040.0625.071000
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«7» հոկտեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
7 հոկտեմբերի 2000 թվականի N 625
«ՀԱՅԱՍՏԱՆԻ ՀԱՆՐԱՊԵՏՈՒԹՅՈՒՆ-ՌԵՍՊՈՒԲԼԻԿԱ ԱՐՄԵՆԻԱ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆ ՍՏԵՂԾԵԼՈՒ ՄԱՍԻՆ
Ղեկավարվելով «Բաժնետիրական ընկերությունների մասին» Հայաստանի Հանրապետության օրենքով` Հայաստանի Հանրապետության կառավարությունը որոշում է.
1. Ստեղծել «Հայաստանի Հանրապետություն-Ռեսպուբլիկա Արմենիա» փակ բաժնետիրական ընկերություն:
2. Հաստատել «Հայաստանի Հանրապետություն-Ռեսպուբլիկա Արմենիա» փակ բաժնետիրական ընկերության հիմնադրի լիազոր ներկայացուցիչների կազմը (կցվում է):
3. Սահմանել ընկերության կանոնադրական կապիտալը` մեկ մլն դրամ:
4. Հայաստանի Հանրապետության արդարադատության նախարարությանը` 10-օրյա ժամկետում ապահովել «Հայաստանի Հանրապետություն-Ռեսպուբլիկա Արմենիա» փակ բաժնետիրական ընկերության պետական գրանցումը:
5. Հայաստանի Հանրապետության ֆինանսների և էկոնոմիկայի նախարարությանը` «Հայաստանի Հանրապետություն-Ռեսպուբլիկա Արմենիա» փակ բաժնետիրական ընկերության կանոնադրական կապիտալի համալրման նպատակով ընկերությանը հատկացնել մեկ մլն դրամ` Հայաստանի Հանրապետության 2000 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:
6. Հայաստանի Հանրապետության պետական գույքի կառավարման նախարարությանը` մեկամսյա ժամկետում Հայաստանի Հանրապետության կառավարություն ներկայացնել առաջարկություն «Հայաստանի Հանրապետություն-Ռեսպուբլիկա Արմենիա» փակ բաժնետիրական ընկերությանը տարածք հատկացնելու վերաբերյալ:
7. Սույն որոշումն ուժի մեջ է մտնում 2000 թվականի հոկտեմբերի 7-ից:
Հաստատված է
ՀՀ կառավարության 2000 թ.
հոկտեմբերի 7-ի N 625 որոշմամբ
ԿԱԶՄ
i
«Հայաստանի Հանրապետություն-Ռեսպուբլիկա Արմենիա»
փակ բաժնետիրական ընկերության հիմնադրի լիազոր
ներկայացուցիչների
ՀՀ Նախագահի աշխատակազմի հասարակայնության
և տեղեկատվության միջոցների հետ կապերի
վարչության պետ (ի պաշտոնե) - 250 բաժնետոմս
ՀՀ Ազգային ժողովի աշխատակազմի
հասարակայնության հետ կապերի
վարչության պետ (ի պաշտոնե) - 250 բաժնետոմս
ՀՀ կառավարության աշխատակազմի
տեղեկատվության և հասարակայնության
հետ կապերի վարչության պետ (ի պաշտոնե) - 250 բաժնետոմս
ՀՀ մշակույթի, երիտասարդության հարցերի և
սպորտի նախարարության հրատարակչական գործի
գործակալության պետ (ի պաշտոնե) - 250 բաժնետոմս
(կազմը փոփ. 03.10.02 թիվ 1571-Ն որոշում)