ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ ՆԻՍՏԻ
ԱՐՁԱՆԱԳՐՈՒԹՅՈՒՆԻՑ ՔԱՂՎԱԾՔ
9 նոյեմբերի 2000 թվականի N 49
2. ՆԱԽԱԳԾԱՅԻՆ ԻՆՍՏԻՏՈՒՏՆԵՐԻ ԴԱՍԱԿԱՐԳՄԱՆ ԵՎ ԴՐԱՆՑ ՄԱՍՆԱՎՈՐԵՑՄԱՆ ՀԱՅԵՑԱԿԱՐԳԻ ՄԱՍԻՆ
1. Հավանություն տալ նախագծային ինստիտուտների դասակարգման և դրանց մասնավորեցման հայեցակարգին (կցվում է):
2. Հայաստանի Հանրապետության պետական գույքի կառավարման նախարարությանը, Հայաստանի Հանրապետության համապատասխան նախարարություններին, գերատեսչություններին, մարզպետներին և Երևանի քաղաքապետին` երկամսյա ժամկետում ապահովել նշված հայեցակարգի 2-րդ բաժնով նախատեսված միջոցառումների իրականացումը:
ՀԱՅԵՑԱԿԱՐԳ
նախագծային ինստիտուտների
դասակարգման և դրանց մասնավորեցման
Սույն հայեցակարգը մշակված է Հայաստանի Հանրապետության պետական գույքի կառավարման հայեցակարգի հիման վրա: Այն նախատեսում է նախագծային ինստիտուտների (այսուհետև` ինստիտուտ) դասակարգման, ինչպես նաև մասնավորեցման նկատմամբ Հայաստանի Հանրապետության պետական քաղաքականության հիմնական մոտեցումները:
Հայեցակարգի դիտարկման օբյեկտներն են`
ա) պետական հիմնարկի կարգավիճակ ունեցող ինստիտուտների գույքը (շենքեր, շինություններ, արխիվային և տեղեկատվական այլ փաստաթղթեր),
բ) առևտրային կազմակերպությունների կարգավիճակ ունեցող ինստիտուտներում Հայաստանի Հանրապետության պետական սեփականություն հանդիսացող բաժնետոմսերը և պետական բաժնեմասերը:
I. Ինստիտուտների պետական գույքի կառավարման նպատակները, խնդիրները
և սկզբունքները
Ինստիտուտների դասակարգման և դրանց մասնավորեցման նպատակներն են` - որոշակի ժամանակահատվածում (3-5 տարի) ինստիտուտների գործունեության
պետական աջակցության և հոգածության ցուցաբերում, - նախագծային աշխատանքների ձեռք բերված փորձի և նվաճումների պահպանումը և
զարգացումը, - ինստիտուտների պետական գույքի կառավարման արդյունավետության բարձրացումը, - Հայաստանի Հանրապետության պետական բյուջեի եկամուտների զգալի ավելացումը
ինստիտուտների պետական գույքի արդյունավետ տնօրինման, տիրապետման և
օգտագործման հաշվին:
Նշված նպատակների իրագործումը նախատեսում է հետևյալ խնդիրները և դրանց լուծման իրականացումը.
1. Գիտության զարգացման հեռանկարային ծրագրի մշակումը, որի շրջանակներում ինստիտուտները բաժանվում են հետևյալ 3 խմբերի`
ա) հիմնարար հետազոտություններ իրականացնող և լիովին պետական աջակցության կարիք ունեցող ինստիտուտներ (պետական պատվերի շրջանակներում գործող),
բ) հեռանկարային և հանրապետության տնտեսության համար ռազմավարական նշանակություն և մասնակի պետական աջակցության կարիք ունեցող ինստիտուտներ,
գ) ինստիտուտներ, որոնք գործնականում իրականացնում են տիպային նախագծային աշխատանքներ և փոքր չափերի փորձնական արտադրություններ:
2. Մասնավորեցման տեսանկյունից ինստիտուտների բաժանումը 3 խմբերի.
I. Պետական կարևոր խնդիրներ իրականացնող (այդ թվում` կապված ազգային անվտանգության հետ) ինստիտուտներ, որոնք ենթակա չեն մասնավորեցման,
II. Հանրապետության համար ռազմավարական նշանակություն ունեցող ինստիտուտներ, որոնց մասնավորեցման ժամանակ պետք է ցուցաբերել անհատական մոտեցումներ, յուրաքանչյուր դեպքում պետք է ունենալ մասնավորեցման մանրամասն ծրագիր: Մասնավորեցումը տվյալ դեպքում պետք է դիտարկվի որպես գործունեության արդյունավետության բարձրացման լծակ: Այստեղ կարող են օգտագործվել գույքի գնահատման նաև այլ մեթոդներ, քանի որ այս ինստիտուտների հիմնական արժեքը մտավոր սեփականությունն է: Մասնավորեցման ժամանակ անհրաժեշտ է ստեղծել փակ բաժնետիրական ընկերություն` աշխատավորական կոլեկտիվի և պետության մասնակցությամբ: Առաջինն իր մասնակցությունն այդ ընկերությունում ցուցաբերում է մտավոր սեփականության արժեքով, երկրորդը` պետական գույքի արժեքով,
III. Տիպային նախագծային աշխատանքներ իրականացնող և փորձնական արտադրություն ունեցող ինստիտուտներ, որոնց մասնավորեցումը նպատակահարմար է: Այդ ինստիտուտների մասնավորեցման ժամանակ պետք է կիրառվեն հետևյալ մոտեցումները.
- ռազմավարական նշանակություն ունեցող և տիպային նախագծային աշխատանքներ իրականացնող ինստիտուտների մասնավորեցումից առաջ անհրաժեշտ է դրանցում պահպանվող, պետական կարևորություն ունեցող արխիվային փաստաթղթերը, գույքի պատմությանն առնչվող (հողամասերի, շենքերի, շինությունների հատկացման վերաբերյալ) նյութերը, ինչպես նաև պետական մասշտաբային շարքի տեղագրագեոդեզիական հանույթները փոխանցել համապատասխան պետական մարմիններին` պետության կարիքների համար օգտագործելու նպատակով,
- ինստիտուտներն ուղղակի վաճառքի ձևով պետք է մասնավորեցնել դրանց աշխատավորական կոլեկտիվներին` այնպիսի մոտեցումներով, որպեսզի մասնավորեցման նպատակը չհանդիսանա միայն անշարժ գույքի ձեռք բերումը և վերավաճառքը,
- ինստիտուտների աշխատավորական կոլեկտիվներին ՀՀ տարածքային կառավարման և քաղաքաշինության գործունեությունը համակարգող նախարարության կողմից սահմանված նորմատիվների հիման վրա տրված տարածքները տրամադրել անհատույց օգտագործման 5 տարի ժամկետով կամ մասնավորեցնել: Ընդ որում մասնավորեցման ենթակա տարածքների մեծությունը հաշվարկել ելնելով ՀՀ տարածքային կառավարման և քաղաքաշինության գործունեությունը համակարգող նախարարության կողմից սահմանված նորմատիվներից և անցած 3 տարիների ընթացքում ինստիտուտի կողմից իրականացված աշխատանքների փաստացի ծավալից (յուրաքանչյուր ինստիտուտ այս տեսանկյունով պետք է դիտարկվի առանձին` ելնելով գործառույթից, նշանակությունից և այլ առանձնահատկություններից` տեղակայված համապատասխան սարքավորումներով հագեցված լաբորատորիաների և այլն),
- անհատույց օգտագործման պայմանագրի ժամկետը լրանալուց հետո այդ տարածքները աշխատավորական կոլեկտիվների ցանկության դեպքում կարող են վարձակալվել սահմանված վարձակալական վճարով կամ մասնավորեցվել շուկայական գներով:
3. ՀՀ նախարարությունների, գերատեսչությունների, Երևանի քաղաքապետարանի, ՀՀ գիտությունների ազգային ակադեմիայի և դրանց ենթակայության նախագծային և գիտահետազոտական ինստիտուտների /բյուջետային հիմնարկների/ տնօրինության տակ գտնվող շենքերի և շինությունների տարածքների օգտագործման կանոնակարգումը նախապես մշակված նորմատիվների համաձայն և տարածքների լավագույնս վերաբաշխման ճանապարհով:
II. Եզրափակիչ դրույթներ
Սույն հայեցակարգի սկզբունքների հիման վրա անհրաժեշտ է իրականացնել`
1. ՀՀ համապատասխան նախարարությունների, գերատեսչությունների, մարզպետարանների և Երևանի քաղաքապետարանի ենթակայության ինստիտուտների ամբողջական հաշվառումը, դասակարգումը և տվյալների ներկայացումը ՀՀ պետական գույքի կառավարման նախարարություն:
2. Նշված պետական կառավարման մարմինների կողմից ՀՀ պետական գույքի կառավարման նախարարության և ինստիտուտների կոլեկտիվների հետ մասնավորեցման օպտիմալ տարբերակի ընտրությունը:
3. Սույն հայեցակարգի ընդունումից հետո` Հայաստանի Հանրապետության պետական գույքի կառավարման նախարարությունը կներկայացնի համապատասխան ծրագրերի և օրենսդրական ակտերի նախագծեր, դրանց իրագործման նախապատրաստական աշխատանքների փուլերով` ըստ որոշակի գերակայությունների ու դրանց ժամանակացույցի:
ԺԱՄԱՆԱԿԱՑՈՒՅՑ *
նախագծային ինստիտուտների դասակարգմանն
ու դրանց հետագա մասնավորեցմանն ուղղված միջոցառումների
.__________________________________________________________________________.
| | Միջոցառումներ | Կատարողներ | Կատարման |
| | | | ժամկետ |
|__|__________________________________|______________________|_____________|
|1.|Պետական հիմնարկի կարգավիճակ |Համապատասխան |01.01.2001թ. |
| |ունեցող ինստիտուտների գույքի, |նախարարություններ, | |
| |ինչպես նաև առևտրային |գերատեսչություններ, | |
| |կազմակերպություններ հանդիսացող |մարզպետարաններ, | |
| |ինստիտուտներում պետական |Երևանի քաղաքապետարան | |
| |սեփականություն հանդիսացող | | |
| |բաժնետոմսերի (բաժնեմասերի) | | |
| |վերաբերյալ տեղեկատվության | | |
| |ներկայացում ՀՀ պետական գույքի | | |
| |կառավարման նախարարություն | | |
|__|__________________________________|______________________|_____________|
|2.|Նախագծային ինստիտուտների |Համապատասխան |01.01.2001թ. |
| |դասակարգման և դրանց հետագա |նախարարություններ, | |
| |մասնավորեցման հայեցակարգով |գերատեսչություններ, | |
| |նշված ինստիտուտների |մարզպետարաններ, | |
| |դասակարգումների հիման վրա |Երևանի քաղաքապետարան | |
| |ինստիտուտների հաշվառում, | | |
| |դասակարգում և տվյալների | | |
| |ներկայացում ՀՀ պետական գույքի | | |
| |կառավարման նախարարություն | | |
|__|__________________________________|______________________|_____________|
|3.|Ինստիտուտների աշխատակիցների |Համապատասխան |01.12.2000թ. |
| |օպտիմալ թվաքանակի սահմանում և |նախարարություններ, | |
| |արդյունքների ներկայացում ՀՀ |գերատեսչություններ, | |
| |պետական գույքի կառավարման |մարզպետարաններ, | |
| |նախարարություն |Երևանի քաղաքապետարան | |
|__|__________________________________|______________________|_____________|
|4.|Ինստիտուտների տնօրինության տակ |ՀՀ պետական գույքի |01.01.2001թ. |
| |գտնվող շենքերի և |կառավարման | |
| |շինությունների տարածքների |նախարարություն, | |
| |օգտագործման նորմատիվների և |ՀՀ տարածքային | |
| |տարածքների լավագույն |կառավարման և | |
| |վերաբաշխման սկզբունքների |քաղաքաշինության | |
| |մշակում |գործունեությունը | |
| | |համակարգող | |
| | |նախարարություն | |
|__|__________________________________|______________________|_____________|
|5.|Ինստիտուտների շենքերի և |ՀՀ պետական գույքի |շարունակաբար |
| |շինությունների տարածքների |կառավարման | |
| |օգտագործման օպտիմալացման |նախարարություն, | |
| |վերաբերյալ առաջարկությունների |ՀՀ տարածքային | |
| |ներկայացում ՀՀ կառավարություն |կառավարման և | |
| | |քաղաքաշինության | |
| | |գործունեությունը | |
| | |համակարգող | |
| | |նախարարություն | |
|__|__________________________________|______________________|_____________|
|6.|Ինստիտուտների աշխատավորական |ՀՀ պետական գույքի |01.02.2001թ. |
| |կոլեկտիվներին նորմատիվների |կառավարման | |
| |հիման վրա տրված տարածքների |նախարարություն | |
| |անհատույց օգտագործման | | |
| |պայմանագրերի կնքում` 5 տարի | | |
| |ժամկետով | | |
|__|__________________________________|______________________|_____________|
|7.|Ինստիտուտների մասնավորեցման |Համապատասխան |01.01.2001թ. |
| |օպտիմալ տարբերակների ընտրության |նախարարություններ, | |
| |վերաբերյալ տեղեկությունների |գերատեսչություններ, | |
| |ներկայացում ՀՀ պետական գույքի |մարզպետարաններ, | |
| |կառավարման նախարարություն |Երևանի քաղաքապետարան | |
| |(միաժամանակ ներկայացնելով | | |
| |աշխատավորական կոլեկտիվների | | |
| |առաջարկությունները և | | |
| |եզրակացությունները այդ | | |
| |տարբերակների վերաբերյալ) | | |
|__|__________________________________|______________________|_____________|
|8.|Ինստիտուտների դասակարգում և |ՀՀ պետական գույքի |մինչև |
| |դրանց մասնավորեցման վերաբերյալ |կառավարման |01.07.2001թ. |
| |ՀՀ կառավարության որոշման |նախարարություն |շարունակաբար |
| |նախագծերի մշակում և ներկայացում | | |
| |ՀՀ կառավարություն | | |
.__________________________________________________________________________.
* - Ժամանակացույցը կազմված է` ելնելով նախագծային ինստիտուտների
դասակարգման և դրանց հետագա մասնավորեցման հայեցակարգի դրույթներից: