«ՊԱՀՈՒՍՏ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՄԱՆ ՈՒ ՀՀ ՏՐԱՆՍՊՈՐՏԻ ԵՎ ԿԱՊ ...

040.0709.031100

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«3» նոյեմբերի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

3 նոյեմբերի 2000 թվականի N 709

«ՊԱՀՈՒՍՏ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԼՈՒԾԱՐՄԱՆ ՈՒ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՏՐԱՆՍՊՈՐՏԻ ԵՎ ԿԱՊԻ ՆԱԽԱՐԱՐՈՒԹՅԱՆ «ՊԱՀՈՒՍՏ» ՊԵՏԱԿԱՆ ՀԻՄՆԱՐԿ ՍՏԵՂԾԵԼՈՒ ՄԱՍԻՆ

Հայաստանի Հանրապետության քաղաքացիական օրենսգրքի 62 և 67 հոդվածներին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության օրենսդրությամբ սահմանված կարգով լուծարել «Պահուստ» պետական փակ բաժնետիրական ընկերությունը:

2. Ստեղծել Հայաստանի Հանրապետության տրանսպորտի և կապի նախարարության ենթակայության «Պահուստ» պետական հիմնարկ:

3. Պարտատերերի պահանջները բավարարելուց հետո 10-օրյա ժամկետում «Պահուստ» պետական փակ բաժնետիրական ընկերության մնացած գույքը հանձնել Հայաստանի Հանրապետության տրանսպորտի և կապի նախարարության «Պահուստ» պետական հիմնարկի տնօրինությանը:

4. Հայաստանի Հանրապետության տրանսպորտի և կապի նախարարությանը`

ա) ապահովել «Պահուստ» պետական փակ բաժնետիրական ընկերության լուծարման գործընթացը.

բ) մեկամսյա ժամկետում` սահմանված կարգով հաստատել Հայաստանի Հանրապետության տրանսպորտի և կապի նախարարության «Պահուստ» պետական հիմնարկի կանոնադրությունը:

5. Սույն որոշումն ուժի մեջ է մտնում 2000 թվականի նոյեմբերի 3-ից: