ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
1 հունիսի 2022 թվականի N 616-Ա
ԺԱՆՆԱ ԱՆԴՐԵԱՍՅԱՆԻՆ ՄԱՐՈԿԿՈՅԻ ԹԱԳԱՎՈՐՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ
i
Համաձայն «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասի`
1. Հայաստանի Հանրապետության կրթության, գիտության, մշակույթի և սպորտի նախարարի տեղակալ Ժաննա Անդրեասյանին 2022 թվականի հունիսի 14-ից 18-ը գործուղել Մարոկկոյի Թագավորություն (Մարաքեշ)` ՅՈՒՆԵՍԿՕ-ի կողմից կազմակերպվող` մեծահասակների կրթությանը նվիրված միջազգային 7-րդ նախարարական համաժողովին (CONFINTEA VII) մասնակցելու նպատակով:
2. Ժաննա Անդրեասյանի` Մարոկկոյի Թագավորություն (Մարաքեշ) գործուղման օրապահիկի ծախսը և COVID-19 նմուշառումների վճարները կատարել Հայաստանի Հանրապետության 2022 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:
3. Ընդունել ի գիտություն, որ Ժաննա Անդրեասյանի` Մարոկկոյի Թագավորություն (Մարաքեշ) գործուղման ճանապարհածախսը և գիշերակացի ծախսը հոգում է «Դի-Վի-Վի ինթերնեյշնալ»-ի հայաստանյան գրասենյակը:
4. Հայաստանի Հանրապետության կրթության, գիտության, մշակույթի և սպորտի նախարարին` ապահովել գործուղումից վերադառնալուց հետո եռօրյա ժամկետում Մարոկկոյի Թագավորություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը:
Հայաստանի Հանրապետության
վարչապետ Ն. Փաշինյան
2022 թ. հունիսի 1
Երևան