Սեղմել Esc փակելու համար:
ՀՀ ԿԱՌԱՎԱՐՈՒԹՅԱՆ 2016 ԹՎԱԿԱՆԻ ՀՈՒՆԻՍԻ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Ստորագրման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՀՀ ԿԱՌԱՎԱՐՈՒԹՅԱՆ 2016 ԹՎԱԿԱՆԻ ՀՈՒՆԻՍԻ 2-Ի N 580-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈ ...

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

8 հոկտեմբերի 2020 թվականի N 1660-Ն

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 2016 ԹՎԱԿԱՆԻ ՀՈՒՆԻՍԻ 2-Ի N 580-Ն ՈՐՈՇՄԱՆ ՄԵՋ ԼՐԱՑՈՒՄՆԵՐ ԵՎ ՓՈՓՈԽՈՒԹՅՈՒՆՆԵՐ ԿԱՏԱՐԵԼՈՒ ՄԱՍԻՆ

 

i

Համաձայն «Նորմատիվ իրավական ակտերի մասին» Հայաստանի Հանրապետության օրենքի 34-րդ հոդվածի 1-ին մասի` Հայաստանի Հանրապետության կառավարությունը որոշում է.

1. Հայաստանի Հանրապետության կառավարության 2016 թվականի հունիսի 2-ի «Հայաստանի Հանրապետության պաշտպանության ժամանակ զոհված կամ մահացած կամ անհայտ կորած կամ հաշմանդամ ճանաչված` զինվորական ծառայության մեջ չգտնվող անձանց մասին» N 580-Ն որոշման մեջ կատարել հետևյալ լրացումները և փոփոխությունները`

i

1) 1-ին կետի 2-րդ ենթակետը «մարտական գործողություններին մասնակցելու, կամ» բառերից հետո լրացնել «հակառակորդի հետ շփման գծում» բառերով և կետից հանել «, ծառայողական պարտականությունները կատարելիս անհայտ կորած զինծառայողի» բառերը.

2) 1-ին կետի 4-րդ ենթակետում «զոհված (մահացած), անհայտ կորած» բառերը փոխարինել «զոհված (մահացած) կամ անհայտ կորած» բառերով, իսկ «կենսաթոշակային ապահովությունն իրականացվում է» բառերից հետո լրացնել «Պետական կենսաթոշակների մասին» օրենքի 20-23-րդ հոդվածներով» բառերով.

3) 2-րդ կետը շարադրել հետևյալ խմբագրությամբ.

i

«2. Հայաստանի Հանրապետության պաշտպանության նախարարության համակարգի սոցիալական ապահովության խնդիրներ իրականացնող ստորաբաժանումը պարտավոր է զոհված (մահացած) կամ անհայտ կորած կամավորականի ընտանիքի անդամի, հաշմանդամ ճանաչված կամավորականի պահանջով նրանց ապահովել սոցիալական ապահովության իրավունքներից և երաշխիքներից օգտվելու համար անհրաժեշտ փաստաթղթերով:».

i

4) 3-րդ կետում «2004 թվականի հունվարի 15-ի N 46-Ն» բառերը փոխարինել «2018 թվականի ապրիլի 12-ի N 405-Ն» բառերով.

5) 4-րդ կետի 1-ին ենթակետը շարադրել հետևյալ խմբագրությամբ.

i

«1) վնասվածքը կամ խեղումն ստացել է համապատասխանաբար` Հայաստանի Հանրապետության պաշտպանության մարտական գործողությունների կամ հակառակորդի հետ շփման գծում մարտական հերթապահություն կամ հատուկ առաջադրանք կատարելու ժամանակ կամ հակառակորդի նախահարձակ գործողության հետևանքով` սույն որոշման 1-ին կետի 2-րդ ենթակետում նշված կամավորականի համար.»:

2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից և տարածվում 2020 թվականի սեպտեմբերի 27-ից ծագած իրավահարաբերությունների վրա:

 

Հայաստանի Հանրապետության

    վարչապետ                     Ն. Փաշինյան

 

2020 թ. հոկտեմբերի

Երևան

 

Պաշտոնական հրապարակման օրը` 9 հոկտեմբերի 2020 թվական:

 

 

pin
ՀՀ կառավարություն
08.10.2020
N 1660-Ն
Որոշում