| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտը ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
28 հունիսի 2019 թվականի N 1771-Լ
ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԵՎ ԱՐՏՈՆՅԱԼ ՊԱՅՄԱՆՆԵՐՈՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ՇՐՋԱՆԱԿՆԵՐՈՒՄ ՈՒՌՈՒՑՔԱԲԱՆԱԿԱՆ ԾԱՌԱՅՈՒԹՅԱՆ ԿԱԶՄԱԿԵՐՊՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
i
Հիմք ընդունելով 2018 թվականի հունիսի 11-ի թիվ 728-Լ որոշմամբ հաստատված Առողջապահության նախարարության կանոնադրության 18-րդ կետի 20-րդ ենթակետը.
ՀՐԱՄԱՅՈՒՄ ԵՄ`
1. Հաստատել պետության կողմից երաշխավորված անվճար և արտոնյալ պայմաններով բժշկական օգնության և սպասարկման շրջանակներում ուռուցքաբանական ծառայության կազմակերպման կարգը` համաձայն հավելվածի:
2. Առողջապահության նախարարության «Ակադեմիկոս Ս. Ավդալբեկյանի անվան առողջապահության ազգային ինստիտուտ» ՓԲԸ տնօրեն Ա. Բազարչյանին` սույն հրամանն ուժի մեջ մտնելու օրվանից երկամսյա ժամկետում ապահովել սույն հրամանի հավելվածով հաստատված ձևաթղթերի մուտքագրումը էլեկտրոնային առողջապահության միասնական համակարգ:
3. Պետության կողմից երաշխավորված անվճար և արտոնյալ պայմաններով բժշկական օգնություն և սպասարկում իրականացնող կազմակերպությունների ղեկավարներին առաջարկել
1) սույն հրամանն ուժի մեջ մտնելուց երկու ամիս հետո, պետության կողմից երաշխավորված անվճար և արտոնյալ պայմաններով բժշկական օգնության և սպասարկման շրջանակներում ուռուցքաբանական ծառայությունը կազմակերպել համաձայն սույն հրամանի հավելվածով հաստատված կարգի,
2) սույն հրամանն ուժի մեջ մտնելուց երկու ամիս հետո մեկամսյա ժամկետում ուռուցքաբանական (վիրաբուժական և քիմիաթերապևտիկ) բժշկական օգնության և սպասարկման տեսակի իրականացման համար լիցենզավորված հիվանդանոցային բժշկական կազմակերպություններում ձևավորել ուռուցքաբանական խումբ/խմբեր և սահմանել ուռուցքաբանական խմբի/խմբերի գործունեության աշխատակարգ` իրականացված աշխատանքների վերաբերյալ տասնօրյա ժամկետում տեղեկատվություն ներկայացնելով Առողջապահության նախարարություն:
4. Առողջապահության նախարարության հասարակայնության հետ կապերի բաժնի պետ Լ. Բաբախանյանին` ապահովել սույն հրամանի տեղադրումն Առողջապահության նախարարության պաշտոնական կայքում:
5. Սույն հրամանի կատարման հսկողությունը հանձնարարել Առողջապահության նախարարի տեղակալ Լ. Հակոբյանին:
6. Սույն հրամանն ուժի մեջ է մտնում հրապարակմանը հաջորդող օրվանից:
Ա. ԹՈՐՈՍՅԱՆ
Հավելված
առողջապահության նախարարի
2019 թվականի հունիսի 28-ի
N 1771-Լ հրամանի
ԿԱՐԳ
ՊԵՏՈՒԹՅԱՆ ԿՈՂՄԻՑ ԵՐԱՇԽԱՎՈՐՎԱԾ ԱՆՎՃԱՐ ԵՎ ԱՐՏՈՆՅԱԼ ՊԱՅՄԱՆՆԵՐՈՎ ԲԺՇԿԱԿԱՆ ՕԳՆՈՒԹՅԱՆ ԵՎ ՍՊԱՍԱՐԿՄԱՆ ՇՐՋԱՆԱԿՆԵՐՈՒՄ ՈՒՌՈՒՑՔԱԲԱՆԱԿԱՆ ԾԱՌԱՅՈՒԹՅԱՆ ԿԱԶՄԱԿԵՐՊՄԱՆ
1. Սույն կարգով կարգավորում են ամբուլատոր-պոլիկլինիկական և հիվանդանոցային բժշկական կազմակերպություններում ուռուցքաբանական ծառայության կազմակերպման հետ կապված հարաբերությունները:
1. ԱՄԲՈՒԼԱՏՈՐ-ՊՈԼԻԿԼԻՆԻԿԱԿԱՆ ԲԺՇԿԱԿԱՆ ԿԱԶՄԱԿԵՐՊՈՒԹՅՈՒՆՆԵՐՈՒՄ ՈՒՌՈՒՑՔԱԲԱՆԱԿԱՆ ԾԱՌԱՅՈՒԹՅԱՆ ԿԱԶՄԱԿԵՐՊՈՒՄԸ
2. Գյուղական առողջության կենտրոններում, գյուղական բժշկական ամբուլատորիաներում, առողջության առաջնային պահպանման կենտրոններում (ներառյալ նրանց կազմում գործող բուժակ-մանկաբարձական կետերում) և ընտանեկան բժիշկների անհատական կամ խմբային անկախ պրակտիկաներում ուռուցքաբանական ծառայությունը կազմակերպվում է ընտանեկան բժիշկների կողմից, տվյալ կազմակերպությունում հավաքագրված ողջ բնակչության համար` այդ տարածաշրջանում ուռուցքաբանի բացակայության դեպքում:
3. Քաղաքային պոլիկլինիկական բժշկական կազմակերպություններում ուռուցքաբանական ծառայությունն իրականացվում է ուռուցքաբանների կողմից (առկայության դեպքում), իսկ ուռուցքաբանի բացակայության դեպքում` ուռուցքաբանական ծառայությունը կազմակերպվում է առողջության առաջնային պահպանման (այսուհետ` ԱԱՊ) մասնագետների (ընտանեկան բժիշկ/թերապևտ) կողմից` իրենց կողմից հավաքագրված ողջ բնակչության համար:
4. Երեխաների ուռուցքաբանական խորհրդատվությունը և բժշկական օգնությունն ու սպասարկումն իրականացվում է`
1) ամբուլատոր-պոլիկլինիկական բժշկական կազմակերպություններում (պոլիկլինիկայի մանկական բաժանմունք, մանկական պոլիկլինիկա)` տեղամասային մանկաբույժի (ընտանեկան բժշկի) ուղեգրմամբ:
2) Պետական պատվերի ծավալներով սահմանված պարտադիր նեղ մասնագետների և համապատասխան հետազոտությունների հնարավորության բացակայության դեպքում, երեխաների բժշկական օգնությունն ու սպասարկումը պայմանագրային հիմունքներով կազմակերպվում է համապատասխան լիցենզիա ունեցող այլ բժշկական կազմակերպությունների կամ մասնագետների միջոցով:
3) Մասնագիտական խորհրդատվություն և տարբերակիչ ախտորոշում պահանջող դեպքերում պետական պատվերի շրջանակներում երեխաների ուռուցքաբանական խորհրդատվությունը կարող է կազմակերպվել նաև հիվանդանոցային բժշկական կազմակերպությունների մանկական նեղ մասնագիտացված կամ արտահիվանդանոցային ծառայությունների միջոցով` տարածքային ամբուլատոր-պոլիկլինիկական բժշկական կազմակերպության ուղեգրմամբ: Լաբորատոր-գործիքային հետազոտությունների կրկնումից խուսափելու նպատակով ուղեգրին կցվում են ամբուլատոր-պոլիկլինիկական բժշկական կազմակերպությունում կատարած լաբորատոր-գործիքային հետազոտությունների արդյունքները կամ քաղվածքը երեխայի բժշկական հսկողության քարտից:
5. ԱԱՊ մասնագետներն (ընտանեկան բժիշկ/թերապևտ) իրականացնում են`
1) նախաքաղցկեղով և քաղցկեղի կասկածով պացիենտների ախտորոշման ճշգրտման նպատակով ուղեգրում տվյալ տարածքը սպասարկող ամբուլատոր-պոլիկլինիկական կազմակերպության ուռուցքաբանական կաբինետ (առկայության դեպքում), իսկ առկայության դեպքում` ուռուցքաբանական դիսպանսեր, մասնագիտական խորհրդատվության:
2) պալիատիվ բուժօգնության տրամադրում` համաձայն Առողջապահության նախարարի 2017 թվականի հոկտեմբերի 18-ի N 45-Ն հրամանով հաստատված չափորոշչի:
6. Բժիշկ-ուռուցքաբանի մասնագիտական խորհրդատվությունը կազմակերպվում է ԱԱՊ մասնագետի ուղեգրումից հետո ոչ ուշ քան 3 աշխատանքային օրվա ընթացքում:
7. Բժիշկ-ուռուցքաբանի մասնագիտական խորհրդատվության արդյունքները ներկայացվում են ԱԱՊ մասնագետին` խորհրդատվությունից հետո ոչ ուշ քան 5 աշխատանքային օրվա ընթացքում:
8. Բժիշկ-ուռուցքաբանի, իսկ վերջինիս բացակայության դեպքում` ԱԱՊ մասնագետների, կողմից պացիենտներն ուղեգրվում են լաբորատոր-գործիքային ախտորոշիչ հետազոտությունների:
9. Իրականացված լաբորատոր-գործիքային ախտորոշիչ հետազոտությունների արդյունքներով բժիշկ-ուռուցքաբանի, իսկ վերջինիս բացակայության դեպքում` ԱԱՊ մասնագետների, կողմից պացիենտներն ուղեգրվում են պետական պատվեր իրականացնող ուռուցքաբանական (վիրաբուժական և քիմիաթերապևտիկ) բժշկական օգնության և սպասարկման տեսակի իրականացման համար լիցենզավորված հիվանդանոցային բժշկական կազմակերպություն (այսուհետ` մասնագիտացված կազմակերպություն)` ախտորոշման հաստատման և բուժման կազմակերպման նպատակով:
10. Մասնագիտացված կազմակերպության կողմից ներկայացված չարորակ նորագոյացություններով պացիենտի անհատական բուժման պլանը (Ձև 2) ստանալուց հետո բժիշկ-ուռուցքաբանը, իսկ վերջինիս բացակայության դեպքում` ԱԱՊ մասնագետը.
1) սույն կարգի 14-րդ կետով սահմանված ձևով վերահսկում է միջփուլային միջոցառումների կատարումը, մուտքագրելով ընթացքը էլեկտրոնային առողջապահության համակարգ,
2) ԱԱՊ կազմակերպություններում պացիենտի անհատական բուժման/վարման պլանում նշված միջոցառումների իրականացման անհնարինության (երբ նշանակված լաբորատոր-գործիքային ախտորոշիչ հետազոտությունները կամ նեղ մասնագիտական խորհրդատվությունները հնարավոր չէ իրականացնել ԱԱՊ կազմակերպություններում) դեպքում, ուղեգրում է համապատասխան բժշկական կազմակերպություններ,
3) սահմանված փուլերի կատարումը վերջացնելուց հետո կամ պլանի փոփոխության անհրաժեշտություն առաջանալու դեպքում տեղեկացնում է սույն կարգի 30-րդ կետում նշված տվյալ պացիենտի բուժումը վարող բժիշկ-ուռուցքաբանին:
11. Ուռուցքաբանական կաբինետների բժիշկը (ուռուցքաբանը)` նորագոյացություններով պացիենտների գրանցման և հաշվառման նպատակով վարում է քարտադարան, որտեղ պահվում են սույն հրամանով հաստատված ուռուցքաբանական պացիենտի ամբուլատոր քարտը (Ձև 3, կցվում է):
12. ՈՒռուցքաբանական կաբինետի բժիշկն իրականացնում է.
1) ԱԱՊ բժշկի կամ ամբուլատոր-պոլիկլինիկական բժշկական կազմակերպության նեղ մասնագետի կողմից ուղեգրված պացիենտների խորհրդատվական ընդունելություն,
2) նորագոյացություններով պացիենտների մասնագիտական խորհրդատվություն, ընդ որում չարորակ նորագոյացությունների դեպքում ուռուցքաբանական կաբինետի բժիշկը առաջնորդվում է պացիենտի անհատական բուժման պլանով (Ձև 2)
3) առաջնակի ախտորոշման հաստատման նպատակով պացիենտների ուղեգրում մասնագիտացված բժշկական կազմակերպություններ,
4) բժշկական օգնություն և սպասարկում,
5) անհրաժեշտության դեպքում պացիենտների հոսպիտալացման կազմակերպում,
6) անհրաժեշտ լաբորատոր-գործիքային ախտորոշիչ հետազոտությունների կազմակերպում,
7) հայտնաբերված բոլոր նորագոյացություններով պացիենտների նկատմամբ սիստեմատիկ շարունակական հսկողություն,
8) ժամանակավոր անաշխատունակության փորձաքննություն,
9) բժշկասոցիալական փորձաքննության ուղեգրում,
10) միևնույն բժշկական կազմակերպության ներսում նեղ մասնագիտական խորհրդատվության ուղեգրում` մեծահասակի ամբուլատոր բժշկական քարտով/երեխայի բժշկական հսկողության ամբուլատոր քարտով` դրանում կատարելով համապատասխան գրանցում (նշանակում),
11) նորագոյացություններով պացիենտների գրանցում, ժամանակին հաշվառում,
12) պացիենտների տնային այցելությունների ապահովում` ինչպես իր, այնպես և (անհրաժեշտության դեպքում) ամբուլատոր-պոլիկլինիկական բժշկական կազմակերպության այլ մասնագետների կողմից նշանակման դեպքում, բացառությամբ` IV կլինիկական փուլում գտնվող պացիենտների, որոնց այցելություններն իրականացվում են ԱԱՊ բժիշկների և բուժքույրերի կողմից,
13) սույն հրամանով հաստատված` կյանքում առաջին անգամ ախտորոշված ուռուցքաբանական պացիենտների վերաբերյալ հաշվետվության (Ձև 6, կցվում է) կազմում, ներկայացում բժշկական կազմակերպության տնօրենին և ժամանակին հանձնումը «Ակադեմիկոս Ս. Ավդալբեկյանի անվան առողջապահության ազգային ինստիտուտ» փակ բաժնետիրական ընկերության «Չարորակ նորագոյացությունների ազգային ռեգիստր» տեղեկատվական բաժին և «Ֆանարջյանի անվան ուռուցքաբանության ազգային կենտրոն» փակ բաժնետիրական ընկերություն:
13. Չարորակ նորագոյացություններով պացիենտների շարունակական հսկողությունը (բացառությամբ մաշկի բազալիոմայի) իրականացվում է մշտապես սույն կարգի 2-րդ և 3-րդ կետում նշված մասնագետների կողմից` սույն կարգի 30-րդ կետում նշված բժիշկ- ուռուցքաբանի կողմից կազմված հետագա շարունակական հսկողության պլանի համաձայն, ընդ որում.
1) հսկողության 1-ին տարում ապահովվում է տարեկան առնվազն 4 այց,
2) հսկողության 2-րդ տարում ապահովվում է տարեկան առնվազն 3 այց,
3) հսկողության 3-րդ տարվանից սկսած ապահովվում է տարեկան առնվազն 2 այց,
4) հսկողության 4-րդ տարվանից սկսած ապահովվում է տարեկան առնվազն 1 այց,
14. Բժիշկ-ուռուցքաբանը, իսկ վերջինիս բացակայության դեպքում` ԱԱՊ մասնագետը, շարունակական հսկողության պլանին համապատասխան, սահմանում է հսկողություն պացիենտի նկատմամբ` հեռախոսի կամ էլեկտրոնային փոստի միջոցով պատշաճ իրազեկելով պացիենտին կատարվելիք առաջիկա այցի ժամկետի վերաբերյալ, իսկ այցի ընթացքում` ներկայացնելով շարունակական հսկողության ժամկետները:
15. Բժիշկ-ուռուցքաբանը, իսկ վերջինիս բացակայության դեպքում` ԱԱՊ մասնագետը տարեկան մեկ անգամ, անկախ շարունակական հսկողության պլանում նշված լաբորատոր ախտորոշիչ հետազոտություններից, պետության կողմից երաշխավորված անվճար և արտոնյալ պայմաններով բժշկական օգնության և սպասարկման շրջանակներում կազմակերպում է շարունակական հսկողության վերցված չարորակ նորագոյացություններով բոլոր պացիենտների արյան ընդհանուր քննություն և ըստ ուռուցքաբանի նշանակման հետևյալ օնկոմարկերների (քաղցկեղային մարկեր «CA 125», «CA 15-3», «CA 19-9», արգանդի քաղցկեղային մարկեր «HE4», պրոստատ սպեցիֆիկ հակածին ընդհանուր «PSA-T», պրոստատ սպեցիֆիկ հակածին ազատ «PSA-F», կարցինոէմբրիոնալ հակածին «CEA», ալֆա- ֆետոպրոտեին «AFP- ալֆա») որոշում:
16. Բժիշկ-ուռուցքաբանը, իսկ վերջինիս բացակայության դեպքում` ԱԱՊ մասնագետն իրականացնում է ուռուցքաբանական հիվանդություն ունեցող պացիենտի ժամանակավոր անաշխատունակության փորձաքննություն, անհրաժեշտության դեպքում ուղեգրում բժշկասոցիալական փորձաքննության:
17. Չարորակ նորագոյացություններով պացիենտների դեղերով ապահովումն իրականացվում է ամբուլատոր-պոլիկլինիկական բժշկական կազմակերպությունների ուռուցքաբանների, իսկ վերջիններիս բացակայության դեպքում` ԱԱՊ մասնագետների (ընտանեկան բժիշկ/թերապևտ) կողմից: Դեղերը տրվում են Հայաստանի Հանրապետության կառավարության 2019 թվականի մայիսի 30-ի N 642-Ն որոշման համաձայն` հիմք ընդունելով ՀՀ Առողջապահության նախարարի կողմից հաստատված «Հիմնական դեղերի ցանկ»-ը: Սիմպտոմատիկ դեղերը և հորմոնային ու հակահորմոնային բուժման դեղերը (մասնավորապես` տամօքսիֆեն և անաստրոզոլ) տրամադրվում են անվճար` անկախ պացիենտի սոցիալական պատկանելությունից:
18. Չարորակ նորագոյացություններով պացիենտներին թմրամիջոցներ և հոգեմետ (հոգեներգործուն) նյութեր նշանակվում են ամբուլատոր-պոլիկլինիկական բժշկական կազմակերպությունների ուռուցքաբանների, իսկ վերջիններիս բացակայության դեպքում` ԱԱՊ մասնագետների (ընտանեկան բժիշկ/թերապևտ) կողմից` Առողջապահության նախարարի 2018 թվականի օգոստոսի 15-ի N 17-Ն հրամանի համաձայն:
19. Ամբուլատոր-պոլիկլինիկական բժշկական կազմակերպությունները հատուկ և դժվարամատչելի ախտորոշիչ հետազոտությունները կազմակերպում են Առողջապահության նախարարի համապատասխան հրամանով հաստատված` բնակչությանը պետության կողմից երաշխավորված անվճար և արտոնյալ պայմաններով բժշկական օգնության և սպասարկման շրջանակներում հատուկ և դժվարամատչելի ախտորոշիչ հետազոտությունների տրամադրման չափորոշչի, հատուկ և դժվարամատչելի ախտորոշիչ հետազոտությունների ցանկին և կառավարության 2004 թվականի մարտի 4-ի N 318-Ն որոշման N 7 հավելվածով սահմանված ուղեգրի ձևին համապատասխան:
20. Ուռուցքաբանական որոշ հիվանդությունների վաղ ախտորոշման, չարորակ նորագոյացություններով պացիենտների բժշկական օգնության և սպասարկման արդյունավետության բարձրացման նպատակով բժիշկներն առաջնորդվում են 2010 թվականի «Նախաուռուցքային և ուռուցքային հիվանդությունների վաղ ախտորոշում» մեթոդական ձեռնարկով:
21. Առանձին դեպքերում (ոչ ավելի, քան տարվա կտրվածքով տարածքային ամբուլատոր-պոլիկլինիկական բժշկական կազմակերպությունների ուղեգրվող պացիենտների ընդհանուր թվի 25 տոկոսի չափով) տարածքային ամբուլատոր-պոլիկլինիկական բժշկական կազմակերպությունների ուղեգրի բացակայության դեպքում, պացիենտների հետազոտությունների իրականացումը պետական պատվերի շրջանակներում «Ֆանարջյանի անվան ուռուցքաբանության ազգային կենտրոն» փակ բաժնետիրական ընկերության պոլիկլինիկական և դիսպանսեր հսկողության բաժանմունքի ընդհանուր պրակտիկայի բժշկի ուղեգրմամբ` բժշկական ցուցումների առկայության դեպքում:
2. ՈՒՌՈՒՑՔԱՅԻՆ ՀԻՎԱՆԴՈՒԹՅՈՒՆՆԵՐՈՎ ՊԱՑԻԵՆՏՆԵՐԻ ՎԱՐՈՒՄԸ ԵՎ ՀԱՇՎԱՌՈՒՄԸ
22. Մասնագիտացված կազմակերպությունում ախտորոշումը ճշտելուց հետո, սույն հրամանով հաստատված խորհրդատվության թերթիկում (Ձև 7, կցվում է) ուռուցքաբանական ծառայություն իրականացրած բժշկական կազմակերպության կողմից կատարված գրառման հիման վրա պացիենտը վերցվում է հաշվառման իրեն ուղեգրած ամբուլատոր-պոլիկլինիկական բժշկական կազմակերպությունում` ուռուցքաբանի կողմից, իսկ նախաքաղցկեղային հիվանդությունների դեպքում` նաև այլ մասնագետների կողմից (օրինակ` գինեկոլոգի, վիրաբույժի): Նախաքաղցկեղային հիվանդության արմատական (ռադիկալ) բուժումից հետո, պացիենտը ևս 1 տարվա ընթացքում գտնվում է շարունակական հսկողության մեջ, հետազոտվում է եռամսյակը մեկ անգամ, և հանվում դիսպանսեր հսկողությունից` միայն ամբողջությամբ առողջացման դեպքում:
23. Եթե պացիենտը ենթակա չէ հիվանդանոցային մասնագիտացված բժշկական օգնության և սպասարկման (վիրահատություն, ճառագայթային բուժում, քիմիաթերապիա), ապա պացիենտի համար մասնագիտացված կազմակերպությունում լրացվում է ուռուցքաբանական պացիենտի ամբուլատոր բժշկական քարտ և խորհրդատվության թերթիկ և հետագա հսկողությունն ու պալիատիվ բժշկական օգնությունը և սպասարկումն իրականացվում է ամբուլատոր-պոլիկլինիկական բժշկական կազմակերպությունում` ուռուցքաբանի հսկողության ներքո` համաձայն Առողջապահության նախարարի 2017 թվականի հոկտեմբերի 18-ի N 45-Ն հրամանով հաստատված չափորոշչի:
24. «Չարորակ նորագոյացություն» ախտորոշման հաստատման դեպքում բժշկական կազմակերպությունների կողմից լրացվում է Առողջապահության նախարարի 2016 թվականի օգոստոսի 1-ի N 27-Ն հրամանով հաստատված «Չարորակ նորագոյացությունների հաշվառման միասնական թերթիկ» և ներկայացվում «Ակադեմիկոս Ս. Ավդալբեկյանի անվան առողջապահության ազգային ինստիտուտ» փակ բաժնետիրական ընկերության «Չարորակ նորագոյացությունների ազգային ռեգիստր» տեղեկատվական բաժին և «Վ. Ֆանարջյանի անվան ուռուցքաբանության ազգային կենտրոն» ՓԲԸ:
24.1. Բոլոր բժշկական կազմակերպությունները պացիենտի մոտ չարորակ նորագոյացության ախտորոշման դեպքում «Ֆանարջյանի անվան ուռուցքաբանության ազգային կենտրոն» փակ բաժնետիրական ընկերության կազմակերպամեթոդական բաժին են ուղարկում սույն հրամանով հաստատված` կյանքում առաջին անգամ հաստատված չարորակ նորագոյացություն ախտորոշմամբ պացիենտի մասին ծանուցագիրը (Ձև 1, կցվում է):
25. Եթե պացիենտը բուժվել է հիվանդանոցային բժշկական կազմակերպությունում, ապա դուրս գրվելուց հետո պացիենտի` մեծահասակի ամբուլատոր բժշկական քարտի/երեխայի բժշկական հսկողության ամբուլատոր քարտի մեջ փակցվում է սույն հրամանով հաստատված էպիկրիզի (Ձև 8, կցվում է) պատճենը, տրված հիվանդանոցային բժշկական կազմակերպության կողմից:
26. Պացիենտին առաջնակի դիսպանսերային հսկողության վերցնելու հիմք է հանդիսանում մասնագիտացված կազմակերպության կողմից տրված էպիկրիզը, սույն հրամանով հաստատված հիվանդանոցային բուժման մեջ գտնվելու տեղեկանքը (Ձև 9) կամ խորհրդատվության թերթիկը:
26.1. Հիվանդության բարձիթողի դեպքերում` մասնագիտացված կազմակերպությունում 2 օրինակով կազմվում է սույն հրամանով հաստատված` պացիենտի մոտ ուշ փուլի (III-IV կլինիկական փուլ) չարորակ ուռուցքի հայտնաբերման արձանագրություն (Ձև 5, կցվում է), ընդ որում. արձանագրության առաջին օրինակը փակցվում է հիվանդության պատմագրի (ամբուլատոր քարտի) մեջ, երկրորդ օրինակը էլեկտրոնային փոստի միջոցով ուղարկվում է պացիենտին սպասարկող ԱԱՊ հաստատության ուռուցքաբանին: Բարձիթողի է համարվում այն դեպքը, երբ կյանքում առաջին անգամ ախտորոշվել է քաղցկեղ արդեն IV կլինիկական փուլում կամ տեսանելի տեղակայմամբ ուռուցքային ախտահարումը հայտնաբերվում է III փուլում (մաշկ, արգանդի վզիկ, կրծքագեղձ և այլն):
3. ՀԻՎԱՆԴԱՆՈՑԱՅԻՆ ԲԺՇԿԱԿԱՆ ՕԳՆՈՒԹՅՈՒՆ ԵՎ ՍՊԱՍԱՐԿՈՒՄ ԻՐԱԿԱՆԱՑՆՈՂ ԿԱԶՄԱԿԵՐՊՈՒԹՅՈՒՆՆԵՐՈՒՄ ՈՒՌՈՒՑՔԱԲԱՆԱԿԱՆ ԾԱՌԱՅՈՒԹՅԱՆ ԿԱԶՄԱԿԵՐՊՈՒՄԸ
27. Պետության կողմից երաշխավորված անվճար կամ արտոնյալ պայմաններով հիվանդանոցային բժշկական օգնության և սպասարկման շրջանակներում չարորակ նորագոյացությունների (այդ թվում` օնկոհեմատոլոգիական) բժշկական օգնությունը և սպասարկումը ներառում է.
1) անվճար պայմաններով`
ա. հիվանդանոցային պայմաններում չարորակ նորագոյացությունների վիրահատական բուժումը (բացառությամբ առողջապահության բնագավառի պետական լիազոր մարմնի հրամանով հաստատված նորագույն և թանկարժեք տեխնոլոգիաների կիրառմամբ մատուցվող բժշկական ծառայությունների ցանկում ընդգրկված ծառայությունների)` բնակչության բոլոր խմբերի համար` հիմք ընդունելով Առողջապահության նախարարի 2019 թվականի հունվարի 10-ի թիվ 20-Ա հրամանը,
բ. ճառագայթային բուժումը` սոցիալապես անապահով և առանձին (հատուկ) խմբերում ընդգրկված անձանց, ինչպես նաև Հայաստանի Հանրապետության կառավարության 2004 թվականի մարտի 4-ի N 318-Ն որոշման N 1 հավելվածում նշված սոցիալապես անապահով ու առանձին (հատուկ) խմբերում չընդգրկված 7-18 տարեկան երեխաների համար, իսկ բժշկական գծային արագացուցիչով ճառագայթային բուժումը` Հայաստանի Հանրապետության կառավարության 2004 թվականի մարտի 4-ի N 318-Ն որոշման N 5 հավելվածի 2-րդ և 4-րդ կետերում նշված անձանց համար: Ճառագայթային բուժման անցկացման դեպքում լրացվում է ճառագայթային բուժման քարտ` համաձայն Ձև 4-ի,
գ. հիվանդանոցային պայմաններում ախտորոշումը ճշտելու նպատակով հետազոտումը` սոցիալապես անապահով և առանձին (հատուկ) խմբերում ընդգրկված անձանց համար,
դ. սիմպտոմատիկ բուժումը` սոցիալապես անապահով և առանձին (հատուկ) խմբերում ընդգրկված անձանց համար;
2) արտոնյալ պայմաններով`
ա. քիմիաթերապևտիկ բուժումը` բնակչության բոլոր խմբերի համար` Առողջապահության նախարարի 2019 թվականի հունվարի 10-ի թիվ 20-Ա հրամանով հաստատված ուռուցքաբանական և արյունաբանական հիվանդությունների բժշկական օգնության ծառայությունների փոխհատուցման սկզբունքների համաձայն,
բ. ճառագայթային բուժումը` Հայաստանի Հանրապետության կառավարության 2004 թվականի մարտի 4-ի N 318-Ն որոշման N 1 հավելվածում նշված սոցիալապես անապահով ու առանձին (հատուկ) խմբերում չընդգրկված անձանց համար:
28. Չարորակ նորագոյացությունների` պետության կողմից երաշխավորված անվճար հիվանդանոցային բժշկական օգնությունը և սպասարկումը կազմակերպվում է`
1) պետական պատվեր իրականացնող «ուռուցքաբանական (վիրաբուժական և քիմիաթերապևտիկ)» բժշկական օգնության և սպասարկման տեսակի գործունեության լիցենզիա ունեցող հիվանդանոցային բժշկական կազմակերպություններում, իսկ ճառագայթային բուժման համար` պետական պատվեր իրականացնող «ուռուցքաբանական (ճառագայթային թերապիա)» բժշկական օգնության և սպասարկման տեսակի գործունեության լիցենզիա ունեցող հիվանդանոցային բժշկական կազմակերպություններում,
2) վերակենդանացման բժշկական միջամտություն պահանջող վիճակների դեպքում` պետական պատվեր իրականացնող «վերակենդանացման» կամ «շտապ և անհետաձգելի» բժշկական օգնության և սպասարկման համապատասխան տեսակների գործունեության լիցենզիա ունեցող հիվանդանոցային բժշկական կազմակերպություններում,
3) Հայաստանի Հանրապետության կառավարության 2004 թվականի մարտի 4-ի N 318-Ն որոշման N 1 հավելվածում նշված սոցիալապես անապահով և առանձին (հատուկ) խմբերում ընդգրկված անձանց` անհետաձգելի հիվանդանոցային բժշկական օգնություն և սպասարկում պահանջող դեպքերում` շտապ բժշկական օգնության ծառայության ուղեգրով, պոլիկլինիկական ծառայության բժիշկ-ուռուցքաբանի, իսկ վերջինիս բացակայության դեպքում` ԱԱՊ մասնագետի ուղեգրով կամ հիվանդանոցային օգնություն իրականացնող բժշկական կազմակերպության ընդունարանի (հերթապահ) բժշկի եզրակացությամբ,
4) չարորակ նորագոյացություններով պացիենտի` մեկ հիվանդանոցային բժշկական կազմակերպությունից մյուսը տեղափոխումը` այդ բժշկական կազմակերպությունների ղեկավարների փոխհամաձայնությամբ և բժշկական ցուցումներով` պացիենտի տեղափոխման անհրաժեշտությունը հիմնավորող համապատասխան մասնագետի խորհրդատվության և տեղափոխման էպիկրիզի առկայության դեպքում` Առողջապահության նախարարի 2018 թվականի նոյեմբերի 6-ի թիվ 2848-Ա հրամանով հաստատված բնակչությանը պետության կողմից երաշխավորված անվճար և (կամ) արտոնյալ պայմաններով բժշկական օգնության և սպասարկման շրջանակներում հիվանդանոցային բժշկական օգնության և սպասարկման տրամադրման չափորոշչի 20-րդ կետի համաձայն:
29. Սույն կարգի 28-րդ կետի 1-ին ենթակետում նշված բժշկական կազմակերպությունում դեպքերի քննարկման և չարորակ նորագոյացություններով պացիենտների բժշկական օգնության գործընթացը կազմակերպելու համար կազմակերպության տնօրենի հրամանով ստեղծվում է առնվազն հետևյալ մասնագետներից կազմված մշտապես գործող խումբ կամ խմբեր (այսուհետ` ուռուցքաբանական խումբ)` վիրաբույժ-ուռուցքաբան, քիմիոթերապևտ, հյուսվածքաբան, ճառագայթաբան, ճառագայթային ախտորոշման մասնագետ: Անհրաժեշտության դեպքում կազմակերպության տնօրենի հրամանով ուռուցքաբանական խումբը կամ խմբերը կարող են փոփոխվել և ներգրավվել այլ բժիշկ-մասնագետներ: Ուռուցքաբանական խմբում բժշկական կազմակերպության տնօրենի հրամանով կարող է ընդգրկվել նաև ոչ բժիշկ մասնագետ/քարտուղար` տեխնիկական աշխատանքները և փաստաթղթաշրջանառությունը ապահովելու նպատակով:
30. Յուրաքանչյուր պացիենտի բժշկական օգնության կազմակերպման գործընթացը վարում է մասնագիտացված կազմակերպության համապատասխան բժիշկ-ուռուցքաբանը, որն ուղեգրումից հետո 1-3 աշխատանքային օրվա ընթացքում (բացառությամբ անհետաձգելի բժշկական օգնություն և սպասարկում պահանջող վիճակների) զննում է պացիենտին և ուսումնասիրում առկա բժշկական փաստաթղթերը, այդ թվում պացիենտի մոտ առկա իրականացված լաբորատոր-գործիքային ախտորոշիչ և հյուսվածքաբանական կամ բջջաբանական հետազոտությունների արդյունքները և ներկայացնում ուռուցքաբանական խմբին:
31. Ուռուցքաբանական խումբը` 3-5 աշխատանքային օրվա ընթացքում (բացառությամբ անհետաձգելի բժշկական օգնություն և սպասարկում պահանջող վիճակների) ուսումնասիրում է բուժող բժշկի կողմից ներկայացված պացիենտի վերաբերյալ բոլոր բժշկական փաստաթղթերը և կայացնում որոշում:
32. Ուռուցքաբանական խմբի որոշումը ստորագրվում է բոլոր անդամների կողմից և ամրագրվում է պացիենտի հիվանդության պատմագրին:
33. Անհրաժեշտության դեպքում ուռուցքաբանական խմբի քննարկումը կարող է իրականացվել էլեկտրոնային եղանակով:
34. Ուռուցքաբանական խմբի որոշման հիման վրա չարորակ նորագոյացություններով պացիենտի բժշկական օգնության գործընթացը սկսելու համար սույն կարգի 30-րդ կետում նշված բժիշկ-ուռուցքաբանի կողմից կազմվում է պացիենտի անհատական բուժման պլանը (բացառությամբ անհետաձգելի բժշկական օգնություն պահանջող դեպքերի)` համաձայն Ձև 2-ի, ընդ որում պացիենտի անհատական բուժման պլանը կազմվում և հաստատվում է պացիենտի դիմելու օրվանից առավելագույնը 14 օրացուցային օրվա ընթացքում, որտեղ նշվում է բուժման գործընթացի մեկնարկի ժամկետը` հաշվի առնելով պետության կողմից երաշխավորված անվճար և արտոնյալ պայմաններով բժշկական օգնության և սպասարկման պայմանագրային գումարների ամսական համամասնությունները, և իրազեկելով պացիենտին հերթագրման ու բուժման գործընթացի մեկնարկի ժամկետի վերաբերյալ:
34.1 Պացիենտի անհատական բուժման պլանն իր մեջ ներառում է.
1) մինչև բուժումը սկսելն անհրաժեշտ լրացուցիչ լաբորատոր-գործիքային ախտորոշիչ հետազոտությունների ցանկի կազմում, այդ թվում` հյուսվածքաբանական կամ բջջաբանական եզրակացության ապահովում (բացառությամբ այն դեպքերի, երբ հյուսվածքաբանական կամ բջջաբանական հետազոտությունը հակացուցված է կամ տեխնիկապես հնարավոր չէ այն իրականացնել (ինչի մասին համապատասխան գրառում է կատարվում ուռուցքաբանական խմբի որոշման մեջ)), եթե մինչ մասնագիտացված կազմակերպություն դիմելը տվյալ հետազոտությունները չէին իրականացվել, ընդ որում ուլտրաձայնային, ԿՏ և ՄՌՏ հետազոտությունների արդյունքների վաղեմության ժամկետը հետազոտության իրականացման օրվանից սկսած մինչև 3 շաբաթ է, իսկ կլինիկական լաբորատոր հետազոտությունների արդյունքների վաղեմության ժամկետը` հետազոտության իրականացման օրվանից սկսած մինչև 5 օր:
2) բժշկական օգնության և սպասարկման միջամտությունների հերթականության նախնական /փուլերի/ ցանկը և ժամանակացույցը,
3) բուժումը ավարտելուց հետո հետագա հսկողության պլանը:
35. Ուռուցքաբանական խումբը պետք է հաշվի առնի պացիենտի մոտ առկա օրենքով սահմանված կարգով բժշկական օգնության և սպասարկման համապատասխան տեսակի իրականացման համար լիցենզիա ունեցող բժշկական կազմակերպության կողմից տրամադրված լաբորատոր-գործիքային ախտորոշիչ հետազոտությունների արդյունքները սույն կարգի 34.1-րդ կետի 1-ին ենթակետով նախատեսված վաղեմության ժամկետներով և նույն հետազոտությունը/ները կրկնակի իրականացնելու անհրաժեշտության դեպքում, հիմնավորում է վերջիններիս իրականացման անհրաժեշտությունը` կատարելով համապատասխան գրառում ուռուցքաբանական խմբի որոշման մեջ, նշելով հետևյալ հիմքերից առնվազն մեկը.
1) իրականացված լաբորատոր-գործիքային ախտորոշիչ հետազոտությունների վաղեմության ժամկետը լրացել է,
2) լաբորատոր-գործիքային ախտորոշիչ հետազոտությունների արդյունքներն անընթեռնելի են,
3) լաբորատոր-գործիքային ախտորոշիչ հետազոտությունների արդյունքներն ենթարկվել են մեխանիկական վնասման,
4) առկա է հստակ անհամապատասխանություն հետազոտության նկարի և եզրակացության միջև,
5) այլ (հստակ նշել):
36. Այն դեպքերում, երբ սույն կարգի 34-րդ կետի 1-ին ենթակետի համաձայն ուռուցքաբանական խմբի որոշման հիման վրա հնարավոր չէ ապահովել հյուսվածքաբանական կամ բջջաբանական եզրակացության առկայությունը և չախտորոշված չարորակ նորագոյացություններով պացիենտի մոտ սույն կարգի 34-րդ կետում նշված անհատական բուժման պլանի համաձայն կատարվել է վիրահատական միջամտություն, վիրահատությունից հետո հյուսվածքաբանական կամ բջջաբանական հետազոտության արդյունքում հաստատված «չարորակ նորագոյացություն» եզրակացության դեպքում վիրահատական միջամտություն իրականացնող բժշկական կազմակերպությունը պացիենտին է վերադարձնում վիրահատության համար պացիենտի կողմից վճարված գումարը:
37. Յուրաքանչյուր փուլի ավարտից հետո անհատական պլանում նշվում է պացիենտի հետագա հսկողության միջոցառումները, որը մուտքագրվում է էլեկտրոնային առողջապահության համակարգ և տեղեկացնում պացիենտին սպասարկող ԱԱՊ մասնագետին` էլեկտրոնային փոստի միջոցով:
38. Անհրաժեշտության դեպքում կախված միջփուլային միջոցառումների արդյունքներից ուռուցքաբանական խմբի կողմից կարող է կատարվել փոփոխություն պացիենտի անհատական բուժման պլանում, որը ստորագրվում է ուռուցքաբանական խմբի անդամների կողմից, ամրագրում հիվանդության պատմագրին և որի մասին պարտադիր տեղեկացվում է ԱԱՊ մասնագետին էլեկտրոնային փոստի միջոցով:
39. Անհատական բուժման պլանով սահմանված բոլոր միջոցառումներն իրականացվելուց հետո ուռուցքաբանական խմբի կողմից ամփոփվում է արդյունքները և կազմվում շարունակական հսկողության պլան, որը մուտքագրվում է էլեկտրոնային առողջապահության համակարգ և ուղարկվում տվյալ պացիենտի սպասարկող ԱԱՊ մասնագետին էլեկտրոնային փոստի միջոցով:
40. Պետության կողմից երաշխավորված անվճար հիվանդանոցային բժշկական օգնություն և սպասարկում ստանալիս սոցիալապես անապահով և առանձին (հատուկ) խմբերում ընդգրկված անձինք ներկայացնում են տվյալ բնակչին սպասարկող համապատասխան դիսպանսերի կամ ԱԱՊ մասնագետի կողմից տրված ուղեգիրը, Հայաստանի Հանրապետության քաղաքացու անձը հաստատող փաստաթուղթը և ՀՀ կառավարության 2004 թվականի մարտի 4-ի թիվ 318-Ն որոշման N 1 հավելվածով հաստատված` պետության կողմից երաշխավորված անվճար բժշկական օգնություն և սպասարկում ստանալու իրավունք ունեցող բնակչության սոցիալապես անապահով ու առանձին (հատուկ) խմբերի ցանկում ընդգրկված խմբերից որևէ մեկին պատկանելիության փաստը հավաստող համապատասխան փաստաթղթերը:
41. Անհետաձգելի հիվանդանոցային բուժօգնություն պահանջող դեպքերում սույն կարգով սահմանված բժշկական օգնություն ու սպասարկումը կազմակերպվում է ընդունելով շտապ օգնության ծառայության ուղեգրի կամ հիվանդանոցային բուժօգնություն իրականացնող բժշկական կազմակերպության ընդունարանի բժշկի եզրակացության հիման վրա` երկու աշխատանքային օրվա ընթացքում սույն կարգով սահմանված համապատասխան կարգավիճակը և անձը հաստատող փաստաթղթերը բժշկական կազմակերպություն ներկայացնելու պայմանով:
42. Պետության կողմից երաշխավորված անվճար բժշկական օգնության և սպասարկման շրջանակներում չարորակ նորագոյացությունների (այդ թվում` օնկոհեմատոլոգիական) հիվանդանոցային պայմաններում ախտորոշման և բուժման ֆինանսավորումը իրականացվում է առողջապահության բնագավառի լիազոր մարմնի յուրաքանչյուր տարի ընդունվող հրամանի համաձայն` չարորակ նորագոյացությունների (այդ թվում` օնկոհեմատոլոգիական հիվանդությունների) հիվանդանոցային պայմաններում մեկ պացիենտի ախտորոշման և բուժման համար հաստատված միջին գների վերաբերյալ:
43. Պետության կողմից երաշխավորված չարորակ նորագոյացությունների հիվանդանոցային բժշկական օգնությունը կարող է իրականացվել.
1) ցերեկային ստացիոնարի պայմաններում,
2) շուրջօրյա հսկողության պայմաններում:
44. Սույն կարգի 40-րդ կետում նախատեսված փաստաթղթերի պատճենները կցվում են հիվանդության պատմագրին հիվանդանոցային բժշկական կազմակերպության բուժական անձնակազմի կողմից:
Ձև 1
Բժշկական կազմակերպության և
կաբինետի անվանումը ___________________________________________
___________________________________________________________________
ԾԱՆՈՒՑԱԳԻՐ
Կյանքում առաջին անգամ հաստատված չարորակ նորագոյացության
ախտորոշմամբ պացիենտի մասին
«___» __________ 201 թ.
ամիսը
Ծանուցագիրը ուղարկվում է____________________________________________
Բժշկական կազմակերպության անվանումը
1. Պացիենտի ազգանուն, անուն, հայրանուն______________________________
2. Սեռը` արական -1, իգական 2 (ընդգծել)
3. Ծնված «___» __________ __________
ամիսը տարին
4. Ազգությունը ____________
5. Մասնագիտությունը __________________________________________________
(հիմնական)
Դիմելու «___»_______ ____________ ________
օրը ամիսը տարին
6. Հիվանդության հայտնաբերման հանգամանքները`
Դիմել է ինքնուրույն 0,
Հայտնաբերվել է կանանց դիտողական կաբինետում - 1,
Այլ կանխարգելիչ ստուգմամբ - 2 (ընդգծել)
Բնակության վայրը և հեռախոսը _______________________________________
____________________________________________________________________
(մարզը, բնակավայրը, փողոցը, տան և բնակարանի թիվը)
7. Բնակիչ` Քաղաքի - 1, Գյուղի - 2 (ընդգծել)
8. Ախտորոշումը և հիվանդության փուլը_________________________________
_____________________________________________________________________
(նշել ուռուցքով ախտորոշված օրգանը և ուռուցքի տարածվածությունը)
9. Կլինիկական խումբը` I ա, I բ, I ց, II ա, II բ, II ց, IIIա, IIIբ, IIIց, IVա, IVբ, IVց (ընդգծել)
10. Ախտորոշումը հաստատվել է`
Հյուսվածքաբանորեն -1, բջջաբանորեն -2, կորիզամագնիսական ռեզոնատորով, համակարգչով, ռենտգենաբանորեն -3, էնդոսկոպիկ -4, տոնոգրաֆիկ -5, իզոտոպային -6, միայն կլինիկորեն -7
11. Բուժումը` ______________________________________________________
12. Ծանուցագիրը լրացնող բժշկի ազգանունը
Ձև 2
ԱՆՀԱՏԱԿԱՆ ԲՈՒԺՄԱՆ ՊԼԱՆ ՉԱՐՈՐԱԿ ՆՈՐԱԳՈՅԱՑՈՒԹՅՈՒՆՆԵՐՈՎ ՊԱՑԻԵՆՏԻ
ՈՒՌՈՒՑՔԱԲԱՆԱԿԱՆ ԽՄԲԻ ՈՐՈՇՄԱՆ ՀԵՐԹԱԿԱՆ ՀԱՄԱՐԸ____________________
1. Պացիենտի անհատական տվյալներ.
1) Անուն, ազգանուն, հայրանուն_____________________________________
2) Դիմելու տարեթիվը, ամիսը, ամսաթիվը______________________________
2. Լաբորատոր-գործիքային ախտորոշիչ հետազոտություններ.
2.1 Պացիենտի մոտ առկա իրականացված լաբորատոր-գործիքային ախտորոշիչ հետազոտությունների արդյունքները _______________________________________
____________________________________________________________________
2.2 Պլանավորվող լաբորատոր-գործիքային ախտորոշիչ հետազոտությունները.
1) լաբորատոր հետազոտություններ______________________________________
2) գործիքային հետազոտություններ_____________________________________
3) ճառագայթային ախտորոշիչ հետազոտություններ__________________________
4) հյուսվածքաբանական կամ բջջաբանական հետազոտություն__________________
5) Այլ նշումներ______________________________________________________
3. Բժշկական օգնության և սպասարկման պլանավորվող միջամտություններ.
1) վիրահատական միջամտություն_________________________________________
(նշել կոնկրետ միջամտությունը և ժամկետը)
2) քիմիաթերապևտիկ բուժում ________________________________________
(նշել կոնկրետ միջամտությունը և ժամկետը)
3) ճառագայթային թերապիա ___________________________________________
(նշել կոնկրետ միջամտությունը և ժամկետը)
4) Այլ միջամտություններ____________________________________________
(նշել կոնկրետ միջամտությունը և ժամկետը)
4. Միջփուլային հսկողություն
4.1 Վիրահատական միջամտությունից հետո_______________________________
1) ԱԱՊ բժշկի մոտ ներկայանալ________________________________________
(նշել կոնկրետ ժամկետները)
2) Նշանակումներ______________________________________________________
3) Մասնագիտացված կազմակերպության բուժող բժիշկ-ուռուցքաբանի մոտ ներկայանալ_______________________________________________________________
(նշել կոնկրետ ժամկետները)
4.2 Քիմիաթերապևտիկ բուժումից հետո _________________________________
1) ԱԱՊ բժշկի մոտ ներկայանալ__________________________________________
(նշել կոնկրետ ժամկետները)
2) Նշանակումներ______________________________________________________
3) Մասնագիտացված կազմակերպության բուժող բժիշկ-ուռուցքաբանի ուռուցքաբանի մոտ ներկայանալ_______________________________________________
(նշել կոնկրետ ժամկետները)
4.3 Ճառագայթային թերապիայից հետո
1) ԱԱՊ բժշկի մոտ ներկայանալ___________________________________________
(նշել կոնկրետ ժամկետները)
2) Նշանակումներ_______________________________________________________
3) Մասնագիտացված կազմակերպության բուժող բժիշկ-ուռուցքաբանի ուռուցքաբանի մոտ ներկայանալ______________________________________________
(նշել կոնկրետ ժամկետները
4.4. Հատուկ նշումներ _________________________________________________
5. Բուժումը ավարտելուց հետո հետագա հսկողությունը
1) ԱԱՊ բժշկի մոտ ներկայանալ__________________________________________
(նշել կոնկրետ ժամկետները)
2) Լաբորատոր-գործիքային ախտորոշիչ հետազոտություններ________________________________________________________
(նշել կոնկրետ հետազոտությունները և ժամկետները)
3) Նշանակումներ _____________________________________________________
4) Հատուկ նշումներ__________________________________________________
Անհատական բուժման պլանի
կազմելու տարեթիվը, ամիսը, ամսաթիվը __________________________________
Մասնագիտացված կազմակերպության բուժող բժիշկ-ուռուցքաբանի բժիշկ-ուռուցքաբանի անուն ազգանունը _______________________________________
Մասնագիտացված կազմակերպության բուժող բժիշկ-ուռուցքաբանի բժիշկ-ուռուցքաբանի ստորագրությունը _______________________________________
Ձև 3
ՈՒՌՈՒՑՔԱԲԱՆԱԿԱՆ ՊԱՑԻԵՆՏԻ ԱՄԲՈՒԼԱՏՈՐ ՔԱՐՏ N _______
._____________________________________________________________________.
|_____________ | |1.Կլինիկական խումբ|
|Բժշկական | |2. Տղամարդ |
|կազմակերպության |5. Ազգանուն __________ |3. Կին |
|անվանումը |6. Անուն _____________ |I ա |
| |7. Հայրանուն _________ |I բ |
|17. Հաշվառման |8. Ծննդյան թիվը_______ |I ց |
|վերցնելու |9. Ազգությունը _______ |II ա |
|_________ամսաթիվը |10. Բնակավայր, մարզ____ |II բ |
|___________________ |11. Քաղաք, գյուղ _____ |II ց |
|___________________ |12. Փողոց _____ տուն ___ |III ա |
|___________________ |13. Աշխատանքի վայր _____ |IIIբ |
| |14. Մասնագիտությունը ___ |IIIց |
| |15. Անձնագիր____________ |IVա |
| |16. Հեռախոս ____________ |IVբ |
| | |IVց |
| | | |
| | |(Ընդգծել) |
| | | |
| | |4. Խումբը փոխված է|
| | |__________________|
| | |ամսաթիվ | խումբ |
._____________________________________________________________________.
18. Հայաստանի Հանրապետության կառավարության կողմից սահմանված` բնակչության սոցիալական խմբերի ցանկում ընդգրկված լինելը և փաստաթղթի N _____________
19.
._________________________________________________________________.
|Վնասակար |Պացիենտը դիմել է|Հիվանդությունը|Անցյալում ստացած|
|սովորություններ,|առաջին անգամ |առաջին անգամ |բուժումները |
|Վնասակար |(երբ և որտեղ) |հայտնաբերված է| |
|մասնագիտական | | | |
|գործոններ | | | |
|________________|________________|______________|________________|
|________________|________________|______________|________________|
|________________|________________|______________|________________|
._________________________________________________________________.
20. Նախնական ախտորոշում
______________________________________________________________________
______________________________________________________________________
21. Վերջնական ախտորոշում
______________________________________________________________________
______________________________________________________________________
______________________________________________________________________
Բժշկի ստորագրություն _______________________________________
«___» __________ 20___թ.
22. Հաճախումների հսկողություն
._____________________________________________________________________.
|Ներկայացել է |_|_|_|_|_|_|_|_|_|_|_|_|_|
|_________________________________________________|___________________|
|Ստացիոնար ընդունման|Հիվանդության |Կատարված |Դուրսգրման |
|ամսաթիվը |պատմության |վիրահատության |ամսաթիվը, |
| | N |ամսաթիվը |Մահվան ամսաթիվը |
|___________________|_____________|_______________|___________________|
._____________________________________________________________________.
._____________________________________________________________________.
|Երկվորյակ է պացիենտը, թե ոչ |Ինչ հիվանդություններով է |
|(այո, ոչ) Պացիենտի գանգատները |հիվանդացել |
|___________________________________|_________________________________|
|___________________________________|_________________________________|
|___________________________________|_________________________________|
|Ծննդաբերությունների թիվը ________ | |
|Վիժումների թիվը_________________ | |
|Վերջին ծննդաբերությունը _________ | |
|Բարդությունները կրծքով կերակրման | |
|շրջանում _______________________ | |
|Կրծքագեղձի բորբոքում ____________ | |
|Դաշտանը ______________________ | |
|___________________________________|_________________________________|
|Տվյալ հիվանդության հանդես գալը |Ուռուցքի նկարագրությունը |
|և նրա զարգացումը |և նրա տեղակայումը |
|___________________________________|_________________________________|
|___________________________________|_________________________________|
|___________________________________|_________________________________|
|Բջջաբանական և հյուսվածքաբանական | |
|հետազոտություններ | |
|___________________________________|_________________________________|
|___________________________________|_________________________________|
|___________________________________|_________________________________|
|Հաճախումների |Պացիենտի վիճակը, նշանակումները |
|թիվը, ամիսը |և բժշկի ստորագրությունը |
|___________________________________|_________________________________|
|___________________________________|_________________________________|
._____________________________________________________________________.
Ձև 4
ՃԱՌԱԳԱՅԹԱՅԻՆ ԲՈՒԺՄԱՆ ՔԱՐՏ ___________________________________________
Բժշկական կազմակերպության անվանումը
Պացիենտի ճառագայթային բուժման քարտ N ____
Հիվանդության պատմագիր N ______, Ամբուլատոր քարտ N ______
1. Ազգանուն, անուն, հայրանուն_______________________2. Տարիքը _____
3. Սեռը` Արական/Իգական
4. Հասցե ________________________________________ Հեռ.______________
5. ա) Կլինիկական ախտորոշումը_________________________________________
_____________________________________________________________________
բ) Պաթոմորֆոլոգիական ախտորոշումը և N _______________________________
գ) Ուղեկցող հիվանդություններ
____________________________________________________
6. Նախկինում ստացած բուժումը [] Վիրահատություն [] Քիմիաթերապիա []
Ճառագայթային բուժում [] Այլ
__________________________________________
ա) Վիրահատություն_____________________, ամսաթիվ _______________
բ) Քիմիաթերապիա _____________________, ամսաթիվ _______________
գ) Ճառագայթային բուժում_____________________, ամսաթիվ _______________
Ճառագայթահարված հատվածները, Միանվագ օջախային դոզա/ՄՕԴ/, գումարային օջախային դոզա /ԳՕԴ/, ժամանակ/դոզա/ բաժնեվորում___________________________
7. Ուռուցքի տեղակայումը (ՈՒռուցքի աճի ծավալ-տեղակայումը, ձևը, չափերը, խորությունը)
___________________________________________________
Ճառագայթային բուժման պլանը և ֆիզիկոսի տվյալները
8. Կուրսը` [] Արմատական (ամբողջական ծրագիր) [] Ամոքիչ [] Օժանդակ [] Նեոադյուվանտ
9. Դոզավորումը` [] Ստանդարտ [] Մուլտ. [] Էսկալ [] Խոշոր. [] Այլ
_____________________________
10. Պացիենտի դիրքը` [] Մեջքի վրա [] Փորի վրա [] Այլ
____________________________________________
11. ՄՕԴ, ԳՕԴ, Ճառագայթային դաշտերը, անկյունները,
Աղբյուր/ուռուցք/հեռավորություն/,
Աղբյուր/մաշկ/հեռավորություն/, բլոկներ, սեպեր, ճոճումների
Արագությունը և քանակը, ժամանակը (յուրաքանչյուր դաշտի համար),
Ժամանակ ԴԲ, Կենսաբանական Ակտիվ
Դոզա /ԿԱԴ/, փնջի ելքը սանտիգրեյ/ր
______________________________________________________________
ա) Կլինիկական թիրախ ծավալ /ԿԹԾ/ 1_________________________________
բ) ԿԹԾ 2 _________________________________
գ) ԿԹԾ 3 _________________________________
12. Բժիշկ Ֆիզիկոս ____________ 13. Ճառագայթային թերապևտ ____________
14. Ուղեկցող բուժումը______________________________________________
15. Ճառագայթահարման օրագիր
._____________________________________________________________.
|Ճառագայթա-|Ճառագայթա-|Դաշտի |Ճառագայթա-| ՄՕԴ |ԳՕԴ | N |
|հարման |հարվող |չափերը|հարման | | |Դաշտ/Դաշտ |
|ամսաթիվ, |հատվածը | |Տևողու- | | | |
|ժամը | | |թյունը | | | |
|__________|__________|______|__________|_____|____|__________|
|__________|__________|______|__________|_____|____|__________|
|__________|__________|______|__________|_____|____|__________|
._____________________________________________________________.
16. Ճառ. ռեակցիա` [] չկա [] տեղ. [] արյունաբան. [] ընդհանուր: Աստիճանը` 1-ին, 2-րդ, 3-րդ, 4-րդ
17. Բուժման արդյունքը` [] լրիվ ներծծում [] > 50% [] < 50% [] առանց արդյունքի [] խորացում
18. Եզրափակիչ տվյալներ
ԿԹԾ 1_________ ՄՕԴ _________; ԳՕԴ _______; ԺԴԲ _________
ԿԹԾ 2 ________ ՄՕԴ _________; ԳՕԴ _______; ԺԴԲ _________
ԿԹԾ 3 ________ ՄՕԴ _________; ԳՕԴ _______; ԺԴԲ _________
Հատուկ նշումներ
___________________________________________________________________
___________________________________________________________________
___________________________________________________________________
Բուժող բժիշկ _________________________ Բաժնի վարիչ _________________
ԻՐՏԵԿ - նկարները չեն բերվում:
Ձև 5
_______________________________
Բժշկական կազմակերպության
անվանումը
ԱՐՁԱՆԱԳՐՈՒԹՅՈՒՆ
ՊԱՑԻԵՆՏԻ ՄՈՏ ՈՒՇ ՓՈՒԼԻ (III-IV ԿԼԻՆԻԿԱԿԱՆ ԽՈՒՄԲ) ՉԱՐՈՐԱԿ ՈՒՌՈՒՑՔԻ ՀԱՅՏՆԱԲԵՐՄԱՆ
(կազմվում է 2 օրինակով. առաջինը մնում է հիվանդության պատմության (ամբուլատոր քարտի) մեջ, երկրորդը` ուղարկվում է պացիենտի բնակության վայրի ուռուցքաբանին)
Հիվանդության պատմության (ամբուլատոր քարտի) N ______________________
1. Կազմված է բուժհիմնարկության կողմից ________________________________
անվանում/հասցե
2. Պացիենտի ազգանունը _____________ անունը __________հայրանունը______
տարիքը _______ սեռը _________ մշտ. բնակ. վայրը ______________________
_____________________________________________________________________
3. Հիվանդության ախտորոշումը և փուլը_________________________________
_____________________________________________________________________
4. Քաղցկեղի բարձիթողության արձանագրման ժամանակը______________________
5. Հիվանդության առաջին նշանների ի հայտ գալու ամսաթիվը________________
6. Երբ է հիվանդության կապակցությամբ առաջին անգամ դիմել_______________
բուժհաստատության անվանումը/ բժշկի անունը, ազգանունը__________________
_____________________________________________________________________
7. Հաջորդ այցելությունների ժամկետները ________________________________
ԲԱՐՁԻԹՈՂԻ ՈՒՌՈՒՑՔԻ ՊԱՏՃԱՌՆԵՐԸ
(ընդգծել բարձիթողության հիմնական պատճառը)
1. Պացիենտի ոչ լիարժեք հետազոտություն [] Սխալ ախտորոշում` կլինիկական [], ռադիոլոգիական [], մորֆոլոգիական [], էնդոսկոպիական [], ուլտրաձայնային []
_____________________________________________________________________
_____________________________________________________________________
2. Հիվանդության գաղտնի ընթացքը ______________________________________
Պացիենտի բուժօգնության ուշ դիմելը ___________________________________
3. Տակտիկական սխալներ բժիշկների կողմից -1) ախտորոշիչ
2) բուժական
4. Պացիենտը չի դիմել բժիշկի []
Արձանագրությունը կազմող բժշկի ստորագրությունը
_________________________ _____________20______թ.
Քննարկման արդյունքները _________________________________________
_____________________________________________________________________
Ձև 6
ՀԱՇՎԵՏՎՈՒԹՅՈՒՆ
20 թվականի____________ ԵՌԱՄՍՅԱԿԻ, ԿՅԱՆՔՈՒՄ ԱՌԱՋԻՆ ԱՆԳԱՄ ԱԽՏՈՐՈՇՎԱԾ
ՈՒՌՈՒՑՔԱԲԱՆԱԿԱՆ ՊԱՑԻԵՆՏՆԵՐԻ ՎԵՐԱԲԵՐՅԱԼ
.________________________________________________________________________.
|Հերթ|Ազգանուն,|Տարիքը|Բնակու-|Ախտորո-|Հաշ- |Կլինի-|Հյուս- |Որտեղ է|Բու-|
|ական|անուն, | |թյան |շում |վառման|կական |վածքա- |առաջին |ժում|
|հա- |հայրանուն| |վայր | |վերց- |խումբ |բանական|անգամ | |
|մար | | | | |նելու | |ախտո- |ախտո- | |
| | | | | |ամսա- | |րոշում |րոշվել | |
| | | | | |թիվ | | | | |
|____|_________|______|_______|_______|______|______|_______|_______|____|
| | | | | | | | | | |
| | | | | | | | | | |
| | | | | | | | | | |
| | | | | | | | | | |
.________________________________________________________________________.
Ուռուցքաբանական գործի պատասխանատու բժիշկ`
Ձև 7
_________________
Բժշկական
կազմակերպության անվանումը
N__________
«___» _______ 20 թ.
ԽՈՐՀՐԴԱՏՎՈՒԹՅԱՆ ԹԵՐԹԻԿ
1. Պացիենտի ազգանունը ______________անունը ______ հայրանունը__________
2. Ախտորոշում ________________________________________________________
_______________________________________________________________________
3. Խորհուրդ է տրվում __________________________________________________
_______________________________________________________________________
_______________________________________________________________________
_______________________________________________________________________
_________________________________ __________________
Խորհրդատվություն անցկացրած բժշկի (ստորագրություն)
ազգանունը, անունը, հայրանունը
Պոլիկլինիկայի բաժնի վարիչ __________________
(ազգանունը, անունը, հայրանունը) (ստորագրություն)
Կ.Տ.
Ձև 8
.______________________.
|Հիվանդության|Դիսպանսեր| __________________________________
|պատմություն |քարտ | Բժշկական կազմակերպության անվանումը
|N _____ |N _____ |
.______________________.
ԷՊԻԿՐԻԶ
1. Ազգանուն, անուն, հայրանուն _______________________________________
2. Տարիք _____________ 3. Մասնագիտություն____________________________
4. Սեռը _____________
5. Ընդունման ամսաթիվը ____ դուրս գրման ____ թ. 6. Անցկացրել է_____ մ/օր
7. Տեղափոխություններ հիվանդանոցի ներսում (ամսաթիվ, բաժանմունք)________
______________________________________________________________________
8. Ուղարկված հաստատության ախտորոշումը ________________________________
______________________________________________________________________
9. Վերջնական ախտորոշումը ____________________________________________
______________________________________________________________________
10. Ուղեկցող հիվանդություններ ________________________________________
______________________________________________________________________
11. Վիճակը ընդունման պահին (գանգատներ, անամնեզ, հիվանդության ընթացքը), օբյեկտիվ տվյալներ _______________________________________________________
______________________________________________________________________
______________________________________________________________________
12. Լրացուցիչ տվյալներ (լաբորատոր, գործիքային, ռենտգենաբանական, ռադիոիզոտոպային, մորֆոլոգիական հետազոտություններ)_______________________
______________________________________________________________________
13. Կատարված բուժումը. վիրահատական
______________________________________________________________________
______________________________________________________________________
14. Բիոհորմոնոթերապիա _________________________________________________
______________________________________________________________________
15. Քիմիոթերապիա ____________________________________________________
______________________________________________________________________
16. Ճառագայթային բուժում _____________________________________________
______________________________________________________________________
17. Դուրս է գրվում առողջացմամբ, բարելավմամբ, առանց փոփոխության կամ մահ (ընդգծել) _____________________________________________________________
18. Խորհուրդներ __________________________________________________
______________________________________________________________________
______________________________________________________________________
19. Բուժող բժիշկ _____________________________________________
20. Բաժանմունքի վարիչ ________________________________________
21. Գլխավոր բժիշկ ___________________________________________
Ձև 9
__________________________ ՏԵՂԵԿԱՆՔ
Բժշկական կազմակերպության Հիվանդանոցային բուժման մեջ գտնվելու
անվանումը
1. Տրվում է ____________________________
N______ (ազգանուն, անուն, հայրանուն)
«__» _______ 20 թ 2. Որ նա գտնվում է բուժման ստացիոնարում
_____________________________________
բժշկական կազմակերպության անվանումը
______20 թ-ից մինչև ______20 թ.
3. ______________________________
(վերջնական ախտորոշումը)
4. Ստացած բուժումը __________________
_____________________________________
5. Պացիենտի վիճակը դուրս գրման
պահին________
6. Բժշկի խորհուրդներ ____ _____________
________________________________________
________________________________________
Տնօրեն _____________________
Բաժանմունքի վարիչ ________________
Բուժող բժիշկ ______________________