ՀՀ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅԱՆ ՉԻՆԱՍՏԱՆԻ ԺՈՂՈՎՐԴԱԿԱՆ ՀԱՆՐԱՊԵՏՈՒԹՅՈՒՆ ԳՈՐԾՈՒՂՄԱՆ ՄԱՍԻՆ

041.0777.201100

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ

ՈՐՈՇՈՒՄ

20 նոյեմբերի 2000 թվականի N 777

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐԱԿԱՆ ՊԱՏՎԻՐԱԿՈՒԹՅԱՆ ՉԻՆԱՍՏԱՆԻ ԺՈՂՈՎՐԴԱԿԱՆ ՀԱՆՐԱՊԵՏՈՒԹՅՈՒՆ ԳՈՐԾՈՒՂՄԱՆ ՄԱՍԻՆ

1. Չինաստանի Ժողովրդական Հանրապետության Պետական խորհրդի նախագահի հրավերով 2000 թվականի դեկտեմբերի 3-8-ը Պեկին գործուղել Հայաստանի Հանրապետության կառավարական պատվիրակություն` համաձայն հավելվածի:

2. Սահմանել, որ Ա. Մարգարյանի, Վ. Ղազարյանի, Մ. Հարությունյանի, Գ. Հակոբյանի, Գ. Կարապետյանի, Ռ. Դավթյանի, Ս. Գուբրյանի, Կ. Ճշմարիտյանի և Լ. Հարությունյանի Չինաստանի Ժողովրդական Հանրապետություն գործուղման հետ կապված ճանապարհածախսը և օրապահիկ ծախսերը կկատարվեն Հայաստանի Հանրապետության 2000 թվականի պետական բյուջեով արտասահմանյան պաշտոնեական գործուղումների համար նախատեսված միջոցների, Գ. Խաչատրյանինը` Հայաստանի Հանրապետության Ազգային ժողովի միջոցների, Թ. Մարգարյանինը` Հայաստանի Հանրապետության արտաքին գործերի նախարարության կենտրոնական ապարատի պահպանման ծախսերում գործուղման համար նախատեսված միջոցների հաշվին:

3. Հայաստանի Հանրապետության արտաքին գործերի նախարարությանն ու Հայաստանի Հանրապետության կառավարությանն առընթեր քաղաքացիական ավիացիայի գլխավոր վարչությանը` լուծել Հայաստանի Հանրապետության կառավարական պատվիրակության Չինաստանի Ժողովրդական Հանրապետություն մեկնելու հետ կապված հարցերը:

Հավելված

ՀՀ վարչապետի 2000 թ.

նոյեմբերի 20-ի N 777 որոշման

ԿԱԶՄ

2000 թվականի դեկտեմբերի 3-8-ը Չինաստանի Ժողովրդական

Հանրապետություն մեկնող Հայաստանի Հանրապետության

կառավարական պատվիրակության

    Ա. Մարգարյան      - ՀՀ վարչապետ                       

    Կ. Ճշմարիտյան     - ՀՀ արդյունաբերության և  առևտրի  նախարար

    Թ. Մարգարյան      - ՀՀ արտաքին գործերի նախարարի տեղակալ

    Ա. Մարտիրոսյան    - ՉԺՀ-ում ՀՀ արտակարգ և  լիազոր դեսպան

    Գ. Խաչատրյան      - ՀՀ Ազգային ժողովի պատգամավոր

    Վ. Ղազարյան       - ՀՀ կառավարության աշխատակազմի արտաքին կապերի

                        վարչության պետ

Մ. Հարությունյան  - ՀՀ կառավարության աշխատակազմի տեղեկատվության և

հասարակայնության հետ կապերի վարչության պետ

    Գ. Հակոբյան       - ՀՀ վարչապետի օգնական

    Գ. Կարապետյան     - ՀՀ արտադրական ենթակառուցվածքների գործունեությունը

                        համակարգող նախարարի օգնական

    Ռ. Դավթյան        - ՀՀ կառավարության աշխատակազմի տեղեկատվության և  

                        հասարակայնության հետ կապերի վարչության օպերատոր

    Ս. Գուբրյան       - ՀՀ վարչապետի անվտանգության ծառայության պետ

Լ. Հարությունյան  - «Հայաստանի ազգային հեռուստատեսություն» ՊՓԲԸ-ի

«Հայլուր» ծրագրի թղթակից