ՀՀ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅՈՒՆ ՎՐԱՍՏԱՆ ԳՈՐԾՈՒՂԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

8 սեպտեմբերի 2021 թվականի N 950-Ա

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅՈՒՆ ՎՐԱՍՏԱՆ ԳՈՐԾՈՒՂԵԼՈՒ ՄԱՍԻՆ

Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի`

1. 2021 թվականի սեպտեմբերի 8-ից 9-ը պաշտոնական այցով Վրաստան (սեպտեմբերի 8-ին` Թբիլիսի, սեպտեմբերի 9-ին` Բաթում) գործուղել Հայաստանի Հանրապետության կառավարական պատվիրակություն` համաձայն հավելվածի:

2. Սույն որոշման 1-ին կետում նշված գործուղման մեջ գտնվելու ընթացքում Հայաստանի Հանրապետության վարչապետի պարտականությունների կատարումը դնել Հայաստանի Հանրապետության փոխվարչապետ Սուրեն Պապիկյանի վրա:

3. Հայաստանի Հանրապետության կառավարական պատվիրակության կազմում ընդգրկել նաև Վրաստանում Հայաստանի Հանրապետության արտակարգ և լիազոր դեսպան Ռուբեն Սադոյանին:

4. Հայաստանի Հանրապետության կառավարական պատվիրակության` Վրաստան (Թբիլիսի և Բաթում) գործուղման ծախսերը, այդ թվում` օդանավակայանում սպասարկման ծախսերը` համաձայն փաստացի կատարված ծախսերը հիմնավորող փաստաթղթերի, կատարել`

1) Նիկոլ Փաշինյանինը, Մանե Գևորգյանինը, Սուրեն Վարոսյանինը, Հրաչյա Թաշչյանինը, Վերգինե Ասլանյանինը, Արթուր Գևորգյանինը, Ալեքսանդր Աբրահամյանինը և Տիգրան Մեհրաբյանինը, ինչպես նաև ներկայացուցչական, փոխադրամիջոցների վարձակալման ծախսերը` Հայաստանի Հանրապետության վարչապետի աշխատակազմի պահպանման ծախսերում արտասահմանյան գործուղումների համար նախատեսված միջոցների, իսկ հուշանվերների ձեռքբերման ծախսերը` Հայաստանի Հանրապետության վարչապետի աշխատակազմի պահպանման ծախսերում ներկայացուցչական ծախսերի համար նախատեսված միջոցների հաշվին.

2) Արարատ Միրզոյանինը` արտաքին գործերի նախարարության, իսկ Ռազմիկ Մարգարյանինը` արտաքին գործերի նախարարության պետական արարողակարգի ծառայության միջոցների հաշվին.

3) Գնել Սանոսյանինը` Հայաստանի Հանրապետության 2021 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին.

4) Գրիգորի Առաքելյանինը, Արտակ Սիմոնյանինը, Գոռ Թումասյանինը, Գևորգ Գալստյանինը, Արման Սեդրակյանինը, Միխաիլ Աթաբեկյանինը և Արմեն Վարդանյանինը` պետական պահպանության ծառայության միջոցների հաշվին.

5) զանգվածային լրատվության միջոցների ներկայացուցիչների գիշերավարձը և օդանավակայանում սպասարկման ծախսերը` Հայաստանի Հանրապետության 2021 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին` համաձայն Հայաստանի Հանրապետության վարչապետի աշխատակազմի ներկայացրած հաշվետվության:

5. Ընդունել ի գիտություն, որ զանգվածային լրատվության միջոցների ներկայացուցիչների օրապահիկի ծախսերը կատարվելու են համապատասխան գործուղող կազմակերպությունների միջոցների հաշվին:

6. Հայաստանի Հանրապետության վարչապետի աշխատակազմի ղեկավարին` կազմակերպել հատուկ ինքնաթիռի չվերթ` 2021 թվականի սեպտեմբերի 8-ին` Երևան- Թբիլիսի, իսկ սեպտեմբերի 9-ին` Թբիլիսի-Բաթում-Երևան երթուղով:

7. Քաղաքացիական ավիացիայի կոմիտեի նախագահին` աջակցել Հայաստանի Հանրապետության վարչապետի աշխատակազմին սույն որոշման 6-րդ կետում նշված չվերթի կազմակերպման հարցում:

8. Հատուկ ինքնաթիռի չվերթի կազմակերպման ծախսերը կատարել Հայաստանի Հանրապետության վարչապետի աշխատակազմի պահպանման ծախսերում արտասահմանյան գործուղումների համար նախատեսված միջոցների հաշվին:

Հայաստանի Հանրապետության

    վարչապետ                     Ն. Փաշինյան

2021 թ. սեպտեմբերի 8

Երևան

Հավելված

ՀՀ վարչապետի

2021 թվականի սեպտեմբերի 8-ի

N 950-Ա որոշման

ԿԱԶՄ

ՎՐԱՍՏԱՆ ՄԵԿՆՈՂ` ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅԱՆ

Պաշտոնական պատվիրակություն

    Ն. Փաշինյան    - ՀՀ վարչապետ

    Ա. Միրզոյան    - ՀՀ արտաքին գործերի նախարար

    Ռ. Սադոյան     - Վրաստանում Հայաստանի Հանրապետության արտակարգ և  

                     լիազոր դեսպան

    Գ. Սանոսյան    - ՀՀ տարածքային կառավարման և  ենթակառուցվածքների նախարար

Մ. Գևորգյան  - ՀՀ վարչապետի մամուլի քարտուղար

    Ս. Վարոսյան    - ՀՀ վարչապետի արարողակարգի պատասխանատու

    Հ. Թաշչյան     - ՀՀ վարչապետի աշխատակազմի արտաքին կապերի վարչության պետ

    Վ. Ասլանյան    - ՀՀ վարչապետի աշխատակազմի տեղեկատվության և  

                     հասարակայնության հետ կապերի վարչության գլխավոր

                     մասնագետ

Ռ. Մարգարյան  - ՀՀ արտաքին գործերի նախարարության պետական արարողակարգի

ծառայության պաշտոնական այցերի բաժնի մասնագետ

(02.09.2021թ.-09.09.2021թ.)

Ա. Գևորգյան  - ՀՀ վարչապետի աշխատակազմի տեղեկատվության և

հասարակայնության հետ կապերի վարչության օպերատոր

Ա. Աբրահամյան - ՀՀ վարչապետի աշխատակազմի տեղեկատվության և

հասարակայնության հետ կապերի վարչության օպերատոր

Տ. Մեհրաբյան  - ՀՀ վարչապետի աշխատակազմի տեղեկատվության և

հասարակայնության հետ կապերի վարչության լուսանկարիչ

Անվտանգություն

Գ. Առաքելյան  - ՀՀ պետական պահպանության ծառայության առաջին բաժնի պետ

    Ա. Սիմոնյան    - ՀՀ պետական պահպանության ծառայության աշխատող

                     (02.09.2021թ.-09.09.2021թ.)

Գ. Թումասյան  - ՀՀ պետական պահպանության ծառայության աշխատող

(02.09.2021թ.-09.09.2021թ.)

    Գ. Գալստյան    - ՀՀ պետական պահպանության ծառայության աշխատող

Ա. Սեդրակյան  - ՀՀ պետական պահպանության ծառայության աշխատող

Մ. Աթաբեկյան  - ՀՀ պետական պահպանության ծառայության աշխատող

Ա. Վարդանյան  - ՀՀ պետական պահպանության ծառայության աշխատող

Զանգվածային լրատվության միջոցների ներկայացուցիչներ

Մ. Իսախանյան  - Հանրային հեռուստաընկերության թղթակից (համաձայնությամբ)

Ա. Գևորգյան  - Հանրային հեռուստաընկերության օպերատոր

(համաձայնությամբ)

Կ. Խաչատրյան  - «Արմենպրես» լրատվական գործակալության թղթակից

(համաձայնությամբ)

    Վ. Հակոբյան    - «Շանթ» հեռուստաընկերության թղթակից (համաձայնությամբ)

    Կ. Ասլանյան    - «Ազատություն» ռադիոկայանի թղթակից (համաձայնությամբ)

    Ա. Մղդեսյան    - «Սիվիլնեթ» լրատվական գործակալության թղթակից

                     (համաձայնությամբ)