Սեղմել Esc փակելու համար:
ՆԵՐՀԱՆՐԱՊԵՏԱԿԱՆ ԵՎ ՄԻՋՊԵՏԱԿԱՆ ԱՐՏԱԴՐԱ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՆԵՐՀԱՆՐԱՊԵՏԱԿԱՆ ԵՎ ՄԻՋՊԵՏԱԿԱՆ ԱՐՏԱԴՐԱԿԱՆ ԿՈՈՊԵՐԱՑԻԱՅԻ ԶԱՐԳԱՑՈՒՄԸ ԽԹԱՆԵԼՈՒ ՄԱՍԻՆ

 

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ

 

12 հոկտեմբերի 2000 թվականի N 43

 

18. ՆԵՐՀԱՆՐԱՊԵՏԱԿԱՆ ԵՎ ՄԻՋՊԵՏԱԿԱՆ ԱՐՏԱԴՐԱԿԱՆ ԿՈՈՊԵՐԱՑԻԱՅԻ ԶԱՐԳԱՑՈՒՄԸ ԽԹԱՆԵԼՈՒ ՄԱՍԻՆ

 

Ներհանրապետական և միջպետական արտադրական կոոպերացիայի զարգացումը խթանելու միջոցով Հայաստանի Հանրապետության արդյունաբերական ներուժի օգտագործման արդյունավետության բարձրացման, նոր աշխատանքային տեղերի ստեղծման, փոխշահավետ միջպետական տնտեսական կապերի ընդլայնման և արտադրատեխնիկական նշանակության ապրանքների մեծածախ առևտրի կարգավորման նպատակով`

1. Հայաստանի Հանրապետության էներգետիկայի նախարարությանը, Հայաստանի Հանրապետության գյուղատնտեսության նախարարությանը, Հայաստանի Հանրապետության բնապահպանության նախարարությանը, Հայաստանի Հանրապետության տրանսպորտի և կապի նախարարությանը, Հայաստանի Հանրապետության տարածքային կառավարման և քաղաքաշինության գործունեությունը համակարգող նախարարությանը, Հայաստանի Հանրապետության առողջապահության նախարարությանը, Հայաստանի Հանրապետության պաշտպանության նախարարությանը, Հայաստանի Հանրապետության ներքին գործերի նախարարությանը և Հայաստանի Հանրապետության ազգային անվտանգության նախարարությանը` երկամսյա ժամկետում Հայաստանի Հանրապետության արդյունաբերության և առևտրի նախարարություն ներկայացնել համապատասխան ոլորտներում կիրառվող, ինչպես նաև 2001-2002 թվականներին համակարգի ընկերությունների անխափան գործունեությունն ապահովելու համար անհրաժեշտ` Հայաստանի Հանրապետություն ներմուծվող սարքավորումների, լրակազմող իրերի, պահեստամասերի, հումքի և նյութերի պահանջարկի ու դրանց արտադրությունը ներհանրապետական (ներճյուղային և միջճյուղային) կոոպերացիայի միջոցով Հայաստանի Հանրապետությունում կազմակերպելու մասին տեղեկատվություն (ձևը կցվում է):

2. Հայաստանի Հանրապետության արդյունաբերության և առևտրի նախարարությանը`

ա) երկամսյա ժամկետում` նշված նախարարություններից ստացված տեղեկատվությունների ամփոփման ու վերլուծության արդյունքների և համապատասխան ճյուղային գիտահետազոտական ինստիտուտների կարծիքների հիման վրա Հայաստանի Հանրապետության կառավարություն ներկայացնել առաջարկություններ`

ներհանրապետական կոոպերացիայի միջոցով համապատասխան արտադրությունների վերագործարկման և ընդլայնման, ինչպես նաև չօգտագործվող արտադրական հզորությունների հիման վրա նոր արտադրությունների կազմակերպման հնարավորության ու նպատակահարմարության վերաբերյալ` հաշվի առնելով այն, որ դրանց ստեղծումը չի ենթադրում ավանդական և նոր ստեղծված փոխշահավետ տնտեսական կապերի խզում.

այն ընկերությունների ցանկի վերաբերյալ, որոնց վերագործարկումը կամ արտադրության ընդլայնումը թույլ կտա վերականգնել նախկին ներհանրապետական (ներճյուղային և միջճյուղային) կոոպերատիվային կապերն ու ստեղծել նորերը և այդ ընկերություններին անհրաժեշտ աջակցության առաջնահերթ միջոցառումների ծրագիր.

բ) մինչև 2001 թվականի մարտի 1-ը Հայաստանի Հանրապետության կառավարություն ներկայացնել`

միջպետական արտադրական կոոպերացիայի զարգացումը խթանող ծրագիր` նպատակ ունենալով ապահովելու կնքված միջպետական պայմանագրերով նախատեսված միջոցառումների անվերապահ իրականացումը (հատկապես նախատեսելով աջակցություն Հայաստանի Հանրապետության այն ընկերություններին, որոնց մասնագիտացումը, ըստ կնքված միջպետական պայմանագրերի, պետք է պահպանվի Ռուսաստանի Դաշնության ռազմաարդյունաբերական համալիրի պատվերների իրականացման համար), նոր փոխշահավետ միջպետական տնտեսական կապերի հաստատումն ու ընդլայնումը և Հայաստանի Հանրապետությունից արտահանվող վերջնական արդյունք հանդիսացող արտադրատեսակների ու հումքատեսակների տեսակարար կշռի ավելացումը.

առաջարկություններ արտադրատեխնիկական նշանակություն ունեցող ապրանքների մեծածախ առևտրի կարգավորման վերաբերյալ, որոնք կնպաստեն ներհանրապետական և միջպետական արտադրական կոոպերացիայի զարգացմանն ու ամրապնդմանը:

 

Ձև

___

                             ՏԵՂԵԿԱՏՎՈՒԹՅՈՒՆ

 

2001-2002 թվականներին ընկերության անխափան գործունեությունն

ապահովելու համար անհրաժեշտ և Հայաստանի Հանրապետություն ներմուծվող

սարքավորումների, լրակազմող իրերի, պահեստամասերի, հումքի և նյութերի

պահանջարկի ու դրանց արտադրությունը ներհանրապետական (ներճյուղային և

միջճյուղային) կոոպերացիայի միջոցով Հայաստանի Հանրապետությունում

կազմակերպելու մասին *)

 

--------------------------------

                         (ընկերության անվանումը)

 

.__________________________________________________________________________.

|NN |Սարքավորումների,|Չափի   |Տարեկան    |Մատակարարող|Արժեքը   |Հնարավոր   |

|ը/կ|լրակազմող իրերի,|միավորը|միջին      |ընկերության|(ներառյալ|արտադրողը  |

|   |պահեստամասերի,  |       |պահանջարկը |(ձեռնարկու-|փոխադրման|Հայաստանի  |

|   |հումքի և        |       |___________|թյան)      |ծախսերը) |Հանրապետու-|

|   |նյութերի        |       |2001թ|2002թ|անվանումը  |(հազ.    |թյունում   |

|   |անվանումը       |       |     |     |           |դրամ)    |           |

|___|________________|_______|_____|_____|___________|_________|___________|

| 1 |       2        |   3   |  4  |  5  |     6     |    7    |     8     |

|___|________________|_______|_____|_____|___________|_________|___________|

|___|________________|_______|_____|_____|___________|_________|___________|

|___|________________|_______|_____|_____|___________|_________|___________|

|___|________________|_______|_____|_____|___________|_________|___________|

|___|________________|_______|_____|_____|___________|_________|___________|

|___|________________|_______|_____|_____|___________|_________|___________|

|___|________________|_______|_____|_____|___________|_________|___________|

.__________________________________________________________________________.

 

*) Ծանոթագրություն: Հայաստանի Հանրապետության գյուղատնտեսության

նախարարության տվյալները ներկայացվում են ոլորտի

ընդհանուր պահանջարկին համապատասխան:

 

 

pin
ՀՀ կառավարություն
12.10.2000
N 43
Արձանագրային որոշում