| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտը ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ
31 հուլիսի 2019 թվականի N 2103-Լ
«ԴԵԶԻՎԱՅՊՍ» ԱԽՏԱՀԱՆԻՉ ԱՆՁԵՌՈՑԻԿՆԵՐԻ ԿԻՐԱՌՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ
i
Հիմք ընդունելով Հայաստանի Հանրապետության վարչապետի 2018 թվականի հունիսի 11-ի թիվ 728-Լ որոշմամբ հաստատված Հայաստանի Հանրապետության առողջապահության նախարարության կանոնադրության 18-րդ կետի 20-րդ ենթակետը և Հայաստանի Հանրապետության առողջապահության նախարարի 2015 թվականի սեպտեմբերի 10-ի թիվ 48-Ն հրամանի հավելվածի 20-րդ կետը`
ՀՐԱՄԱՅՈՒՄ ԵՄ`
1. Հաստատել` «Դեզիվայպս» ախտահանիչ անձեռոցիկների կիրառման հրահանգը` համաձայն հավելվածի:
2. Սույն հրամանն ուժի մեջ է մտնում հրապարակմանը հաջորդող օրվանից:
Ա. ԹՈՐՈՍՅԱՆ
Հավելված
ՀՀ առողջապահության նախարարի
2019 թվականի հուլիսի 31-ի
N 2103-Լ հրամանի
ՀՐԱՀԱՆԳ «ԴԵԶԻՎԱՅՊՍ» ԱԽՏԱՀԱՆԻՉ ԱՆՁԵՌՈՑԻԿՆԵՐԻ ԿԻՐԱՌՄԱՆ
1. ԸՆԴՀԱՆՈՒՐ ԴՐՈՒՅԹՆԵՐ
1. «Դեզիվայպս» ախտահանիչ անձեռոցիկները (այսուհետ` անձեռոցիկներ) իրենից ներկայացնում են սպիտակ ոչ գործվածքային նյութից պատրաստված մեկանգամյա օգտագործման անձեռոցիկներ, հավասարաչափ տոգորված ախտահանիչ կոմպոզիցիայով (տոգորման լուծույթ): Տոգորման լուծույթն իրենից ներկայացնում է թափանցիկ (թույլատրվում է թեթև օպալեսցենցիա) անգույն հեղուկ էթիլային սպիրտի բնորոշ հոտով: Որպես ազդող նյութ` պարունակում է. էթիլային սպիրտ` 63.0% զանգվ., չորրորդական ամոնիումային միացությունների (ալկիլդիմեթիլբենզիլամոնիումի քլորիդ` 0.1% զանգվ., դիդեցիլդիմեթիլամոնիումի քլորիդ` 0.1% զանգվ.), քլորհեքսիդինի բիգլյուկոնատ` 0.5% զանգվ., կաթնաթթու` 0.1% զանգվ., ինչպես նաև լրացուցիչ հավելումներ և ջուր:
2. Անձեռոցիկները թողարկվում են 2 ձևով.
1) 130x190 մմ չափի 30-200 անձեռոցիկներից ծակոտկեն ժապավենի տեսքով, ձևավորված գլանաթափաթեթի տեսքով և փաթեթավորված պոլիմերային նյութից պատրաստված համապատասխան չափսերի բանկաների/անոթների մեջ կրկնակի սեղմիչ կափարիչով (ներքին կափարիչը ֆունկցիոնալ անցքով մեկ անձեռոցիկ քաշելու համար),
2) եռաշերտ կոմպոզիցիոն նյութից (պոլիէթիլեն, փայլաթիթեղ, թուղթ) անհատական հերմետիկ փաթեթների մեջ մեկական անձեռոցիկով («սաշե» փաթեթավորում) հետևյալ չափսերի` 60x100 մմ, 80x80 մմ, 130x190 մմ:
3. Անձեռոցիկների պիտանելիության ժամկետը 5 տարի է` արտադրողի փակ փաթեթավորմամբ, պահման պայմանների պահպանման դեպքում: Անոթի/բանկայի մեջ փաթեթավորված անձեռոցիկների պաշտպանիչ թաղանթը բացելուց հետո` 5 ամիս` պահման պայմանների պահպանման դեպքում:
4. Անձեռոցիկներն օժտված են հակամանրէային ակտիվությամբ գրամբացասական և գրամդրական մանրէների (այդ թվում` տուբերկուլյոզի միկրոբակտերիաների` թեստավորված Mycobacterium terrae-ի վրա, ներհիվանդանոցային վարակների (ՆՀՎ))` թեստավորված Պսևդոմոնաս աէռուգինոզայի (Pseudomonas aeruginosa) վրա), վիրուսների (մարդու բոլոր հայտնի ախտածին վիրուսների հանդեպ, այդ թվում` էնտերովիրուսային վարակների հարուցիչների, պոլիոմիելիտի, Կոքսակի, ECHO էնտերովիրուսների, ընդերային և արտաընդերային հեպատիտների, ՄԻԱՎ-վարակի, գրիպի, այդ թվում` «թռչնի» (A/H5N1), «խոզի» (A/H1N1), պարագրիպի, կարմրուկի, «ատիպիկ թոքաբորբի» (SARS), ՍՇՎՀ-ների, հերպետիկ, ադենովիրուսային, ցիտոմեգալովիրուսային վարակների և այլ հարուցիչների նկատմամբ), Կանդիդա և Տրիխոֆիտոն տեսակի սնկերի նկատմամբ:
5. Անձեռոցիկների տոգորման բաղադրությունը/կազմը ըստ սուր թունավորության չափանիշների, ստամոքսի մեջ և մաշկի վրա լցվելիս, համաձայն ԳՕՍՏ 12.1.007-76-ի, պատկանում է քիչ վտանգավոր նյութերի 4-րդ դասին: Տեղային գրգռող, մաշկային-ռեզորբտիվ և գերզգայունացնող հատկությունները միջոցի կիրառման առաջարկվող ռեժիմների ժամանակ արտահայտված չեն: Անձեռոցիկների տոգորման կազմությունն ունի չափավոր արտահայտված գրգռիչ ազդեցություն աչքի լորձաթաղանթի վրա: Համաձայն ախտահանիչ միջոցների ինհալյացիոն վտանգավորության աստիճանի դասակարգմանն ըստ սուր և ենթասուր բիոցիդ ազդեցության գոտիների կիրառման ռեժիմում (ոչ մեծ չափի մակերեսների շփում) միջոցը պատկանում է քիչ վտանգավոր նյութերի 4-րդ դասին:
6. Սահմանային թույլատրելի խտությունը (ՍԹԽ) աշխատակցային գոտու օդում.
1) էթիլային սպիրտի` 2000/1000 մգ/մ3 (գոլորշիներ, վտանգավորության 4-րդ դաս),
2) ալկիլդիմեթիլբենզիլամոնիումի քլորիդ` 1 մգ/մ3 (աէրոզոլ, վտանգավորության 2-րդ դաս),
3) դիդեցիլդիմեթիլամոնիումի քլորիդ` 1 մգ/մ3 (աէրոզոլ, վտանգավորության 2-րդ դաս):
7. Անձեռոցիկները (130x190 մմ չափսի) նախատեսված են.
1) Տարբեր ուղղվածության բժշկական օգնություն և սպասարկում իրականացնող կազմակերպությունների (այսուհետ` ԲԿ) (այդ թվում` վիրաբուժական, թերապևտիկ ուղղության և այլ), սանիտարական տրանսպորտի, շտապ բուժօգնության կայանների, լաբորատորիաների (մանրէաբանական, սնկաբանական, վիրուսաբանական, իմունոլոգիական, կլինիկական, քրեագիտական և այլ), դոնորային կետերի և արյան փոխներարկման կայանների, բուժսանմասերի անձնակազմի, դեղատնային կազմակերպությունների աշխատակիցների ձեռքերի հիգիենիկ մշակման համար,
2) Կրթության, մշակույթի և սպորտի, այդ թվում` մանկական նախադպրոցական և դպրոցական կազմակերպությունների (ներառյալ` առողջարանային կազմակերպություններ, ճամբարներ, տուն-ինտերնատներ, ապաստարաններ և այլն), սոցիալական ծառայություններ տրամադրող կազմակերպությունների (հաշմանդամների և տարեցների տներ և այլն), առողջարանա-կուրորտային (պանսիոնատների, առողջարանների, հանգստյան տների և այլ) կազմակերպությունների բուժաշխատողների ձեռքերի հիգիենիկ մշակման համար,
3) օծանելիքակոսմետիկական, դեղագործական, կենսատեխնոլոգիական և մանրէաբանական հաստատությունների աշխատակիցների, արտակարգ իրավիճակների գոտիներում, սպասարկման ոլորտի օբյեկտների (այդ թվում` վարսահարդարման, կոսմետոլոգիական, գեղեցկության, ՍՊԱ-սրահների, բաղնիք-լվացքատուն համալիրների, հյուրանոցային տնտեսության օբյեկտների և այլն), ծիսական և թաղման ծառայություններ տրամադրող կազմակերպությունների, դիահերձարանների, հասարակական տրանսպորտի, հանրային սննդի հաստատությունների, կաթնախոհանոց, սննդի և մշակող արդյունաբերության հաստատությունների, առևտրի (այդ թվում գանձապահների և թղթադրամների հետ շփվող այլ անձանց) հաստատությունների աշխատակիցների ձեռքերի հիգիենիկ մշակման համար,
4) ոտնաթաթերի կանխարգելիչ մշակման համար,
5) Բժշկական կազմակերպություններում պացիենտների ներարկման և վիրահատական դաշտերի (այդ թվում` ինվազիվ միջամտություններ, մանիպուլյացիաներ, ներարկումներ, բուժական և ախտորոշիչ պունկցիաների` պերիֆերիկ և կենտրոնական անոթների, էպիդուրալ տարածության կաթետերիզացիայի, ողնուղեղային պունկցիայի, հոդերի պունկցիայի, արյան փոխներարկման և այլն իրականացնելուց առաջ)` միայն անհատական փաթեթավորմամբ մանրէազերծ անձեռոցիկների համար,
6) դոնորների, ինչպես նաև շտապ օգնության մեքենաներով տեղափոխման պայմաններում, վարակիչ օջախներում, արտակարգ իրավիճակների գոտիներում արմնկային ծալքի մշակման համար` միայն անհատական փաթեթավորմամբ մանրէազերծ անձեռոցիկների համար,
7) Բժշկական կազմակերպություններում բժշկական գործիքների և բժշկական տեխնիկայի, որոնք անմիջականորեն չեն շփվում պացիենտի հետ կամ կառուցվածքային առանձնահատկությունները թույլ չեն տալիս կիրառել ընկղմման մեթոդը (ծայրակալ/ծայրապանակ, միկրոշարժիչ մեխանիկական ծայրակալերին, լուսաամրացնող սարքերին և այլն) մակերեսների ախտահանման համար,
8) սենքերում ոչ մեծ մակերեսով կոշտ մակերեսների (բացառությամբ սպիրտների ազդեցության ենթակա նյութերից պատրաստվածների, օրինակ` ակրիլային ապակի) ախտահանման համար,
9) կոշտ գույքի (բազկաթոռի գլխակալ, արմնկակալ և այլն) մակերեսների ախտահանման և մաքրման համար,
10) Բժշկական կազմակերպություններում յուրաքանչյուր պացիենտից հետո ոչ մեծ մակերեսով մակերևույթների (այդ թվում` ատամնաբուժական կաբինետների օժանդակ սարքավորումների` բազկաթոռների գլխակալների, արմնկակալների, բռնակների, կոշտ կահույքի մակերեսների, ապարատների, պացիենտի հետ շփում չունեցող գործիքների արտաքին մակերեսների և այլն) ախտահանման և մաքրման համար,
11) սեղանների (այդ թվում` վիրահատարաններում, միջամտությունների սենյակներում, բարուրման սենյակներում, ծնարաններում), գինեկոլոգիական և ատամնաբուժական բազկաթոռների, մահճակալների, վերակենդանացման ներքնակների և այլնի ախտահանման և մաքրման համար,
12) համակարգիչների համալրող պարագաների (ստեղնաշար, միկրոֆոն, տպիչ և այլն), հեռախոսների և այլ գրասենյակային տեխնիկայի արտաքին մակերեսների ախտահանման և մաքրման համար,
13) լուսավորման սարքերի, շերտավարագույրերի և այլնի մակերեսների ախտահանման համար,
14) սնկային հիվանդությունների կանխարգելման նպատակով կոշիկների ներքին մակերեսների (կաշվից, մաշկալաթից, գործվածքից, ռետինից, պլաստիկից) ախտահանման համար:
8. Անհատական փաթեթավորմամբ մանրէազերծ անձեռոցիկները (60x100 մմ, 80x80 մմ չափսերի) նախատեսված են ներարկման դաշտի ախտահանման համար:
9. Անձեռոցիկները նախատեսված են կենցաղում օգտագործման համար (կենցաղի համար պիտակին համապատասխան):
2. ՄԻՋՈՑԻ ԿԻՐԱՌՈՒՄԸ
10. Պոլիմերային բանկաների/անոթների մե փաթեթավորված անձեռոցիկներն օգտագործվում են գլանափաթեթի մեջտեղից: Եթե օգտագործման ընթացքում ծայրային անձեռոցիկը չորացել է, ապա այն անհրաժեշտ է դեն նետել և օգտագործել հաջորդը:
11. ՈՒՇԱԴՐՈՒԹՅՈՒՆ: Չի թույլատրվում օգտագործել անձեռոցիկները սպիրտների ազդեցության ենթակա նյութերից պատրաստված մակերեսների մշակման համար (լաքապատ, պատրաստված ակրիլային ապակուց կամ այլ նյութերից, որոնք ենթակա են սպիրտների ազդեցությանը):
12. Անհատական փաթեթների մեջ փաթեթավորված անձեռոցիկները` բացել փաթեթն անմիջապես օգտագործումից առաջ, հանել այն, բաց անել և անմիջապես իրականացնել մշակումը:
13. Ձեռքերի հիգիենիկ մշակում. Բացել փաթեթը, արագ հանել և բաց անել անձեռոցիկը, հանգամանորեն մշակել ձեռքերը, հատուկ ուշադրություն դարձնելով մատների ծայրերին և ձեռքերի միջմատնային տարածություններին, մշակման ժամանակը` 20 վայրկյանից ոչ պակաս: Վիրուսային վարակների կանխարգելման համար մշակումն իրականացնում են մեկանգամյա, մշակման ժամանակը` 30 վայրկյանից ոչ պակաս: Տուբերկուլյոզի (M. terrae) կանխարգելման համար մշակումն իրականացնում են կրկնակի, ամեն անգամ օգտագործելով նոր անձեռոցիկ, մշակման ընդհանուր ժամանակը` 1 րոպեից ոչ պակաս:
14. Ներարկման դաշտի մաշկի մշակում (միայն անհատական փաթեթավորմամբ մանրէազերծ անձեռոցիկների համար). Բացել փաթեթը, արագ հանել և բաց անել անձեռոցիկը, հանգամանորեն մշակել ներարկման դաշտի մաշկը: Մշակումն ավարտելուց հետո պահաժամ` 30 վայրկյանից ոչ պակաս:
15. Վիրահատական դաշտի մաշկի, դոնորների արմնկային ծալքի մշակում, մաշկի մշակում կաթետերի տեղադրումից և հոդի պունկցիայից առաջ (միայն անհատական փաթեթավորմամբ մանրէազերծ անձեռոցիկների համար). Բացել փաթեթը, արագ հանել և բաց անել անձեռոցիկը: Մաշկը կրկնակի մշակել միևնույն ուղղությամբ երկու տարբեր անձեռոցիկներով: Մշակումն ավարտելուց հետո պահաժամ` 2 րոպե:
16. Ոտնաթաթերի կանխարգելիչ մշակում. Յուրաքանչյուր ոտնաթաթի մաշկը հանգամանորեն մշակել տարբեր անձեռոցիկներով: Յուրաքանչյուր ոտնաթաթը մշակել 30 վայրկյանից ոչ պակաս:
17. Բժշկական գործիքները և բժշկական տեխնիկան, որն անմիջականորեն չի շփվում պացիենտի հետ կամ որոնց կառուցվածքային առանձնահատկությունները թույլ չեն տալիս կիրառել ընկղմման մեթոդը, մշակվում են սույն հրահանգի Աղյուսակ 2-ում ներկայացված ռեժիմներով և հաշվի առնելով յուրաքանչյուր կոնկրետ գործիքի արտադրող-ընկերության խորհուրդները:
18. Ոչ մեծ չափի մակերեսների ախտահանում. Բացել փաթեթը, արագ հանել անձեռոցիկը, բաց անել այն և մանրակրկիտ շփել մշակվող մակերեսը: Մեկ անձեռոցիկը նախատեսված է 0.2 մ2 ոչ ավել մակերեսի մշակման համար: Տարբեր ծագման վարակների ժամանակ ախտահանիչ պահաժամերը ներկայացված են սույն հրահանգի Աղյուսակ 1-ում: Մշակվող մակերեսների վրա կենսաբանական աղտոտման (օրգանական և այլ) առկայության դեպքում անհրաժեշտ է մեկ անձեռոցիկով հեռացնել աղտոտվածությունը, իսկ մյուսով իրականացնել կրկնակի մշակում համաձայն սույն հրահանգի Աղյուսակ 1-ում ներկայացված ռեժիմների: Անձեռոցիկը թափել բժշկական թափոնների համար տարողության մեջ` հետագա օգտահանության համար:
19. Կոշիկների ներքին մակերեսի ախտահանում. Կոշիկների ներքին մակերեսը մշակում են երկու անգամ: Ախտահանման ընդհանուր ժամանակը 15 րոպե է: Կոշիկների մեկ զույգի համար օգտագործվում է 4 անձեռոցիկ` 1 անձեռոցիկ 1 մշակման համար:
Աղյուսակ 1
Տարբեր մակերեսների վարակազերծման ռեժիմներ անձեռոցիկներով
._____________________________________________________________________.
|Ախտահանման օբյեկտ |Վարակի տեսակ |Մշակման |Մշակման |
| | |ժամանակ,|եղանակ |
| | |րոպե | |
|________________________|_________________________|________|_________|
|Ոչ մեծ չափերի մակերեսներ|Մանրէային (բացառությամբ | 0.5 |Շփում |
|սենքերում, կահավորանքի |տուբերկուլյոզի) | | |
|պարագաներ, սարքեր, |_________________________|________|_________|
|բժշկական սարքավորումներ,|Մանրէային (բացառությամբ | 1 |Շփում |
|սանիտարական տրանսպորտի |տուբերկուլյոզի), սնկային | | |
|օբյեկտներ և այլն |(կանդիդոզներ), վիրուսային| | |
| |_________________________|________|_________|
| |Մանրէային (բացառությամբ | 3 |Շփում |
| |տուբերկուլյոզի), սնկային | | |
| |(կանդիդոզներ, | | |
| |դերմատոֆիտիաներ), | | |
| |վիրուսային | | |
|________________________|_________________________|________|_________|
|Ոչ մեծ չափերի մակերեսներ|Մանրէային (ներառյալ` | 10 |Կրկնակի |
|սենքերում, կահավորանքի |տուբերկուլյոզ` | |շփում |
|պարագաներ, սարքեր, |M. terrae), սնկային | |(5 րոպե |
|բժշկական սարքավորումներ,|(կանդիդոզներ, | |ընդմիջու-|
|սանիտարական տրանսպորտի |դերմատոֆիտիաներ), | |մով) |
|օբյեկտներ և այլն |վիրուսային | | |
._____________________________________________________________________.
Աղյուսակ 2
Բժշկական գործիքների, բժշկական տեխնիկայի մակերեսների (որոնք
անմիջականորեն չեն դիպչում պացիենտին կամ որոնց կառուցվածքային
առանձնահատկությունները թույլ չեն տալիս կիրառել ընկղմման մեթոդը)
ախտահանման ռեժիմներ անձեռոցիկներով
.____________________________________________________________________.
|Ախտահանման օբյեկտ |Վարակի տեսակ |Մշակման |Մշակման |
| | |ժամանակ,|եղանակ |
| | |րոպե | |
|____________________|____________________________|________|_________|
|Բժշկական գործիքների,|Մանրէային (բացառությամբ | 5 |Կրկնակի |
|բժշկական տեխնիկայի |տուբերկուլյոզի), սնկային | |շփում |
|մակերեսներ |(կանդիդոզներ), վիրուսային | |(1 րոպե |
| | | |ընդմիջու-|
| | | |մով) |
| |____________________________|________|_________|
| |Մանրէային (բացառությամբ | 10 |Կրկնակի |
| |տուբերկուլյոզի), սնկային | |շփում |
| |(կանդիդոզներ, | |(5 րոպե |
| |դերմատոֆիտիաներ), վիրուսային| |ընդմիջու-|
| | | |մով) |
| |____________________________|________|_________|
| |Մանրէային (ներառյալ` | 15 |Կրկնակի |
| |տուբերկուլյոզ` M. terrae), | |շփում |
| |սնկային (կանդիդոզներ, | |(5 րոպե |
| |դերմատոֆիտիաներ), վիրուսային| |ընդմիջու-|
| | | |մով) |
.____________________________________________________________________.
Աղյուսակ 3
Մակերեսների կանխարգելիչ ախտահանման ռեժիմներ անձեռոցիկներով
._________________________________________________________________.
|Ախտահանման օբյեկտ |Մշակման |Մշակման|
| |ժամանակ,|եղանակ |
| |րոպե | |
|________________________________________________|________|_______|
|Դռան բռնակներ, անջատիչներ, հեռախոսի ապարատների | 1 |Շփում |
|լսափողներ, լրագրի և ճաշի սեղաններ, բազկաթոռների| | |
|արմնկակալներ, զուգարանային դարակաշարեր, | | |
|պահարանիկներ, ծորակների բռնակներ, | | |
|սանհանգույցներում զուգարանակոնքերի նստատեղեր և | | |
|այլն | | |
._________________________________________________________________.
3. ՆԱԽԱԶԳՈՒՇԱԿԱՆ ՄԻՋՈՑԱՌՈՒՄՆԵՐ
20. Միջոցը կիրառել միայն ըստ նշանակության` համաձայն կիրառման հրահանգի:
21. Չօգտագործել վերքերի և լորձաթաղանթների մշակման համար:
22. Խուսափել տոգորման լուծույթի աչքերի մեջ լցվելուց:
23. Չմշակել օբյեկտների մակերեսները, որոնք փչանում են սպիրտների ազդեցությունից:
24. Պիտանելիության ժամկետն անցնելուց հետո կամ անձեռոցիկների չորանալու, ինչպես նաև սխալ պահպանման դեպքում օգտագործումն արգելվում է:
25. Ոչ մեծ չափի մակերեսների և օբյեկտների մշակումը ծախսի նորմերի պահպանման դեպքում թույլատրվում է իրականացնել առանց անհատական պաշտպանման միջոցների մարդկանց ներկայությամբ:
4. ԱՌԱՋԻՆ ՕԳՆՈՒԹՅԱՆ ՄԻՋՈՑԱՌՈՒՄՆԵՐ ՊԱՏԱՀԱԿԱՆ ԹՈՒՆԱՎՈՐՄԱՆ ԺԱՄԱՆԱԿ
26. Տոգորման լուծույթի աչքերի մեջ պատահական լցվելու դեպքում դրանք առատորեն լվանալ հոսող ջրով և կաթեցնել նատրիումի սուլֆացիլի 20%-30% լուծույթ: Անհրաժեշտության դեպքում դիմել ակնաբույժի:
27. Շնչառական օրգանների գրգռման նշանների հայտնվելու դեպքում անհրաժեշտ է դադարեցնել աշխատանքը, տուժածին դուրս հանել մաքուր օդի, բերանը և քիթըմպանը ողողել ջրով:
28. Մաշկի վրա գրգռվածության, ցանի հայտնվելու դեպքում անհրաժեշտ է դադարեցնել անձեռոցիկների օգտագործումը, ձեռքերը լվանալ ջրով և օճառով:
5. ՓՈԽԱԴՐՈՒՄ ԵՎ ՊԱՀՊԱՆՈՒՄ
29. Միջոցը փոխադրվում է վերգետնյա տրանսպորտի բոլոր ծածկված տրանսպորտի միջոցներով` համապատասխան բեռների փոխադրման կանոններին, որոնք գործում են տրանսպորտի այդ միջոցների վրա և երաշխավորում են միջոցի և տարողության պահպանվածությունը:
30. Միջոցը պահպանում են արտադրողի սեղմ փակ տարողության մեջ, չոր լավ օդափոխվող ծածկած պահեստային սենքերում, որոնք ապահովում են պաշտպանվածությունը արևի ուղիղ ճառագայթներից, տաքացուցիչ սարքերից և բաց կրակից հեռու, +30oC ոչ բարձր ջերմաստիճանի պայմաններում, դեղամիջոցներից առանձին, երեխաների համար անհասանելի տեղերում:
31. Վթարային իրավիճակում (արտադրողական տուփի ամբողջականության խախտման դեպքում) անձեռոցիկներն անհրաժեշտ է հավաքել և ուղարկել օգտահանության:
6. ՈՐԱԿԻ ՀՍԿՈՂՈՒԹՅԱՆ ՄԵԹՈԴՆԵՐ
32. Որակի ցուցանիշներով միջոցը պետք է համապատասխանի սույն հրահանգի աղյուսակ 4-ում ներկայացված նորմաներին:
33. Աղյուսակ 4
._____________________________________________________________________.
| |Հսկվող ցուցանիշներ | Նորմա |
|_|____________________________|______________________________________|
|1|Արտաքին տեսք, գույն և հոտ |Հավասարաչափ տոգորված անձեռոցիկներ |
| | |սպիտակ գույնի ոչ գործվածքային նյութից |
| | |էթիլ սպիրտի բնորոշ հոտով |
|_|____________________________|______________________________________|
|2|Անձեռոցիկի չափսերը, մմ | 130 x 90 | 80 x 80 | 60 x 100 |
| | | (+-20) | (+-5) | (+-5) |
|_|____________________________|____________|____________|____________|
|3|Անձեռոցիկների քանակ | | | |
| |սպառողական տուփի մեջ. | | | |
| |- պոլիմերային բանկայի մեջ | 30-200 | - | - |
| |- անհատական տուփի մեջ | 1 | 1 | 1 |
|_|____________________________|____________|____________|____________|
|4|Մեկ անձեռոցիկի տոգորման |5.50 +- 0.50|2.00 +- 0.15|1.70 +- 0.15|
| |լուծույթի զանգված, գր | | | |
|_|____________________________|______________________________________|
|5|Տոգորման լուծույթում էթիլ | 63.0 +- 3.0 |
| |սպիրտի զանգվածային մասը, % | |
|_|____________________________|______________________________________|
|6|Տոգորման լուծույթում | 0.20 +- 0.02 |
| |ալկիլդիմեթիլբենզիլամոնիումի | |
| |քլորիդի և | |
| |դիդեցիլդիմեթիլամոնիումի | |
| |քլորիդի (գումարային) | |
| |զանգվածային մասը, % | |
|_|____________________________|______________________________________|
|7|Տոգորման լուծույթում | 0.50 +- 0.05 |
| |քլորհեքսիդինի բիգլյուկոնատի | |
| |զանգվածային մասը, % | |
|_|____________________________|______________________________________|
|8|Տոգորման լուծույթում | 0.10 +- 0.01 |
| |կաթնաթթվի զանգվածային մասը, | |
| |% | |
._____________________________________________________________________.