Սեղմել Esc փակելու համար:
ՀԱՐԿՄԱՆ ՏԱՐԲԵՐ ՀԱՄԱԿԱՐԳԵՐՈՒՄ ԱՇԽԱՏՈՂ ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ՀԱՐԿՄԱՆ ՏԱՐԲԵՐ ՀԱՄԱԿԱՐԳԵՐՈՒՄ ԱՇԽԱՏՈՂ ԿԱԶՄԱԿԵՐՊՈՒԹՅՈՒՆՆԵՐԻ` ՈՉ ՌԵԶԻԴԵՆՏ ԿԱԶՄԱԿԵՐՊ ...

 

https://petekamutner.am/shared/Information/Irazekum%20278.pdf

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ
ԻՐԱԶԵԿՄԱՆ ԹԵՐԹԻԿ

 

3 նոյեմբերի 2021 թվականի N 278

 

ՀԱՐԿՄԱՆ ՏԱՐԲԵՐ ՀԱՄԱԿԱՐԳԵՐՈՒՄ ԱՇԽԱՏՈՂ ԿԱԶՄԱԿԵՐՊՈՒԹՅՈՒՆՆԵՐԻ` ՈՉ ՌԵԶԻԴԵՆՏ ԿԱԶՄԱԿԵՐՊՈՒԹՅԱՆ ԿԱՆՈՆԱԴՐԱԿԱՆ ԿԱՊԻՏԱԼՈՒՄ ՄԱՍՆԱԿՑՈՒԹՅՈՒՆԻՑ ՍՏԱՑՎՈՂ ՇԱՀԱԲԱԺԻՆՆԵՐԻ ՀԱՐԿՄԱՆ ՎԵՐԱԲԵՐՅԱԼ

 

Հարց

ՀՀ-ում մշտական հաստատություն ունեցող ռեզիդենտ առևտրային կազմակերպությունը հանդիսանում է այլ երկրում գրանցված կազմակերպության բաժնետեր, և այլ երկրում գրանցված կազմակերպությունից բանկային փոխանցմամբ ստանում է շահաբաժին:

Արդյո՞ք ՀՀ-ում մշտական հաստատություն ունեցող ռեզիդենտ առևտրային կազմակերպության համար վերոնշյալ դեպքում ՀՀ-ում առաջանում է որևէ հարկային պարտավորություն, եթե ՀՀ-ում մշտական հաստատություն ունեցող ռեզիդենտ առևտրային կազմակերպությունը գործունեություն է իրականացնում հարկման ընդհանուր համակարգում:

Արդյո՞ք ՀՀ-ում մշտական հաստատություն ունեցող ռեզիդենտ առևտրային կազմակերպության համար վերոնշյալ դեպքում ՀՀ-ում առաջանում է որևէ հարկային պարտավորություն, եթե ՀՀ-ում մշտական հաստատություն ունեցող ռեզիդենտ առևտրային կազմակերպությունը գործունեություն է իրականացնում հարկման հատուկ համակարգում:

 

Պատասխան

ՀՀ հարկային օրենսգրքի`

- 4-րդ հոդվածի 1-ին մասի 24-րդ կետին համապատասխան` ձեռնարկատիրական եկամուտը կազմակերպության կողմից իրականացվող գործունեությանը վերագրվող ակտիվի աճը կամ պարտավորության նվազումն է, որը, առանձին վերցրած, հանգեցնում է կազմակերպության սեփական կապիտալի ավելացման,

Նույն մասի 32-րդ կետի համաձայն` շահաբաժինը կազմակերպության կանոնադրական կամ բաժնեհավաք կամ փայահավաք կապիտալում մասնակցությունից (բաժնետոմսից, բաժնեմասից, փայաբաժնից) կամ համատեղ գործունեությունից, որպես շահույթի բաշխում (այդ թվում` միջանկյալ բաշխում), մասնակցի ստացած կամ ստացման ենթակա եկամուտն է,

- 104-րդ հոդվածի 1-ին մասի 1-ին կետին համապատասխան` ռեզիդենտ կազմակերպությունների համար շահութահարկով հարկման օբյեկտ է համարվում ՀՀ աղբյուրներից և (կամ) ՀՀ-ից դուրս գտնվող աղբյուրներից ստացվող կամ ստացման ենթակա համախառն եկամուտը,

- 105-րդ հոդվածի 1-ին մասի 1-ին կետի համաձայն` ռեզիդենտ շահութահարկ վճարողների համար շահութահարկով հարկման բազա է համարվում հարկվող շահույթը, որը որոշվում է որպես օրենսգրքի 104-րդ հոդվածի 1-ին մասի 1-ին կետով սահմանված համախառն եկամտի և օրենսգրքի 110-րդ հոդվածով սահմանված նվազեցումների դրական տարբերություն,

- 123-րդ հոդվածի 2-րդ մասի համաձայն` ռեզիդենտ շահութահարկ վճարողի հարկման բազայի որոշման նպատակով համախառն եկամտից նվազեցվում են նաև ստացվող շահաբաժինները,

- 256-րդ հոդվածի 1-ին մասի համաձայն` շրջանառության հարկով հարկման օբյեկտ են համարվում ապրանքների մատակարարումը, աշխատանքների կատարումը և (կամ) ծառայությունների մատուցումը, բացառությամբ «Պետական տուրքի մասին» ՀՀ օրենքի 19.7-րդ և 19.8-րդ հոդվածներով սահմանված գործունեության տեսակների շրջանակներում ապրանքների մատակարարումը, աշխատանքների կատարումը և (կամ) ծառայությունների մատուցումը,

- 257-րդ հոդվածի 1-ին մասի համաձայն` շրջանառության հարկով հարկման բազա է համարվում օրենսգրքի 256-րդ հոդվածով սահմանված հարկման օբյեկտ համարվող գործարքների իրացման շրջանառությունը,

- 269-րդ հոդվածի 1-ին մասի համաձայն` միկրոձեռնարկատիրության սուբյեկտներն ազատվում են միկրոձեռնարկատիրության մասով առաջացող բոլոր պետական հարկերի հաշվարկման և պետական բյուջե վճարման պարտավորությունից (այդ թվում` որպես հարկային գործակալ` հարկը հաշվարկելու, պահելու և պետական բյուջե փոխանցելու պարտավորությունից, ինչպես նաև օրենսգրքի 135-րդ հոդվածով սահմանված` շահութահարկի կանխավճարների կատարման պարտավորությունից), բացառությամբ նույն հոդվածի 2-րդ մասով սահմանված դեպքերի:

Հաշվի առնելով վերոգրյալը` հայտնում ենք, որ ՀՀ ռեզիդենտ կազմակերպության` շահաբաժնի տեսքով ստացվող եկամուտը ներառվում է վերջինիս համախառն եկամտի մեջ և միևնույն ժամանակ նվազեցվում է համախառն եկամտից:

Միաժամանակ, շրջանառության հարկ վճարող համարվող կազմակերպության ստացած շահաբաժնի մասով շրջանառության հարկով հարկման օբյեկտ չի ձևավորվում, իսկ միկրոձեռնարկատիրության համակարգում գործող կազմակերպությունը ազատվում է միկրոձեռնարկատիրության մասով առաջացող բոլոր պետական հարկերի հաշվարկման և պետական բյուջե վճարման պարտավորությունից, բացառությամբ օրենսգրքի 269-րդ հոդվածի 2-րդ մասով սահմանված դեպքերի:

 

ՀՀ ՊԵՏԱԿԱՆ ԵԿԱՄՈՒՏՆԵՐԻ ԿՈՄԻՏԵ

 

 

pin
Պետական եկամուտների կոմիտե
03.11.2021
N 278
Իրազեկման թերթիկ