041.0670.051000
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
5 հոկտեմբերի 2000 թվականի N 670
ՄԻՋԱԶԳԱՅԻՆ ՍԵՄԻՆԱՐ ԱՆՑԿԱՑՆԵԼՈՒ ՄԱՍԻՆ
2000 թվականի հոկտեմբերի 6-7-ը տարածաշրջանում սեյսմիկ ռիսկի նվազեցման հարցերին նվիրված միջազգային սեմինար անցկացնելու նպատակով`
1. Հայաստանի Հանրապետության կառավարությանն առընթեր սեյսմիկ պաշտպանության ազգային ծառայությանն ու Հայաստանի Հանրապետության արտաքին գործերի նախարարությանը` ապահովել միջազգային սեմինարի մասնակիցների Հայաստան մուտքի արտոնագրերի տրամադրումը:
2. Հայաստանի Հանրապետության ներքին գործերի նախարարությանն ու Հայաստանի Հանրապետության ազգային անվտանգության նախարարությանը` ապահովել միջազգային սեմինարի մասնակիցների անվտանգությունը Հայաստանի Հանրապետությունում գտնվելու ընթացքում:
3. Հայաստանի Հանրապետության ֆինանսների և էկոնոմիկայի նախարարությանը` միջազգային սեմինարի կազմակերպման ու անցկացման հետ կապված ծախսերը` 1287000 (մեկ միլիոն երկու հարյուր ութսունյոթ հազար) դրամի սահմաններում, կատարել Հայաստանի Հանրապետության 2000 թվականի պետական բյուջեով արտասահմանյան պատվիրակությունների ընդունելության համար նախատեսված միջոցների հաշվին` համաձայն Հայաստանի Հանրապետության կառավարությանն առընթեր սեյսմիկ պաշտպանության ազգային ծառայության ներկայացրած հաշվետվությունների: