Սեղմել Esc փակելու համար:
ԱՎԱՆԻ ԱՂԻ ՀԱՆՔԱՎԱՅՐԻ ՇԱՀԱԳՈՐԾՄԱՆ ԵՎ Շ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo
 

ԱՎԱՆԻ ԱՂԻ ՀԱՆՔԱՎԱՅՐԻ ՇԱՀԱԳՈՐԾՄԱՆ ԵՎ ՇՐՋԱԿԱ ՄԻՋԱՎԱՅՐԻ ՈՒ ԲՆԱԿՉՈՒԹՅԱՆ ԱՆՎՏԱՆԳՈՒԹՅԱ ...

 

 

041.0739.081100

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

 

8 նոյեմբերի 2000 թվականի N 739

 

ԱՎԱՆԻ ԱՂԻ ՀԱՆՔԱՎԱՅՐԻ ՇԱՀԱԳՈՐԾՄԱՆ ԵՎ ՇՐՋԱԿԱ ՄԻՋԱՎԱՅՐԻ ՈՒ ԲՆԱԿՉՈՒԹՅԱՆ ԱՆՎՏԱՆԳՈՒԹՅԱՆ ԱՊԱՀՈՎՄԱՆ ՄԻՋՈՑԱՌՈՒՄՆԵՐԻ ՄԱՍԻՆ

 

Երևան քաղաքի Ավան-Առինջ թաղային համայնքի տարածքի ընդերքում գտնվող աղի հանքավայրի շահագործման և շրջակա միջավայրի ու բնակչության անվտանգության ապահովման նպատակով`

1. Հայաստանի Հանրապետության գյուղատնտեսության նախարարությանը`

ա) «Ավանի աղի կոմբինատ» պետական փակ բաժնետիրական ընկերության միջոցով 2001 թվականի ընթացքում ապահովել`

ստորգետնյա փորվածքների դեֆորմացված ամրանների վերաամրակապումը,

ստորգետնյա ջրերի ազդեցության գոտում տեղի ունեցող հիդրոերկրաբանական փոփոխությունների և այդ ջրերի հեռացման գործընթացի պարբերաբար վերահսկումը,

արդյունաբերական օբյեկտի անվտանգության վկայագրի մշակումը,

լեռնահատկացման տարածքում գտնվող կառույցների հաշվառումը.

բ) Ավանի աղի հանքավայրի կայունությունն ստուգելու և համապատասխան միջոցառումներ մշակելու նպատակով պատվիրել`

Հայաստանի Հանրապետության կառավարությանն առընթեր սեյսմիկ պաշտպանության ազգային ծառայությանը և Հայաստանի Հանրապետության գիտությունների ազգային ակադեմիային`

Ավանի աղի հանքավայրի տարածքի խզվածքային տեկտոնիկայի ուսումնասիրումը և գնահատումը,

Ավանի աղի հանքավայրի տարածքի սեյսմիկ ռիսկի ուսումնասիրումը և գնահատումը ստորգետնյա դատարկությունների պայմաններում:

Հայաստանի Հանրապետության արդյունաբերության և առևտրի նախարարությանը`

հանքախորշերի կայունության հետազոտումը` հաշվի առնելով գետնի մակերևույթի վրա կառուցված շենքերի և շինությունների ազդեցությունը,

հանքախորշերի առաստաղների և պատերի սահմանային լարվածությունների ուսումնասիրությունը և միջոցառումների մշակումը,

դատարկ հանքախորշերը լցնելու անհրաժեշտության և մեթոդների վերաբերյալ տեխնիկատնտեսական հիմնավորման կազմումը,

օդափոխիչ հանքափողի պատերում ստորգետնյա ջրերի ազդեցությունից առաջացած փոփոխությունների ուսումնասիրումը:

Հայաստանի Հանրապետության տարածքային կառավարման և քաղաքաշինության գործունեությունը համակարգող նախարարությանը`

ամփոփել Ավանի աղի հանքավայրի լեռնահատկացման տարածքում կառուցված բնակելի և այլ շենքերի ու կառույցների տեխնիկական վիճակի ուսումնասիրության արդյունքները և մշակել համապատասխան միջոցառումներ,

օտարման գոտու տեղագրական հանույթի կատարումը, Ավանի աղի հանքավայրի և դրան հարակից տարածքի հիդրոերկրաբանական պայմանների ուսումնասիրումը:

2. Երևանի քաղաքապետին`

ա) ապահովել օտարման գոտու տեղագրական հանույթի կատարումը.

բ) օտարման գոտու տեղագրական հանույթի հիման վրա թարմացնել բնակելի շենքերի ու կառույցների գույքագրման տվյալները և սահմանափակել Ավանի աղի հանքավայրի լեռնահատկացման` գոտու հետագա կառուցապատումը:

3. Հայաստանի Հանրապետության տարածքային կառավարման և քաղաքաշինության գործունեությունը համակարգող նախարարությանը, Հայաստանի Հանրապետության արդյունաբերության և առևտրի նախարարությանը, Հայաստանի Հանրապետության կառավարությանն առընթեր սեյսմիկ պաշտպանության ազգային ծառայությանը և Հայաստանի Հանրապետության գիտությունների ազգային ակադեմիային` մեկամսյա ժամկետում Հայաստանի Հանրապետության գյուղատնտեսության նախարարություն ներկայացնել նախատեսված միջոցառումների իրականացման համար անհրաժեշտ ֆինանսական հիմնավորումները:

4. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության գյուղատնտեսության նախարարության կողմից ներկայացված` նշված միջոցառումների իրականացման համար անհրաժեշտ ամփոփ ֆինանսական հիմնավորումները քննության առնել Հայաստանի Հանրապետության 2001 թվականի պետական բյուջեի նախագիծը կազմելիս:

5. Սույն որոշման կատարման վերահսկողությունը դնել Հայաստանի Հանրապետության կառավարությանն առընթեր արտակարգ իրավիճակների վարչության վրա:

 

 

pin
ՀՀ Վարչապետ
08.11.2000
N 739
Որոշում