| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտը ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
31 հուլիսի 2019 թվականի N 2106-Լ
«ԴԵԶԻԿՎԱՐՏ» ԱԽՏԱՀԱՆԻՉ ՀԵՂՈՒԿ ՕՃԱՌԻ (ՄԱՇԿԱՅԻՆ ՀԱԿԱՆԵԽԻՉԻ) ԿԻՐԱՌՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ
i
Հիմք ընդունելով Հայաստանի Հանրապետության վարչապետի 2018 թվականի հունիսի 11-ի թիվ 728-Լ որոշմամբ հաստատված Հայաստանի Հանրապետության առողջապահության նախարարության կանոնադրության 18-րդ կետի 20-րդ ենթակետը և Հայաստանի Հանրապետության առողջապահության նախարարի 2015 թվականի սեպտեմբերի 10-ի թիվ 48-Ն հրամանի հավելվածի 20-րդ կետը`
ՀՐԱՄԱՅՈՒՄ ԵՄ`
1. Հաստատել` «Դեզիկվարտ» ախտահանիչ հեղուկ օճառի (մաշկային հականեխիչի) կիրառման հրահանգը` համաձայն հավելվածի:
2. Սույն հրամանն ուժի մեջ է մտնում հրապարակմանը հաջորդող օրվանից:
Ա. ԹՈՐՈՍՅԱՆ
Հավելված
ՀՀ առողջապահության նախարարի
2019 թ. հուլիսի 31-ի
N 2106-Լ հրամանի
ՀՐԱՀԱՆԳ «ԴԵԶԻԿՎԱՐՏ» ԱԽՏԱՀԱՆԻՉ ՀԵՂՈՒԿ ՕՃԱՌԻ (ՄԱՇԿԱՅԻՆ ՀԱԿԱՆԵԽԻՉԻ) ԿԻՐԱՌՄԱՆ
1. ԸՆԴՀԱՆՈՒՐ ԴՐՈՒՅԹՆԵՐ
1. «Դեզիկվարտ» ախտահանիչ հեղուկ օճառը (մաշկային հականեխիչ) (այսուհետ` օճառ) իրենից ներկայացնում է օգտագործման համար պատրաստ թափանցիկ (թույլատրվում է թեթև օպալեսցենցիա) անգույն կամ ներկանյութի գույնին համապատասխանող մածուցիկ յուրահատուկ հոտով հեղուկ: Որպես ազդող նյութ` պարունակում է 1% ալկիլդիմեթիլբենզիլամոնիումի քլորիդ, ինչպես նաև օժանդակ բաղադրիչներ` մակերեսային ակտիվ նյութեր (ՄԱՆ), խոնավացնող և մաշկը խնամող բաղադրիչներ, համալիր առաջացնող բաղադրիչ, թթվայնության կարգավորիչ և ջուր: Օճառի ջրածնի իոնների ակտիվության ցուցանիշը (pH) կազմում է 5.0 - 7.0 միավոր:
2. Օճառի պիտանելիության ժամկետը 5 տարի է` արտադրողի փակ փաթեթավորմամբ, պահման պայմանների պահպանման դեպքում:
3. Օճառն օժտված է հակամանրէային ակտիվությամբ գրամդրական և գրամբացասական մանրէների (բացառությամբ տուբերկուլյոզի միկոբակտերիաների), հակասնկային ակտիվությամբ (կանդիդոզների և տրիխոֆիտիայի հարուցիչների նկատմամբ): Օճառն օժտված է 1 ժամ տևողությամբ երկարատև ազդեցությամբ:
4. Օճառն ըստ սուր թունավորության չափանիշների, ստամոքսի մեջ և մաշկի վրա լցվելիս, համաձայն ԳՕՍՏ 12.1.007-76-ի պատկանում է քիչ վտանգավոր նյութերի 4-րդ դասին: Տեղային գրգռող, մաշկային-ռեզորբտիվ և գերզգայունացնող հատկությունները միջոցի կիրառման առաջարկվող ռեժիմների ժամանակ արտահայտված չեն: Օճառն ունի խիստ արտահայտված գրգռիչ ազդեցություն աչքի լորձաթաղանթի վրա: Հագեցնող խտություններով ներշնչական (ինհալյացիոն) ազդեցության ժամանակ օճառը պատկանում է քիչ վտանգավոր նյութերի 4-րդ դասին ըստ ցնդելիության աստիճանի:
5. Աշխատանքային գոտու օդի մեջ ալկիլդիմեթիլբենզիլամոնիումի քլորիդի սահմանային թույլատրելի խտությունը (ՍԹԽ) կազմում է 1 մգ/մ3 (աէրոզոլ, վտանգավորության 2-րդ դաս):
6. Օճառը նախատեսված է.
1) Տարբեր ուղղվածության բժշկական օգնություն և սպասարկում իրականացնող կազմակերպություններում (այսուհետ` ԲԿ) (այդ թվում ծննդօգնության ծառայությունում, ներառյալ նեոնատոլոգիական և արտամարմնային բեղմնավորման (ԱՄԲ) բաժանմունքները, ծննդաբերական ստացիոնարներում) վիրաբույժների, վիրահատող բուժանձնակազմի ձեռքերի հիգիենիկ մշակման (լվացման) համար` նախքան հականեխիչ միջոցով մշակումը,
2) Տարբեր ուղղվածության ԲԿ-ներում (այդ թվում, մանկաբարձագինեկոլոգիական, ատամնաբուժական, ուռուցքաբանական, վիրաբուժական, արյունաբանական, ինֆեկցիոն, մաշկավեներաբանական), հիվանդանոցներում, հոսպիտալներում, վերականգնողական կենտրոններում, ցերեկային ստացիոնարներում, բուժսանմասերում և բուժկետերում, ինտենսիվ թերապիայի բաժանմունքներում, ախտաբանաանատոմիական բաժանմունքներում, օրգանների փոխպատվաստման կենտրոններում, միջամտությունների սենյակներում, արյան վերցման և փոխներարկման կետերում և կայաններում, շտապ բուժօգնության կայաններում, սանթողարաններում, վարակիչ օջախներում անձնակազմի, ինչպես նաև մանկական և մեծահասակների պոլիկլինիկաների, ատամնաբուժական կաբինետների, տարբեր ենթակայության պրոֆիլային լաբորատորիաների (ՊՇՌ, կլինիկական, ախտորոշիչ, միկրոկենսաբանական և այլ), դեղատնային կազմակերպությունների (դեղատների, դեղատնային կետերի, կրպակների, պահեստների) աշխատակիցների ձեռքերի հիգիենիկ մշակման (լվացման) համար` բժշկական մանիպուլյացիաներից առաջ և հետո,
3) Մանկական նախադպրոցական և դեռահասային կազմակերպությունների (ուսումնական` մանկապարտեզներ, դպրոցներ, վարժարաններ, ճեմարաններ, ընդհանուր տիպի գիշերօթիկ դպրոցներ, հատուկ` շտկողական, լրացուցիչ կրթության կազմակերպություններ, կազմակերպություններ որբ երեխաների համար` մանկան տներ, մանկատներ, միջին ուսումնական հաստատություններ` պրոֆեսիոնալ-տեխնիկական ուսումնարաններ և այլն, մանկական առողջարանային կազմակերպություններ և հանգստյան կազմակերպություններ), բարձրագույն ուսումնական հաստատությունների աշխատակիցների ձեռքերի հիգիենիկ մշակման (լվացման) համար,
4) Մշակույթի, հանգստի և սպորտի (մշակութաառողջարանային համալիրների, գրասենյակների, մարզահամալիրների, թատրոնների, կինոթատրոնների և այլն), սոցիալական ապահովության կազմակերպությունների (հոսպիսների, հաշմանդամների և տարեց մարդկանց համար գիշերօթիկ դպրոցների և այլն), ծիսական և թաղման ծառայություններ տրամադրող կազմակերպությունների (ներառյալ դիակիզարանների և այլ) աշխատակիցների ձեռքերի հիգիենիկ մշակման (լվացման) համար,
5) Օծանելիքակոսմետիկական, դեղագործական, կենսատեխնոլոգիական և մանրէաբանական մասնագիտացված հաստատությունների, հասարակական սննդի և առևտրի (այդ թվում գանձապահների և թղթադրամների հետ շփվող այլ անձանց) բնագավառում գործունեություն իրականացնող հաստատությունների, սննդի և մշակող արդյունաբերության հաստատությունների, սոցիալական ծառայություններ տրամադրող կազմակերպությունների (այդ թվում վարսահարդարման, կոսմետոլոգիական, գեղեցկության, ՍՊԱ-սրահների, արևաբուժարանների, բաղնիք-լվացքատուն համալիրների) աշխատակիցների ձեռքերի հիգիենիկ մշակման (լվացման) համար,
6) ախտահանման կայանների և ախտահանման գործունեություն ծավալելու իրավունք ունեցող այլ կազմակերպությունների աշխատակիցների ձեռքերի հիգիենիկ մշակման (լվացման) համար,
7) ուժային կառույցների (ներառյալ ԱԻՆ), Պաշտպանության նախարարության զինված ուժերի, Ոստիկանության զորքերի և ՔՊ ձևավորումների, ԱԱԾ օրգանների, զորանոցների ներկայացուցիչների, զինվորականների մաշկի սանիտարական մշակման համար,
8) սոցիալական ծառայություններ տրամադրող կազմակերպությունների (հոսպիսների, հաշմանդամների և տարեց անձանց համար նախատեսված տուն-ինտերնատների, ապաստարանների և այլն), առողջարանակուրորտային բուժման և հանգստի հաստատությունների (պանսիոնատների, առողջարանների, հանգստյան տների և այլ) կազմակերպությունների աշխատակիցների և մեծահասակ պացիենտների, ստացիոնարների և անօթևանների համար նախատեսված սոցիալական ապաստարանների ընդունարաններում մաշկի սանիտարական մշակման համար,
9) տարբեր ուղղվածության ԲԿ-ներում (այդ թվում, մանկաբարձագինեկոլոգիական) պացիենտների (ներառյալ պառկած հիվանդների) մաշկի սանիտարական մշակման համար` վիրահատական միջամտություններից առաջ և ամենօրյա խնամքի ընթացքում,
10) մեծահասակ բնակչության կողմից կենցաղում (կենցաղի համար պիտակին համապատասխան):
2. ՄԻՋՈՑԻ ԿԻՐԱՌՈՒՄԸ ՈՐՊԵՍ ՄԱՇԿԱՅԻՆ ՀԱԿԱՆԵԽԻՉ
7. Վիրաբույժների և այլ վիրահատող բուժանձնակազմի ձեռքերի հիգիենիկ մշակում (լվացում) (նախքան մաշկային հականեխիչի կիրառումը). Ձեռքերի արդյունավետ հիգիենիկ մշակմանը հասնելու համար անձնակազմը պարտավոր է պահպանել հետևյալ պայմանները` կարճ կտրած եղունգներ, լաքի կամ այլ միջոցների (արհեստական եղունգներ, գելեր և այլն) բացակայություն եղունգներին, ձեռքերին մատանիների և այլ ոսկերչական զարդերի բացակայություն, վիրաբույժների ձեռքերի մշակումից առաջ հանել ժամացույցները, ապարանջանները և այլն, ձեռքերի չորացման համար կիրառել մաքուր գործվածքե սրբիչներ կամ միանգամյա օգտագործման թղթյա անձեռոցիկներ, իսկ վիրաբույժների ձեռքերի մշակման ժամանակ` միայն մանրէազերծ գործվածքե: Կատարվում է մեկանգամյա մշակում: 3 մլ օճառ լցնում են երկու ձեռքերի խոնավ մաշկին: Ձեռքերն օճառում են (դաստակները, նախաբազուկները), 30 վայրկյան մշակում են առաջացած փրփուրով, հանգամանորեն լվանում հոսող ջրով: Ձեռքերը սրբում են մանրէազերծ կտորե անձեռոցիկներով: Այնուհետև մշակում են մաշկային հականեխիչով` համաձայն կոնկրետ միջոցի կիրառման հրահանգի:
8. Ձեռքերի հիգիենիկ մշակում (լվացում). Կատարվում է մեկանգամյա մշակում: 3 մլ օճառ լցնում են դաստակների և նախաբազուկների խոնավ մաշկին, օճառում են, 30 վայրկյան մշակում են առաջացած փրփուրով և հանգամանորեն լվանում հոսող ջրով: Ձեռքերը սրբում են անձեռոցիկով կամ սրբիչով:
9. Մաշկի սանիտարական մշակում (մարմին, ձեռքեր, ոտքեր, ոտնաթաթեր և այլն). Կատարվում է մեկանգամյա մշակում: Խոնավեցված սպունգի (ճիլոպի) վրա և անմիջապես խոնավ մաշկի վրա լցնում են անհրաժեշտ քանակության օճառ (միջինը 3-5 մլ): Առաջացած փրփուրով մշակում են մաշկը (բացառությամբ գլխի մազածածկ հատվածի), բացառելով միջոցի ընկնելն աչքերի մեջ, ինչից հետո միջոցը լվանում են մեծ քանակությամբ հոսող ջրով: Մաշկը սրբում են անձեռոցիկով կամ սրբիչով:
3. ՆԱԽԱԶԳՈՒՇԱԿԱՆ ՄԻՋՈՑԱՌՈՒՄՆԵՐ
10. Օճառը նախատեսված է միայն արտաքին օգտագործման համար:
11. Չօգտագործել օճառը մաշկի հիվանդություններով և քիմիական նյութերի հանդեպ բարձր զգայունությամբ անձանց:
12. Խուսափել միջոցը աչքերի մեջ, վերքերին և լորձաթաղանթներին լցվելուց:
13. Պիտանելիության ժամկետն անցնելուց հետո օճառի օգտագործումն արգելվում է:
4. ԱՌԱՋԻՆ ՕԳՆՈՒԹՅԱՆ ՄԻՋՈՑԱՌՈՒՄՆԵՐ ՊԱՏԱՀԱԿԱՆ ԹՈՒՆԱՎՈՐՄԱՆ ԺԱՄԱՆԱԿ
14. Աչքերի մեջ միջոցի պատահական լցվելու ժամանակ դրանք առատորեն լվանալ հոսող ջրով: Դիմել բժշկի:
15. Միջոցի պատահական կուլ տալու դեպքում ստամոքսը լվանալ ջրի մեծ քանակությամբ: Փսխում չառաջացնել: Այնուհետև ընդունել ադսորբենտներ` ակտիվացված ածուխի 10-12 մանրացված հաբ: Անհրաժեշտության դեպքում դիմել բժշկի:
5. ՓԱԹԵԹԱՎՈՐՈՒՄ, ՓՈԽԱԴՐՈՒՄ ԵՎ ՊԱՀՊԱՆՈՒՄ
16. Օճառը կշռաբաշխում են 0.1-ից մինչև 1 դմ3 տարողությամբ սեղմ պտուտակվող կափարիչով կամ դոզավորող սարքավորումով պոլիմերային նյութերից պատրաստված սրվակների, 2-ից մինչև 31.5 դմ3 տարողությամբ պոլիմերային կանիստրաների, ինչպես նաև ցանկացած այլ սպառողի համար հարմար տարողության մեջ, որը համապատասխանում է գործող նորմատիվային փաստաթղթերին և ապահովում է արտադրանքի պահպանվածությունը պիտանելիության ամբողջ ժամկետի ընթացքում:
17. Օճառը փոխադրվում է տրանսպորտի բոլոր միջոցներով` համապատասխան բեռների փոխադրման կանոններին, որոնք գործում են տրանսպորտի այդ միջոցների վրա և երաշխավորում են միջոցի և տարողության պահպանվածությունը: միջոցը հրդեհա- և պայթյունաանվտանգ է:
18. Օճառը պահպանում են +5-ից մինչև +30oC հերմետիկ փակ արտադրողի բնօրինակ տարողության մեջ չոր մաքուր լավ օդափոխվող պահեստային սենքերում` ջեռուցիչ հարմարանքներից և բաց կրակից հեռու, դեղամիջոցներից առանձին, երեխաների և կենդանիների համար անհասանելի տեղերում: Օճառը սառցակալում է բացասական ջերմաստիճաններում, հալեցնելուց հետո պահպանում է իր հատկությունները: Օճառի հալչեցումն իրականացվում է սենյակային ջերմաստիճանում (առանց պարտադրող տաքացման): Օգտագործումից առաջ օճառն անհրաժեշտ է թափահարել:
19. Վթարային իրավիճակում օճառի մեծ քանակության թափվելու դեպքում լցնել նրա վրա ցանկացած ադսորբացնող/կլանիչ նյութ (ավազ, սիլիկագել, թեփ/սղոցուք և այլն), ինչից հետո հավաքել տարողության մեջ հետագա օգտահանման համար: Օճառի մնացորդները լվանալ մակերեսներից մեծ քանակությամբ ջրով: Աշխատանքների ժամանակ ձեռքերը պաշտպանել ռետինե ձեռնոցներով:
20. Շրջակա միջավայրի պահպանման միջոցներ` չթույլատրել չնոսրացված օճառի ընկնելը կենցաղային մակերեսային կամ ստորգետնյա կեղտաջրեր կամ կոյուղի:
21. Պիտանելիության ժամկետ` 5 տարի արտադրության օրից` արտադրողի չբացած տարողության մեջ:
6. ՈՐԱԿԻ ՀՍԿՈՂՈՒԹՅԱՆ ՄԵԹՈԴՆԵՐ
22. Որակի ցուցանիշներով օճառը պետք է համապատասխանի սույն հրահանգի աղյուսակ 1-ում ներկայացված նորմաներին:
Աղյուսակ 1
._________________________________________________________________.
| |Ցուցանիշի անվանում |Նորմա |
|_|_____________________________|_________________________________|
|1|Արտաքին տեսք, գույն և հոտ |Մածուցիկ թափանցիկ (թույլատրվում է|
| | |թեթև օպալեսցենցիա) անգույն կամ |
| | |ներլիչին համապատասխանող գույնի |
| | |հեղուկ թույլ յուրահատուկ հոտով |
|_|_____________________________|_________________________________|
|2|Խտությունը +20oC ժամանակ, | 1.01 +- 0.01 |
| |գ/սմ3 | |
|_|_____________________________|_________________________________|
|3|Ջրածնի իոնների ակտիվության | 6.0 +- 1.0 |
| |ցուցանիշը (pH) +20oC ժամանակ,| |
| |pH միավ. | |
|_|_____________________________|_________________________________|
|4|Ալկիլդիմեթիլբենզիլամոնիումի | 1.0 +- 0.1 |
| |քլորիդի զանգվածային բաժին, % | |
| | | |
._________________________________________________________________.