ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
12 նոյեմբերի 2021 թվականի N 1297-Ա
ՊԱՏՎԻՐԱԿՈՒԹՅՈՒՆ ՌՈՒՍԱՍՏԱՆԻ ԴԱՇՆՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ
i
Համաձայն «Կառավարության կառուցվածքի և գործունեության մասին» օրենքի 7-րդ հոդվածի 5-րդ մասի`
1. Ռուսաստանի Դաշնությունում (Մոսկվա) կայանալիք ԱՊՀ մասնակից պետությունների անվտանգության խորհուրդների քարտուղարների 9-րդ հանդիպմանը մասնակցելու նպատակով 2021 թվականի նոյեմբերի 16-17-ը ներառյալ Ռուսաստանի Դաշնություն (Մոսկվա) գործուղել պատվիրակություն` համաձայն հավելվածի:
2. Արմեն Գրիգորյանի, Հայկ Պետրոսյանի, Սևակ Ղահրամանյանի, Տաթևիկ Պետրոսյանի` Ռուսաստանի Դաշնություն (Մոսկվա) գործուղման ճանապարհածախսի և օրապահիկի հետ կապված ծախսերը կատարել Հայաստանի Հանրապետության 2021 թվականի պետական բյուջեով նախատեսված` Հայաստանի Հանրապետության վարչապետի աշխատակազմի պահպանման ծախսերում արտասահմանյան գործուղումների համար նախատեսված միջոցների հաշվին:
3. Ընդունել ի գիտություն, որ Ռուսաստանի Դաշնությունում (Մոսկվա) գտնվելու ընթացքում Արմեն Գրիգորյանի, Հայկ Պետրոսյանի, Սևակ Ղահրամանյանի, Տաթևիկ Պետրոսյանի գիշերավարձը հոգում է ընդունող կողմը:
4. Հայաստանի Հանրապետության անվտանգության խորհրդի քարտուղար Արմեն Գրիգորյանին` ապահովել պատվիրակության Ռուսաստանի Դաշնություն (Մոսկվա) գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ ներկայացնելը:
Հայաստանի Հանրապետության
վարչապետ Ն. Փաշինյան
2021 թ. նոյեմբերի 12
Երևան
Հավելված
ՀՀ վարչապետի
2021 թվականի նոյեմբերի 12-ի
N 1297-Ա որոշման
ԿԱԶՄ
ՌՈՒՍԱՍՏԱՆԻ ԴԱՇՆՈՒԹՅՈՒՆ ՄԵԿՆՈՂ ՊԱՏՎԻՐԱԿՈՒԹՅԱՆ
Ա. Գրիգորյան - Անվտանգության խորհրդի քարտուղար (պատվիրակության
ղեկավար)
Հ. Պետրոսյան - Անվտանգության խորհրդի գրասենյակի ղեկավար
Ս. Ղահրամանյան - Անվտանգության խորհրդի քարտուղարի օգնական
Տ. Պետրոսյան - Անվտանգության խորհրդի քարտուղարի մամուլի քարտուղար