Սեղմել Esc փակելու համար:
ՀԱՆՁՆԱԺՈՂՈՎ ՍՏԵՂԾԵԼՈՒ ԵՎ ԴՐԱ ԿԱԶՄԸ ՀԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ՀԱՆՁՆԱԺՈՂՈՎ ՍՏԵՂԾԵԼՈՒ ԵՎ ԴՐԱ ԿԱԶՄԸ ՀԱՍՏԱՏԵԼՈՒ ՄԱՍԻՆ

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

29 սեպտեմբերի 2021 թվականի N 1082-Ա

 

ՀԱՆՁՆԱԺՈՂՈՎ ՍՏԵՂԾԵԼՈՒ ԵՎ ԴՐԱ ԿԱԶՄԸ ՀԱՍՏԱՏԵԼՈՒ ՄԱՍԻՆ

 

Ղեկավարվելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 16-րդ մասով`

1. Անապահովության (սոցիալական) գնահատման համակարգում առկա խնդիրների բացահայտման, համակարգի հասցեականության և արդյունավետության բարձրացման, նոր համակարգի ներդրման նպատակով`

1) ստեղծել հանձնաժողով.

2) հաստատել հանձնաժողովի կազմը` համաձայն հավելվածի:

2. Հանձնաժողովի նախագահին` եռամսյա պարբերականությամբ Հայաստանի Հանրապետության վարչապետի աշխատակազմ ներկայացնել տեղեկատվություն սույն որոշման 1-ին կետում նշված աշխատանքների կատարման ընթացքի մասին:

3. Հանձնաժողովի անդամներին` ըստ անհրաժեշտության ապահովել համապատասխան ոլորտի մասնագետների ներգրավումը սույն որոշման 1-ին կետում նշված աշխատանքների կատարման գործընթացում:

 

Հայաստանի Հանրապետության

    վարչապետ                     Ն. Փաշինյան

 

2021 թ. սեպտեմբերի 29

Երևան

 

Հավելված

ՀՀ վարչապետի

2021 թ. սեպտեմբերի 29-ի

N 1082-Ա որոշման

 

ԿԱԶՄ

ԱՆԱՊԱՀՈՎՈՒԹՅԱՆ (ՍՈՑԻԱԼԱԿԱՆ) ԳՆԱՀԱՏՄԱՆ ՀԱՄԱԿԱՐԳՈՒՄ ԱՌԿԱ ԽՆԴԻՐՆԵՐԻ ԲԱՑԱՀԱՅՏՄԱՆ, ՀԱՄԱԿԱՐԳԻ ՀԱՍՑԵԱԿԱՆՈՒԹՅԱՆ ԵՎ ԱՐԴՅՈՒՆԱՎԵՏՈՒԹՅԱՆ ԲԱՐՁՐԱՑՄԱՆ, ՆՈՐ ՀԱՄԱԿԱՐԳԻ ՆԵՐԴՐՄԱՆ ՀԱՆՁՆԱԺՈՂՈՎԻ

 

- ՀՀ աշխատանքի և սոցիալական հարցերի նախարար (հանձնաժողովի նախագահ)

- ՀՀ աշխատանքի և սոցիալական հարցերի նախարարի` սոցիալական աջակցության ոլորտը համակարգող տեղակալ (հանձնաժողովի նախագահի տեղակալ)

- ՀՀ առողջապահության նախարարի` առողջապահական կազմակերպություններում բժշկական օգնության և սպասարկման ծառայությունների օպտիմալացման ծրագրերի ոլորտը համակարգող տեղակալ

- ՀՀ կրթության, գիտության, մշակույթի և սպորտի նախարարի` հանրակրթության ոլորտը համակարգող տեղակալ

- ՀՀ էկոնոմիկայի նախարարի` ձեռներեցության ոլորտը համակարգող տեղակալ

- ՀՀ տարածքային կառավարման և ենթակառուցվածքների նախարարի` պետական և տեղական ինքնակառավարման մարմինների միջև փոխհարաբերությունների ապահովման ոլորտը համակարգող տեղակալ

- ՀՀ վիճակագրական կոմիտեի նախագահի` սոցիալական ոլորտը համակարգող տեղակալ

- ՀՀ կենտրոնական բանկի նախագահի տեղակալ (համաձայնությամբ)

- ՀՀ վարչապետի աշխատակազմի սոցիալական հարցերի վարչության պետ

 

 

pin
ՀՀ Վարչապետ
29.09.2021
N 1082-Ա
Որոշում