040.0687.251000
«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ
«25» հոկտեմբերի 2000 թ.
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
25 հոկտեմբերի 2000 թվականի N 687
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ 2000 ԹՎԱԿԱՆԻ ՊԵՏԱԿԱՆ ԲՅՈՒՋԵՈՒՄ ՎԵՐԱԲԱՇԽՈՒՄ ԿԱՏԱՐԵԼՈՒ ՄԱՍԻՆ
«Հայաստանի Հանրապետության 2000 թվականի պետական բյուջեի մասին» Հայաստանի Հանրապետության օրենքի 12 հոդվածի «ա» կետին համապատասխան և Հայաստանի Հանրապետության պետական եկամուտների նախարարության կենտրոնական ապարատի աշխատողների թվում փոփոխություն կատարելու կապակցությամբ Հայաստանի Հանրապետության կառավարությունը որոշում է.
1. «Հայաստանի Հանրապետության 2000 թվականի պետական բյուջեի մասին» Հայաստանի Հանրապետության օրենքի 7 հոդվածով հաստատված բյուջետային ծախսերի գործառական դասակարգման N 1 հավելվածի 14 խմբի 06 ենթախմբի «5. Հայաստանի Հանրապետության կառավարության պահուստային ֆոնդ» տողով նախատեսված գումարը պակասեցնել 6006,8 հազ. դրամով` նույն չափով ավելացնելով 01 խմբի 02 ենթախմբի («1. Գործադիր իշխանության, պետական կառավարման հանրապետական և տարածքային կառավարման մարմինների կենտրոնական ապարատի պահպանում») «ՀՀ պետական եկամուտների նախարարություն» տողով նախատեսված գումարը` այն հաստատելով ըստ բյուջետային ծախսերի տնտեսագիտական դասակարգման հոդվածների` համաձայն հավելվածի:
2. Սույն որոշումն ուժի մեջ է մտնում 2000 թվականի հոկտեմբերի 25-ից:
Հավելված
ՀՀ կառավարության 2000 թվականի
հոկտեմբերի 25-ի N 687 որոշման
Հայաստանի Հանրապետության պետական եկամուտների նախարարության
կենտրոնական ապարատի պահպանման համար նախատեսված ծախսերի
ավելացումն ըստ տնտեսագիտական դասակարգման հոդվածների
_________________________________________________________________
Հոդվածների անվանումները Գումարը
(հազ. դրամ)
_________________________________________________________________
ԸՆԴԱՄԵՆԸ` ԾԱԽՍԵՐ 6006,8
այդ թվում`
Ա. ԸՆԹԱՑԻԿ ԾԱԽՍԵՐ 6006,8
այդ թվում`
Պետական մարմինների, դրանց ենթակա բյուջետային 4138,1
հիմնարկների աշխատողների աշխատավարձ
Ընթացիկ տրանսֆերտներ 1158,7
այդ թվում`
պարտադիր սոցիալական ապահովագրության վճարներ 1158,7
Ապրանքների գնման և ծառայությունների վճարման 710,0
ծախսեր
այդ թվում`
Ապրանքների ձեռքբերում 110,9
այդ թվում`
Գույք, գրասենյակային ապրանքներ և նյութեր 110,9
այդ թվում`
գրասենյակային ապրանքներ և նյութեր 110,9
Գործուղումներ և ծառայողական ուղևորություններ 138,8
Կապի ծառայությունների վճարներ 217,8
Կոմունալ ծառայությունների վճարներ 242,5
այդ թվում`
Էլեկտրաէներգիայի, վառելիքի և ջեռուցման ծախսեր 240,0
ջրմուղ-կոյուղուց օգտվելու վարձ 2,5