040.0603.280900
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«28» սեպտեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
28 սեպտեմբերի 2000 թվականի N 603
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐՈՒԹՅԱՆ «ՀԱՅԿԱԿԱՆ ԱՎԻԱՈՒՂԻՆԵՐ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆԸ ԲՅՈՒՋԵՏԱՅԻՆ ՎԱՐԿ ՏՐԱՄԱԴՐԵԼՈՒ ՄԱՍԻՆ
«Կոնվերս բանկ» փակ բաժնետիրական ընկերության կողմից Հայաստանի Հանրապետության տրանսպորտի և կապի նախարարության «Հայկական ավիաուղիներ» պետական փակ բաժնետիրական ընկերությանը տրամադրված վարկի հերթական վճարումն ապահովելու նպատակով Հայաստանի Հանրապետության կառավարությունը որոշում է.
1. Հայաստանի Հանրապետության ֆինանսների և էկոնոմիկայի նախարարությանը`
ա) Հայաստանի Հանրապետության տրանսպորտի և կապի նախարարության «Հայկական ավիաուղիներ» պետական փակ բաժնետիրական ընկերությանը տրամադրել 545.713.230 դրամ բյուջետային վարկ` 3-ամսյա ժամկետով, տարեկան LIBOR+4 տոկոս տոկոսադրույքով` Հայաստանի Հանրապետության 2000 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին.
բ) մեկշաբաթյա ժամկետում Հայաստանի Հանրապետության տրանսպորտի և կապի նախարարության «Հայկական ավիաուղիներ» պետական փակ բաժնետիրական ընկերության հետ կնքել բյուջետային վարկի տրամադրման մասին պայմանագիր (առանց գրավի պայմանագրի)` սույն որոշման 1-ին կետի «ա» ենթակետում նշված պայմաններով:
2. Հայաստանի Հանրապետության տրանսպորտի և կապի նախարարությանը` ապահովել «Հայկական ավիաուղիներ» պետական փակ բաժնետիրական ընկերությանը տրամադրվող բյուջետային վարկի ժամանակին մարումը:
3. Սույն որոշումն ուժի մեջ է մտնում 2000 թվականի սեպտեմբերի 28-ից: