ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
18 հունիսի 2021 թվականի N 664-Ա
«ԴՈՒԲԱՅ ԷՔՍՊՈ-2020» ՀԱՄԱՇԽԱՐՀԱՅԻՆ ՑՈՒՑԱՀԱՆԴԵՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՍՆԱԿՑՈՒԹՅԱՆ ՄԻՋՈՑԱՌՈՒՄՆԵՐԻ ԾՐԱԳԻՐԸ, ԺԱՄԱՆԱԿԱՑՈՒՅՑԸ ԵՎ ԾԱԽՍԵՐԻ ՖԻՆԱՆՍԱԿԱՆ ԳՆԱՀԱՏԱԿԱՆԸ ՀԱՍՏԱՏԵԼՈՒ ՄԱՍԻՆ
Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի և հիմք ընդունելով Հայաստանի Հանրապետության վարչապետի 2018 թվականի օգոստոսի 7-ի N 1058-Ա որոշման 3-րդ կետի 2-րդ ենթակետի պահանջները, ինչպես նաև 2021 թվականի հոկտեմբերի 1-ից մինչև 2022 թվականի մարտի 31-ը Արաբական Միացյալ Էմիրությունների Դուբայ քաղաքում կայանալիք «Մտքերի միավորում, ապագայի ստեղծում» խորագրով «Դուբայ Էքսպո-2020» համաշխարհային ցուցահանդեսին Հայաստանի Հանրապետության մասնակցությունն ապահովելու նպատակով`
1. Հաստատել Արաբական Միացյալ Էմիրությունների Դուբայ քաղաքում 2021 թվականի հոկտեմբերի 1-ից մինչև 2022 թվականի մարտի 31-ը «Մտքերի միավորում, ապագայի ստեղծում» խորագրով «Դուբայ Էքսպո-2020» համաշխարհային ցուցահանդեսին Հայաստանի Հանրապետության մասնակցության`
1) միջոցառումների ծրագիրը` համաձայն N 1 հավելվածի.
2) միջոցառումների ժամանակացույցը` համաձայն N 2 հավելվածի.
3) ծախսերի ֆինանսական գնահատականը` համաձայն N 3 հավելվածի:
Հայաստանի Հանրապետության
փոխվարչապետի պաշտոնակատար Տ. Ավինյան
2021 թ. հունիսի 18
Երևան
Հավելված N 1
ՀՀ վարչապետի
2021 թվականի հունիսի 18-ի
N 664-Ա որոշման
ԾՐԱԳԻՐ ԱՐԱԲԱԿԱՆ ՄԻԱՑՅԱԼ ԷՄԻՐՈՒԹՅՈՒՆՆԵՐԻ ԴՈՒԲԱՅ ՔԱՂԱՔՈՒՄ 2021 ԹՎԱԿԱՆԻ ՀՈԿՏԵՄԲԵՐԻ 1-ԻՑ ՄԻՆՉԵՎ 2022 ԹՎԱԿԱՆԻ ՄԱՐՏԻ 31-Ը «ՄՏՔԵՐԻ ՄԻԱՎՈՐՈՒՄ, ԱՊԱԳԱՅԻ ՍՏԵՂԾՈՒՄ» ԽՈՐԱԳՐՈՎ «ԴՈՒԲԱՅ ԷՔՍՊՈ-2020» ՀԱՄԱՇԽԱՐՀԱՅԻՆ ՑՈՒՑԱՀԱՆԴԵՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՍՆԱԿՑՈՒԹՅԱՆ ՄԻՋՈՑԱՌՈՒՄՆԵՐԻ
Նախաբան
Մեր երկրի մասնակցության հայեցակարգը կառուցվել է «Էթնոթեք» գաղափարի շուրջ: Անվանումը կլինի «Դուբայ 2020 Հայաստան, Էթնոթեք», իսկ կարգախոսը` «Նորարար մտքեր»:
Անվանումն արդեն հուշում է, որ այսպիսով աշխարհին ենք ներկայանում մեր էթնիկ առանձնահատկություններով և տեխնոլոգիական հավակնություններով:
Հայեցակարգը հիմնված է այն համընդհանուր բաղադրիչների վրա, որոնց վրա են կառուցվում յուրաքանչյուր ազգի դեմքն ու ինքնատիպությունը` պատմություն, լեզու, կրոն, մշակույթ, գիտություն, կրթություն, սփյուռք:
Միավորելով դրանք 4 խմբում` նույն տրամաբանությամբ կահավորվելու և զոնավորվելու է նաև բուն տաղավարը: Այսպիսով, այցելուներն անցնելու են հետևյալ 4 հատվածներով և համապատասխան տեխնիկական ու տեխնոլոգիական լուծումներով հագեցած տաղավարում կառուցվածքային, մեխանիկական, թվային ու ինտերակտիվ էլեմենտների միջոցով ծանոթանալու հայկական ինքնության առանձնահատկություններին, հայկական ծագման համաշխարհային նշանակություն ունեցող գործիչներին ու երևույթներին: Հիմնական շեշտը դրվում է գիտական մտքի, տեխնոլոգիական և արդյունաբերական պոտենցիալի վրա:
Հայոց պատմությունն ու մշակույթը լի են ծածկագրերով, հետևաբար, մենք հրավիրում ենք ճանապարհորդելու Հայաստանի շուրջ ժամանակի մեքենայով, ինչպես նաև ազգի ձևավորման ծածկագրերով: Չէ՞ որ բարձր տեխնոլոգիաների դարում անհնար է գոյատևել առանց կոդերի:
Մասնակցության կարևորությունը և ծրագրի նպատակը
Նմանատիպ միջոցառումները կազմակերպվում են հինգ-տաս տարին մեկ անգամ և ունեն կարևոր նշանակություն միջազգային ինտեգրացիոն գործընթացների տեսանկյունից: Այս տիպի միջոցառումներին մասնակցությունը հնարավորություն է ստեղծում ներկայացնելու երկիրը համաշխարհային հանրությանը:
Հայաստանը մասնակցել է նախորդ նմանատիպ միջոցառումներին: Հայաստանի մասնակցությունը «Դուբայ 2020» ցուցահանդեսին կարևորվում է համաշխարհային հանրությանն ի ցույց դնելու առկա հնարավորությունները, ներդրումային ներուժը ու գրավչությունը, դրանով իսկ նպաստելու Հայաստանի էլ ավելի ճանաչելիության բարձրացմանը:
Դուբայ 2020-ը բացառիկ հնարավորություն է հանդես գալու նույն հարթակում աշխարհի 192 պետությունների հետ, ստեղծելու նոր բիզնես կապեր, մշակութային, տնտեսական զարգացման հեռանկարներ, տեխնոլոգիական առաջադեմ հանրության հետ շփման ու համագործակցության նպաստավոր առիթ:
Իսկ սույն ծրագրի նպատակն է նախանշել այն միջոցառումների և գործողությունների համակարգը, որը կապահովի Հայաստանի պատշաճ մասնակցությունը միջոցառմանը:
Լոգոտիպի փիլիսոփայությունը
Հայաստանը տարվա մեծագույն բիզնես-մշակութային իրադարձությանը ներկայանում է «Էթնոթեք» կոնցեպտով, որի հիմնական գաղափարը երկրի տեխնոլոգիական ապագայի կառուցումն է` անցյալի լավագույն ավանդույթների վրա հիմնվելով: Համաձայն հայեցակարգի` ստեղծվելու են նաև համապատասխան լոգոտիպ և ֆիրմային ոճի ուղեցույց:
«Դուբայ 2020 Էքսպոյի» մեր տարբերանշանն առաջին հայացքից կհիշեցնի QR կոդ` որպես ինֆորմացիայի հասանելիության ամենաարագ միջոց: Լոգոտիպի առանցքը հնագույն գորգագործության մեջ ընդունված Կենաց ծառի խորհրդանշանի պիքսելային պատկերն է` Հայաստանի Հանրապետության պետական դրոշի գույների ներառմամբ: Այստեղ գորգանախշը խորհրդանշում է անցյալն ու ավանդականը, իսկ պիքսելը, որպես ցանկացած թվային պատկերի հիմնական միավոր, արտացոլում է երկրի տեխնոլոգիական զարգացման տեսլականը:
Ցուցահանդեսի տաղավարի նկարագրությունը
Տաղավարի ընդհանուր մակերեսը 213 քառ. մ է: Վերջինս բաղկացած կլինի երկու հարկից: Առաջինում տեղակայված կլինեն ցուցահանդեսը և ինտերակտիվ սրահը, իսկ երկրորդ հարկում` 90 քառ. մ տարածքով հանդիպումների սրահը:
Ցուցահանդեսային տաղավարը բաժանվելու է չորս հիմնական հատվածի:
Առաջին հատված-Պատմություն, մշակույթ
Այս հատվածում ներկայացվելու են հայ ժողովրդի պատմությունը, մշակույթը և գիտությունը, որոնք միավորվում են նորագույն տեխնոլոգիաների հետ: Այստեղ դեկորացիայի և տեսանյութերի միջոցով փոխանցվում է Հայաստանը ներկայացնող պատմական ու մշակութային ինֆորմացիա, որը ներառում է տարբեր ժամանակաշրջանների ունիկալ ձեռքբերումները, որոնք հայտնի և ճանաչելի են դարձնում Հայաստանն իբրև երկիր և հային` որպես ազգ:
Երկրորդ հատված-Մտավոր ներուժ
Այս հատվածում կներկայացվեն հայկական գենի, հայկական մտքի ու մտածողության դրսևորումները, եզակի երևույթներ ու հայտնագործություններ, գիտական մտքի պոտենցիալ ու համամարդկային նշանակության ձեռքբերումներ: Սկսած հնագույն ծածկագրերից` Արևախաչից, ու գաղտնագրերով հայոց այբուբենի ստեղծումից մինչև մարդկության կյանքը փոխած ինդուստրիալ հայտնագործություններ` գունավոր հեռուստատեսություն, ջրի ծորակ, մեքենայի ավտոմատ փոխանցումատուփ, դոլարի գույն, մեկանգամյա օգտագործման խմելու ձողիկ, պաղպաղակի վաֆլե բաժակ, վարսահարդարիչ, բետոնախառնիչ, շնչառական ինգալյատոր, զինվորական թթվածնային դիմակ, ՄՌՏ սարք, և այս շարքը դեռ երկար կարող է շարունակվել:
Երրորդ հատված-Կրթություն
Հայերի համար իրենց երեխաներն աշխարհի կենտրոնն են: Հետևաբար, առաջնահերթ ներդրումները պիտի արվեն հենց երեխաների զարգացման մեջ, քանի որ ապագան նրանց ձեռքում է: Այս հատվածում ներկայացվելու են գիտության ձեռքբերումները`
ԹՈՒՄՈ կենտրոնը, ՔՈԱՖ-ը, Դիլիջանի միջազգային դպրոցը, Արմաթ լաբորատորիաները, Պիքսարթը` որպես վերն ասվածի ապացույց:
Չորրորդ հատված-Տուրիզմ և հյուրընկալություն
Այս հատվածում կներկայացվեն Հայաստանի արևային օրերի քանակի, ջրային ռեսուրսների առատության, եղանակային 4 դրսևորումների առկայության և հանգստի կազմակերպման հնարավորությունները, ինչպես նաև հայկական հողի վրա աճեցված պտուղներն ու ազգային խոհանոցի առանձնահատկությունները:
Տաղավարը հագեցած է լինելու նաև պիքսելային պատով, ձգվող բաններներով, մեծ և փոքր էկրաններով ու կենաց ծառով:
Կենաց ծառը տաղավարում և, առհասարակ, մեր մասնակցության փիլիսոփայության մեջ անկյունաքարային նշանակություն ունի Կենաց ծառի առկայությունը: Այս գաղափարի մեջ ներդրվել են կենսափորձային իմաստությունները և բնության օրինաչափությունների պատկերացումները:
Սա հայկական ինքնության ալեգորիկ տեղայնացումն է ամբողջ աշխարհին հայտնի մշակութաբանական խորհրդանիշ հանդիսացող կենաց ծառի սիմվոլիզմով: Այն ընդգրկում է մեր ծագումը` խոր արմատներից մինչև հեռուն հասնող տերևները: Հայ ազգի կյանքի խորհրդանիշ-վկան է ու շարժիչ ուժը: Ճյուղերից մեկը համապատասխան լուսային լուծմամբ ներկայացվելու է իբրև չորացած, ինչը խորհրդանշում է մեր պատմության ողբերգական ամենացավոտ էջը` Հայոց ցեղասպանությունը:
Կենտրոնում տեխնոլոգիական լուծմամբ վառվելու է հավերժության հայկական ամենահին նշանը` արևախաչը:
Համապատասխան առիթների համար տաղավարի վերջնամասում նախատեսված է դեգուստացիոն հատված, որտեղ հրամցվելու է հայկական ազգային ուտեստներով հյուրասիրություն փոքր չափաբաժինների ձևաչափով (fingerfood):
Երկրորդ հարկ
Տաղավարի երկրորդ հարկում նախատեսված են հանդիպումներ, գործնական շփումներ, B2B ձևաչափով բանակցություններ, Հայաստանի` արդեն վերբալ ներկայացում ազդեցիկ մարդկանց, պոտենցիալ գործընկերների ու ներդրողների:
Տեսահոլովակների պատրաստումը
Պատշաճ ներկայացման համար կարևոր նշանակություն ունի նաև համապատասխան տեսահոլովակների պատրաստումը, որոնք կօգտագործվեն ինչպես ցուցահանդեսի ընթացքում, այնպես էլ դրանից հետո:
Նախատեսվում է հետևյալ հոլովակների պատրաստում`
1. Բիզնես համագործակության տեսահոլովակը
Հոլովակի նպատակն է պոտենցիալ հովանավորին ներկայացնել Դուբայում կազմակերպվող համաշխարհային ցուցահանդեսը, ընդգծել Հայաստանի մասնակցության կարևորությունը և շահագրգռել մասնակցել ցուցահանդեսին` այդպիսով նաև ձեռք բերելով ֆինանսական ներդրումներ:
Հոլովակը նախատեսված է B2B հանդիպումներին և ցուցահանդեսի կազմակերպման էտապում շնորհանդեսների շրջանակներում ցուցադրման համար`
. հոլովակի ֆորմատը` ինֆոգրաֆիկ,
. հոլովակի լեզուն` հայերեն,
. տևողությունը` 00:04:34:
2. Լոգոտիպի փիլիսոփայության մասին բացատրական տեսահոլովակը
Հայաստանի ներկայացման և ընդհանուր կոնցեպցիայի կարևորագույն հիմնաքարի` լոգոտիպի, բացատրական հոլովակն է: Նախատեսված է որպես գովազդ Հայաստանում և Էմիրություններում ցուցադրման համար`
. հոլովակի ֆորմատը` 3D անիմացիա,
. լեզուն` հայերեն/ անգլերեն,
. տևողությունը` 00:00:57:
3. «Էթնոթեք» տաղավարի բացատրական, վիզուալ լուծումների մասին տեսահոլովակը
Տաղավարի վիզուալ ներկայացում` «Էթնոթեք» տաղավարի բացատրական, վիզուալ լուծումների մասին տեսահոլովակի պատրաստում կազմկոմիտեի հետ քննարկման և ցենզուրայի հաստատման համար: Հոլովակը պատմում է ցուցահանդեսի ընդհանուր կոնցեպտի և փիլիսոփայության մասին, տաղավարի տեխնիկական հագեցվածության և զոնավորման մասին, յուրաքանչյուր մասի մանրամասն նկարագրմամբ` միաժամանակ ցուցադրելով դեկորատիվ և վիզուալ լուծումները, նախատեսվող ինստալյացիաները`
. հոլովակի տեսակը` անիմացիա, նախապես տրամադրված ինտերիեր դիզայնի և դեկորացիաների հիման վրա,
. ներկայացման լեզուն` անգլերեն,
. տևողությունը` 00:01:43:
4. «Ինչու՞ է Հայաստանը մասնակցում Էքսպո 2020-ին» տեսահոլովակ-անոնսը
Բացատրական տեսահոլովակ Էմիրություններում կազմակերպվող համաշխարհային ցուցահանդեսի մասշտաբի, նպատակի, հեռանկարների և, մասնավորապես, Հայաստանի մասնակցության առավելությունների մասին: Հոլովակի նպատակն է Հայաստանում մեդիայի միջոցով մարդկանց տալ ինֆորմացիա ցուցահանդեսի և մեր մասնակցության կարևորության մասին: Հոլովակը նաև նախատեսված է մամլո ասուլիսներին և շնորհանդեսներին ցուցադրելու համար:
Հոլովակի ցուցադրումը նախատեսված է PR արշավի սկզբում պրոպագանդելու համար`
. հոլովակի ֆորմատը` անիմացիա,
. լեզուն` հայերեն,
. տևողությունը` 00:01:35:
5. Հայաստանի տեսարժան վայրերի հոլովակը
Տաղավարում Հայաստանը տուրիստական հետաքրքրության ասպեկտից ներկայացնող հոլովակ է, որը ներկայացնելու է սեզոնային կադրեր, տեսարժան վայրեր, զբոսաշրջային նշանակության տեղանքներ, մարզային նկարահանումներ, ջրային կադրեր և այլն: Տվյալ հոլովակը հետագայում ընդհանուր տեսակոնտենտի մաս է կազմելու`
. ներկայացված է առանց գեղարվեստական մշակման, հանդիսանում է բազային հումք,
. տեսակը` տեսանյութ,
. տևողությունը` 00:00:43:
6. Հայաստանի օրվա միջոցառման շնորհանդեսային ֆիլմը
Ալ Վասլ պլազայի գմբեթ-էկրանի վրա պրոյեկտվող այցեքարտային հոլովակ: Հայաստանին անծանոթ մարդուն մեր երկրի դարավոր պատմության ու էթնիկ առանձնահատկության մասին պատկերացում կազմել օգնող կոնցեպտուալ ֆիլմ`
. հոլովակի ֆորմատը` անիմացիա,
. տեսակը` տեսանյութ,
. տևողությունը` 00:07:20:
Բրենդբուքը
Ֆիրմային ոճի մշակված ուղեցույց, որը կանոնների հավաքածու է և սահմանում է, թե ինչպես պետք է օգտագործվի ու ցուցադրվի տարբերանշանը, ինչպես նաև նախատեսում է բոլոր այն դրսևորումները, որոնք անթույլատրելի են: Հստակ սահմանվում է լոգոյի ադապտացիան ըստ չափերի, համատեղ կիրառությունն այլ լոգոների հետ, ֆիրմային տառատեսակը, գունապնակը, վիզուալ պատկերը և այլն:
Նկարագրվում են նաև լոգոյի էլեմենտներից ստեղծված նախշի կիրառությունը որպես գովազդային նյութերի դիզայնի մաս, ներդրումը սոցիալական մեդիայում:
Ուշադրություն է դարձված կորպորատիվ ստանդարտներին, սահմանված են էլեկտրոնային ստորագրության ձևը, այցեքարտի, ձևաթղթի, ծրարների, թղթապանակի, պրես-վոլի, ռոլ-ափ բաններների դիզայնը, ներկայացված են բրենդավորված պարագաների օրինակներ:
Նախատեսվող միջոցառումները
Դուբայ 2020 Էքսպոյի ընթացքում կիրականացվեն տարբեր թեմատիկ միջոցառումներ, որոնք ներկայացված են որոշման N 2 հավելվածում:
Էքսպոյի օրերին կկազմակերպվի հատուկ միջոցառում` ազգային օր: Հայաստանի օրվա հստակ ամսաթիվը կհայտարարվի պաշտոնական պատվիրակության ժամանմանը զուգընթաց: Այն կունենա հետևյալ արարողակարգը`
. ԱՄԷ և ՀՀ տաղավարների տուր,
. աուդիովիզուալ շնորհանդես Ալ Վասլ պլազայում,
. դրոշի բարձրացում և օրհներգի հնչեցում,
. մշակութային ելույթներ,
. համերգային շոու ծրագիր,
. ազգային օրվա ամբողջ ընթացքը նկարահանվելու է:
Ալ Վասլ պլազայի գմբեթը հսկայական էկրան է, որի վրա ազգային յուրաքանչյուր օրվա միջոցառման շրջանակում հեռարձակվելու է տվյալ երկրի այցեքարտային հոլովակը:
PR պլանը
Այն միտված է երկու թիրախային լսարանի վրա` ներքին և արտաքին: Արշավի ընտրված գործիքակազմի օգնությամբ աշխարհին ներկայացնում ենք մեզ ու մեր երկիրը, մեր պոտենցիալը, համագործակցության եզրերը, զարգացած ու զարգացող ճյուղերը, իսկ մեր հայրենակիցներին տեղեկացնում ենք Էքսպոյի համաշխարհային նշանակության և Հայաստանի մասնակցության կարևորության մասին:
Հովանավորչական փաթեթները
Նախատեսվում է մշակել համագործակցության փաթեթային առաջարկներ հետաքրքրված անձանց և կազմակերպությունների համար: Նախատեսվում է կազմակերպել հանդիպումներ պոտենցիալ ներդրողների հետ հնարավոր համագործակցության ամենաարդյունավետ ուղիները քննարկելու և համաձայնության գալու շուրջ:
Ծրագրի ֆինանսավորումը
Ծրագրի ֆինանսավորումը նախատեսվում է իրականացնել Հայաստանի Հանրապետության պետական բյուջեի, կազմակերպիչ երկրի տրամադրած օժանդակության միջոցների հաշվին, և կարող են ներգրավվել նաև մասնավոր հատվածի միջոցները:
Հայաստանի Հանրապետության պետական բյուջեից ֆինանսավորման ընդհանուր գումարը գնահատվում է 834.7 մլն դրամ, որն ըստ օպերատորների ներկայացված է որոշման N 3 հավելվածում:
(1-ին հավելվածը փոփ. 14.01.2022 թիվ 27-Ա որոշում)
Հավելված N 2
ՀՀ վարչապետի
2021 թվականի հունիսի 18-ի
N 664-Ա որոշման
ԺԱՄԱՆԱԿԱՑՈՒՅՑ ԱՐԱԲԱԿԱՆ ՄԻԱՑՅԱԼ ԷՄԻՐՈՒԹՅՈՒՆՆԵՐԻ ԴՈՒԲԱՅ ՔԱՂԱՔՈՒՄ 2021 ԹՎԱԿԱՆԻ ՀՈԿՏԵՄԲԵՐԻ 1-ԻՑ ՄԻՆՉԵՎ 2022 ԹՎԱԿԱՆԻ ՄԱՐՏԻ 31-Ը «ՄՏՔԵՐԻ ՄԻԱՎՈՐՈՒՄ, ԱՊԱԳԱՅԻ ՍՏԵՂԾՈՒՄ» ԽՈՐԱԳՐՈՎ «ԴՈՒԲԱՅ ԷՔՍՊՈ-2020» ՀԱՄԱՇԽԱՐՀԱՅԻՆ ՑՈՒՑԱՀԱՆԴԵՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՍՆԱԿՑՈՒԹՅԱՆ ՄԻՋՈՑԱՌՈՒՄՆԵՐԻ
._____________________________________________________________________.
|Գործողությունը |Սկիզբը |Ավարտը |
|_____________________________________________________________________|
|Առաջին փուլի միջոցառումներ |
|_____________________________________________________________________|
|Լոգիստիկայի պատասխանատուի նշանակում և պաշտոնական |10/01/19|14/04/20|
|նամակով տեղեկացում EXPO 2020-ին | | |
|___________________________________________________|________|________|
|Մասնավոր հատվածի լոգիստիկ ծառայություններ մատուցող |10/01/19|14/04/20|
|ընկերությունների հետ բանակցություններ | | |
|___________________________________________________|________|________|
|Լոգիստիկ գործընկերոջ ձեռքբերում` «Լոգիստիքս |10/01/19|14/04/20|
|Փարթներս Գրուպ» | | |
|___________________________________________________|________|________|
|Հաղորդակցության և ԶԼՄ-ների հետ կապի պատասխանատուի |10/01/19|14/04/20|
|նշանակում և տեղեկացում EXPO 2020-ին | | |
|___________________________________________________|________|________|
|Սոցիալական կայքերում Հայաստանի տաղավարի էջերի |10/01/19|14/04/20|
|առաջխաղացման տեխնիկական առաջադրանքի կազմում | | |
|___________________________________________________|________|________|
|Առաջխաղացումն իրականացնող ընկերության ընտրության |10/01/19|14/04/20|
|մրցույթի կազմակերպում | | |
|___________________________________________________|________|________|
|Հաղթող ընկերության հետ պայմանագրի կնքում և |10/01/19|14/04/20|
|աշխատանքային պլանի մշակում | | |
|___________________________________________________|________|________|
|«Ազգային օր» միջոցառման անցկացման օրվա հաստատում |10/01/19|14/04/20|
|___________________________________________________|________|________|
