| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտը ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
3 նոյեմբերի 2020 թվականի N 3859-Լ
ՀԻՎԱՆԴԱՆՈՑԱՅԻՆ ՊԱՅՄԱՆՆԵՐՈՒՄ ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՄԲ (COVID-19) ԲՈՒԺՈՒՄ ՍՏԱՑՈՂ ՊԱՑԻԵՆՏՆԵՐԻՆ ՌԵՄԴԵՍԻՎԻՐ ԴԵՂԻ ՏՐԱՄԱԴՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
i
Հիմք ընդունելով «Հայաստանի Հանրապետության բնակչության սանիտարահամաճարակային անվտանգության ապահովման մասին» ՀՀ օրենքի 20.11-րդ հոդվածը,
ՀՐԱՄԱՅՈՒՄ ԵՄ`
1. Հաստատել «Հիվանդանոցային պայմաններում կորոնավիրուսային հիվանդությամբ (COVID-19) բուժում ստացող պացիենտներին Ռեմդեսիվիր դեղի տրամադրման կարգը»` համաձայն Հավելվածի:
2. Բժշկական օգնություն և սպասարկում իրականացնող կազմակերպությունների ղեկավարներին`
հիվանդանոցային պայմաններում կորոնավիրուսային հիվանդությամբ բուժում ստացող պացիենտներին Ռեմդեսիվիր դեղի տրամադրումը կազմակերպել սույն հրամանի հավելվածով հաստատված կարգի համաձայն:
3. Առողջապահության նախարարության հասարակայնության հետ կապերի բաժնի պետ Լիլիթ Բաբախանյանին`
1) ապահովել սույն հրամանի տեղադրումը առողջապահության նախարարության պաշտոնական կայքում:
4. Սույն հրամանը ուժի մեջ է մտնում հրապարակմանը հաջորդող օրվանից:
Ա. ԹՈՐՈՍՅԱՆ
Հավելված
Առողջապահության նախարարի
2020 թվականի նոյեմբերի 3-ի
N 3859-Լ հրամանի
ԿԱՐԳ
ՀԻՎԱՆԴԱՆՈՑԱՅԻՆ ՊԱՅՄԱՆՆԵՐՈՒՄ ԿՈՐՈՆԱՎԻՐՈՒՍԱՅԻՆ ՀԻՎԱՆԴՈՒԹՅԱՄԲ (COVID-19) ԲՈՒԺՈՒՄ ՍՏԱՑՈՂ ՊԱՑԻԵՆՏՆԵՐԻՆ ՌԵՄԴԵՍԻՎԻՐ ԴԵՂԻ ՏՐԱՄԱԴՐՄԱՆ
._____________________________________________________________________.
|Կլինիկական ընթացք |Հակավիրուսային թերապիա |
|_________________________________|___________________________________|
|Միջին ծանրության ընթացք |Դիտարկել ռեմդեսիվիրի տրամադրումը, |
|(առկա է թոքային ինֆիլտրացիայի |եթե չկան հակացուցումներ. 1-ին օր` |
|օջախներ ըստ ռադիոլոգիական |1-ին օր` 200 մգ ն/ե կաթ. |
|հետազոտության տվյալների, բայց չկա|2-5-րդ օրերին` 100 մգ ն/ե կաթ. |
|հիպօքսիա, տախիպնոէ, սատուրացիան | |
|>94%) | |
|_________________________________|___________________________________|
|Ծանր ընթացք` |Դիտարկել ռեմդեսիվիրի տրամադրումը, |
|ցածր թթվածնային հոսքեր պահանջող |եթե չկան հակացուցումներ. |
| |1-ին օր` 200 մգ ն/եկաթ. |
| |2-5-րդ օրերին` 100 մգն/եկաթ. |
|_________________________________|___________________________________|
|Ծանր ընթացք` |Դիտարկել ռեմդեսիվիրի տրամադրումը, |
|բարձր թթվածնային հոսքեր պահանջող,|եթե չկան հակացուցումներ կոնսիլիումի|
|մեխանիկական վենտիլյացիա պահանջող |որոշմամբ` 10 օրյա բուժման |
|պացիենտներ |տևողությամբ. |
| |1-ին օր` 200 մգ ն/ե կաթ |
| |2-10-րդ օրերին` 100 մգ ն/ե կաթ. |
._____________________________________________________________________.
*https://www.accessdata.fda.gov/drugsatfda_docs/label/2020 /214787Orig1s000lbl.pdf
ԱՄՆ պարենի և դեղերի վարչության կողմից գրանցման ժամանակ հաստատված կիրառման հրահանգ