ՊԱՏՎԻՐԱԿՈՒԹՅՈՒՆ ԲԵԼԱՌՈՒՍԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

23 նոյեմբերի 2021 թվականի N 1335-Ա

ՊԱՏՎԻՐԱԿՈՒԹՅՈՒՆ ԲԵԼԱՌՈՒՍԻ ՀԱՆՐԱՊԵՏՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ

Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասը`

1. Բելառուսի Հանրապետությունում (Մինսկ) կայանալիք Առևտրատնտեսական համագործակցության հարցերով հայ-բելառուսական միջկառավարական համատեղ հանձնաժողովի 15-րդ նիստին մասնակցելու նպատակով 2021 թվականի նոյեմբերի 24-26-ը Բելառուսի Հանրապետություն (Մինսկ) գործուղել Հայաստանի Հանրապետության էկոնոմիկայի նախարար Վահան Քերոբյանի գլխավորած պատվիրակությունը` համաձայն հավելվածի:

2. Վահան Քերոբյանի, Արթուր Մարտիրոսյանի, Դավիթ Սահակյանի, Արմեն Այվազյանի, Լիլիթ Սարոյանի և Արթուր Պետրոսյանի` Բելառուսի Հանրապետություն (Մինսկ) գործուղման ծախսերը և «COVID-19» ՊՇՌ նմուշառումների վճարները կատարել Հայաստանի Հանրապետության 2021 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:

3. Արմեն Ղևոնդյանի` Բելառուսի Հանրապետություն (Մինսկ) գործուղման ծախսերը և «COVID-19» ՊՇՌ նմուշառումների վճարները կատարել Հայաստանի Հանրապետության արտաքին գործերի նախարարության միջոցների հաշվին:

4. Հայաստանի Հանրապետության էկոնոմիկայի նախարարին` գործուղումից վերադառնալուց հետո եռօրյա ժամկետում Բելառուսի Հանրապետություն գործուղման արդյունքների մասին հաշվետվությունը ներկայացնել Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն:

Հայաստանի Հանրապետության

    վարչապետ                     Ն. Փաշինյան

2021 թ. նոյեմբերի 23

Երևան

Հավելված

ՀՀ վարչապետի

2021 թվականի նոյեմբերի 23-ի

N 1335-Ա որոշման

ԿԱԶՄ

ԲԵԼԱՌՈՒՍԻ ՀԱՆՐԱՊԵՏՈՒԹՅՈՒՆ ՄԵԿՆՈՂ ՊԱՏՎԻՐԱԿՈՒԹՅԱՆ

    Վ. Քերոբյան    - ՀՀ էկոնոմիկայի նախարար, հայկական կողմի նախագահ

Ա. Ղևոնդյան  - ՀՀ արտաքին գործերի նախարարի տեղակալ

Ա. Մարտիրոսյան - ՀՀ կրթության, գիտության, մշակույթի և սպորտի նախարարի

տեղակալ

    Դ. Սահակյան    - ՀՀ բարձր տեխնոլոգիական արդյունաբերության նախարարի

                     տեղակալ

    Ա. Այվազյան    - ՀՀ էկոնոմիկայի նախարարության արտաքին կապերի

                     վարչության պետ, հայկական կողմի քարտուղար

    Լ. Սարոյան     - ՀՀ տարածքային կառավարման և  ենթակառուցվածքների

                     նախարարության արտաքին կապերի վարչության պետ

Ա. Պետրոսյան  - ՀՀ շրջակա միջավայրի նախարարության անտառային կոմիտեի

նախագահի պարտականությունները կատարող