ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
13 օգոստոսի 2020 թվականի N 1342-Ա
ԱՆՇԱՐԺ ԳՈՒՅՔ ՀԵՏ ՎԵՐՑՆԵԼՈՒ ԵՎ ԱՄՐԱՑՆԵԼՈՒ ՄԱՍԻՆ
i
Հիմք ընդունելով «Կառավարչական իրավահարաբերությունների կարգավորման մասին» Հայաստանի Հանրապետության օրենքի 5-րդ հոդվածի 5-րդ, 6-րդ և 7-րդ մասերը և «Պետական ոչ առևտրային կազմակերպությունների մասին» Հայաստանի Հանրապետության օրենքի 5-րդ հոդվածի 2-րդ մասը` Հայաստանի Հանրապետության կառավարությունը որոշում է.
1. Պետական սեփականություն հանդիսացող անշարժ գույքը (այսուհետ` անշարժ գույք) հետ վերցնել համապատասխան պետական մարմիններից և ամրացնել Հայաստանի Հանրապետության առողջապահական և աշխատանքի տեսչական մարմնին` համաձայն հավելվածի:
2. Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահին` սույն որոշումն ուժի մեջ մտնելուց հետո` երկամսյա ժամկետում, «Սիսիանի տարածքային մանկավարժահոգեբանական աջակցության կենտրոն» պետական ոչ առևտրային կազմակերպության հետ կնքել 25.07.2017 թ. կնքված` Հայաստանի Հանրապետության Սյունիքի մարզ, Սիսիանի քաղաքային համայնք, Կամոյի փողոց թիվ 5 հասցեում գտնվող անշարժ գույքի անհատույց օգտագործման թիվ 84/0017 պայմանագրում սույն որոշումից բխող փոփոխություններ կատարելու մասին համաձայնագիր (այսուհետ` համաձայնագիր)` դրանում նախատեսելով, որ համաձայնագրի նոտարական վավերացման և համաձայնագրից ծագող գույքային իրավունքների պետական գրանցման ծախսերը ենթակա են իրականացման Հայաստանի Հանրապետության առողջապահական և աշխատանքի տեսչական մարմնի միջոցների հաշվին:
3. Հայաստանի Հանրապետության առողջապահական և աշխատանքի տեսչական մարմնի ղեկավարին` սույն որոշման 2-րդ կետում նշված աշխատանքների ավարտից հետո երկամսյա ժամկետում, Հայաստանի Հանրապետության Տավուշի մարզպետի, Հայաստանի Հանրապետության վիճակագրական կոմիտեի նախագահի և Հայաստանի Հանրապետության տարածքային կառավարման և ենթակառուցվածքների նախարարության պետական գույքի կառավարման կոմիտեի նախագահի հետ համատեղ, Հայաստանի Հանրապետության օրենսդրությամբ սահմանված կարգով իրականացնել սույն որոշման հավելվածում նշված անշարժ գույքի հանձնման-ընդունման աշխատանքները` հիմք ընդունելով անշարժ գույքի փաստացի վիճակը:
Հայաստանի Հանրապետության
վարչապետ Ն. Փաշինյան
2020 թ. օգոստոսի
Երևան
Հավելված
ՀՀ կառավարության
2020 թվականի օգոստոսի 13-ի
N 1342-Ա որոշման
ՑԱՆԿ
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀԱԿԱՆ ԵՎ ԱՇԽԱՏԱՆՔԻ ՏԵՍՉԱԿԱՆ ՄԱՐՄՆԻՆ ԱՄՐԱՑՎՈՂ ԱՆՇԱՐԺ ԳՈՒՅՔԻ
._____________________________________________________________________.
|Հ/Հ|Անշարժ գույքի |Հարկը |Անշարժ գույքի |Անշարժ |Անշարժ |
| |հասցեն | |տնօրինման |գույքի |գույքի |
| | | |լիազորությունն|մակերեսը|սկզբնական |
| | | |իրականացնող |(ք.մ) |արժեքը |
| | | |մարմինը | |(ՀՀ դրամ) |
|___|___________________|__________|______________|________|__________|
|1. |Տավուշի մարզ, |2-րդ |Տավուշի |32.60 | 458 400|
| |քաղաք Իջևան, |մասնաշենքի|մարզպետարան | | |
| |Սահմանադրության 1 |3-րդ | | | |
|___|___________________|__________|______________|________|__________|
|2. |Սյունիքի մարզ, |2-րդ |Պետական գույքի|152.95 | 6 311 623|
| |քաղաք Սիսիան, | |կառավարման | | |
| |Կամոյի 5 | |կոմիտե | | |
|___|___________________|__________|______________|________|__________|
|3. |Լոռու մարզ, քաղաք |4-րդ |Վիճակագրական |632.85 |41 408 753|
| |Վանաձոր, Նժդեհի 14 | |կոմիտե | | |
._____________________________________________________________________.