Սեղմել Esc փակելու համար:
«ԼԻԴԵՐ ՔԼՈՐ» ԱԽՏԱՀԱՆԻՉ ՄԻՋՈՑԻ ԿԻՐԱՌՄԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

«ԼԻԴԵՐ ՔԼՈՐ» ԱԽՏԱՀԱՆԻՉ ՄԻՋՈՑԻ ԿԻՐԱՌՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ (4-ՐԴ ՄԱՍ)

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ

 

26 ապրիլի 2021 թվականի N 1454-Լ

 

«ԼԻԴԵՐ ՔԼՈՐ» ԱԽՏԱՀԱՆԻՉ ՄԻՋՈՑԻ ԿԻՐԱՌՄԱՆ ՀՐԱՀԱՆԳԸ ՀԱՍՏԱՏԵԼՈՒ ՄԱՍԻՆ

(4-րդ մաս)

 

5. ՆԱԽԱԶԳՈՒՇԱԿԱՆ ՄԻՋՈՑԱՌՈՒՄՆԵՐ

 

44. Միջոցով չի թույլատրվում աշխատել քլորի նկատմամբ բարձր զգայունությամբ, ալերգիկ հիվանդություններով և թոքերի ու վերին շնչուղիների քրոնիկ հիվանդություններով անձանց:

45. Միջոցի և նրա լուծույթների հետ աշխատելիս խուսափել դրանց` մաշկի վրա և աչքերի մեջ լցվելուց:

46. Միջոցով և նրա լուծույթներով բոլոր աշխատանքներն իրականացվում են ռետինե ձեռնոցով ձեռքերի պաշտպանությամբ:

47. Ակտիվ քլորի 0,03%-ից մինչև 0,06% խտությամբ լուծույթով մշակման բոլոր տեսակները (բացառությամբ ոռոգման) իրականացվում են առանց շնչառական օրգանների պաշտպանության միջոցների:

48. 0,1% և ավել ակտիվ քլորի պարունակությամբ լուծույթներով շփման եղանակով աշխատանքներն իրականացվում են պաշտպանության միջոցներով` շնչառական օրգանները` «Վ» մակնիշի պատրոնով ՌՈՒ-60Մ կամ ՌՊԳ-67 ունիվերսալ շնչադիմակներով, աչքերը` հերմետիկ ակնոցով:

49. Շփման եղանակով մակերեսների ախտահանումը 0,015% ակտիվ քլոր պարունակող լուծույթներով իրականացվում է պացիենտների ներկայությամբ: Ակտիվի քլորի 0,015%-ից բարձր խտություններով սենքերում մակերեսների ախտահանումն իրականացվում է պացիենտների բացակայության պայմաններում: Ախտահանումից հետո սենքերն օդափոխում են, մինչև քլորի հոտը վերանա (առնվազն 15 րոպե): Մշակված մակերեսներից միջոցի լվացում չի պահանջվում, եթե ակտիվ քլորի խտությունը 1,0%-ից պակաս է:

50. Սպասքի, սպիտակեղենի, խաղալիքների, մաքրող պարագաների և կոռոզիայի նկատմամբ կայուն բժշկական նշանակության արտադրատեսակների մշակումը ընկղմման և թրջման եղանակներով իրականացվում է օդափոխվող սենքում, իսկ բոլոր տարաները` փակվում խցաններով:

51. Ախտահանումից հետո բժշկական նշանակության արտադրատեսակների լվացումն իրականացվում է հոսող ջրով. ապակյա և մետաղյա արտադրատեսակները` 3 րոպե, ռետինե և պլաստմասսե արտադրատեսակները` 5 րոպե:

52. Սիբիրյան խոցի օջախում իրականացվող աշխատանքները, ներառյալ լուծույթների (2,0-3,0%) պատրաստումը ըստ ակտիվ քլորի, իրականացվում է 1-ին տեսակի հակաժանտախտային համազգեստով, որը ներառում է ընդհանուր ռազմական հակագազ:

53. Միջոցը պահվում է դեղերից առանձին, երեխաների համար անհասանելի տեղում, արտադրողի սերտ փակ փաթեթավորմամբ:

54. Միջոցով աշխատելիս պահպանում են անձնական հիգիենայի կանոնները: Աշխատավայրում չի թույլատրվում խմել, ծխել և սնունդ ընդունել: Աշխատանքն ավարտելիս դեմքն ու ձեռքերը լվանում են օճառով և ջրով:

 

6. ԱՌԱՋԻՆ ՕԳՆՈՒԹՅԱՆ ՄԻՋՈՑԱՌՈՒՄՆԵՐ

 

55. Նախազգուշական միջոցները չպահպանելու ժամանակ հնարավոր է վերին շնչուղիների և աչքի լորձաթաղանթների ու մաշկի գրգռում, գլխացավ: Միջոցով սուր թունավորման առաջին նշանների ի հայտ գալու ժամանակ տուժածին դուրս են բերում մաքուր օդի կամ լավ օդափոխվող սենք, ապահովում են նրա հանգիստը, տալիս տաք ըմպելիք, կաթ (կամ «Բորժոմի»), սոդայի 2%-ոց ջրային լուծույթով ինհալյացիա անում (1 բաժակ ջրին 1 թեյի գդալ կերակրի սոդա): Անհրաժեշտության դեպքում դիմել բժշկի:

56. Միջոցը մաշկի վրա լցվելիս, այն լվանում են առատ ջրով և քսում փափկացնող կրեմ:

57. Միջոցն աչքերի մեջ պատահական լցվելու ժամանակ դրանք առատորեն լվանում են ջրով և կաթեցնում նատրիումի սուլֆացիլի 20-30% լուծույթ: Անհրաժեշտության դեպքում դիմել բժշկի:

58. Ստամոքսի մեջ ընկնելիս, տուժածին տալիս են խմելու ակտիվացված ածուխի 10-20 մանրացված հաբերով մի քանի բաժակ ջուր: Անհրաժեշտության դեպքում դիմել բժշկի:

 

7. ՇՐՋԱԿԱ ՄԻՋԱՎԱՅՐԻ ՊԱՇՏՊԱՆՈՒԹՅԱՆ ՄԻՋՈՑԱՌՈՒՄՆԵՐ

 

59. Թույլ չտալ միջոցի և լվացման ջրերի լցվելը մակերևութային և ստորգետնյա ջրերի մեջ: Միջոցի աշխատանքային լուծույթները թափվում են միայն կոյուղու համակարգ` թույլ չտալով դրանց լցվելը հողի և մակերևութային ջրերի մեջ:

60. Միջոցի պատահական թափվելու դեպքում այն հավաքում են տարայի մեջ և ուղարկում օգտահանման: Մնացորդները լվանում են մեծ քանակությամբ ջրով` խուսափելով թթվով չեզոքացումից, որի ժամանակ հնարավոր է գազային քլորի անջատում: Աշխատանքային լուծույթների թափվելու ժամանակ հեղուկը հավաքում են լաթով (ավազով, թեփով): Միջոցի աշխատանքային լուծույթները լցնում են միայն կոյուղու մեջ` թույլ չտալով դրանց լցվելը հողի և մակերևութային ջրերի մեջ:

61. Թափված միջոցի հավաքման աշխատանքներն իրականացնում են հատուկ հագուստով (խալաթ, ռետինե գոգնոց, ռետինե ճտքակոշիկ) և անհատական պաշտպանության միջոցներով` ձեռքերի (ռետինե ձեռնոց), աչքերի (պաշտպանական ակնոց), շնչառական օրգանների համար («Վ» մակնիշի պատրոնով ՌՈՒ-60Մ կամ ՌՊԳ-67 ունիվերսալ շնչադիմակ):

 

8. ՏԵՂԱՓՈԽՈՒՄ ԵՎ ՊԱՀՈՒՄ

 

62. Միջոցը պահվում է արտադրողի բնօրինակ փակ փաթեթավորմամբ, լավ օդափոխվող տեղում, արևի ուղիղ ճառագայթներից պաշտպանված և տաքացուցիչ սարքերից հեռու, ջերմության աղբյուրներից, օքսիդացնող-վերականգնող նյութերից հեռու, - 30 oC-ից + 45 oC ջերմաստիճանում, սննդամթերքից, դեղերից առանձին, երեխաների համար անհասանելի տեղերում:

63. Միջոցը տեղափոխվում է տրանսպորտի բոլոր տեսակներով` արտադրողի բնօրինակ փաթեթավորմամբ, միջոցի ու փաթեթավորման ամբողջականությունը երաշխավորող տրանսպորտի յուրաքանչյուր տեսակի համար գործող բեռների տեղափոխման կանոններին համապատասխան:

 

9. ՄԻՋՈՑԻ ՈՐԱԿԻ ՀՍԿՈՂՈՒԹՅԱՆ ՖԻԶԻԿԱՔԻՄԻԱԿԱՆ ԵՎ ԱՆԱԼԻՏԻԿ ՄԵԹՈԴՆԵՐ

 

64. Միջոցը, հսկվում է ըստ որակի հետևյալ ցուցանիշների` տեսք, գույն, հոտ, 1 դեղահատի միջին քաշ, հաբերի տարրալուծման ժամանակ, ջրային լուծույթի ջրածնի իոնների ակտիվության ցուցանիշ (pH) 1,0% (ըստ ակտիվ քլորի), ակտիվ քլորի (ԱՔ) զանգվածային բաժին, սույն հրահանգի աղյուսակ 23-ին համապատասխան:

 

Աղյուսակ 23

 

Միջոցի հսկվող ցուցանիշներ և նորմեր

 

.__________________________________________________________________.

|N |Հսկվող ցուցանիշներ           |      Նորմեր                     |

|  |                             |_________________________________|

|  |                             |Հաբեր            |Գրանուլներ     |

|__|_____________________________|_________________|_______________|

|1 |Արտաքին տեսք, հոտ            |Սպիտակ գույնի,   |Ազատ սորացող և |

|  |                             |թույլ քլորի հոտով|միմյանց հետ    |

|  |                             |կլոր հաբեր       |չկապված, քլորի |

|  |                             |                 |բնորոշ հոտով   |

|  |                             |                 |սպիտակ մանր    |

|  |                             |                 |գրանուլներ     |

|__|_____________________________|_________________|_______________|

|2 |1 հաբի միջին զանգված, գ      |1,0 +- 0,1       |      -        |

|  |                             |3,4 +- 0,2       |               |

|__|_____________________________|_________________|_______________|

|3 |Հաբերի տարրալուծման ժամանակ, |5 րոպեից ոչ ավելի|      -        |

|  |րոպե                         |                 |               |

|__|_____________________________|_________________________________|

|4 |Ջրային լուծույթի ջրածնի      |6,5 +-1,5                        |

|  |իոնների ակտիվության ցուցանիշ |                                 |

|  |pH, 1,0% (ըստ ԱՔ)            |                                 |

|__|_____________________________|_________________________________|

|5 |ԱՔ-ի զանգվածային բաժին, %    |50,0 +- 5,0                      |

.__________________________________________________________________.

 

65. Արտաքին տեսքի, գույնի և հոտի որոշում: Արտաքին տեսքն ու գույնը որոշվում են ակնադիտորեն: Հոտը գնահատվում է օրգանոլեպտիկ եղանակով:

66. 1 հաբի միջին զանգվածի որոշում: Չափման միջոցներ` կշեռք լաբորատոր (տեխնիկական) 2-րդ դասի ճշտության, 200 գ կշռման առավելագույն սահմանով:

67. Չափման իրականացում` հաբի միջին զանգվածի որոշման համար կշռում են պատահական ընտրված 10 հաբ: Հաբերի միջին զանգվածը (M) հաշվում են հետևյալ բանաձևով`

 

m

M = _____

n

 

Որտեղ`

m-կշռված հաբերի գումարային զանգված, գ,

n-կշռված հաբերի քանակ:

Հաբերի զանգվածի նոմինալ մեծությունից թույլատրելի շեղումը +- 5% է:

68. Հաբերի տարրալուծման (քայքայման) ժամանակի որոշում: Չափման միջոցներ, տարաներ, ռեակտիվներ`

1) վայրկյանաչափ մեխանիկական, մեկ սլաքանի, ՍՕՊ պռ-2ա-3-000, կամ համարժեք,

2) կոլբա կոնաձև Կն 1-250-29/32 ԳՕՍՏ 25336-82:

69. Չափման իրականացում. հաբերի քայքայման ժամանակը որոշվում է +(20-25) օC ջերմաստիճանում: 250 սմ3 տարողությամբ կոնաձև կոլբայի մեջ դնում են 1 հաբ, վրան լցնում 100 սմ3 ծորակի ջուր, միացնում են վայրկյանաչափը և կոլբան թեթև թափահարելով նշում հաբի քայքայման ժամանակը: Հաբերը համարվում են քայքայված, եթե դրանք վերածվել են փոշու: Քայքայման ժամանակը հաշվարկվում է հաբը ջրի հետ խառնելու ժամանակից` մինչ փոշի դառնալը:

70. 0,3%-ոց (ըստ ակտիվ քլորի) ջրային լուծույթի ջրածնային իոնների ակտիվության ցուցանիշի (pH) որոշում` մեթոդի էությունը կայանում է միջոցի աշխատանքային լուծույթի մեջ ընկղմված չափիչ ապակյա և համեմատության էլեկտրոդի (օժանդակ) պոտենցիալների տարբերության պոտենցիոմետրիկ չափման մեջ: Ջրածնային իոնների ակտիվության ցուցանիշը որոշում են ըստ ԳՕՍՏ 32385-2013, ցանկացած տեսակի իոնաչափով, որն ապահովում է 2-ից մինչև 12 չափում` սարքի կիրառման հրահանգին համապատասխան: pH-ի որոշման համար վերցնում են 50 սմ3 0,3% ջրային լուծույթ: Որպես հետազոտության արդյունք ընդունվում է երկու զուգահեռ սահմանումների միջին թվաբանականը, որոնց միջև բացարձակ տարբերությունը չի գերազանցում թույլատրելի տարբերությունը, որը հավասար է 0,1 pH: Չափման արդյունքը կլորացվում է մինչև առաջին տասնորդական նիշը: Հետազոտության արդյունքի թույլատրելի գումարային սխալը +- 0,1 pH, P=0,95 վստահելի հավանականության դեպքում:

71. Ակտիվ քլորի զանգվածային բաժնի որոշում: Օգտագործվող ռեակտիվներ, սարքեր և սարքավորումներ.

1) Կշեռք լաբորատոր ընդհանուր նշանակության, ճշտության 2-րդ դասի, 200 գրամ առավել կշռման հնարավորությամբ,

2) Կշռաքարերի հավաքածու Գ-2-210, (ԳՕՍՏ 7328),

3) Բյուրետ 5-1-25 (ԳՕՍՏ 20292-74),

4) Կաթոցիկ 5-2-2, 7-2-10, 7-2-20 (ԳՕՍՏ 20292-74),

5) Չափիչ գլաններ 1-25 (ԳՕՍՏ 1770-74),

6) Չափիչ կոլբա 2-100-2 (ԳՕՍՏ 1770-74),

7) Կոնաձև կոլբա (Կն-1-250-29/32 (ԳՕՍՏ 25336-82)),

8) Չափիչ բաժակ (ՍՆ 45/13 (ԳՕՍՏ 25336-82)),

9) Կալիումի յոդիդ (ԳՕՍՏ 4232-74), 10% զանգվածային բաժնով պատրաստված ջրային լուծույթ (ԳՕՍՏ 4517-87),

10) Ծծմբական թթու (ԳՕՍՏ 4207-77), «ք.մ.» 10% զանգվածային մասով պատրաստված ջրային լուծույթ (ԳՕՍՏ 4517-87),

11) Նատրիումի թիոսուլֆատ (ԳՕՍՏ 27068-86), 0,1 մոլ/դմ3 խտության ջրային լուծույթ (ԳՕՍՏ 25794.2-83),

12) Լուծվող օսլա (ԳՕՍՏ 10163-76), 0,5% զանգվածային մասով պատրաստված ջրային լուծույթ (ԳՕՍՏ 4517-87),

13) Թորած ջուր (ԳՕՍՏ 6709-72): (Թույլատրվում է համարժեք սարքավորումների օգտագործում):

72. Չափման իրականացում` նախապես կշռված միջոցի 1 հաբը (կամ 2,8-3,0 գրանուլ) լուծում են ջրում, քանակական տեղափոխում են 100 սմ3 տարողությամբ չափիչ փորձանոթի մեջ, թորած ջրով հասցնում են մինչև նիշը և խառնում: Ստացված լուծույթից 5 սմ3 քանակությամբ տեղափոխում են կոնաձև փորձանոթի մեջ, ավելացնում 20 սմ3 թորած ջուր, 10 սմ3 կալիում յոդիտ, 10 սմ3 ծծմբական թթու: Փորձանոթը փակում են խցանով, խառնում և 8-10 րոպե տևողությամբ պահում մութ տեղում, որից հետո յոդը տիտրում են նատրիումի թիոսուլֆատով` մինչև բաց դեղին գույնի լուծույթ ստանալը, այնուհետև ավելացնում են 1 սմ3 օսլայի լուծույթ` մինչև ամբողջությամբ գունաթափվելը:

73. Չափման արդյունքի հաշվարկ` ակտիվ քլորի զանգվածային բաժինը (X) %-ով որոշում են հետևյալ բանաձևով`

 

0,003545 x V x 100

X = ______________________ x 100

m x V1

 

որտեղ, 0,003545-ակտիվ քլորի զանգվածն է, որը համապատասխանում է 1 սմ3 0,1ն նատրիում թիոսուլֆատի լուծույթին, գ,

V-0,1ն նատրիում թիոսուլֆատի 0,1ն լուծույթ` ծախսված տիտրման վրա, սմ3, m-հաբի զանգված, գ,

V1-հետազոտության համար վերցված ախտահանիչ միջոցի լուծույթի զանգված, սմ3,

100-նոսրացման պատիկություն:

74. Որպես հետազոտության արդյունք ընդունվում է երեք սահմանումների միջին թվաբանականը, որոնց միջև բացարձակ տարբերությունը չի գերազանցում թույլատրելի տարբերությունը, որը հավասար է 1,0%: Հետազոտության արդյունքի գումարային թույլատրելի սխալը +- 2,0%, եթե վստահելի հավանականությունը P=0,95: Հետազոտության արդյունքը կլորացվում է ստորակետից հետո մինչև առաջին տասնորդական նիշը:

 

 

pin
Առողջապահության նախարարություն
26.04.2021
N 1454-Լ
Հրաման