Սեղմել Esc փակելու համար:
ՊԵՏԱԿԱՆ ԱՐՎԵՍՏԱՆՈՑՆԵՐԻ ՄԱՍՆԱՎՈՐԵՑՄԱՆ ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՊԵՏԱԿԱՆ ԱՐՎԵՍՏԱՆՈՑՆԵՐԻ ՄԱՍՆԱՎՈՐԵՑՄԱՆ (ՍԵՓԱԿԱՆԱՇՆՈՐՀՄԱՆ) ԿԱՐԳԸ ՀԱՍՏԱՏԵԼՈՒ ՄԱՍԻՆ

 

 

040.0606.300900

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«30» սեպտեմբերի 2000 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

30 սեպտեմբերի 2000 թվականի N 606

 

i

ՊԵՏԱԿԱՆ ԱՐՎԵՍՏԱՆՈՑՆԵՐԻ ՄԱՍՆԱՎՈՐԵՑՄԱՆ (ՍԵՓԱԿԱՆԱՇՆՈՐՀՄԱՆ) ԿԱՐԳԸ ՀԱՍՏԱՏԵԼՈՒ ՄԱՍԻՆ

 

«Արվեստանոցների մասնավորեցման (սեփականաշնորհման) մասին» Հայաստանի Հանրապետության օրենքի 4 հոդվածին համապատասխան` Հայաստանի Հանրապետության կառավարությունը որոշում է.

Հաստատել պետական արվեստանոցների մասնավորեցման (սեփականաշնորհման) կարգը (կցվում է):

 

Հաստատված է

ՀՀ կառավարության 2000 թ.

սեպտեմբերի 30-ի N 606 որոշմամբ

 

ԿԱՐԳ

պետական արվեստանոցների մասնավորեցման

(սեփականաշնորհման)

 

1. Սույն կարգով կարգավորվում է պետական բնակարանային ֆոնդին պատկանող տարածքներում գտնվող` նկարիչներին, քանդակագործներին, ճարտարապետներին և այլ ստեղծագործողներին (այսուհետև` արվեստագետներ) վարձակալությամբ տրված տարածքների (այսուհետև` արվեստանոցներ) մասնավորեցման (սեփականաշնորհման) գործընթացը:

2. Պետական բնակարանային ֆոնդին պատկանող տարածքներում գտնվող պետական արվեստանոցները մինչև 2000 թվականի մայիսի 1-ը վարձակալության հիմունքներով օգտագործող արվեստագետները (նրանց լիազոր ներկայացուցիչները) մինչև 2001 թվականի դեկտեմբերի 31-ը այդ արվեստանոցներն իրենց անհատույց մասնավորեցնելու (սեփականաշնորհելու) մասին դիմումը ներկայացնում են` մարզերում` համապատասխան մարզպետներին, իսկ Երևանում` Երևանի քաղաքապետին: Դիմումի հետ միասին ներկայացնում են նաև պետական արվեստանոցները նախկինում վարձակալության հիմունքներով իրենց հատկացնելու վերաբերյալ համապատասխան փաստաթուղթ (օրդեր, վարձակալության պայմանագիր, վարձակալական գրքույկ), ինչպես նաև ստեղծագործական միությունների կողմից տրված երաշխավորությունը:

3. Դիմումը և համապատասխան փաստաթղթերը ներկայացվելուց հետո մեկամսյա ժամկետում, մարզերում` համապատասխան մարզպետը, իսկ Երևանում` Երևանի քաղաքապետն ստուգում են այդ փաստաթղթերի օրինականությունը և ընդունում որոշում պետական արվեստանոցները դիմողին անհատույց մասնավորեցնելու (սեփականաշնորհելու) մասին:

4. Պետական արվեստանոցների անհատույց մասնավորեցման (սեփականաշնորհման) մասին որոշման ընդունումից հետո 5 աշխատանքային օրվա ընթացքում կնքվում է նշված արվեստանոցների անհատույց մասնավորեցման (սեփականաշնորհման) պայմանագիր: Պետական արվեստանոցների անհատույց մասնավորեցման (սեփականաշնորհման) պայմանագիրը ենթակա է վավերացման` նոտարական կարգով, իսկ սեփականության իրավունքը` պետական գրանցման:

 

 

pin
ՀՀ կառավարություն
30.09.2000
N 606
Որոշում