Սեղմել Esc փակելու համար:
«ՀՀ-ՈՒՄ ՀԱՐԿԵՐԻ ԵՎ ՏՈՒՐՔԵՐԻ ՄԱՍԻՆ» ՀՀ...
Քարտային տվյալներ

Տեսակ
Գործում է
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

«ՀՀ-ՈՒՄ ՀԱՐԿԵՐԻ ԵՎ ՏՈՒՐՔԵՐԻ ՄԱՍԻՆ» ՀՀ ՕՐԵՆՔՈՎ ՆԱԽԱՏԵՍՎԱԾ ԱՐՏՈՆՈՒԹՅՈՒՆՆԵՐԻ ՏՐԱՄԱԴ ...

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԳԵՐԱԳՈՒՅՆ ԽՈՐՀՐԴԻ
ՆԱԽԱԳԱՀՈՒԹՅԱՆ ՈՐՈՇՈՒՄԸ

 

i

«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆՈՒՄ ՀԱՐԿԵՐԻ ԵՎ ՏՈՒՐՔԵՐԻ ՄԱՍԻՆ» ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՕՐԵՆՔՈՎ ՆԱԽԱՏԵՍՎԱԾ ԱՐՏՈՆՈՒԹՅՈՒՆՆԵՐԻ ՏՐԱՄԱԴՐՄԱՆ ԿԱՐԳԻ ՄԱՍԻՆ

 

Հայաստանի Հանրապետության Գերագույն խորհրդի նախագահությունը որոշում  է.

Սահմանել «Հայաստանի Հանրապետության հարկերի և տուրքերի մասին» Հայաստանի Հանրապետության օրենքով սահմանված արտոնությունների տրամադրման հետևյալ կարգը.

1. Առանձին վճարողների կամ վճարողների խմբի հարկային արտոնություններ տրամադրելու, առանձին հարկերի դրույքաչափեր, հաստատագրված վճարների չափ և վճարման կարգ սահմանելու վերաբերյալ առաջարկությունները ֆինանսավարկային և բյուջետային հարցերի մշտական հանձնաժողովը քննարկում է միայն այն դեպքում, երբ այդպիսիք պաշտոնապես ներկայացվել են Հայաստանի Հանրապետության կառավարության կողմից:

2. Հայաստանի Հանրապետության կառավարության կողմից ներկայացված որոշման նախագիծը Հայաստանի Հանրապետության Գերագույն խորհրդի նախագահության միջոցով հանձնվում է Գերագույն խորհրդի համապատասխան շահագրգիռ հանձնաժողովներին` գրավոր կարծիք տալու համար:

3. Ֆինանսավարկային և բյուջետային հարցերի մշտական հանձնաժողովը տասն օրվա ընթացքում իր նիստում քննարկում է ներկայացված որոշման նախագիծը ըստ էության և լուծում համաձայնություն տալու հարցը: Ընդ որում, այդ նիստին հրավիրվում են նաև գրավոր կարծիք հայտնած հանձնաժողովների ներկայացուցիչները:

4. Ֆինանսավարկային և բյուջետային հարցերի մշտական հանձնաժողովի կողմից ընդունված որոշման մասին գրավոր հայտնվում է համապատասխան շահագրգիռ մշտական հանձնաժողովներին:

5. Հայաստանի Հանրապետության կառավարության վերոհիշյալ բոլոր որոշումները հրապարակվում են Հայաստանի Հանրապետության պաշտոնական մամուլում և Հայաստանի Հանրապետության Գերագույն խորհրդի տեղեկագրում:

30 ապրիլի 1993 թվական:

 

 

pin
ՀՀ ԳԽ նախագահություն
30.04.1993
N ՀՆԽ-559-I
Որոշում