ՀԱՄԸՆԴՀԱՆՈՒՐ ԼԱԲՈՐԱՏՈՐ ՑԱՆՑԻՆ ԼԱԲՈՐԱՏՈՐԻԱՆԵՐԻ ԱՆԴԱՄԱԿՑՈՒԹՅԱՆ ՀԱՄԱՁԱՅՆԱԳՐԻ ՕՐԻՆԱԿ ...

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐ
ՀՐԱՄԱՆ

19 հունվարի 2022 թվականի N 203-Լ

ՀԱՄԸՆԴՀԱՆՈՒՐ ԼԱԲՈՐԱՏՈՐ ՑԱՆՑԻՆ ԼԱԲՈՐԱՏՈՐԻԱՆԵՐԻ ԱՆԴԱՄԱԿՑՈՒԹՅԱՆ ՀԱՄԱՁԱՅՆԱԳՐԻ ՕՐԻՆԱԿԵԼԻ ՁԵՎԸ ՀԱՍՏԱՏԵԼՈՒ ՄԱՍԻՆ

Հիմք ընդունելով Կառավարության 2021 թվականի հունիսի 24-ի «Համընդհանուր լաբորատոր ցանցի գործունեության սկզբունքները, համակարգումը, մակարդակները և վերահսկողության կարգը սահմանելու մասին» թիվ 1044-Ն որոշման 2-րդ կետի 2-րդ ենթակետը.

ՀՐԱՄԱՅՈՒՄ ԵՄ

1. Հաստատել համընդհանուր լաբորատոր ցանցին լաբորատորիաների անդամակցության համաձայնագրի օրինակելի ձևը` համաձայն հավելվածի:

2. Առողջապահության նախարարության հասարակայնության հետ կապերի բաժնի պետ Լիլիթ Բաբախանյանին` ապահովել սույն հրամանի տեղադրումը Առողջապահության նախարարության պաշտոնական կայքում:

3. Սույն հրամանն ուժի մեջ է մտնում հրապարակմանը հաջորդող օրվանից:

4. Սույն հրամանի կատարման հսկողությունը հանձնարարել Առողջապահության նախարարի առաջին տեղակալ Լենա Նանուշյանին:

Ա. ԱՎԱՆԵՍՅԱՆ

Հավելված

Առողջապահության նախարարի

2022 թվականի հունվար «19»-ի

թիվ 203-Լ հրամանի

ՀԱՄԸՆԴՀԱՆՈՒՐ ԼԱԲՈՐԱՏՈՐ ՑԱՆՑԻՆ ԼԱԲՈՐԱՏՈՐԻԱՆԵՐԻ ԱՆԴԱՄԱԿՑՈՒԹՅԱՆ ՀԱՄԱՁԱՅՆԱԳՐԻ ՕՐԻՆԱԿԵԼԻ ՁԵՎԸ

    ____________________                       ____ _____________ 202 __ թ.

(կնքման վայրը)

Հայաստանի Հանրապետության առողջապահության նախարարությունը (այսուհետ` Ազգային համակարգող մարմին), որպես Միջազգային առողջապահական (բժշկասանիտարական) կանոնների հարցերով ազգային համակարգող մարմին, մի կողմից` ի դեմս առողջապահության նախարարության գլխավոր քարտուղար ___________________, որը գործում է առողջապահության նախարարության կանոնադրության հիման վրա, և _________________ ______________________ (այսուհետ` Լաբորատորիա) մյուս կողմից (միասին հիշատակվելու դեպքում` Կողմեր)` ի դեմս _______________ _______________ _______________-ի, կնքեցին սույն համաձայնագիրը (այսուհետ` Համաձայնագիր), հետևյալի մասին.

1. Համաձայնագրի առարկան

1.1. Սույն համաձայնագրով կարգավորվում են համընդհանուր լաբորատոր ցանցին Լաբորատորիայի անդամակցության հետ կապված հարաբերությունները:

2. Համաձայնագրի գործողության ժամկետը

2.1. Սույն համաձայնագիրը կնքվում է անորոշ ժամկետով և գործում է մինչև Կողմերից մեկի նախաձեռնությամբ կամ Կողմերի փոխադարձ համաձայնությամբ Համաձայնագրի լուծումը:

3. Կողմերի իրավունքները և պարտականությունները

3.1. Ազգային համակարգող մարմինն իրավունք ունի`

3.1.1 Լաբորատորիայից պահանջել գործառույթներն իրականացնել Համաձայնագրի պայմաններին, ՀՀ կառավարության 2021 թվականի հունիսի 24-ի «Համընդհանուր լաբորատոր ցանցի գործունեության սկզբունքները, համակարգումը, մակարդակները և վերահսկողության կարգը սահմանելու մասին» N 1044-Ն որոշման (այսուհետ` նաև Կարգ), ոլորտը կարգավորող օրենսդրությանը և դրանց նպատակներին համապատասխան:

3.1.2 Միակողմանի լուծել Համաձայնագիրը` այդ մասին 5 (հինգ) աշխատանքային օր առաջ ծանուցելով Լաբորատորիային, եթե Լաբորատորիան չի իրականացնում կամ թերի է կատարում իր գործառույթները կամ կատարել է այնպիսի գործողություններ, որոնք խոչընդոտել են համընդհանուր լաբորատորիաների ցանցի գործունեությանը:

3.1.3 Ցանկացած ժամանակ միակողմանի լուծել Համաձայնագիրը` այդ մասին 30 (երեսուն) օր առաջ ծանուցելով Լաբորատորիային:

3.2. Ազգային համակարգող մարմինը պարտավոր է`

3.2.1 Չմիջամտել Լաբորատորիայի գործունեությանը, եթե այդ գործունեությունը չի խոչընդոտում համընդհանուր լաբորատորիաների ցանցի գործունեությանը, չի խախտում այլ անձանց իրավունքներն ու օրինական շահերը:

3.2.2 Ազգային համակարգող մարմինը պարտավորվում է ապահովել Լաբորատորիայի` նաև Կարգով սահմանված գործառույթների բնականոն ընթացքը:

3.3. Լաբորատորիան իրավունք ունի`

3.3.1 Իր գործառույթներն իրականացնել Համաձայնագրի պայմաններին համապատասխան.

3.3.2 Պահանջել Ազգային Համակարգող մարմնից չխոչընդոտել Համաձայնագրով ստանձնած իր գործառույթների իրականացմանը.

3.3.3 Ցանկացած ժամանակ միակողմանի լուծել Համաձայնագիրը` այդ մասին 30 (երեսուն) օր առաջ ծանուցելով Ազգային համակարգող մարմնին:

3.4. Լաբորատորիան պարտավոր է`

3.4.1 Կարգով սահմանված գործառույթներն իրականացնել Համաձայնագրի պայմաններին, Կարգին, ոլորտը կարգավորող օրենսդրությանը համապատասխան.

3.4.2 Իրականացնել Կարգով սահմանված գործառույթները:

4. Կողմերի պատասխանատվությունը

4.1. Սույն համաձայնագրով սահմանված պարտականությունների չկատարման կամ ոչ պատշաճ կատարման արդյունքում պատճառված վնասը փոխհատուցվում է ՀՀ օրենսդրությանը համապատասխան:

4.2. Համաձայնագիրը միակողմանի լուծելու դեպքում Լաբորատորիան պարտավորվում է հատուցել Ազգային համակարգող մարմնի կատարած ծախսերը:

5. Այլ դրույթներ

5.1. Սույն համաձայնագրով սահմանված պարտականությունների չկատարման կամ ոչ պատշաճ կատարման համար կողմերն ազատվում են պատասխանատվությունից, եթե դա եղել է անհաղթահարելի ուժի ազդեցության հետևանքով, որը ծագել է սույն համաձայնագիրը կնքելուց հետո:

5.2. Սույն համաձայնագրի կապակցությամբ ծագած վեճերը լուծվում են բանակցությունների միջոցով: Համաձայնություն ձեռք չբերելու դեպքում վեճը լուծվում է դատական կարգով:

5.3. Համաձայնագրում փոփոխություններ կարող են իրականացվել փոխադարձ համաձայնությամբ:

5.4. Սույն համաձայնագիրը կնքված է հայերեն լեզվով, ___________ օրինակից: Յուրաքանչյուր կողմին տրվում է մեկական օրինակ:

6. Կողմերի հասցեները և ստորագրությունները

    Ազգային համակարգող մարմին              Լաբորատորիա

    _________________________              ________________________

            (հասցե)                                (հասցե)

    _________________________              ________________________

        (ստորագրություն)                       (ստորագրություն)