|Հայաստանի տաղավարի կոնցեպտի, դիզայնի և տեխնիկական |10/01/19|14/04/20|
|հարցերի քննարկում գործընկեր կառույցների հետ | | |
|___________________________________________________|________|________|
|Բովանդակության ստեղծման պատասխանատուի նշանակում և |10/01/19|14/04/20|
|տեղեկացում EXPO 2020-ին | | |
|___________________________________________________|________|________|
|Ոչ առևտրային իրերի և առևտրային իրերի ցուցակների |10/01/19|14/04/20|
|տրամադրում EXPO 2020-ի կազմակերպիչներին | | |
|___________________________________________________|________|________|
|«Dubai City Guide»-ում Հայաստանի ներկայացվածության |10/01/19|14/04/20|
|հայտի ներկայացում | | |
|___________________________________________________|________|________|
|Բանակցությունների իրականացում EXPO 2020-ի հետ |10/01/19|14/04/20|
|Հայաստանի տաղավարը «Դպրոցական այցելությունների | | |
|ծրագրում» ներառելու նպատակով | | |
|___________________________________________________|________|________|
|Հանդիպման կազմակերպում ԹՈՒՄՈ-ի հետ` «Դպրոցական |10/01/19|14/04/20|
|այցելությունների ծրագրում» հայաստանյան կրթական | | |
|ոլորտի փորձն ու ձեռքբերումները ներկայացնելու | | |
|նպատակով | | |
|___________________________________________________|________|________|
|«Ազգային օր» միջոցառման համար դրոշի ձևանմուշի |10/01/19|14/04/20|
|լրացում EXPO 2020-ի պահանջներին համապատասխան | | |
|___________________________________________________|________|________|
|Հովանավորչական և գործընկերային երկլեզու փաթեթների |10/01/19|14/04/20|
|պատրաստում | | |
|___________________________________________________|________|________|
|Հայաստանի բրենդինգի մշակման աշխատանքների ընթացքի |10/01/19|14/04/20|
|հետևում | | |
|___________________________________________________|________|________|
|Հայաստանի տաղավարում ոլորտային միջոցառումների և |10/01/19|14/04/20|
|պատվիրակությունների այցերի ժամանակ հյուրասիրության | | |
|կազմակերպման վերաբերյալ բանակցություններ | | |
|___________________________________________________|________|________|
|«Խոհարարական փորձ»-ում հանդես եկող հյուր խոհարարի |10/01/19|14/04/20|
|համար կոնցեպտի քննարկում և մշակում | | |
|___________________________________________________|________|________|
|«Հյուր խոհարար»-ի միջոցառման համար անհրաժեշտ |10/01/19|14/04/20|
|ապրանքների մատակարարման հնարավոր միջոցների | | |
|քննարկում | | |
|___________________________________________________|________|________|
|Համագործակցություն հայ խոհարարական ավանդույթների |10/01/19|14/04/20|
|զարգացման և պահպանման հասարակական կազմակերպության | | |
|հետ` «EXPO 2020 Culinary Experience Pods»-ին | | |
|Հայաստանի ավանդական խոհանոցը բնորոշող 2 ուտեստների | | |
|բաղադրատոմսի տրամադրման համար: Վերջինիս հիման վրա | | |
|կազմվել է մասնակցության ձևանմուշ և ուղարկվել է | | |
|EXPO 2020-ի կազմակերպչական թիմին: | | |
|___________________________________________________|________|________|
|ՀՀ տնտեսության տարբեր սեկտորների մասին պետական և |10/01/19|14/04/20|
|միջազգային կազմակերպությունների մոտ հասանելի | | |
|ինֆորմացիայի դասակարգում և համակարգում | | |
|___________________________________________________|________|________|
|Բանակցություններ «Ամերիաբանկ» ՓԲԸ-ի հետ` |10/01/19|14/04/20|
|Հայաստանի տնտեսության սեկտորալ ներդրումային և | | |
|արտահանման գրավչության ուսումնասիրության | | |
|իրականացումը հովանավորչական փաթեթի սահմաններում | | |
|իրականացնելու նպատակով | | |
|___________________________________________________|________|________|
|Գործընկերության փաթեթների վերհանման նպատակով |10/01/19|14/04/20|
|հանդիպումներ և քննարկումներ ՀՀ փոխվարչապետ | | |
|Տ. Ավինյանի գրասենյակի, ՀՀ էկոնոմիկայի | | |
|նախարարության և ՀՀ շրջակա միջավայրի նախարարության,| | |
|Երևանի քաղաքապետարանի, Պետական գույքի կառավարման | | |
|և Զբոսաշրջության կոմիտեների և այլ պետական | | |
|մարմինների ներկայացուցիչների հետ | | |
|___________________________________________________|________|________|
|Ոլորտային հետազոտությունների իրականացման մրցույթի |10/01/19|14/04/20|
|տեխնիկական բնութագրի կազմում | | |
|___________________________________________________|________|________|
|«Made in Armenia» ցուցահանդեսին Հայաստանի կողմից |10/01/19|14/04/20|
|մասնակիցների հայտի ձևանմուշի մշակում և անցկացման | | |
|օրերի ամրագրում | | |
|___________________________________________________|________|________|
|«Made in Armenia» ցուցահանդեսին Հայաստանի |10/01/19|14/04/20|
|մասնակցության պայմանների քննարկում և մշակում` | | |
|տարածք, բյուջետավորում, կազմակերպությունների ոլորտ | | |
|և ներգրավվածության աստիճան | | |
|___________________________________________________|________|________|
|Ակրեդիտացիայի և վիզայի պատասխանատուների նշանակում |10/01/19|14/04/20|
|և պաշտոնական տեղեկացում EXPO 2020-ին | | |
|___________________________________________________|________|________|
|Դուբայի կացության իրավունք ստանալու համար թիմի |10/01/19|14/04/20|
|անդամների ցուցակի կազմում | | |
|___________________________________________________|________|________|
|3 անդամի կացության իրավունքի և ապահովագրության |10/01/19|14/04/20|
|ստացում | | |
|___________________________________________________|________|________|
|Հայաստանի EXPO 2020-ի գրասենյակի տարածքի |10/01/19|14/04/20|
|վարձակալություն, գույքի ձեռքբերում | | |
|___________________________________________________|________|________|
|EXPO 2020-ի պահանջների համաձայն պարտադիր |10/01/19|14/04/20|
|մասնագետների ցուցակի կազմում, հարցազրույցների | | |
|անցկացում և համապատասխան որակավորմամբ մասնագետների| | |
|աշխատանքի ընդունում | | |
|___________________________________________________|________|________|
|Սոցիալական հարթակների առաջխաղացման ծառայությունների|10/01/19|14/04/20|
|ձեռքբերման նպատակով գնումների պլանի կազմում, | | |
|մրցույթի հայտարարում և հաղթողի ընտրություն | | |
|___________________________________________________|________|________|
|Հայաստանի տաղավարի համար իրավաբանական անձի գրանցում|10/01/19|14/04/20|
|Դուբայում և բանկային հաշվի բացում | | |
|___________________________________________________|________|________|
|Հովանավորչության բանավոր պայմանավորվածության |10/01/19|14/04/20|
|ձեռքբերում Երևանի կոնյակի գործարանի և Ջերմուկ | | |
|գրուփի հետ (պայմանագրի ստորագրման գործընթացը | | |
|կասեցվել է COVID-19-ի պատճառով) | | |
|___________________________________________________|________|________|
|Գործընկերության հաստատման համար 2 ավիաընկերության |10/01/19|14/04/20|
|(«ՖԼԱՅԴՈՒԲԱՅ» և «ԷՅՐ ԱՐԱԲԻԱ») հետ բանակցային | | |
|աշխատանքներ` դրական ընթացքով | | |
|_____________________________________________________________________|
|Լոգիստիկան |
|_____________________________________________________________________|
|Հովանավորների/գործընկերների/մատակարարների ցանկի, |15/02/21|19/02/21|
|ինչպես նաև հովանավորչական/գործընկերային փաթեթների | | |
|թարմացում | | |
|___________________________________________________|________|________|
|Հանդիպումներ և բանակցություններ (վերսկսում) |15/02/21|12/03/21|
|հովանավորների/գործընկերների/մատակարարների հետ | | |
|___________________________________________________|________|________|
|Հովանավորների/գործընկերների/մատակարարների ցանկի |12/03/21|19/03/21|
|վերջնականացում | | |
|___________________________________________________|________|________|
|Հովանավորչական/գործընկերային/մատակարարման |12/03/21|19/03/21|
|պայմանագրերի մշակում | | |
|___________________________________________________|________|________|
|Պայմանագրերի կնքում |19/03/21|26/03/21|
|հովանավորների/գործընկերների/մատակարարների հետ | | |
|___________________________________________________|________|________|
|Տաղավարում ներկայացվող/վաճառվող ապրանքների ցանկի | | |
|մշակում (կոմերցիոն առաջարկ) |26/03/21|07/04/21|
|___________________________________________________|________|________|
|Կոմերցիոն առաջարկի ներկայացում Դուբայի թիմին |07/04/21|12/04/21|
|___________________________________________________|________|________|
|Գործառնական նյութերի/իրերի (operational items) |15/02/21|15/03/21|
|ցանկի ստեղծում | | |
|___________________________________________________|________|________|
|Բեռնափոխադրման պլանի կազմում |12/04/21|16/04/21|
|___________________________________________________|_________________|
|Բեռնախցիկների ժամանման ամսաթվի վերջնականացում |Q1 |
|(ապրիլի վերջ-քննարկելի) | |
|___________________________________________________|_________________|
|Բեռնափոխադրման փաստաթղթերի պատրաստում |12/04/21|30/04/21|
|___________________________________________________|_________________|
|Տեղափոխվող ապրանքների փաթեթավորում և փոխադրում | |
|բեռնախցիկ |Q1-ի ավարտ |
|___________________________________________________|_________________|
|Էքսպոյի ավարտից հետո ապրանքների, նյութերի |01/04/22 15/05/22|
|հավաքագրում և բեռնափոխադրման ապահովում դեպի | |
|Հայաստան | |
|_____________________________________________________________________|
|Հաղորդակցությունը և ԶԼՄ-ների հետ կապը |
|_____________________________________________________________________|
|Հաղորդակցության և ԶԼՄ-ների հետ կապի պատասխանատուի |15/02/21|19/02/21|
|նշանակում, պաշտոնական նամակի ուղարկում Դուբայ | | |
|___________________________________________________|________|________|
|Սոցիալական կայքերում Հայաստանի տաղավարի էջերի |15/02/21|19/02/21|
|առաջխաղացման տենդերի տեխնիկական առաջադրանքի | | |
|թարմացում | | |
|___________________________________________________|________|________|
|Առաջխաղացումն իրականացնող ընկերության ընտրություն |19/02/21|12/03/21|
|___________________________________________________|________|________|
|Առաջխաղացումն իրականացնող ընկերության հետ |13/03/21|15/03/21|
|պայմանագրի կնքում | | |
|___________________________________________________|________|________|
|Առաջխաղացման աշխատանքային պլանի մշակում |15/03/21|15/04/21|
|___________________________________________________|________|________|
|Առաջխաղացման աշխատանքների մոնիթորինգ (աշխատանքային |15/02/21|15/04/22|
|պլանի և EXPO 2020 Dubai-ի ուղեցույցների | | |
|համապատասխանության վերահսկողություն) | | |
|___________________________________________________|________|________|
|Կոմունիկացիոն արշավների մոնիթորինգ, արդյունքների |02/02/21|15/04/22|
|ամփոփում և վերլուծություն | | |
|___________________________________________________|_________________|
|Հաղորդակցության և ԶԼՄ-ների հետ կապի պատասխանատուի |Q2-ի սկիզբ |
|գրանցում Tawassul պորտալում | |
|___________________________________________________|_________________|
|Մամլո ծառայություն, ասուլիսների և հարցազրույցների |ընթացիկ |
|մոնիթորինգ | |
|___________________________________________________|_________________|
|Կոմունիկացիոն ռազմավարության մշակում և իրականացում|Q2-ի ավարտ |
|___________________________________________________|_________________|
|EXPO 2020 ցուցահանդեսի տարածքում Հայաստանի ԶԼՄ-ների|ընթացիկ |
|հավատարմագրման, հարցազրույցների պլանավորման, | |
|ձայնագրման, մոնտաժի և հեռարձակման ստուդիաների | |
|ամրագրման, ինչպես նաև ԶԼՄ-ի աշխատանքի ապահովման | |
|համար անհրաժեշտ քայլերի նախապատրաստում և | |
|իրականացում | |
|___________________________________________________|_________________|
|EXPO 2020 մեդիա թիմի կողմից պատրաստված նյութերի |15/02/21|15/04/22|
|տարածում Հայաստանի ԶԼՄ-ներին | | |
|___________________________________________________|________|________|
|Հայաստանի տաղավարում տարբեր երկրների ԶԼՄ-ների |01/10/21|30/04/22|
|աշխատանքի համակարգում | | |
|___________________________________________________|________|________|
|Հայաստանի «Ազգային օր» միջոցառման լուսաբանում և |01/01/22|01/02/22|
|մոնիթորինգ | | |
|___________________________________________________|________|________|
|Հայաստանի տաղավարում անցկացվող թեմատիկ |01/10/21|30/04/22|
|միջոցառումների լուսաբանում և մոնիթորինգ | | |
|___________________________________________________|________|________|
|«Արտադրված է Հայաստանում» միջոցառման լուսաբանում |01/01/22|01/02/22|
|Դուբայում ու Հայաստանում և մոնիթորինգ | | |
|___________________________________________________|________|________|
|EXPO 2020 մեդիա կենտրոնի հետ փոխգործակցություն |01/03/21|15/04/22|
|___________________________________________________|________|________|
|Միջոցառումների ամրագրման համակարգում գրանցում |19/02/21|10/03/21|
|(միջոցառումների հանրայնացում) | | |
|___________________________________________________|_________________|
|PR և մարքեթինգային միջոցառումների իրականացում և |ընթացիկ |
|մոնիթորինգ, հովանավորչական/գործընկերային | |
|փաթեթներում ներառված PR և մարքեթինգային | |
|նյութերի արտադրություն | |
|___________________________________________________|_________________|
|Լրացուցիչ` հաղորդակցության և ԶԼՄ-ների հետ կապի |13/03/21|15/03/21|
|պատասխանատուի օգնականի/տեղակալի նշանակում | | |
|_____________________________________________________________________|
|Արտահանումը և ներդրումները |
|_____________________________________________________________________|
|«Արտադրված է Հայաստանում» ցուցահանդեսի կոնցեպտի |01/03/21|31/05/21|
|մշակում, ներկայացում EXPO 2020 Dubai-ի թիմին | | |
|___________________________________________________|________|________|
|Բանակցություններ Դուբայ Էքսպո կենտրոնի թիմի և |01/03/21|31/05/21|
|հավանական մատակարարների հետ | | |
|___________________________________________________|________|________|
|Ծախսերի վերջնահաշվարկ. մասնակցության վճարի |01/03/21|31/05/21|
|վերջնականացում | | |
|___________________________________________________|________|________|
|Առաջխաղացման և մասնակցության փաստաթղթերի ստեղծում |01/06/21|30/06/21|
|(հայտի ձևանմուշ, առաջխաղացման նյութեր և այլն) | | |
|___________________________________________________|________|________|
|Միջոցառման առաջխաղացում սոցիալական ցանցերի, PR |01/06/21|31/12/21|
|միջոցառումների, ՀՀ էկոնոմիկայի նախարարության | | |
|միջոցով | | |
|___________________________________________________|________|________|
|«Արտադրված է Հայաստանում» ցուցահանդեսի |02/08/21|30/10/21|
|ադմինիստրատիվ և կազմակերպչական գործողությունների | | |
|վերջնականացում | | |
|___________________________________________________|________|________|
|Արտահանման ամսագրի բովանդակության մշակում |02/08/21|30/09/21|
|___________________________________________________|________|________|
|Թեմատիկ շաբաթների (թեմատիկ բիզնես ֆորումների) |15/02/21|31/05/21|
|վերջնականացում, որոնց մասնակցելու է Հայաստանը | | |
|___________________________________________________|________|________|
|Հետաքրքրության հայտի ներկայացում Բիզնես ֆորումին |31/05/21|02/06/21|
|___________________________________________________|________|________|
|Մասնակցության շրջանակի վերաբերյալ քննարկումներ |02/06/21|15/06/21|
|և վերջնական համաձայնության ձեռքբերում | | |
|___________________________________________________|________|________|
|Հնարավոր խոսնակների/ստարտափերի/փոքր և միջին |15/06/21|30/06/21|
|ձեռնարկությունների որոշում | | |
|___________________________________________________|________|________|
|Բիզնես ֆորումների մասնակցության առաջարկի մշակում |01/07/21|09/07/21|
|___________________________________________________|________|________|
|Հայաստանի տաղավարի պրոֆիլի ստեղծում B2B պորտալում |15/02/21|01/03/21|
|___________________________________________________|________|________|
|Հովանավորների/գործընկերների/թիմի անդամների գրանցում|26/03/21|TBA |
|B2B պորտալում | | |
|___________________________________________________|________|________|
|Հայաստանի տնտեսության սեկտորալ ներդրումային |01/05/21|15/09/21|
|գրավչության ուսումնասիրություն | | |
|___________________________________________________|________|________|
|Ներդրումային նախագծերի թարմացում և վերջնականացում |01/03/21|01/05/21|
|___________________________________________________|________|________|
|EXPO 2020 Dubai-ի ընթացքում ներդրումային նախագծերի |01/07/21|01/10/21|
|ներկայացման շրջանակի վերջնականացում | | |
|___________________________________________________|________|________|
|Ներդրումային նախագծերի բիզնես պլանների մշակում |15/02/21|09/10/21|
|___________________________________________________|________|________|
|Հայաստանի ներդրումային գրավչությունը ներկայացնող |15/09/21|22/09/21|
|ոլորտային բրոշյուրների պատրաստում | | |
|___________________________________________________|________|________|
|Բիզնես հանդիպումների կազմակերպում |01/04/21|01/04/22|
|_____________________________________________________________________|
|«Ազգային օր» միջոցառումը |
|_____________________________________________________________________|
|Պաշտոնական պատվիրակության անդամների հստակեցում |15/02/21|31/12/21|
|___________________________________________________|________|________|
|«Արտադրված է Հայաստանում» ցուցահանդեսի բացման |01/11/21|31/12/21|
|ներառում պաշտոնական օրակարգում | | |
|___________________________________________________|________|________|
|Տաղավարում բիզնես բրիֆինգի անցկացման կոնցեպտի |02/08/21|15/10/21|
|վերջնականացում | | |
|___________________________________________________|________|________|
|Հիմնական բանախոսների որոշում |15/09/21|15/10/21|
|___________________________________________________|________|________|
|«Ազգային օր» միջոցառման մոնիթորինգ |15/02/21|29/01/22|
|___________________________________________________|________|________|
|Համապատասխան բովանդակության ստեղծում |01/06/21|31/12/21|
|_____________________________________________________________________|
|Այլ |
|_____________________________________________________________________|
|Բանկային հաշվի ձևի թարմացում |15/02/21|28/02/21|
|___________________________________________________|________|________|
|Բանակցություններ պոտենցիալ գործընկերների հետ հատուկ|01/03/21|09/07/21|
|միջոցառումներին հյուրասիրություն կազմակերպելու | | |
|նպատակով | | |
|___________________________________________________|________|________|
|Գործընկերների կողմից սննդի տրամադրման |09/07/21|15/09/21|
|վերահսկողություն/մոնիթորինգ | | |
|___________________________________________________|________|________|
|Դուբայ ԷՔՍՊՈ-2020-ի հայկական տաղավարի ներքին |09/07/21|30/09/21|
|կառուցապատման և շինարարական աշխատանքների | | |
|իրականացում | | |
|___________________________________________________|________|________|
|Տաղավարի 2-րդ հարկում հատուկ հյուրերի համար |01/03/21|15/09/21|
|միջոցառումների կազմակերպում (հյուրասիրություն, | | |
|համտես, քեթրինգ) | | |
|___________________________________________________|________|________|
|«Հայ խոհարարական ավանդույթների զարգացում և |15/03/21|15/04/21|
|պահպանում» ՀԿ-ի շեֆ խոհարարի և նախագահի | | |
|ուղևորության պլանավորում Դուբայ` «Խոհարարական | | |
|փորձ»-ում հայկական 2 բաղադրատոմս պատրաստելու | | |
|նպատակով խոհարարների վերապատրաստում իրականացնելու | | |
|համար | | |
|___________________________________________________|________|________|
|Վիզաների ստացման և ակրեդիտացիայի նպատակով |01/05/21|01/03/22|
|ցուցակների կազմում` հովանավորների, գործընկերների, | | |
|մատակարարների, անձնակազմի, հատուկ հյուրերի և | | |
|պատվիրակների | | |
|___________________________________________________|________|________|
|Ցանկի բոլոր անդամների գրանցում EXPO 2020 Dubai-ի |15/02/21|01/09/21|
|պորտալում | | |
|___________________________________________________|________|________|
|Ցուցահանդեսի օրերին Հայաստանի տաղավարում աշխատող |01/05/21|01/08/21|
|թիմի անդամների ցուցակի կազմում | | |
|___________________________________________________|________|________|
|Կացության իրավունքի և ապահովագրության ստացման |01/05/21|21/05/21|
|համապատասխան ընթացակարգերի և փաստաթղթերի | | |
|կազմակերպում 2 (+1) աշխատակցի համար | | |
|___________________________________________________|________|________|
|Վիզայի հավատարմագրման ընթացակարգերի մոնիթորինգ |01/06/21|01/03/22|
|___________________________________________________|________|________|
|Expo Village-ում Հայաստանին հատկացվող տարածքի հետ |01/06/21|01/08/21|
|կապված բանակցություններ | | |
|___________________________________________________|_________________|
|Digital Expo-ի գործունեության մոնիթորինգ |Q2 |
|___________________________________________________|_________________|
|Մասնակիցների միջազգային հանդիպումներին (IPMs) |15/02/21|01/10/21|
|մասնակցություն | | |
|___________________________________________________|________|________|
|Համապատասխան փաստաթղթեր |15/02/21|15/05/22|
|___________________________________________________|________|________|
|Ֆինանսական և հարկային ծառայությունների մոնիթորինգ |01/05/21|01/04/22|
|___________________________________________________|_________________|
|Կատարված աշխատանքի վերաբերյալ ընթացիկ |յուրաքանչյուր |
|հաշվետվությունների պատրաստում և ներկայացում |եռամսյակ |
|ՀՀ էկոնոմիկայի նախարարություն | |
|___________________________________________________|_________________|
|Աշխատանքային հանդիպումներ և քննարկումներ |15/02/21|01/10/21|
|ՀՀ կառավարության, ՀՀ էկոնոմիկայի նախարարության և | | |
|ՀՀ շրջակա միջավայրի նախարարության, Երևանի | | |
|քաղաքապետարանի, Պետական գույքի կառավարման և | | |
|Զբոսաշրջության կոմիտեների և այլ պետական | | |
|մարմինների ներկայացուցիչների հետ | | |
|___________________________________________________|________|________|
|Փակման աշխատանքներ |01/04/21|01/05/22|
|___________________________________________________|________|________|
|Վերջնական հաշվետվություն |01/04/21|15/05/22|
._____________________________________________________________________.
Սահմանված ժամանակացույցը նախնական է և կարող է փոփոխվել` պայմանավորված միջոցառումների իրականացման գործընթացների անհրաժեշտությամբ, բայց ոչ ուշ, քան մինչև 2022 թվականի մայիսի 31-ը:
(2-րդ հավելվածը փոփ. 14.01.2022 թիվ 27-Ա որոշում)
Հավելված N 3
ՀՀ վարչապետի
N 664-Ա որոշման
ՖԻՆԱՆՍԱԿԱՆ ԳՆԱՀԱՏԱԿԱՆ ԱՐԱԲԱԿԱՆ ՄԻԱՑՅԱԼ ԷՄԻՐՈՒԹՅՈՒՆՆԵՐԻ ԴՈՒԲԱՅ ՔԱՂԱՔՈՒՄ 2021 ԹՎԱԿԱՆԻ ՀՈԿՏԵՄԲԵՐԻ 1-ԻՑ ՄԻՆՉԵՎ 2022 ԹՎԱԿԱՆԻ ՄԱՐՏԻ 31-Ը «ՄՏՔԵՐԻ ՄԻԱՎՈՐՈՒՄ, ԱՊԱԳԱՅԻ ՍՏԵՂԾՈՒՄ» ԽՈՐԱԳՐՈՎ «ԴՈՒԲԱՅ ԷՔՍՊՈ-2020» ՀԱՄԱՇԽԱՐՀԱՅԻՆ ՑՈՒՑԱՀԱՆԴԵՍԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՄԱՍՆԱԿՑՈՒԹՅԱՆ ԾԱԽՍԵՐԻ
._____________________________________________________________________.
| «Շարմ Հոլդինգ» ՍՊԸ-ի կողմից ներկայացված |
|_____________________________________________________________________|
|NN | Ծախսային հոդվածները |Գումարը |
|ը/կ| |(հազ. դրամ)|
|___|_____________________________________________________|___________|
|1. |Նախապատրաստական փուլի ծախսեր |8,400.0 |
|___|_____________________________________________________|___________|
|2. |Բովանդակության մշակման փուլի ծախսեր |93,200.0 |
|___|_____________________________________________________|___________|
|3. |Տաղավարի շինարարության փուլի հեղինակային հսկողություն|2,700.0 |
|___|_____________________________________________________|___________|
|4. |Ազգային օր միջոցառման կազմակերպման ծախսեր |129,400.0 |
|___|_____________________________________________________|___________|
|5. |Սպասարկող անձնակազմ |21,000.0 |
|___|_____________________________________________________|___________|
|6. |Չնախատեսված ծախսեր (3%) |7,600.0 |
|___|_____________________________________________________|___________|
|7. |ԸՆԴԱՄԵՆԸ` ԾԱԽՍԵՐ |262,300.0 |
|___|_____________________________________________________|___________|
|8. |Շահույթ (10%) |26,000.0 |
|___|_____________________________________________________|___________|
|9. |ԱԱՀ (20%) |57,700.0 |
|___|_____________________________________________________|___________|
|10.|ԸՆԴԱՄԵՆԸ |346,000.0 |
|_____________________________________________________________________|
| «Մետրիկա» ՍՊԸ-ի կողմից ներկայացված |
|_____________________________________________________________________|
|NN | Ծախսային հոդվածները |Գումարը |
|ը/կ| |(հազ. դրամ)|
|___|_____________________________________________________|___________|
|1. |Բիզնեսի խթանման աշխատանքներ |51,575.0 |
|___|_____________________________________________________|___________|
|2. |Տաղավարի աշխատանքի կազմակերպման գծով աշխատավարձի |99,575.0 |
| |ծախսեր | |
|___|_____________________________________________________|___________|
|3. |Ներդրումների խթանման գծով աշխատավարձի ծախսեր |53,600.0 |
|___|_____________________________________________________|___________|
|4. |Գրասենյակի պահպանման ծախսեր |18,750.0 |
|___|_____________________________________________________|___________|
|5. |Չնախատեսված ծախսեր (3%) |6,800.0 |
|___|_____________________________________________________|___________|
|6. |ԸՆԴԱՄԵՆԸ` ԾԱԽՍԵՐ |230,300.0 |
|___|_____________________________________________________|___________|
|7. |Շահույթ (10%) |23,000.0 |
|___|_____________________________________________________|___________|
|8. |ԱԱՀ (20%) |50,700.0 |
|___|_____________________________________________________|___________|
|9. |ԸՆԴԱՄԵՆԸ |304,000.0 |
|_________________________________________________________|___________|
|Օպերատորների կողմից ներկայացված միասնական գնային առաջարկ |650,000.0 |
|_____________________________________________________________________|
| «Beyond Limits» ընկերություն |
|_____________________________________________________________________|
|NN | Ծախսային հոդվածները |Գումարը |
|ը/կ| |(հազ. դրամ)|
|___|_____________________________________________________|___________|
|1. |Դուբայ ԷՔՍՊՈ-2020-ի հայկական տաղավարի ներքին |184,726.0 |
| |կառուցապատման և շինարարական աշխատանքների իրականացում| |
|_________________________________________________________|___________|
|Ընդամենը` «Դուբայ ԷՔՍՊՈ-2020» ցուցահանդեսի ծախսեր |834,726.0 |
._____________________________________________________________________.
(3-րդ հավելվածը փոփ. 14.01.2022 թիվ 27-Ա որոշում)