040.0635.121000
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«12» հոկտեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
12 հոկտեմբերի 2000 թվականի N 635
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԼՈՌՈՒ ՄԱՐԶԻ ԱՐԵՎԱՇՈՂԻ ԵՎ ՀԱՐԹԱԳՅՈՒՂԻ ԳՅՈՒՂԱԿԱՆ ՀԱՄԱՅՆՔՆԵՐԻՆ ՇԵՆՔԵՐ ՀԱՆՁՆԵԼՈՒ ՄԱՍԻՆ
Հաշվի առնելով Հայաստանի Հանրապետության Լոռու մարզպետի միջնորդությունը` Հայաստանի Հանրապետության կառավարությունը որոշում է.
1. Հայաստանի Հանրապետության Լոռու մարզի Արևաշողի միջնակարգ դպրոցի տնօրինության 2 մասնաշենքը (փայտաշեն, յուրաքանչյուրը` 520 քառ. մետր մակերեսով, հաշվեկշռային արժեքը` 4625,0 հազ. դրամ) սեփականության իրավունքով անհատույց հանձնել Արևաշողի գյուղական համայնքին` որպես բնակելի տարածություն օգտագործելու նպատակով:
2. Հայաստանի Հանրապետության Լոռու մարզի Հարթագյուղի միջնակարգ դպրոցի տնօրինության մասնաշենքը (փայտաշեն, մակերեսը` 214 քառ. մետր, հաշվեկշռային արժեքը` 3686,4 հազ. դրամ) սեփականության իրավունքով անհատույց հանձնել Հարթագյուղի գյուղական համայնքին` որպես բնակելի տարածություն օգտագործելու նպատակով:
3. Հայաստանի Հանրապետության Լոռու մարզպետին` մեկամսյա ժամկետում Հայաստանի Հանրապետության Լոռու մարզի Արևաշողի և Հարթագյուղի գյուղապետերի հետ համատեղ ապահովել սույն որոշման 1-ին և 2-րդ կետերում նշված գույքի` Հայաստանի Հանրապետության օրենսդրությամբ սահմանված կարգով հանձնման-ընդունման աշխատանքների կատարումը և գույքային իրավունքների պետական գրանցումը:
4. Սույն որոշումն ուժի մեջ է մտնում 2000 թվականի հոկտեմբերի 12-ից: