը և դրանց նյութատեխնիկական ապահովումը,

գ զինվորականների միջազգային մարզական միջոցառումներին հավաքական թիմերի մասնակցության կազմակերպումը,

դ. մասնագիտական հավաքների կազմակերպումը,

ե. նախազորակոչային և զորակոչային տարիքի երիտասարդների մարզական կրթության կազմակերպումը,

զ. ֆիզիկական կուլտուրայի և սպորտի բնագավառում ուսումնակրթական գործունեության իրականացումը,

է. մարզական ակումբի նպատակների իրականացմանը և խնդիրների կատարմանն ուղղված օրենքով չարգելված միջոցառումների իրականացումը:

4. Սահմանել, որ մարզական ակումբն իր գործունեության նպատակի, խնդիրների և գործառույթների շրջանակներում`

1) լիցենզավորման ենթակա գործունեություն կարող է իրականացնել օրենքով սահմանված կարգով տրված լիցենզիայի հիման վրա.

2) կարող է իրականացնել վճարովի ծառայություններ` Հայաստանի Հանրապետության պաշտպանության նախարարի հրամանով հաստատված կարգով, պայմաններով և չափերով:

5. Հայաստանի Հանրապետության պաշտպանության նախարարին` սույն որոշումն ուժի մեջ մտնելուց հետո եռամսյա ժամկետում`

1) հաստատել հիմնարկի կանոնադրությունը, կառուցվածքը, անձնակազմի թիվը, հանձնվող (ամրակցող) գույքի, այդ թվում` զենքի և ռազմամթերքի կազմը, դրա օգտագործման կարգը.

2) ապահովել հիմնարկի պետական հաշվառումը` նախարարությանը հատկացված միջոցների հաշվին:

 

Հայաստանի Հանրապետության

    վարչապետ                     Ն. Փաշինյան

 

2020 թ. մայիսի

Երևան

 

 

pin
ՀՀ կառավարություն
27.05.2020
N 863-Ա
Որոշում