041.0628.130900
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
13 սեպտեմբերի 2000 թվականի N 628
ԱՇԽԱՏԱՆՔԱՅԻՆ ԽՄԲԵՐ ՍՏԵՂԾԵԼՈՒ ՄԱՍԻՆ
1. «Ոռոգում» պետական փակ բաժնետիրական ընկերության և Հայաստանի Հանրապետության համայնքների տնօրինության ջրհան կայանների ու խորքային հորերի` ոռոգման համար ջրի մատակարարման և էլեկտրաէներգիայի օգտագործման արդյունավետությունն ուսումնասիրելու նպատակով ստեղծել աշխատանքային խումբ հետևյալ կազմով`
Վ. Մովսիսյան - ՀՀ վարչապետի խորհրդական
(աշխատանքային խմբի ղեկավար)
Ե. Ավետիսյան - ՀՀ գյուղատնտեսության նախարարի տեղակալ
Մ. Միքայելյան - ՀՀ ֆինանսների և էկոնոմիկայի նախարարի
տեղակալ
Ա. Հարությունյան - ՀՀ բնապահպանության նախարարի տեղակալ
Ա. Մովսիսյան - ՀՀ էներգետիկայի նախարարի տեղակալ
Ա. Ռուբենյան - ՀՀ վարչապետի վերահսկողական ծառայության
գլխավոր մասնագետ
Ռ. Անտոնյան - ՀՀ կառավարության աշխատակազմի
քաղաքաշինության և բնական ռեսուրսների
վարչության գլխավոր մասնագետ
Փ. Գամազյան - ՀՀ կառավարության աշխատակազմի տարածքային
կառավարման և տեղական ինքնակառավարման
վարչության առաջատար մասնագետ
Հայաստանի Հանրապետության Արագածոտնի, Արարատի, Արմավիրի մարզպետարանների
գյուղատնտեսության և բնապահպանության վարչությունների պետեր
Աշխատանքային խմբին` 15-օրյա ժամկետում Հայաստանի Հանրապետության արտադրական ենթակառուցվածքների գործունեությունը համակարգող նախարարին ներկայացնել Հայաստանի Հանրապետության Արագածոտնի, Արարատի, Արմավիրի մարզերի մի շարք համայնքներում կատարված ուսումնասիրությունների արդյունքները:
2. Համայնքների ջրօգտագործողների սպառողական ընկերությունների գործունեության արդյունավետության բարձրացման, ոռոգման ջրի վարձավճարների գանձման մեխանիզմների կատարելագործման, ոռոգման համակարգում կառուցվածքային բարեփոխումների միջոցառումների վերաբերյալ առաջարկություններ ներկայացնելու նպատակով ստեղծել աշխատանքային խումբ հետևյալ կազմով`
Գ. Մարտիրոսյան - ՀՀ վարչապետի խորհրդական
(աշխատանքային խմբի ղեկավար)
Վ. Մովսիսյան - ՀՀ վարչապետի խորհրդական
Ե. Ավետիսյան - ՀՀ գյուղատնտեսության նախարարի տեղակալ
Մ. Միքայելյան - ՀՀ ֆինանսների և էկոնոմիկայի նախարարի
տեղակալ
Ա. Հարությունյան - ՀՀ բնապահպանության նախարարի տեղակալ
Ս. Օհանյան - ՀՀ կառավարության աշխատակազմի
քաղաքաշինության և բնական ռեսուրսների
վարչության պետ
Կ. Քոչարյան - ՀՀ կառավարության աշխատակազմի տարածքային
կառավարման և տեղական ինքնակառավարման
վարչության պետի տեղակալ
Ա. Սարգսյան - ՀՀ վարչապետի վերահսկողական ծառայության
պետի տեղակալ
Աշխատանքային խմբին` 15-օրյա ժամկետում Հայաստանի Հանրապետության արտադրական ենթակառուցվածքների գործունեությունը համակարգող նախարարին ներկայացնել առաջարկություններ:
3. Հայաստանի Հանրապետության արտադրական ենթակառուցվածքների գործունեությունը համակարգող նախարարին` ամփոփել աշխատանքային խմբերի ներկայացրած առաջարկությունները և արդյունքների մասին զեկուցել Հայաստանի Հանրապետության վարչապետին: