ՀՀ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

040.0690.261000

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«26» հոկտեմբերի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

26 հոկտեմբերի 2000 թվականի N 690

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐՏԱՔԻՆ ԳՈՐԾԵՐԻ ՆԱԽԱՐԱՐՈՒԹՅԱՆԸ ԳՈՒՄԱՐ ՀԱՏԿԱՑՆԵԼՈՒ ՄԱՍԻՆ

Ամերիկայի Միացյալ Նահանգների ապրանքավարկային կորպորացիայի և Հայաստանի Հանրապետության միջև 1992 թվականին կնքված համաձայնագրի համաձայն Հայաստանի Հանրապետություն ներկրված ցորենի բեռնաթափման հետ կապված վիճահարույց հարցերի կարգավորման` դատավարության ընթացքում (վերաքննիչ ատյան) Հայաստանի Հանրապետության շահերը ներկայացնելու համար «Շնայդեր Հարիսոն Սեգալ ընդ Լյուիս» (SCHNADER HARRISON SEGAL & LEWIS) իրավաբանական ընկերությանը կանխավճար տրամադրելու նպատակով Հայաստանի Հանրապետության կառավարությունը որոշում է.

1. Հայաստանի Հանրապետության արտաքին գործերի նախարարությանը հատկացնել 15000 ԱՄՆ-ի դոլարին համարժեք դրամ` Հայաստանի Հանրապետության 2000 թվականի պետական բյուջեով նախատեսված Հայաստանի Հանրապետության կառավարության պահուստային ֆոնդի հաշվին:

2. Սույն որոշումն ուժի մեջ է մտնում 2000 թվականի հոկտեմբերի 26-ից: