040.0623.041000
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«4» հոկտեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 հոկտեմբերի 2000 թվականի N 623
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱԶԳԱՅԻՆ ԱՆՎՏԱՆԳՈՒԹՅԱՆ ՆԱԽԱՐԱՐՈՒԹՅԱՆԸ ՇԵՆՔ ՀԱՆՁՆԵԼՈՒ ՄԱՍԻՆ
Հայաստանի Հանրապետության կառավարությունը որոշում է.
1. «Ծովափնյա Արեգունի» պետական փակ բաժնետիրական ընկերության գույքի կազմից Հայաստանի Հանրապետության օրենսդրությամբ սահմանված կարգով առանձնացնել Սևանա լճի ափին տեղակայված բուժաշխատողների հանրապետական առողջարանային կենտրոնի գույքը և այն, իբրև պետական սեփականություն հանձնել Հայաստանի Հանրապետության ազգային անվտանգության նախարարության տնօրինությանը:
2. Հայաստանի Հանրապետության առողջապահության նախարարությանը և Հայաստանի Հանրապետության ազգային անվտանգության նախարարությանը` մեկամսյա ժամկետում ավարտել նշված կենտրոնի շենքերի ու շինությունների` սահմանված կարգով հանձնման-ընդունման աշխատանքների կատարումը և գույքային իրավունքների պետական գրանցումը:
3. Գեղարքունիքի մարզպետին` Հայաստանի Հանրապետության ազգային անվտանգության նախարարության հետ համատեղ մեկամսյա ժամկետում ապահովել նշված կենտրոնի սպասարկման համար անհրաժեշտ հողամասի` սահմանված կարգով ձևակերպումը:
4. Սույն որոշումն ուժի մեջ է մտնում 2000 թվականի հոկտեմբերի 4-ից: