ՌՈՒՍԱՍՏԱՆԻ ԴԱՇՆՈՒԹՅՈՒՆ ԴԻՏՈՐԴՆԵՐԻ ԳՈՐԾՈՒՂԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

8 սեպտեմբերի 2021 թվականի N 962-Ա

ՌՈՒՍԱՍՏԱՆԻ ԴԱՇՆՈՒԹՅՈՒՆ ԴԻՏՈՐԴՆԵՐԻ ԳՈՐԾՈՒՂԵԼՈՒ ՄԱՍԻՆ

Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի`

1. Ռուսաստանի Դաշնությունում կայանալիք` Ռուսաստանի Դաշնության Պետական դումայի ընտրությունների ընթացքում Անկախ պետությունների համագործակցության կազմում դիտորդական առաքելություն իրականացնելու նպատակով 2021 թվականի սեպտեմբերի 16-ից մինչև սեպտեմբերի 21-ը Ռուսաստանի Դաշնություն (Մոսկվա) գործուղել Հայաստանի Հանրապետության դիտորդների` համաձայն հավելվածի:

2. Դիտորդների` Ռուսաստանի Դաշնություն (Մոսկվա) գործուղման ծախսերը, «COVID-19» ՊՇՌ նմուշառումների և գործուղման ընթացքում բժշկական ապահովագրության վճարները կատարել Հայաստանի Հանրապետության 2021 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

Հայաստանի Հանրապետության

    վարչապետ                     Ն. Փաշինյան

2021 թ. սեպտեմբերի 8

Երևան

Հավելված

ՀՀ վարչապետի

2021 թվականի սեպտեմբերի 8-ի

N 962-Ա որոշման

ԱՆՀԱՏԱԿԱՆ ԿԱԶՄ 2021 ԹՎԱԿԱՆԻ ՍԵՊՏԵՄԲԵՐԻ 16-ԻՑ ՄԻՆՉԵՎ ՍԵՊՏԵՄԲԵՐԻ 21-Ը ՌՈՒՍԱՍՏԱՆԻ ԴԱՇՆՈՒԹՅՈՒՆ (ՄՈՍԿՎԱ) ՄԵԿՆՈՂ ԴԻՏՈՐԴՆԵՐԻ

Կ. Գասպարյան  - ՀՀ վարչապետի աշխատակազմի արտաքին կապերի վարչության

պետի տեղակալ

Թ. Հովնանյան  - ՀՀ արտաքին գործերի նախարարության աշխատակազմի մարդու

իրավունքների և հումանիտար հարցերի վարչության մասնագետ

Տ. Գևորգյան  - ՀՀ կենտրոնական ընտրական հանձնաժողովի աշխատակազմի

արտաքին կապերի վարչության պետ