ՀՀ ՏԱՎՈՒՇԻ ՄԱՐԶՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

040.0503.210800

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«21» օգոստոսի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

21 օգոստոսի 2000 թվականի N 503

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏԱՎՈՒՇԻ ՄԱՐԶՊԵՏԱՐԱՆԻՆ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

Հայաստանի Հանրապետության վարչապետի Տավուշի մարզ կատարած այցի ժամանակ բարձրացված առանձին հարցերի լուծման նպատակով Հայաստանի Հանրապետության կառավարությունը որոշում է.

1. Հայաստանի Հանրապետության 2000 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդից Հայաստանի Հանրապետության Տավուշի մարզպետարանին հատկացնել 6 մլն դրամ, այդ թվում`

ա) 4 մլն դրամ` Տավուշի մարզի Իջևանի տարածաշրջանում 1998 թվականի հունիսին տեղացած հորդառատ անձրևների հետևանքով վնասված 2 տան սեփականատերերին 2-ական մլն դրամ օգնություն տրամադրելու համար.

բ) 2 մլն դրամ` Բերդի N 2 միջնակարգ դպրոցի վթարային շենքը քանդելու համար:

2. Հայաստանի Հանրապետության ֆինանսների և էկոնոմիկայի նախարարությանը` նշված գումարները հատկացնել կնքված պայմանագրերի, թերության և կատարողական ակտերի հիման վրա:

3. Սույն որոշումն ուժի մեջ է մտնում 2000 թվականի օգոստոսի 21-ից: