ԿՈՄՈՒՆԱԼ ԾԱՌԱՅՈՒԹՅՈՒՆՆԵՐԻ ԴԻՄԱՑ ԳՈՅԱՑԱԾ ՊԱՐՏՔԵՐԻ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

3 օգոստոսի 2000 թվականի N 32

27. ԿՈՄՈՒՆԱԼ ԾԱՌԱՅՈՒԹՅՈՒՆՆԵՐԻ ԴԻՄԱՑ ԳՈՅԱՑԱԾ ՊԱՐՏՔԵՐԻ ՄԱՍԻՆ

«Հայաստանի Հանրապետության 2000 թվականի պետական բյուջեի մասին» Հայաստանի Հանրապետության օրենքի N 1 հավելվածով նախատեսված բյուջետային հատկացումների բաշխումների շրջանակներում կոմունալ ծառայությունների դիմաց գոյացած պարտավորությունների հաշվառման նպատակով`

1. Հայաստանի Հանրապետության նախարարություններին, գերատեսչություններին, մարզպետներին և Երևանի քաղաքապետին` մինչև 2000 թվականի օգոստոսի 15-ը Հայաստանի Հանրապետության ֆինանսների և էկոնոմիկայի նախարարություն ներկայացնել առաջարկություն «Հայաստանի Հանրապետության 2000 թվականի պետական բյուջեի մասին» Հայաստանի Հանրապետության օրենքի N 1 հավելվածով նախատեսված բյուջետային հատկացումների բաշխումների շրջանակներում կոմունալ ծառայությունների դիմաց (էլեկտրաէներգիայի, ջրմուղ-կոյուղուց օգտվելու և այլ կոմունալ ծախսեր) 2000 թվականի օգոստոսի 1-ի դրությամբ գոյացած պարտքերի վերաբերյալ:

2. Հայաստանի Հանրապետության ֆինանսների և էկոնոմիկայի նախարարությանը` սույն որոշման 1-ին կետում նշված տվյալներն ստանալուց հետո 5-օրյա ժամկետում դրանք ամփոփել և ներկայացնել Հայաստանի Հանրապետության կառավարություն: