ՇԻՐԱԿԻ ՄԱՐԶՊԵՏԱՐԱՆԻ ՏՆՕՐԻՆՈՒԹՅԱՆԸ ՇԵՆՔ ՀԱՆՁՆԵԼՈՒ ՄԱՍԻՆ

041.0765.161100

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

16 նոյեմբերի 2000 թվականի N 765

ՇԻՐԱԿԻ ՄԱՐԶՊԵՏԱՐԱՆԻ ՏՆՕՐԻՆՈՒԹՅԱՆԸ ՇԵՆՔ ՀԱՆՁՆԵԼՈՒ ՄԱՍԻՆ

Հայաստանի Հանրապետության կառավարության 1998 թվականի նոյեմբերի 11-ի «Աղետի գոտու վերականգնման առաջնահերթ ծրագրի մասին» N 701 որոշման համաձայն Գյումրի քաղաքի նախկին մանկավարժական ուսումնարանի շենքը դպրոցի վերափոխելու նպատակով`

1. Հայաստանի Հանրապետության կրթության և գիտության նախարարության տնօրինության Գյումրի քաղաքի նախկին մանկավարժական ուսումնարանի շենքը հանձնել Հայաստանի Հանրապետության Շիրակի մարզպետարանի տնօրինությանը` այն վերակառուցելու և Գյումրի քաղաքի N 19 դպրոցին հանձնելու համար:

2. Հայաստանի Հանրապետության կրթության և գիտության նախարարությանն ու Շիրակի մարզպետին` մեկամսյա ժամկետում ապահովել նշված շենքի սահմանված կարգով հանձնման-ընդունման աշխատանքների կատարումը և գույքային իրավունքների պետական գրանցումը: