| ԻՐՏԵԿ |
Սույն ակտի ուժի մեջ մտնելու ամսաթիվը անհնար է որոշել, քանի որ ակտը ընդունող մարմնի կողմից չի կատարվել «Նորմատիվ իրավական ակտերի մասին» ՀՀ օրենքի 23-րդ հոդվածի 7-րդ մասի` ընդունող մարմնի պաշտոնական կայքէջում իրավական ակտի հրապարակման օրը նշելու պահանջը: |
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՈՍՏԻԿԱՆՈՒԹՅԱՆ ՊԵՏԻ
ՀՐԱՄԱՆ
Թիվ 1-Լ
ԱՐՏԱՔԻՆ ԾԱՌԱՅՈՒԹՅՈՒՆ ԻՐԱԿԱՆԱՑՆՈՂ ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻՆ ԱՆՁՆԱՊԵՍ ՆՈՒՅՆԱԿԱՆԱՑՆԵԼՈՒ ՀՆԱՐԱՎՈՐՈՒԹՅՈՒՆ ՏՎՈՂ ՏԱՐԲԵՐԱՆՇԱՆԸ ՍԱՀՄԱՆԵԼՈՒ ԵՎ ՈՍՏԻԿԱՆՈՒԹՅԱՆ ԾԱՌԱՅՈՂՆԵՐԻՆ ՀԱՏԿԱՑՆԵԼՈՒ ՄԱՍԻՆ
i
«Ոստիկանության մասին» օրենքի 12-րդ հոդվածի 2-րդ մասի և Հայաստանի Հանրապետության վարչապետի 2018 թվականի հունիսի 11-ի թիվ 751-Լ որոշման հավելվածի 20-րդ կետի 8-րդ ենթակետի համաձայն`
ՀՐԱՄԱՅՈՒՄ ԵՄ`
1. Սահմանել, որ`
1) ոստիկանության ծառայողին անձնապես նույնականացնելու հնարավորություն տվող տարբերանշանը պատրաստվում է կտորից` ոստիկանության ծառայողի վկայականի բաղկացուցիչ մաս հանդիսացող կրծքանշանի չափով և ձևով,
2) ոստիկանության ծառայողին անձնապես նույնականացնելու հնարավորություն տվող տարբերանշանը կրում են արտաքին ծառայություն իրականացնող ոստիկանության ծառայողները` այն ամրացնելով վերնաշապիկի, բաճկոնի, տարազաբաճկոնի կամ կիսավերարկուի ձախ գրպանի վերին հատվածում կարված կպչունակի վրա:
2. Հայաստանի Հանրապետության ոստիկանության կադրային քաղաքականության վարչության պետին` սույն հրամանի ընդունումից հետո` 10-օրյա ժամկետում, համագործակցելով Հասարակական անվտագության ապահովման գլխավոր վարչության հետ, Տնտեսական վարչություն ներկայացնել արտաքին ծառայությունը որպես հիմնական գործառույթ իրականացնող ոստիկանության ծառայողների թվաքանակը և նրանց անհատապես նույնականացնելու հնարավորություն տվող համարները (ծառայողական վկայականների համարները):
3. Հայաստանի Հանրապետության ոստիկանության տնտեսական վարչության պետին` սույն հրամանի 2-րդ կետով նախատեսված տվյալները ստանալուց հետո` 15 օրվա ընթացքում, ապահովել ոստիկանության ծառայողներին անձնապես նույնականացնելու հնարավորություն տվող տարբերանշանների պատրաստումը և հատկացումը համապատասխան ծառայողներին:
4. Հայաստանի Հանրապետության ոստիկանության ֆինանսաբյուջետային վարչության պետին` ապահովել ոստիկանության ծառայողներին անձնապես նույնականացնելու հնարավորություն տվող տարբերանշանների պատրաստման համար անհրաժեշտ ֆինանսական միջոցների հատկացումը:
5. Հրամանը ծանոթացնել ՀՀ ոստիկանության իրավասու ծառայողներին:
ԳՆԴԱՊԵՏ Վ. ՂԱԶԱՐՅԱՆ
21 հունվարի 2021թ.
Երևան