«ԲՈՒԺԳՈՒՅՔ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ԼՈՒԾԱՐԵԼՈՒ ԵՎ ՀՀ ԱՌՈՂՋԱՊԱՀՈՒԹ ...

040.0736.151100

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

«15» նոյեմբերի 2000 թ.

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

15 նոյեմբերի 2000 թվականի N 736

«ԲՈՒԺԳՈՒՅՔ» ՊԵՏԱԿԱՆ ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅՈՒՆԸ ԼՈՒԾԱՐԵԼՈՒ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՌՈՂՋԱՊԱՀՈՒԹՅԱՆ ՆԱԽԱՐԱՐՈՒԹՅԱՆ ԵՆԹԱԿԱՅՈՒԹՅԱՆ «ԲՈՒԺԳՈՒՅՔ» ՊԵՏԱԿԱՆ ՀԻՄՆԱՐԿ ՍՏԵՂԾԵԼՈՒ ՄԱՍԻՆ

Հայաստանի Հանրապետության քաղաքացիական օրենսգրքի 62 և 67 հոդվածներին համապատասխան` Հայաստանի Հանրապետության կառավարությունը որոշում է.

1. Հայաստանի Հանրապետության օրենսդրությամբ սահմանված կարգով լուծարել «Բուժգույք» պետական փակ բաժնետիրական ընկերությունը:

2. Ստեղծել Հայաստանի Հանրապետության առողջապահության նախարարության ենթակայության «Բուժգույք» պետական հիմնարկ:

3. Հայաստանի Հանրապետության օրենսդրությամբ սահմանված կարգով պարտատերերի պահանջները բավարարելուց հետո 10-օրյա ժամկետում «Բուժգույք» պետական փակ բաժնետիրական ընկերության մնացած գույքը հանձնել «Բուժգույք» պետական հիմնարկի տնօրինությանը:

4. Հայաստանի Հանրապետության առողջապահության նախարարությանը`

ա) Հայաստանի Հանրապետության օրենսդրությամբ սահմանված կարգով ապահովել «Բուժգույք» պետական փակ բաժնետիրական ընկերության լուծարման գործընթացը.

բ) մեկամսյա ժամկետում` սահմանված կարգով հաստատել «Բուժգույք» պետական հիմնարկի կանոնադրությունը:

5. Սույն որոշումն ուժի մեջ է մտնում 2000 թվականի նոյեմբերի 15-ից: