040.0585.220900
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«22» սեպտեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
22 սեպտեմբերի 2000 թվականի N 585
«ԷՆԵՐԳԵՏԻԿԱՅԻՆ ԱՆՀԱՊԱՂ ՕԳՆՈՒԹՅՈՒՆ. ՔԱՆԱՔԵՌԻ ՀԷԿ-Ի ՎԵՐԱԿԱՆԳՆՈՒՄ-9665514» ՎԱՐԿԱՅԻՆ ԾՐԱԳՐԻ ԳԼԽԱՎՈՐ ԿԱՊԱԼԱՌՈՒԻ ԸՆՏՐՈՒԹՅԱՆ ՄՐՑՈՒՅԹԻ ԱՐԴՅՈՒՆՔՆԵՐԸ ՀԱՍՏԱՏԵԼՈՒ ՄԱՍԻՆ
Հաշվի առնելով գերմանական ԿՖՎ (KfW) բանկի համաձայնությունը և Հայաստանի Հանրապետության էներգետիկայի նախարարության համակարգին օտարերկրյա պետությունների և միջազգային կազմակերպությունների կողմից տրամադրված վարկային ու դրամաշնորհային միջոցների հաշվին նախապատրաստվող և իրականացվող ծրագրերի կառավարման խորհրդի որոշումը` Հայաստանի Հանրապետության կառավարությունը որոշում է.
1. Հաստատել «Սևան-Հրազդանյան կասկադ» փակ բաժնետիրական ընկերության և «Էներգետիկային անհապաղ օգնություն. Քանաքեռի ՀԷԿ-ի վերականգնում - 9665514» վարկային ծրագրի գլխավոր կապալառուի ընտրության մրցույթի արդյունքները` մրցույթի հաղթող ճանաչված «Էյ Բի Բի Ալսթոմ Փաուվեր» (ABB Alstom Pover) ընկերության մրցութային առաջարկությունը` 32996944 գերմանական մարկ ընդհանուր գումարով, այդ թվում`
շինարարական մաս` 6451991 գերմանական մարկ,
մեխանիկական մաս` 7393513 գերմանական մարկ,
էլեկտրական մաս` 19151044 գերմանական մարկ:
2. Հավանություն տալ «Սևան-Հրազդանյան կասկադ» փակ բաժնետիրական ընկերության և «Էյ Բի Բի Ալսթոմ Փաուվեր» (ABB Alstom Pover) ընկերության միջև 2000 թվականի հունիսի 2-ին «Էներգետիկային անհապաղ օգնություն. Քանաքեռի ՀԷԿ-ի վերականգնում - 9665514» վարկային ծրագրի շրջանակներում` գլխավոր կապալառուի մրցույթի արդյունքների հիման վրա ստորագրված կապալի պայմանագրին` 22162841 գերմանական մարկ ընդհանուր գումարով, այդ թվում`
շինարարական մաս` 5485622 գերմանական մարկ,
մեխանիկական մաս` 2957060 գերմանական մարկ,
էլեկտրական մաս` 13720159 գերմանական մարկ:
3. Հայաստանի Հանրապետության ֆինանսների և էկոնոմիկայի նախարարությանն ու Հայաստանի Հանրապետության պետական եկամուտների նախարարությանը` 15-օրյա ժամկետում Հայաստանի Հանրապետության կառավարության քննարկմանը ներկայացնել առաջարկություն «Էներգետիկային անհապաղ օգնություն. Քանաքեռի ՀԷԿ-ի վերականգնում - 9665514» վարկային ծրագրի շրջանակներում ստորագրված կապալի պայմանագրին համապատասխան իրականացվող գործարքները վարկային պայմանագրով նախատեսված հարկերից և պետական տուրքերից ազատելու վերաբերյալ:
4. Սույն որոշումն ուժի մեջ է մտնում 2000 թվականի սեպտեմբերի 22-ից: