041.0647.260900
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
26 սեպտեմբերի 2000 թվականի N 647
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ, ՀՈՒՆԱՍՏԱՆԻ ՀԱՆՐԱՊԵՏՈՒԹՅԱՆ ԵՎ ԻՐԱՆԻ ԻՍԼԱՄԱԿԱՆ ՀԱՆՐԱՊԵՏՈՒԹՅԱՆ ՄԻՋԵՎ ԵՌԱԿՈՂՄ ՀԱՄԱԳՈՐԾԱԿՑՈՒԹՅԱՆ ՇՐՋԱՆԱԿՆԵՐՈՒՄ ՏԱՐԱԾՔԱՅԻՆ ՊԼԱՆԱՎՈՐՄԱՆ ԵՎ ՇԻՆԱՐԱՐՈՒԹՅԱՆ ԿՈՄԻՏԵԻ ԱՆԴՐԱՆԻԿ ՆԻՍՏԻ ՄԱՍԻՆ
2000 թվականի սեպտեմբերի 28-29-ը Երևանում Հայաստանի Հանրապետության, Հունաստանի Հանրապետության և Իրանի Իսլամական Հանրապետության միջև եռակողմ համագործակցության շրջանակներում տարածքային պլանավորման և շինարարության կոմիտեի անդրանիկ նիստի անցկացման կապակցությամբ`
1. Հայաստանի Հանրապետության տարածքային կառավարման և քաղաքաշինության գործունեությունը համակարգող նախարարությանը, Հայաստանի Հանրապետության արտաքին գործերի նախարարությանն ու Հայաստանի Հանրապետության ֆինանսների և էկոնոմիկայի նախարարությանը` համատեղ ապահովել նիստի նախապատրաստումն ու անցկացումը:
2. Հայաստանի Հանրապետության տրանսպորտի և կապի նախարարությանը` ապահովել հյուրերի (10 մարդ) դիմավորումն ու ճանապարհումը պաշտոնական պատվիրակությունների սրահում (անվճար):
3. Հայաստանի Հանրապետության ազգային անվտանգության նախարարությանը և Հայաստանի Հանրապետության ներքին գործերի նախարարությանը` ապահովել հյուրերի անվտանգությունը Հայաստանում գտնվելու ընթացքում:
4. Հայաստանի Հանրապետության արտաքին գործերի նախարարությանը` նիստի արտասահմանյան մասնակիցներին տրամադրել Հայաստանի Հանրապետություն մուտքի արտոնագիր:
5. Հայաստանի Հանրապետության ֆինանսների և էկոնոմիկայի նախարարությանը` հյուրերի Հայաստանում գտնվելու հետ կապված ծախսերը` 2277900 (երկու միլիոն երկու հարյուր յոթանասունյոթ հազար ինը հարյուր) դրամի սահմաններում, կատարել Հայաստանի Հանրապետության 2000 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին` համաձայն Հայաստանի Հանրապետության տարածքային կառավարման և քաղաքաշինության գործունեությունը համակարգող նախարարության ներկայացրած հաշվետվությունների: