(որոշումը փոփոխվելու է 01.01.2027թ` 08.10.2026 թիվ 1449-Ն որոշում)
i
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
12 օգոստոսի 2021 թվականի N 1324-Ն
ՕՐԻՆԱՊԱՀ ՀԱՐԿ ՎՃԱՐՈՂ ՀԱՄԱՐԵԼՈՒ ՉԱՓԱՆԻՇՆԵՐԸ ԵՎ ՕՐԻՆԱՊԱՀ ՀԱՐԿ ՎՃԱՐՈՂԻ ՀԱՎԱՍՏԱԳՐԻ ՏՐԱՄԱԴՐՄԱՆ ԿԱՐԳԸ ՀԱՍՏԱՏԵԼՈՒ ՄԱՍԻՆ
Հիմք ընդունելով Հայաստանի Հանրապետության հարկային օրենսգրքի 293.1-ին հոդվածի 5-րդ մասը` Հայաստանի Հանրապետության կառավարությունը որոշում է.
1. Հաստատել`
1) օրինապահ հարկ վճարող համարելու չափանիշները` համաձայն N 1 հավելվածի.
2) օրինապահ հարկ վճարողի հավաստագրի տրամադրման կարգը` համաձայն N 2 հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
վարչապետ Ն. Փաշինյան
2021 թ. օգոստոսի 13
Երևան
Հավելված N 1
ՀՀ կառավարության
2021 թվականի օգոստոսի 12-ի
N 1324-Ն որոշման
ՉԱՓԱՆԻՇՆԵՐ ՕՐԻՆԱՊԱՀ ՀԱՐԿ ՎՃԱՐՈՂ ՀԱՄԱՐԵԼՈՒ
i
1. Համաձայն Հայաստանի Հանրապետության հարկային օրենսգրքի (այսուհետ` օրենսգիրք) 293.1-ին հոդվածի 2-րդ մասի` օրինապահ հարկ վճարողին հավաստագիրը տրամադրվում է ավելացված արժեքի հարկ վճարող կազմակերպության կամ անհատ ձեռնարկատիրոջ կողմից դիմումը ներկայացնելու օրն ընդգրկող տարվան նախորդող տարվա հունվարի 1-ից, մինչև դիմումը ներկայացնելու օրվան նախորդող ամսվա վերջին օրը ներառող ժամանակահատվածում (այսուհետ` դիտարկվող ժամանակահատված) իրականացված փաստացի գործունեության արդյունքների համար, հետևյալ չափանիշներին միաժամանակ բավարարելու դեպքում`
1) դիմումը ներկայացնելու օրվա դրությամբ և դիտարկվող ժամանակահատվածի բոլոր օրերին հարկ վճարողը հանդիսացել է ավելացված արժեքի հարկ վճարող.
2) հարկ վճարողը դիտարկվող ժամանակահատվածի կեսից ավելի ամիսների համար հաշվարկել է 0-ից մեծ ԱԱՀ-ի հարկման բազա.
3) դիմումը ներկայացնելու օրվա դրությամբ հարկային և մաքսային մարմինների կողմից վերահսկվող (հաշվառվող), Հայաստանի Հանրապետության պետական բյուջեի եկամուտների գծով հարկ վճարողի մոտ ժամկետանց պարտավորությունների (հարկի, տուրքի, վճարի, տույժի, տուգանքի, ինչպես նաև վնասի հատուցման և ծախսերի փոխհատուցման գումարների) բացակայություն.
4) դիմումը ներկայացնելու օրվա դրությամբ հարկային և մաքսային օրենսդրությամբ սահմանված կարգով և ժամկետներում հարկ վճարողը պետք է ներկայացրած լինի դիտարկվող ժամանակահատվածը ներառող հաշվետու ժամանակաշրջանների համար նախատեսված բոլոր հաշվարկները, հայտարարագրերը, հաշվետվությունները, այլ փաստաթղթերը և տեղեկությունները, որոնց ներկայացման ժամկետը լրացել է.
5) դիտարկվող ժամանակահատվածը ներառող հաշվետու ժամանակաշրջանների համար սահմանված կարգով և ժամկետներում հարկ վճարողի կողմից վճարված լինեն բոլոր հարկերը, տուրքերը և (կամ) վճարները (այդ թվում` կանխավճարները).
6) դիտարկվող ժամանակահատվածի ընթացքում օրենսգրքի 412-րդ կամ 416-րդ հոդվածների պահանջներից որևէ մեկով մեկից ավելի անգամ խախտման բացակայություն.
7) դիտարկվող ժամանակահատվածի սկզբից և մինչև դիմումը ներկայացնելու օրը հարկային և (կամ) մաքսային մարմինների կողմից օրենսդրությամբ սահմանված կարգով հարկ վճարողի (պաշտոնատար անձի) նկատմամբ արձանագրած իրավախախտումների բացակայություն (այդ թվում, երբ արձանագրված իրավախախտումը վերաբերում է դիտարկվող ժամանակահատվածից տարբերվող ժամանակահատվածին): Սույն չափանիշի իմաստով իրավախախտում է համարվում նաև համալիր հարկային ստուգումների և ուսումնասիրությունների ընթացքում ստուգվող ժամանակահատվածի համար հարկ վճարողի կողմից հաշվարկների (հայտարարագրերի, այդ թվում` ճշտված) ներկայացումը և (կամ) ընդունված վարչական ակտերով (այդ թվում` ստուգման ակտերով կամ ուսումնասիրության արձանագրություններով) արձանագրված իրավախախտումները` անկախ այդ վարչական ակտերի անբողոքարկելի համարվելու համար օրենքով սահմանված ժամկետներից կամ այդ ակտերի բողոքարկված լինելու հանգամանքից.
8) դիմումը ներկայացնելու օրվա դրությամբ հարկային կամ մաքսային մարմինների կողմից հարուցված և չավարտված վարչական (այդ թվում` ստուգման կամ արտագնա ուսումնասիրության) վարույթների բացակայություն.
9) դիմումը ներկայացնելու օրվա դրությամբ հարկ վճարողի առնչությամբ կամ դրա պաշտոնատար անձի նկատմամբ քրեական օրենսգրքի 32-րդ գլխով նախատեսված տնտեսական հանցագործությունների կամ մաքսանենգության դեպքերի վերաբերյալ նախաձեռնված և չավարտված քրեական վարույթի բացակայություն.
10) դիմումում լրացված գործունեության ոլորտի (ոլորտների) համապատասխանում հարկ վճարողի կողմից իրականացվող փաստացի գործունեությանը:
(1-ին կետը փոփ. 01.02.2024 թիվ 161-Ն որոշում)
i
1.1. Դիտարկվող ժամանակահատվածի սկզբից մինչև դիմումը ներկայացնելու օրը հարկ վճարողի վերակազմակերպված լինելու դեպքում սույն կարգի 1-ին կետով սահմանված չափանիշներին բավարարելու պահանջների գնահատումը ներառում է նաև իրավանախորդ կազմակերպությունների գործունեության արդյունքները:
(1.1-ին կետը լրաց. 01.02.2024 թիվ 161-Ն որոշում)
1.2. Սույն կարգի 1-ին կետի 3-րդ, 8-րդ և 9-րդ ենթակետերով սահմանված չափանիշներին բավարարելու պահանջների գնահատումը ներառում է նաև դիմումը ներկայացնելու օրվա դրությամբ հարկ վճարողի` փոխկապակցված համարվելու կամ փոխկապակցված ճանաչվելու համար ՀՀ հարկային օրենսգրքի 30-րդ հոդվածով սահմանված հիմքերի առկայության դեպքում հարկ վճարողի և վերջինիս հետ փոխկապակցված բոլոր հարկ վճարողների գործունեության վերաբերյալ տեղեկությունները:
(1.2-րդ կետը լրաց. 01.02.2024 թիվ 161-Ն որոշում)
i
2. Սույն կարգի 1-ին կետի 4-րդ, 5-րդ և 7-րդ ենթակետերով սահմանված չափանիշները համարվում են բավարարված, եթե համապատասխան ժամանակաշրջանի ընթացքում օրենսդրությամբ սահմանված կարգով արձանագրված իրավախախտումների արդյունքում հաշվարկված կամ հարկային (մաքսային) մարմինների կողմից լրացուցիչ առաջադրված պարտավորությունների հանրագումարը (այդ թվում` ստուգման (ուսումնասիրության) ժամանակաշրջանում ստուգվող (ուսումնասիրվող) ժամանակաշրջանի համար հարկ վճարողի կողմից ներկայացված հաշվարկների (հաշվետվությունների), ինչպես նաև ճշտված հաշվարկների, որոնց արդյունքում առաջացել է հարկային պարտավորություն կամ ավելացել է հարկային պարտավորությունը և (կամ) նվազել է հաշվանցվող (պակասեցվող) գումարը) չի գերազանցում դիտարկվող ժամանակահատվածի համար հարկ վճարողի կողմից ներկայացված հարկային հաշվարկներում արտացոլված ԱԱՀ-ով հարկման բազայի 0,05%-ը, բայց ոչ ավելի, քան 4 մլն դրամը:
(2-րդ կետը փոփ. 01.02.2024 թիվ 161-Ն որոշում)
i
3. Լիազորված տնտեսական օպերատորների ռեեստրում ընդգրկվելու համար դիմում ներկայացրած հարկ վճարողներին, որոնք բավարարում են «Մաքսային կարգավորման մասին» ՀՀ օրենքի 289-րդ հոդվածի 2-րդ, 3-րդ և 4-րդ մասերով սահմանված պայմաններին, և առկա չեն Եվրասիական տնտեսական միության մաքսային օրենսգրքի 434-րդ հոդվածի 5-րդ կետով սահմանված դիմումի ուսումնասիրությունը մերժելու հիմքերը, տրամադրվում է հավաստագիր համաձայն հավելված 2-ի ձև 3-ի` բացառապես լիազորված տնտեսական օպերատորների ռեեստրում ընդգրկվելու համար, եթե հարկ վճարողի սույն կարգի 2-րդ կետով սահմանված իրավախախտումների արդյունքում հաշվարկված կամ հարկային (մաքսային) մարմինների կողմից լրացուցիչ առաջադրված պարտավորությունների հանրագումարը չի գերազանցում դիտարկվող ժամանակահատվածի համար հարկ վճարողի կողմից ներկայացված հարկային հաշվարկներում արտացոլված ԱԱՀ-ով հարկման բազայի 0,8%-ը:
(3-րդ կետը լրաց. 31.08.2023 թիվ 1452-Ն, 01.02.2024 թիվ 161-Ն որոշումներ)
Հավելված N 2
ՀՀ կառավարության
2021 թվականի օգոստոսի 12-ի
N 1324-Ն որոշման
ԿԱՐԳ
ՕՐԻՆԱՊԱՀ ՀԱՐԿ ՎՃԱՐՈՂԻ ՀԱՎԱՍՏԱԳՐԻ ՏՐԱՄԱԴՐՄԱՆ
1. Սույն կարգով կարգավորվում են օրինապահ հարկ վճարողի հավաստագրի տրամադրման հետ կապված հարաբերությունները:
2. Օրինապահ հարկ վճարողի հավաստագրի տրամադրումը դիտարկվող ժամանակահատվածում ավելացված արժեքի հարկ վճարողների կողմից իրականացված փաստացի գործունեության իրավաչափության վերաբերյալ` հարկային մարմնի պաշտոնական հավաստումն է:
3. Օրինապահ հարկ վճարողի հավաստագիրը տրամադրվում է սույն որոշման N 1 հավելվածով հաստատված օրինապահ հարկ վճարող համարելու չափանիշների հիման վրա:
4. Օրինապահ հարկ վճարողի հավաստագիր ստանալու համար հարկ վճարողը էլեկտրոնային եղանակով հարկային մարմին է ներկայացնում դիմում` համաձայն սույն հավելվածի N 1 ձևի:
i
5. Հարկային մարմինը հարկ վճարողի դիմումի հիման վրա 15 աշխատանքային օրվա ընթացքում ուսումնասիրում է վերջինիս համապատասխանությունը սույն որոշման պահանջներին, որոնց բավարարելու դեպքում հարկ վճարողին տրամադրում է օրինապահ հարկ վճարողի հավաստագիր` համաձայն սույն հավելվածի ձև N 2-ի, իսկ լիազորված տնտեսական օպերատորների ռեեստրում ընդգրկվելու համար դիմում ներկայացրած հարկ վճարողին` համաձայն սույն հավելվածի ձև N 3-ի» կամ հայտնաբերված անճշտությունների (անհամապատասխանությունների) մասին հարկային մարմնի գրությամբ համապատասխան հիմնավորումներով տեղեկացնում է հարկ վճարողին` նշելով մերժման պատճառները: Հարկ վճարողը գրությունը ստանալուց հետո 5 աշխատանքային օրվա ընթացքում կարող է ներկայացնել առարկություններ` նշված հիմնավորումների վերաբերյալ: Հարկ վճարողի կողմից ներկայացված առարկությունները հիմնավոր համարվելու դեպքում տրամադրվում է օրինապահ հարկ վճարողի հավաստագիր կամ հիմնավոր չհամարվելու դեպքում օրինապահ հարկ վճարողի հավաստագրի տրամադրումը հարկային մարմնի կողմից մերժվում է` 5 աշխատանքային օրվա ընթացքում:
(5-րդ կետը փոփ. 01.02.2024 թիվ 161-Ն որոշում)
6. Օրինապահ հարկ վճարողի հավաստագիրը հարկ վճարողի ցանկությամբ տրամադրվում է նաև ռուսերեն կամ անգլերեն լեզուներով:
i
7. Օրինապահ հարկ վճարողի հավաստագրի տրամադրումից հետո` 2 աշխատանքային օրվա ընթացքում, օրինապահ հարկ վճարողի հավաստագիր ստացած հարկ վճարողների ցանկերը հրապարակվում են հարկային մարմնի պաշտոնական ինտերնետային կայքում:
(7-րդ կետը փոփ. 01.02.2024 թիվ 161-Ն որոշում)
8. Օրինապահ հարկ վճարողի հավաստագիրը գործում է տրման օրվանից մինչև հավաստագրի տրման ամսվան հաջորդող 12-րդ ամսվա վերջին օրացուցային օրվա ավարտը:
i
9. Օրինապահ հարկ վճարողի հավաստագրի գործողության ընթացքում հարկ վճարողը սույն հավելվածի N 2 ձևի նոր հավաստագիր ստանալու համար կարող է դիմել գործող հավաստագրի ժամկետի 12-րդ ամսվա 1-ից, իսկ սույն հավելվածի N 3 ձևի նոր հավաստագիր ստանալու համար կարող է դիմել հավաստագրի տրման օրվան հաջորդող ամսվա 1-ից: Նշված ժամկետներից շուտ ներկայացված դիմումները մերժվում են:
(9-րդ կետը փոփ. 01.02.2024 թիվ 161-Ն որոշում)
Ձև N 1
i
ԴԻՄՈՒՄԻ ՁԵՎ ՕՐԻՆԱՊԱՀ ՀԱՐԿ ՎՃԱՐՈՂԻ ՀԱՎԱՍՏԱԳԻՐ ՍՏԱՆԱԼՈՒ ՀԱՄԱՐ ՊԵԿ ՆԵՐԿԱՅԱՑՎՈՂ
._____________________________________________________________________.
|1.|Հարկ վճարողի հաշվառման համարը | |
|__|_________________________________________|________________________|
|2.|Հարկ վճարողի անվանումը (անունը, | |
| |ազգանունը) | |
|__|_________________________________________|________________________|
|3.|Նախընտրած օտար լեզվով հարկ վճարողի |Անգլերեն |Ռուսերեն |
| |անվանումը* | | |
|__|_________________________________________|___________|____________|
|4.|Հարկ վճարողի գտնվելու վայրը (բնակության | | |
| |վայրը) | | |
|__|_________________________________________|___________|____________|
|5.|Հարկ վճարողի հեռախոսահամարը | | |
|__|_________________________________________|___________|____________|
|6.|Հարկ վճարողի էլեկտրոնային փոստի հասցեն | | |
|__|_________________________________________|___________|____________|
|7.|Հավաստագրի ստացման եղանակը |Փոստ|Առձեռն|Էլ. եղանակով|
| | |____|______|____________|
|__|_________________________________________|___________|____________|
|7.|ԼՏՕ ռեեստրում գրանցվելու համար մաքսային |օր |ամիս |տարի |
|1.|մարմին ներկայացված դիմումի ամսաթիվ կամ |____|______|____________|
|__|_________________________________________|________________________|
|7.|գործող ԼՏՕ վկայականի համար | |
|2.| | |
._____________________________________________________________________.
8. Հարկ վճարողի գործունեության իրականացման հիմնական (20%-ից բարձր) ոլորտ(ներ)ը
._________________________________________________________________________.
|Գործունեության տեսակը` ըստ տնտեսական |Գործունեության|Տեսակարար |
|գործունեության տեսակների ՀՀ դասակարգչի |ոլորտը |կշիռը, (%)|
|_______________________________________________|______________|__________|
|բաժին |հատված |խումբ |դաս |ենթադաս | | |
|________|_________|________|________|__________|______________|__________|
._________________________________________________________________________.
._________________________________________________________________________.
|Սույնով հավաստում եմ, որ դիմումը ներկայացնելու օրն ընդգրկող հաշվետու |
|տարվան նախորդող տարվա հունվարից մինչ դիմումը ներկայացնելու ամսվան |
|նախորդող ամսվա ընթացքում փաստացի գործունեության արդյունքներով |
|իրավախախտումներ թույլ չեմ տվել, Հայաստանի Հանրապետության պետական բյուջեի |
|հանդեպ պարտավորություններ չունեմ, հարկային մարմին ներկայացրած տվյալները |
|ճշգրիտ են և ամբողջական, ուստի խնդրում եմ տրամադրել օրինապահ հարկ վճարողի|
|հավաստագիր և այն հրապարակել Հայաստանի Հանրապետության պետական եկամուտների|
|կոմիտեի պաշտոնական կայքում: |
._________________________________________________________________________.
*լրացվում է ցանկության դեպքում լեզուներից որևէ մեկը
9. ՀՀ հարկային օրենսգրքի համաձայն իրավանախորդ հանդիսացող կամ փոխկապակցված ճանաչված հարկ վճարողները.
._____________________________________________________________________.
|Հ/Հ|Հարկ վճարողի |Հարկ վճարողի անվանում|Իրավանախորդության, |
| |հաշվառման համար|(անուն ազգանուն) և |փոխկապակցվածության |
| |(ՀՎՀՀ) |իրավական տեսակ |___________________________|
| | | |Հիմք |Ամսաթիվ |
|___|_______________|_____________________|___________|_______________|
|1 | | | | |
|___|_______________|_____________________|___________|_______________|
._____________________________________________________________________.
(1-ին ձևը փոփ. 01.02.2024 թիվ 161-Ն որոշում)
Ձև N 2
ՀԱՎԱՍՏԱԳՐԻ ՁԵՎ ՕՐԻՆԱՊԱՀ ՀԱՐԿ ՎՃԱՐՈՂԻ
____________________
ԻՐՏԵԿ - նկարը տե՛ս ԻՐՏԵԿ-ի ինտերնետային տարբերակում:
TAX COMPLIANCE CERTIFICATE FORM
____________________
ԻՐՏԵԿ - նկարը տե՛ս ԻՐՏԵԿ-ի ինտերնետային տարբերակում:
ՖՕՌՄԱ ՍԵՌՏԻՖԻԿԱՏԱ ԶԱԿՕՆՕՊՕՍԼՈՒՇՆՕԳՕ ՆԱԼՈԳՕՊԼԱՏԵԼՇԻԿԱ
____________________
ԻՐՏԵԿ - նկարը տե՛ս ԻՐՏԵԿ-ի ինտերնետային տարբերակում:
Հավելված N 2
ՀՀ կառավարության
2021 թվականի օգոստոսի 12-ի
N 1324-Ն որոշման
Ձև N 3
i
ՀԱՎԱՍՏԱԳՐԻ ՕՐԻՆԱՊԱՀ ՀԱՐԿ ՎՃԱՐՈՂԻ
(նկար)
(3-րդ ձևը լրաց. 01.02.2024 թիվ 161-Ն որոշում)
Հավելված N 3
i
ՀՀ կառավարության
2021 թվականի օգոստոսի 12-ի
N 1324-Ն որոշման
ԿԱՐԳ
ՕՐԻՆԱՊԱՀ ՀԱՐԿ ՎՃԱՐՈՂԻ ՀԱՎԱՍՏԱԳՐԻ ԳՈՐԾՈՂՈՒԹՅԱՆ ԴԱԴԱՐԵՑՄԱՆ
1. Սույն կարգով կարգավորվում են անժամկետ տրամադրված օրինապահ հարկ վճարողի հավաստագրի գործողության դադարեցման հետ կապված հարաբերությունները:
2. Հայաստանի Հանրապետության հարկային օրենսգրքի (այսուհետ` օրենսգիրք) 293.1-ին հոդվածի 3.1-ին մասին համապատասխան անժամկետ տրամադրված օրինապահ հարկ վճարողի հավաստագրի գործողության ժամանակահատվածում հարկային մարմինն իրականացնում է օրինապահ հարկ վճարողի հավաստագիր ունեցող հարկ վճարողի գործունեության արդյունքների մշտադիտարկում` եռամսյակային պարբերականությամբ: Մշտադիտարկումն իրականացվում է մշտադիտարկմանը նախորդող տարվա հունվարի 1-ից, մինչև մշտադիտարկման վերջին օրը ներառող ժամանակահատվածում (այսուհետ` մշտադիտարկվող ժամանակահատված) իրականացված փաստացի գործունեության արդյունքների համար:
3. Մշտադիտարկման արդյունքներով օրինապահ հարկ վճարողի հավաստագրի գործողությունը հարկային մարմնի կողմից դադարեցվում է հետևյալ դեպքերից որևէ մեկի առկայության պարագայում`
1) մշտադիտարկվող ժամանակահատվածի բոլոր օրերին հարկ վճարողը չի հանդիսացել ավելացված արժեքի հարկ վճարող.
2) հարկ վճարողը մշտադիտարկվող ժամանակահատվածի կեսից ավելի ամիսների համար չի հաշվարկել 0-ից մեծ ԱԱՀ-ի հարկման բազա.
3) մշտադիտարկման վերջին օրվա դրությամբ հարկ վճարողի մոտ առկա են հարկային և մաքսային մարմինների կողմից վերահսկվող (հաշվառվող) Հայաստանի Հանրապետության պետական բյուջեի եկամուտների գծով ժամկետանց պարտավորություններ (հարկ, տուրք, վճար, տույժ, տուգանք, ինչպես նաև վնասի հատուցման և ծախսերի փոխհատուցման գումարներ).
4) հարկ վճարողը չի ներկայացրել մշտադիտարկվող ժամանակահատվածը ներառող հարկային և մաքսային օրենսդրությամբ սահմանված կարգով և ժամկետներում հաշվետու ժամանակաշրջանների համար նախատեսված բոլոր հաշվարկները.
5) հարկ վճարողը չի վճարել մշտադիտարկվող ժամանակահատվածը ներառող հաշվետու ժամանակաշրջանների համար սահմանված կարգով և ժամկետներում բոլոր հարկերը, տուրքերը և վճարները (այդ թվում` կանխավճարները).
6) մշտադիտարկվող ժամանակահատվածում արձանագրվել է օրենսգրքի 412-րդ, 416-րդ, 419-րդ, 424-րդ կամ Վարչական իրավախախտումների վերաբերյալ ՀՀ օրենսգրքի 165-րդ հոդվածներով սահմանված մեկից ավելի իրավախախտում.
7) մշտադիտարկվող ժամանակահատվածում արձանագրվել է օրենսգրքի 407-րդ, 408-րդ կամ 409-րդ հոդվածներով սահմանված իրավախախտում.
8) հարկային (մաքսային) մարմինների կողմից օրենսդրությամբ սահմանված կարգով հարկ վճարողի (պաշտոնատար անձի) նկատմամբ մշտադիտարկվող ժամանակահատվածում արձանագրված իրավախախտումների արդյունքում հաշվարկված կամ հարկային (մաքսային) մարմինների կողմից լրացուցիչ առաջադրված պարտավորությունների հանրագումարը կամ նվազեցված հարկային վնասի` նրան համարժեք շահութահարկի գումարի չափով հանրագումարը գերազանցում է մշտադիտարկվող ժամանակահատվածի համար հարկ վճարողի կողմից ներկայացված հարկային հաշվարկներում արտացոլված ԱԱՀ-ով հարկման բազայի 0,1%-ը կամ ավելին է, քան 10 մլն դրամը: Սույն կետի իմաստով իրավախախտում է համարվում նաև համալիր հարկային ստուգումների և ուսումնասիրությունների ընթացքում ստուգվող ժամանակահատվածի համար հարկ վճարողի կողմից հաշվարկների (հայտարարագրերի, այդ թվում` ճշտված) ներկայացումը կամ ընդունված վարչական ակտերով (այդ թվում` ստուգման ակտերով կամ ուսումնասիրության արձանագրություններով) արձանագրված իրավախախտումները` անկախ այդ վարչական ակտերի անբողոքարկելի համարվելու համար օրենքով սահմանված ժամկետներից կամ այդ ակտերի բողոքարկված լինելու հանգամանքից.
9) մշտադիտարկվող ժամանակահատվածում հարկ վճարողի առնչությամբ կամ դրա պաշտոնատար անձի նկատմամբ Հայաստանի Հանրապետության քրեական օրենսգրքի 32-րդ գլխով նախատեսված տնտեսական հանցագործությունների կամ մաքսանենգության դեպքերի վերաբերյալ վարույթի նախաձեռնման օրվան հաջորդող երկրորդ ամսվա 1-ի դրությամբ վարույթը կարճված չէ.
10) մշտադիտարկվող ժամանակահատվածում և դրան նախորդող երկու հարկային տարում գործունեության արդյունքներով (առանց նախորդ տարիներից փոխանցվող հարկային վնասի) անընդմեջ առաջացել է հարկային վնաս.
11) հարկ վճարողը մշտադիտարկվող ժամանակահատվածի կեսից ավելի ամիսների համար հաշվարկել է ամսական 2-ից պակաս աշխատողի աշխատավարձ և դրան հավասարեցված այլ վճարումներ կամ բոլոր հաշվարկված աշխատավարձերի և դրան հավասարեցված այլ վճարումների չափերը չեն գերազանցել նվազագույն աշխատավարձի չափը.
12) սույն կետի 4-րդ և 5-րդ ենթակետերով սահմանված դեպքերը արձանագրվել են 2-ից ավել անգամ:
4. Մշտադիտարկվող ժամանակահատվածում հարկ վճարողի վերակազմակերպված լինելու դեպքում սույն կարգի 3-րդ կետով սահմանված դադարեցման դեպքերի գնահատումը ներառում է նաև իրավանախորդ կազմակերպությունների գործունեության արդյունքները:
5. Սույն կարգի 3-րդ կետի 3-րդ և 9-րդ ենթակետերով սահմանված դադարեցման դեպքերի գնահատումը ներառում է նաև մշտադիտարկումը սկսելու օրվա դրությամբ հարկ վճարողի` փոխկապակցված համարվելու կամ փոխկապակցված ճանաչվելու համար ՀՀ հարկային օրենսգրքի 30-րդ և 362-րդ հոդվածներով սահմանված հիմքերի առկայության դեպքում հարկ վճարողի և վերջինիս հետ փոխկապակցված բոլոր հարկ վճարողների գործունեության վերաբերյալ տեղեկությունները:
6. Օրինապահ հարկ վճարողի հավաստագրի գործողության ընթացքում մշտադիտարկումն իրականացվում է յուրաքանչյուր եռամսյակ` ամսական (եռամսյակային, տարեկան) հաշվարկների ներկայացման համար նախատեսված վերջնաժամկետին հաջորդող օրվանից` 7 աշխատանքային օրվա ընթացքում:
7. Սույն կարգի 6-րդ կետի ժամկետի ավարտից հետո մշտադիտարկման արդյունքներով գրանցված իրավախախտումների վերաբերյալ 2 աշխատանքային օրվա ընթացքում կազմվում է եզրակացություն, որի հիման վրա, հարկային մարմնի ղեկավարի հրամանով` հրամանի հաջորդ օրվանից, օրինապահ հարկ վճարողի հավաստագրի գործողությունը դադարեցվում է:
8. Օրինապահ հարկ վճարողի հավաստագրի գործողության դադարեցման մասին հարկային մարմնի ղեկավարի հրամանը 2 աշխատանքային օրվա ընթացքում տրամադրվում է հարկ վճարողին` էլեկտրոնային եղանակով:
9. Օրինապահ հարկ վճարողի հավաստագրի գործողության դադարեցումից հետո հարկ վճարողը նոր հավաստագիր ստանալու համար կարող է դիմել օրինապահ հարկ վճարողի հավաստագրի դադարեցման օրը ներառող ամսվան հաջորդող 12-րդ ամսվա 1-ից: Նշված ժամկետից շուտ ներկայացված դիմումները մերժվում են: Օրենսդրությամբ սահմանված կարգով, օրինապահ հարկ վճարողի հավաստագրի դադարի հիմքերն անվավեր ճանաչելու դեպքում, հարկ վճարողը նոր հավաստագիր ստանալու համար կարող է դիմել համապատասխան ակտն ուժի մեջ մտնելուց հետո:
10. Օրինապահ հարկ վճարողի հավաստագրի գործողությունը դադարեցվելուց հետո` 2 աշխատանքային օրվա ընթացքում, օրինապահ հարկ վճարողի հավաստագրի գործողությունը դադարեցված հարկ վճարողների ցանկը հարկային մարմնի ղեկավարի սահմանված կարգով հրապարակվում է հարկային մարմնի պաշտոնական ինտերնետային կայքում:
(3-րդ հավելվածն ուժի մեջ է 01.01.2027թ` 08.10.2026 թիվ 1449-Ն որոշում)
Պաշտոնական հրապարակման օրը` 13 օգոստոսի 2021 թվական:
@