ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
14 հոկտեմբերի 2021 թվականի N 1708-Ն
ՀԱԿԱԿՈՌՈՒՊՑԻՈՆ ԿՈՄԻՏԵԻ ՕՊԵՐԱՏԻՎ-ՀԵՏԱԽՈՒԶԱԿԱՆ ԳՈՐԾՈՒՆԵՈՒԹՅՈՒՆ ԻՐԱԿԱՆԱՑՆՈՂ ՊԱՇՏՈՆՆԵՐ ԶԲԱՂԵՑՆՈՂ ԱՆՁԱՆՑ ՖԻԶԻԿԱԿԱՆ ՊԱՏՐԱՍՏԱԿԱՆՈՒԹՅԱՆ, ԱՌՈՂՋԱԿԱՆ ՎԻՃԱԿԻ ՀԵՏ ԿԱՊՎԱԾ ՊԱՀԱՆՋՆԵՐԸ ՍԱՀՄԱՆԵԼՈՒ ՄԱՍԻՆ
(5-րդ մաս)
Աղյուսակ N 2
ՖԻԶԻԿԱԿԱՆ ԶԱՐԳԱՑՄԱՆ ԻՆԴԵՔՍԸ ՆՈՐՄԱՅՈՒՄ ԵՎ ՍՆՈՒՑՄԱՆ ԽԱՆԳԱՐՈՒՄՆԵՐԻ ԺԱՄԱՆԱԿ 26-45 ՏԱՐԵԿԱՆ ԱՆՁԱՆՑ ՄՈՏ
.________________________________________________________________________.
|Թեր- |Սնուցման |Ֆիզիկական զարգացման |Սնուց- |Ճարպակալում |
|սնու-|իջեցում |ինդեքսը |ման | |
|ցում |ՖԶԻ 18,5-|(ՖԶԻ 19,5-22,9) |բարձրա-| |
|ՖԶԻ |19,4 |_____________________|ցում |__________________________|
|18,5g| |հասա-| |ՖԶԻ |I o |II o |III o |IV o |
|ցածր | |կը | |23,0- | | | | |
| | | | |27,4 | | | | |
|_____|_________|_____|_______________|_______|______|______|______|_____|
| | |սմ |մ2 |մարմնի | |ՖԶԻ |ՖԶԻ |ՖԶԻ |ՖԶԻ |
| | | | |զանգվածը, | |27,5- |30,0- |35,0- |>40,0|
| | | | |կգ | |29,9 |34,9 |39,9 | |
|_____|_________|_____|____|__________|_______|______|______|______|_____|
| 1 | 2 | 3 | 4 | 5 | 6 | 7 | 8 | 9 | 10 |
|_____|_________|_____|____|__________|_______|______|______|______|_____|
|42,7 |42,8-44,9|150 |2,25|45,0-58,4 |58,5- |63,0- |69,8- |80,9- |92,2 |
| | | | | |62,9 |69,7 |80,8 |92,1 | |
|_____|_________|_____|____|__________|_______|______|______|______|_____|
|43,3 |43,4-45,5|151 |2,28|45,6-59,0 |59,1- |63,7- |70,6- |82,0- |93,5 |
| | | | | |63,6 |70,5 |81,9 |93,4 | |
|_____|_________|_____|____|__________|_______|______|______|______|_____|
|43,9 |44,0-46,1|152 |2,31|46,2-60,0 |60,1- |64,7- |71,6- |83,0- |94,7 |
| | | | | |64,6 |71,5 |82,9 |94,6 | |
|_____|_________|_____|____|__________|_______|______|______|______|_____|
|44,4 |44,5-46,7|153 |2,34|46,8-60,7 |60,8- |65,5- |72,5- |84,2- |95,9 |
| | | | | |65,4 |72,4 |84,1 |95,8 | |
|_____|_________|_____|____|__________|_______|______|______|______|_____|
|45,0 |45,1-47,3|154 |2,37|47,4-61,5 |61,6- |66,4- |73,5- |85,3- |97,2 |
| | | | | |66,3 |73,4 |85,2 |97,1 | |
|_____|_________|_____|____|__________|_______|______|______|______|_____|
|45,6 |45,7-47,9|155 |2,40|48,0-62,3 |62,4- |67,2- |74,4- |86,4- |98,4 |
| | | | | |67,1 |74,3 |86,3 |98,3 | |
|_____|_________|_____|____|__________|_______|______|______|______|_____|
|46,2 |46,3-48,5|156 |2,43|48,6-63,1 |63,2- |68,0- |75,3- |87,5- |99,6 |
| | | | | |67,9 |75,2 |87,4 |99,5 | |
|_____|_________|_____|____|__________|_______|______|______|______|_____|
|46,7 |46,8-49,1|157 |2,46|49,2-63,9 |64,0- |68,9- |76,3- |88,6- |100,9|
| | | | | |68,8 |76,2 |88,5 |100,8 | |
|_____|_________|_____|____|__________|_______|______|______|______|_____|
|47,3 |47,4-49,7|158 |2,49|49,8-64,6 |64,7- |69,7- |77,2- |89,6- |102,1|
| | | | | |69,6 |77,1 |89,5 |102,0 | |
|_____|_________|_____|____|__________|_______|______|______|______|_____|
|47,9 |48,0-50,3|159 |2,52|50,4-65,4 |65,5- |70,6- |78,1- |90,7- |103,3|
| | | | | |70,5 |78,0 |90,6 |103,2 | |
|_____|_________|_____|____|__________|_______|______|______|______|_____|
|48,6 |48,7-51,1|160 |2,56|51,2-66,5 |66,6- |71,7- |79,4- |92,2- |105,0|
| | | | | |71,6 |79,3 |92,1 |104,9 | |
|_____|_________|_____|____|__________|_______|______|______|______|_____|
|49,2 |49,3-51,7|161 |2,59|51,8-67,2 |67,3- |72,5- |80,3- |93,2- |106,2|
| | | | | |72,4 |80,2 |93,1 |106,1 | |
|_____|_________|_____|____|__________|_______|______|______|______|_____|
|49,8 |49,9-52,3|162 |2,62|52,4-68,0 |68,1- |73,4- |81,2- |94,3- |107,4|
| | | | | |73,3 |81,1 |94,2 |107,3 | |
|_____|_________|_____|____|__________|_______|______|______|______|_____|
|50,3 |50,4-52,9|163 |2,65|53,0-68,8 |68,9- |74,2- |82,1- |95,4- |108,6|
| | | | | |74,1 |82,0 |95,3 |108,5 | |
|_____|_________|_____|____|__________|_______|______|______|______|_____|
|50,9 |51,0-53,5|164 |2,68|53,6-69,6 |69,7- |75,0- |83,1- |96,5- |109,9|
| | | | | |74,9 |83,0 |96,4 |109,8 | |
|_____|_________|_____|____|__________|_______|______|______|______|_____|
|51,7 |51,8-54,3|165 |2,72|54,4-70,6 |70,7- |76,2- |84,3- |97,9- |111,5|
| | | | | |76,1 |84,2 |97,8 |111,4 | |
|_____|_________|_____|____|__________|_______|______|______|______|_____|
|52,2 |52,3-54,9|166 |2,75|55,0-71,4 |71,5- |77,0- |85,2- |99,0- |112,8|
| | | | | |76,9 |85,1 |98,9 |112,7 | |
|_____|_________|_____|____|__________|_______|______|______|______|_____|
|52,8 |52,9-55,5|167 |2,78|55,6-72,2 |72,3- |77,8- |86,2- |100,1-|114,0|
| | | | | |77,7 |86,1 |100,0 |113,9 | |
|_____|_________|_____|____|__________|_______|______|______|______|_____|
|53,6 |53,7-56,3|168 |2,82|56,4-73,2 |73,3- |79,0- |87,4- |101,5-|115,6|
| | | | | |78,9 |87,3 |101,4 |115,5 | |
|_____|_________|_____|____|__________|_______|______|______|______|_____|
|54,1 |54,2-56,9|169 |2,85|57,0-74,0 |74,1- |79,8- |88,3- |102,6-|116,8|
| | | | | |79,7 |88,2 |102,5 |116,7 | |
|_____|_________|_____|____|__________|_______|______|______|______|_____|
|54,9 |55,0-57,7|170 |2,89|57,8-75,0 |75,1- |80,9- |89,6- |104,0-|118,5|
| | | | | |80,8 |89,5 |103,9 |118,4 | |
|_____|_________|_____|____|__________|_______|______|______|______|_____|
|55,5 |55,6-58,3|171 |2,92|58,4-75,8 |75,9- |81,8- |90,5- |105,1-|119,7|
| | | | | |81,7 |90,4 |105,0 |119,6 | |
|_____|_________|_____|____|__________|_______|______|______|______|_____|
|56,0 |56,1-58,9|172 |2,95|59,0-76,0 |76,1- |82,5- |91,5- |106,2-|120,9|
| | | | | |82,5 |91,4 |106,1 |120,8 | |
|_____|_________|_____|____|__________|_______|______|______|______|_____|
|56,8 |56,9-56,7|173 |2,99|59,8-77,6 |77,7- |83,7- |92,7- |107,6-|122,6|
| | | | | |83,6 |92,6 |107,5 |122,5 | |
|_____|_________|_____|____|__________|_______|______|______|______|_____|
|57,4 |57,5-60,3|174 |3,02|60,4-78,4 |78,5- |84,6- |93,6- |108,7-|123,8|
| | | | | |84,5 |93,5 |108,6 |123,7 | |
|_____|_________|_____|____|__________|_______|______|______|______|_____|
|58,1 |58,2-61,1|175 |3,06|61,2-79,5 |79,6- |85,7- |94,7- |110,2-|125,4|
| | | | | |85,6 |94,6 |110,1 |125,3 | |
|_____|_________|_____|____|__________|_______|______|______|______|_____|
|58,7 |58,8-61,7|176 |3,09|61,8-80,2 |80,3- |86,5- |95,8- |111,2-|126,7|
| | | | | |86,4 |95,7 |111,1 |126,6 | |
|_____|_________|_____|____|__________|_______|______|______|______|_____|
|59,5 |59,6-62,5|177 |3,13|62,6-81,4 |81,5- |87,6- |97,0- |112,7-|128,3|
| | | | | |87,5 |96,9 |112,6 |128,2 | |
|_____|_________|_____|____|__________|_______|______|______|______|_____|
|60,8 |60,9-63,9|179 |3,20|64,0-83,1 |83,2- |89,6- |99,2- |115,2-|131,2|
| | | | | |89,5 |99,1 |115,1 |131,1 | |
|_____|_________|_____|____|__________|_______|______|______|______|_____|
|61,5 |61,6-64,7|180 |3,24|64,8-84,1 |84,2- |90,7- |100,4-|116,6-|132,8|
| | | | | |90,6 |100,3 |116,5 |132,7 | |
|_____|_________|_____|____|__________|_______|______|______|______|_____|
|62,1 |62,2-65,3|181 |3,27|65,4-84,9 |85,0- |91,6- |101,2-|117,7-|134,1|
| | | | | |91,5 |101,2 |117,6 |134,0 | |
|_____|_________|_____|____|__________|_______|______|______|______|_____|
|62,9 |63,0-66,1|182 |3,31|66,2-86,0 |86,1- |92,7- |102,6-|119,2-|135,7|
| | | | | |92,6 |102,5 |119,1 |135,6 | |
|_____|_________|_____|____|__________|_______|______|______|______|_____|
|63,4 |63,5-66,7|183 |3,34|66,8-86,7 |86,8- |93,5- |103,5-|120,2-|136,9|
| | | | | |93,4 |103,4 |120,1 |136,8 | |
|_____|_________|_____|____|__________|_______|______|______|______|_____|
|64,2 |64,3-67,5|184 |3,38|67,6-87,8 |87,9- |94,6- |104,8-|121,7-|138,6|
| | | | | |94,5 |104,7 |121,6 |138,5 | |
|_____|_________|_____|____|__________|_______|______|______|______|_____|
|65,0 |65,1-68,3|185 |3,42|68,4-88,8 |88,9- |95,8- |106,0-|123,1-|140,2|
| | | | | |95,7 |105,9 |123,0 |140,1 | |
|_____|_________|_____|____|__________|_______|______|______|______|_____|
|65,5 |65,6-68,9|186 |3,45|69,0-89,6 |89,7- |96,6- |107,0-|124,2-|141,5|
| | | | | |96,5 |106,9 |124,1 |141,4 | |
|_____|_________|_____|____|__________|_______|______|______|______|_____|
|66,3 |66,4-69,7|187 |3,49|69,8-90,6 |90,7- |97,7- |108,2-|125,6-|143,1|
| | | | | |97,6 |108,1 |125,5 |143,0 | |
|_____|_________|_____|____|__________|_______|______|______|______|_____|
|67,1 |67,2-70,5|188 |3,53|70,6-91,7 |91,8- |98,8- |109,4-|127,1-|144,7|
| | | | | |98,7 |109,3 |127,0 |144,6 | |
|_____|_________|_____|____|__________|_______|______|______|______|_____|
|67,8 |67,9-71,3|189 |3,57|71,4-92,7 |92,8- |100,0-|110,7-|128,5-|146,4|
| | | | | |99,9 |110,6 |128,4 |146,3 | |
|_____|_________|_____|____|__________|_______|______|______|______|_____|
|68,6 |68,7-72,1|190 |3,61|72,2-93,8 |93,9- |101,1-|111,9-|129,9-|148,0|
| | | | | |101,0 |111,8 |129,8 |147,9 | |
|_____|_________|_____|____|__________|_______|______|______|______|_____|
|69,1 |69,2-72,7|191 |3,64|72,8-94,5 |94,6- |101,9-|112,8-|131,0-|149,2|
| | | | | |101,8 |112,7 |130,9 |149,1 | |
|_____|_________|_____|____|__________|_______|______|______|______|_____|
|69,9 |70,0-73,5|192 |3,68|73,6-95,6 |95,7- |103,0-|114,1-|132,5-|150,9|
| | | | | |102,9 |114,0 |132,4 |150,8 | |
|_____|_________|_____|____|__________|_______|______|______|______|_____|
|70,6 |70,7-74,3|193 |3,72|74,4-96,6 |96,7- |104,2-|115,3-|133,9-|152,5|
| | | | | |104,1 |115,2 |133,8 |152,4 | |
|_____|_________|_____|____|__________|_______|______|______|______|_____|
|71,4 |71,5-75,1|194 |3,76|75,2-97,7 |97,8- |105,3-|116,7-|135,4-|154,2|
| | | | | |105,2 |116,6 |135,3 |154,1 | |
|_____|_________|_____|____|__________|_______|______|______|______|_____|
|72,2 |72,3-75,9|195 |3,80|76,0-98,7 |98,8- |106,4-|117,8-|136,8-|155,8|
| | | | | |106,3 |117,7 |136,7 |155,7 | |
|_____|_________|_____|____|__________|_______|______|______|______|_____|
|72,9 |73,0-76,7|196 |3,84|76,8-99,7 |99,8- |107,5-|119,0-|138,2-|157,4|
| | | | | |107,4 |118,9 |138,1 |157,3 | |
|_____|_________|_____|____|__________|_______|______|______|______|_____|
|73,7 |73,8-77,5|197 |3,88|77,6-100,8|100,9--|108,6-|120,3-|139,7-|159,1|
| | | | | |108,5 |120,2 |139,6 |159,0 | |
|_____|_________|_____|____|__________|_______|______|______|______|_____|
|74,5 |74,6-78,3|198 |3,92|78,4-101,8|101,9--|109,8-|121,5-|141,1-|160,7|
| | | | | |109,7 |121,4 |141,0 |160,6 | |
|_____|_________|_____|____|__________|_______|______|______|______|_____|
|75,2 |75,3-79,1|199 |3,96|79,2-102,9|103,0--|110,9-|122,8-|142,6-|162,4|
| | | | | |110,8 |122,7 |142,5 |162,3 | |
|_____|_________|_____|____|__________|_______|______|______|______|_____|
|76,0 |76,1-79,9|200 |4,00|80,0-103,9|104,0--|112,0-|124,0-|144,0-|164 |
| | | | | |111,9 |123,9 |143,9 |163,9 | |
.________________________________________________________________________.
19. Արյան համակարգի հիվանդություններ (սակավարյունություն, ագրանուլոցիտոզ, հեմոբլաստոզներ, լիմֆոմաներ, լիմֆոգրանուլեմատոզ, հեմոռագիկ դիաթեզներ և այլն)
Ներառում է արյունաստեղծ համակարգի հիվանդությունները.
1) 1-ին ենթակետին են վերաբերում սուր և քրոնիկ լեյկոզները, լիմֆոմաները, արյան և արյունաստեղծ օրգանների արագ զարգացող այլ հիվանդությունները, երբ փորձաքննվողի աշխատունակությունը խիստ նվազած է, իսկ ստացած բուժումից նկատելի արդյունք չկա.
2) Հիվանդության դանդաղ ընթացքի, ստացած բուժման լավ, բայց անկայուն արդյունքի, աշխատունակության ոչ լրիվ կորստի դեպքում, հետագա ծառայությանը պիտանելիությունը որոշվում է 1-ին կամ 2-րդ ենթակետով` կախված կլինիկական ընթացքից.
3) 2-րդ ենթակետով են փորձաքննվում նաև ճառագայթային կամ ցիտոստատիկ բուժումից հետո առողջական ընդհանուր վիճակի խանգարումներ ունեցող Անձինք` հիվանդության սկզբնական փուլերի ժամանակ:
4) Դանդաղ ընթացքով հիվանդությունների բուժումից հետո ստացված տևական դրական արդյունքի, ինչպես նաև տարին մեկ անգամից ոչ ավելի սրացումների դեպքում, երբ աշխատունակության կորուստ չի նկատվում, Անձանց փորձաքննությունն իրականացվում է 3-րդ ենթակետով.
5) Լիմֆադենոպաթիաներով անձինք պետք է հետազոտվեն վարակիչ, սեռավարակային, արյունաստեղծման համակարգի, վահանագեղձի հիվանդությունների և տուբերկուլոզի ժխտման նպատակով.
6) Գեներալիզացված լիմֆադենոպաթիայի դեպքում, հարակից հիվանդությունների բացակայության պայմաններում, փորձաքննությունն իրականացվում է 1-ին ենթակետով.
7) Չափավոր արտահայտված սակավարյունության (անեմիայի), լեյկոպենիայի և տարբեր պատճառներից առաջացած տրոմբոցիտոպենիայի դեպքում, որոնք արյան համակարգային հիվանդությամբ պայմանավորված չեն, բայց ուղեկցվում են սնուցման անկումով և աշխատունակության նվազմամբ, եզրակացությունն ընդունվում է նաև կարգացուցակի համապատասխան կետի համաձայն.
8) Ապլաստիկ, հեմոլիտիկ, հիպոպլաստիկ և գենետիկ անեմիաներով, մակարդման գործոնների գենետիկ պակասորդով անձինք փորձաքննվում են 1-ին ենթակետով: Նույն ենթակետով են փորձաքննվում ժառանգական թրոմբոցիտոպաթիաներով (ինչպես նաև երկարատև պահպանվող (6-12 ամիս) թրոմբոցիտոպենիաներով) անձինք:
9) Ձեռքբերովի թրոմբոցիտոպաթիաների և մակարդման գործոնների գենետիկ պակասորդի դեպքում ցուցված է ստացիոնար բուժում` հետագա փորձաքննությամբ` ըստ արյան պատկերի և հիմնական հիվանդության.
10) Թրոմբոցիտոպենիայի կապակցությամբ բուժված Անձինք 3-րդ ենթակետով կարող են ճանաչվել պիտանի ծառայության համար, եթե նրանց մոտ առկա է կլինիկալաբորատոր լավացում և հիվանդությունը վերջին երեք տարվա ընթացքում չի կրկնվել.
11) Հեմոռագիկ վասկուլիտի թեթև և միջին ծանրության ձևեր տարած Անձինք փորձաքննվում են 3-րդ ենթակետով, եթե վերջին 3 տարվա ընթացքում հիվանդության կրկնություն չի գրանցվել.
12) Հեմոռագիկ վասկուլիտի ծանր ձևեր տարած անձինք փորձաքննվում են 1-ին ենթակետով` անկախ վաղեմության ժամկետից: B-12 դեֆիցիտային անեմիայով անձինք փորձաքննվում են 1-ին ենթակետով: Կայուն` 3 և ավելի տարի, ռեմիսիա ունեցող անձինք փորձաքննվում են 3-րդ ենթակետով:
13) Արյան համակարգի հիվանդություններ տարած անձանց վերջնական փորձաքննությունը պետք է իրականացվի միայն նեղ մասնագիտական բաժանմունքների կողմից տրված ախտորոշումների հիման վրա:
14) Արձակուրդ հիվանդության կապակցությամբ (վերականգնողական) եզրակացությունն ընդունվում է միայն այն դեպքում, երբ աշխատունակության լիակատար վերականգնման և արյունաբանական ցուցանիշների նորմալացման համար պահանջվում է առնվազն մեկ ամիս:
20. Էկզոգեն սուր կամ քրոնիկ ինտոքսիկացիաների սրացումների կամ ազդեցությունների հետևանքներ, ալերգիկ հիվանդություններ Ներառում է հրթիռային վառելիքի բաղադրամասերով և այլ թունանյութերով թունավորումների, ԷՄԴ-ի սուր կամ քրոնիկ ներգործության հետևանքները, ճառագայթային հիվանդությունը, ինչպես նաև ալերգիկ հիվանդությունները, որոնք հաստատվել են ստացիոնար պայմաններում.
1) ՌՆ, ԻՃ այլ աղբյուրների հետ աշխատող և տարեկան թույլատրելի չափը 5 անգամ գերազանցող ճառագայթային չափաքանակ ստացած Անձինք ուղեգրվում են ստացիոնար հետազոտման: Փորձաքննությունն իրականացվում է ստացիոնար բուժումից հետո: Ճառագայթային հիվանդություն տարած անձանց փորձաքննության ժամանակ նկատի են առնվում ոչ միայն պերիֆերիկ արյան բաղադրության փոփոխությունները, այլև հիվանդության կլինիկական մյուս դրսևորումները.
2) I աստիճանի ճառագայթային հիվանդություն տարած Մասնակիցների և II աստիճանի սուր ճառագայթային հիվանդություն տարած և աննշան մնացորդային երևույթների առկայության դեպքում Անձանց համար կիրառվում է 3-րդ ենթակետը:
3) Էլեկտրամագնիսական դաշտի II-III աստիճանի քրոնիկ ներգործության համախտանիշի կրկնության դեպքում (նույնիսկ հիվանդության բարենպաստ ելքի պայմաններում) Մասնակիցները ճանաչվում են ոչ պիտանի:
4) Սույն կետով են փորձաքննվում նաև անաֆիլակտիկ շոկի ձևով թունավոր, ալերգիկ բնույթի տարբեր նյութերի, շիճուկային հիվանդության և այլ դեղորայքային, քիմիական ալերգենների ներգործության հետևանքները` ուղեկցվող Կվինկեի այտուցով կամ օրգանիզմի համակարգված ռեակցիաներով: Սուր հիվանդության պատճառով արձակուրդ տրամադրելու անհրաժեշտության մասին եզրակացություն է կայացվում այն դեպքում, երբ խանգարված օրգանների ֆունկցիաների և աշխատունակության լիակատար վերականգնման համար պահանջվում է առնվազն 1 ամիս: Հիվանդության պատճառով տրամադրված արձակուրդից հետո հետագա ծառայության համար պիտանիությունը որոշվում է 4-րդ ենթակետի համաձայն` պայմանավորված օրգանների ու համակարգերի ֆունկցիաների, մասնագիտական աշխատունակության վերականգնման աստիճանով:
5) Թունավոր և ալերգիկ ներգործություններից հետո անբարենպաստ ելքերի դեպքում պիտանիությունը ծառայությանը որոշվում է կարգացուցակի համապատասխան կետով` պայմանավորված ախտահարված օրգանի կամ համակարգի ֆունկցիաներով:
6) Ըստ 4-րդ ենթակետի` փորձաքննվում են նաև բարեհաջող ելքով ավարտված հիվանդության կապակցությամբ տրամադրված վերականգնողական արձակուրդից վերադարձած Անձինք:
7) 3-րդ սյունակով փորձաքննվողները 4-րդ ենթակետով ճանաչվում են պիտանի ծառայության համար, եթե սուր ալերգիկ վիճակն ի հայտ է եկել առաջին անգամ, բուժումից հետո այն անցել է և չի ուղեկցվել Կվինկեի այտուցով, անաֆիլակտիկ շոկով կամ համակարգային այլ ռեակցիաներով:
8) 4-րդ ենթակետով են փորձաքննվում նաև այն անձինք, ում մոտ անհայտ պատճառներից սուր ալերգիկ երևույթները մեկ տարվա ընթացքում ի հայտ են եկել 2-3 անգամից ոչ ավելի, հեշտությամբ անցել են բուժման կուրսից հետո և չեն ուղեկցվել բարդություններով:
9) Հաճախակի` 1 ամսում 3 և ավելի անգամ կրկնվող կամ 1 անգամ Կվինկեի այտուցով կամ համակարգված ռեակցիայով ուղեկցվող բուժմանը դժվարությամբ ենթարկվող, քրոնիկ վիճակի անցնող դեպքերը փորձաքննվում են 2-րդ ենթակետով:
10) Դեղորայքային ալերգիա ունեցողները, ում մոտ հայտնաբերվել է ընդամենը 1 կամ 2 դեղորայքի նկատմամբ ռեակցիա, փորձաքննվում են 4-րդ ենթակետով:
11) Առանց բարդությունների, սակայն համակցված ալերգիա ունեցողները (դեղորայքային, սննդային և ինսեկտային) փորձաքննվում են 3-րդ ենթակետով:
12) Եթե նախկինում տարած Կվինկեի այտուցի վերաբերյալ տվյալները հավաստի չեն, բացակայում են հիվանդության վերաբերյալ փաստերը, կամ տարած Կվինկեի այտուցի վաղեմության ժամկետը 3 տարի և ավելի է, բացակայում են տվյալներ ռեցիդիվների և ստացված բուժման վերաբերյալ, փորձաքննությունն իրականացվում է 4-րդ ենթակետով: Ցանկացած ալերգենի նկատմամբ թույլ դրական ռեակցիա ունեցողները փորձաքննվում են 4-րդ ենթակետով:
21. Տուբերկուլոզ. Ներառում է շնչառական օրգանների, պլևրայի, ոսկրամկանային համակարգի, պերիֆերիկ ավշահանգույցների, որովայնի խոռոչի օրգանների, միզասեռային համակարգի, մաշկի և այլ օրգանների տուբերկուլոզը: Ախտորոշումը պետք է հաստատվի ախտահարված օրգանի բջջաբանական հետազոտությամբ, որովայնադիտումով (լապարասկոպիա) և այլ մեթոդներով: Բուժումը պետք է լինի համալիր, անընդհատ, տևական (առնվազն 6 ամիս):
1) 1-ին ենթակետին են վերաբերում տուբերկուլոզի բոլոր ակտիվ և մարող ձևերը, ուղեկցվող բացիլազատությամբ կամ առանց դրա, հաստատված ստացիոնար հետազոտությամբ և կլինիկալաբորատոր եղանակներով: Սույն ենթակետին են վերաբերում նաև տուբերկուլոզի կապակցությամբ արմատական վիրահատությունների հետևանքները:
2) 1-ին ենթակետին են վերաբերում անցյալում տարած տուբերկուլոզի հետևանքները` ֆունկցիայի զգալի խանգարումով:
3) Հաջող հակամանրէային բուժումից հետո թոքերի կայուն մնացորդային ռենտգենաբանական փոփոխություններով հետագա ծառայության փորձաքննվողները, դիսպանսեր հաշվառումից հանելուց 3 տարի անց կլինիկական դրսևորումների բացակայությամբ` փորձաքննվում են 2-րդ ենթակետով: Նույն ենթակետով են փորձաքննվում նաև անցյալում տարած ողնաշարի, ոսկրերի ու հոդերի բուժված տուբերկուլոզի դեպքերը, դրանց հետևանքները` ավելի քան 5 տարվա ակտիվության բացակայությամբ, խոշոր հոդերից մեկում ձևախեղող օստեոարթրոզի սկզբնական երևույթներով` առանց ցավային համախտանիշի, ինչպես նաև այլ օրգան-համակարգերի բուժված տուբերկուլոզը` ֆունկցիայի աննշան խանգարումով:
4) Թոքերում կամ ներկրծքային ավշահանգույցներում ռենտգենաբանորեն հաստատված մինչև 3 փոքր պետրիֆիկատների առկայությունը (որոնցից յուրաքանչյուրի չափերը չեն գերազանցում 0,8 սմ-ը) խոչընդոտ չէ ծառայության անցնելուն:
5) Մանթուի գերդրական` 21 մմ և ավելի կամ հիպերերգիկ ռեակցիայով ուղեկցվող Անձանց անհրաժեշտ է պարտադիր հետազոտել հակատուբերկուլոզային դիսպանսերում:
6) Մանթուի փորձը, թոքերի ռենտգեն հետազոտությունը, ինչպես նաև տարած տուբերկուլոզը ժխտող տեղեկանքը պարտադիր են նաև ծառայության անցնողների համար:
7) Առանց մնացորդային երևույթների կամ մնացորդային երևույթներով լավացած տուբերկուլոզը պետք է հաստատված լինի համապատասխան բուժհիմնարկների կողմից:
8) Ոսկրերի և հոդերի տուբերկուլոզային ախտահարման ժամանակ ախտորոշումը պետք է հաստատվի արտազատուկի, մսամոլման (գրանուլյացիայի), ախտահարված հոդի, սառը թարախակույտերի բջջաբանական ու հյուսվածքաբանական հետազոտություններով, տրեպանոբիոպսիայով, կենսաբանական փորձով և այլ մեթոդներով:
9) Ոսկրահոդային տուբերկուլոզ տարած փորձաքննվողների բժշկական և մասնագիտական վերականգնման նպատակով վերափորձաքննությունը կատարվում է 3-րդ ենթակետով, բուժման կուրսի ավարտից 5 տարի հետո:
10) Ավշահանգույցների, թոքերի և միզատար ուղիների ակտիվ տուբերկուլոզ տարած անձանց փորձաքննությունն իրականացվում է 3-րդ ենթակետով` տուբերկուլոզային ստացիոնարի պայմաններում ամբողջական հետազոտումից հետո` առանց ֆունկցիայի խանգարման և պրոցեսի ակտիվության, դիսպանսեր հաշվառումից հանելուց հետո, ոչ շուտ, քան 3 տարի անց:
22. Թոքերի, շնչառական ուղիների, պլևրայի ոչ տուբերկուլոզային բնույթի քրոնիկ հիվանդություններ, զարգացման արատներ և սուր հիվանդությունից հետո կայուն մնացորդային երևույթներ
Ներառում է բրոնխոթոքային համակարգի և պլևրայի ոչ տուբերկուլոզային բնույթի հիվանդությունները, զարգացման արատները, գենետիկ հիվանդությունները (հաստատված` գենետիկ քննությամբ): Սույն կետին են վերաբերում նաև 3-րդ աստիճանի սարկոիդոզը, ալվեոլյար պրոտեինոզը, թոքային ալվեոլյար միկրոլիթիազը, իդեոպաթիկ ֆիբրոզող ալվեոլիտը` անկախ շնչառական անբավարարության աստիճանից, հաստատված` համակարգչային տոմոգրաֆիկ կամ հիստոլոգիական քննությամբ:
1) 1-ին ենթակետին են վերաբերում բրոնխաթոքային համակարգի և պլևրայի քրոնիկ ոչ տուբերկուլոզային հիվանդությունները, բուժմանը դժվար ենթարկվող բորբոքային-թարախային հիվանդությունները` ուղեկցվող շնչառական ֆունկցիայի խիստ արտահայտված խանգարումով և աշխատունակության նկատելի կորստով:
2) 2-րդ ենթակետին են վերաբերում`
ա. թոքերի առաջնային էմֆիզեման, մուկովիսցիդոզը, բրոնխոէկտատիկ հիվանդությունը, քրոնիկ օբլիտերացնող բրոնխիոլիտը` անկախ շնչառական անբավարարության աստիճանից, հաստատված` համակարգչային տոմոգրաֆիկ հետազոտությամբ,
բ. բրոնխոթոքային ապարատի և պլևրայի քրոնիկ հիվանդությունները` ԱՇՖ չափավոր խանգարումով,
գ. սարկոիդոզի 1-ին և 2-րդ շրջանները` հաստատված հիստոլոգիական և համակարգչային տոմոգրաֆիկ քննությամբ: «գ» պարբերության համաձայն Անձանց պիտանիությունը որոշվում է ըստ բուժման ընթացքի, կլինիկական ծանրության աստիճանի:
3) 2-րդ ենթակետով են փորձաքննվում նաև բրոնխոթոքային ապարատի կայուն մնացորդային փոփոխությունները` ԱՇՖ չափավոր աստիճանի խանգարումով: Թոքերում առկա նմանատիպ փոփոխությունների ժամանակ անհրաժեշտ է փորձաքննությունն իրականացնել սպեցիֆիկ պրոցեսի ժխտումից հետո: Տարածուն պնևմոսկլերոզի դեպքում փորձաքննությունն իրականացվում է ըստ 1-ին կամ 2-րդ ենթակետի` կախված ԱՇՖ խանգարման աստիճանից:
4) 3-րդ ենթակետով են փորձաքննվում բրոնխոթոքային համակարգի և պլևրայի ոչ տուբերկուլոզային բնույթի քրոնիկ հիվանդությունները` ԱՇՖ-ի աննշան խանգարումով:
Քրոնիկ թարախային օբստրուկտիվ բրոնխիտներով անձանց պիտանիությունը որոշվում է ռեմիսիայի փուլում` ըստ ԱՇՖ խանգարման:
5) Հիվանդության սրացումները պետք է փաստարկված լինեն` բացի ակտերը, նաև այլ բժշկական փաստաթղթերով: Եթե թոքերի քրոնիկ հիվանդությունը զուգակցվում է բրոնխոսպաստիկ համախտանիշով, ապա փորձաքննությունը կատարվում է նաև կարգացուցակի 25-րդ կետի 3-րդ ենթակետով:
6) Փորձագիտական եզրակացության համար անհրաժեշտ է ԱՇՖ քննությունը կատարել ֆիզիկական բեռնվածությունից առաջ և հետո, ինչպես նաև բրոնխոդիլատատորներով և առանց դրանց (ըստ անհրաժեշտության):
7) 4-րդ ենթակետով են փորձաքննվում ստացիոնար բուժում չպահանջող սուր հիվանդությունների, քրոնիկ հիվանդությունների սրացումների, ինչպես նաև ժամանակավոր ֆունկցիոնալ մնացորդային երևույթները (հաստատված բժշկական փաստաթղթերով):
8) Սուր թոքաբորբի դեպքում Անձանց արձակուրդի վերաբերյալ եզրակացությունը կայացվում է ըստ 4-րդ ենթակետի: Ստացիոնար բուժում չպահանջող և առանց արտաքին շնչառական ֆունկցիայի խանգարման, թոքերի սուր հիվանդությունների ոչ բարդ ընթացքի, քրոնիկ հիվանդությունների սրացման, մնացորդային երևույթների ժամանակ Անձանց համար կարող է կայացվել արձակուրդի վերաբերյալ եզրակացություն:
9) Թոքերի քրոնիկ ոչ սպեցիֆիկ հիվանդությունների հազվադեպ հանդիպող բարդ ընթացքով դեպքերը փորձաքննվում են 1-ին կամ 2-րդ ենթակետերով` ըստ այլ օրգանների ֆունկցիայի խանգարման կայունության ու արտահայտվածության:
10) Շնչառական համակարգի գործունեության ցուցանիշները ներկայացված են N 3 աղյուսակում:
Աղյուսակ N 3
ՇՆՉԱՌԱԿԱՆ ԱՆԲԱՎԱՐԱՐՈՒԹՅԱՆ ԱՍՏԻՃԱՆՆԵՐ
._____________________________________________________________________.
|1. | |Նորմա | Ֆունկցիաների անբավարարության |
| | | | ցուցանիշներ |
|___|________________|______|_________________________________________|
| |Կլինիկական | |I աստիճան |II աստիճան |III աստիճան |
| |ցուցանիշներ | |(աննշան) |(չափավոր) |(արտահայտված)|
|___|________________|______|_____________|_____________|_____________|
|ա) |Հևոց |չկա |Նախկինում |Սովորական |Մտավոր |
| | | |անսովոր |ծանրաբեռնվա- |հանգստի |
| | | |ծանրաբեռնվա- |ծության |պայմաններում |
| | | |ծության |ժամանակ | |
| | | |ժամանակ | | |
|___|________________|______|_____________|_____________|_____________|
|բ) |Շնչական ակտերի |մինչև |մինչև 24 |25-28 |29 և ավելի |
| |թվաքանակը 1 |20 | | | |
| |րոպեում | | | | |
|___|________________|______|_____________|_____________|_____________|
|գ) |Ցիանոզ |չկա |արտահայտված է|արտահայտված է|տարածուն է, |
| | | |թույլ չափով |միջին չափով |խիստ |
| | | | | |արտահայտված |
|___|________________|______|_____________|_____________|_____________|
|դ) |Անոթազարկը 1 |մինչև |85-90 |95-100 |105 և ավելի |
| |րոպե |80 | | | |
|___|________________|______|_____________|_____________|_____________|
|2. |Գործիքային | | | | |
| |տվյալներ | | | | |
|___|________________|______|_____________|_____________|_____________|
|ա) |Արյան հագեցվա- |94-ից |90-80 |79-60 |59-ից ցածր |
| |ծությունը |ավելի | | | |
| |թթվածնով (%) | | | | |
|___|________________|______|_____________|_____________|_____________|
|բ) |Թոքերի կենսա- |90-85 |84-70 |69-50 |49-ից ցածր |
| |տարողությունը %`| | | | |
| |համեմատած | | | | |
| |անհրաժեշտ | | | | |
| |մեծության հետ | | | | |
|___|________________|______|_____________|_____________|_____________|
|գ) |Թոքերի առավելա- |85-75 |74-55 |54-35 |34-ից ցածր |
| |գույն օդափոխու- | | | | |
| |թյունը %` | | | | |
| |համեմատած | | | | |
| |անհրաժեշտ | | | | |
| |մեծության հետ | | | | |
|___|________________|______|_____________|_____________|_____________|
|դ) |Արագացված |80-ից |75-65 |64-50 |49-ից ցածր |
| |արտաշնչական |բարձր | | | |
| |ծավալը 1 վրկ %` | | | | |
| |համեմատած | | | | |
| |անհրաժեշտ | | | | |
| |մեծության հետ | | | | |
|___|________________|______|_____________|_____________|_____________|
|ե) |Տիֆնոյի ինդեքս |70-ից |69-55 |54-40 |39-ից ցածր |
| | |բարձր | | | |
._____________________________________________________________________.
23. Բրոնխիալ ասթմա. Ներառում է բրոնխիալ ասթմայի բոլոր ձևերը: Ախտորոշումը պետք է հաստատվի ստացիոնար պայմաններում համալիր հետազոտությունից հետո, հաստատված լինի նաև այլ բժշկական փաստաթղթերով (էպիկրիզներ և այլն):
1) 1-ին ենթակետին է վերաբերում կրկնակի ստացիոնար բուժում պահանջող, շնչարգելության ծանր ու հաճախակի նոպաներով ուղեկցվող, II-III աստիճանի թոքային անբավարարությամբ բրոնխիալ ասթման:
2) 2-րդ ենթակետին է վերաբերում բրոնխիալ ասթմայի միջին ծանրության ձևը, որը բնորոշվում է ամիսը մեկ և ավելի անգամ կրկնվող ու բրոնխալայնիչ տարբեր միջոցներով հեշտությամբ վերացվող շնչարգելության նոպաներով: Նոպաների միջև ընկած շրջանում կարող է պահպանվել արտաքին շնչառական ֆունկցիայի I աստիճանի խանգարումը:
3) 3-րդ ենթակետին են վերաբերում հիվանդության թեթև ձևերը, որոնց ժամանակ շնչարգելության նոպաները տևական չեն, տարեկան լինում են 2-3 անգամից ոչ ավելի, հեշտությամբ վերացվում են բրոնխալայնիչ միջոցներով: Նոպայից դուրս կարող է լինել ԱՇՖի աննշան (0-I աստիճանի) խանգարում:
4) Առանց բրոնխոլայնիչների 3 և ավելի տարիների ընթացքում նոպաների փաստարկված բացակայությամբ անձինք փորձաքննվում են 4-րդ ենթակետով:
5) Եթե բրոնխոսպազմային համախտանիշը ոչ բրոնխոթոքային համակարգի հիվանդությունների ախտանշան է կամ որևէ սուր թոքային պաթոլոգիայի դրսևորման ձև, որը չի կրել շարունակական բնույթ (հաստատված` բժշկական փաստաթղթերով), ապա ծառայության համար պիտանիությունը որոշվում է կարգացուցակի համապատասխան կետերով` ըստ հիմնական հիվանդության ընթացքի:
24. Սրտամկանի, սրտապարկի (պերիկարդի), պսակաձև անոթների, փականային ապարատի, աորտայի հիվանդություններ և զարգացման արատներ.
1) 1-ին ենթակետին են վերաբերում սրտանոթային համակարգի այն բոլոր հիվանդությունները, որոնք ուղեկցվում են քրոնիկ սրտային անբավարարության III-IV դասի (ըստ NYHA դասակարգման) խանգարումներով: Սույն ենթակետին են վերաբերում նաև`
ա. սրտապարկի համընդգրկուն խցանումը,
բ. սրտի կամ աորտայի անևրիզմը,
գ. սրտի ռիթմի կամ հաղորդականության խանգարման առանձին կայուն, դժվար բուժվող ձևերը,
դ. սրտի կամ սրտապարկի նորագոյացությունները,
ե. դիլատացիոն և ռեստրիկտիվ կարդիոմիոպաթիաները, ինչպես նաև հիպերտրոֆիկ կարդիոմիոպաթիան, եթե առկա է ձախ փորոքի արտատար տրակտի օբստրուկցիա:
2) 2-րդ ենթակետին են վերաբերում սրտանոթային համակարգի այն բոլոր հիվանդությունները, որոնք ուղեկցվում են քրոնիկ սրտային անբավարարության II դասի (ըստ NYHA դասակարգման) խանգարումներով: Սույն ենթակետին են վերաբերում նաև`
ա. սրտի բնածին և ձեռքբերովի արատները` անկախ հեմոդինամիկայի խանգարման աստիճանից,
բ. սրտի փականային ապարատի վիրահատական միջամտությունների հետևանքները, ինչպես նաև սրտի ռիթմի արհեստական կարգավորիչի (փեյսմեյքեր) իմպլանտացիաները և սրտի հաղորդականության հավելյալ ուղիների կրկնակի աբլյացիաները,
գ. առանց սրտի ֆունկցիոնալ խանգարման դեքստրակարդիաները և ներքին օրգանների լրիվ ինվերսիաները (Dextrocardia Situs Inversus Totalis),
դ. պսակաձև անոթների հիվանդություններն` ախտորոշված կորոնար անգիոգրաֆիայի կամ ոչ ինվազիվ գործիքային հետազոտություններով:
3) 2-րդ ենթակետով են փորձաքննվում նաև սրտի ռիթմի արհեստական կարգավորիչի ինպլանտացիայից (փոխպատվաստումից), սրտի հաղորդականության հավելյալ ուղիների կրկնակի աբլյացիայից, աորտապսակաձև շունտավորումից, պսակաձև անոթների ստենտավորումից, ինչպես նաև սրտի ռիթմի և հաղորդականության անցողիկ խանգարումով սրտամկանի սահմանափակ ինֆարկտից հետո:
4) Սրտի, սրտապարկի վերքերի, խոշոր անոթների շրջանում միջնորմից օտար մարմինների վիրահատական հեռացման դեպքում փորձաքննվողների պիտանիությունը ծառայության համար որոշվում է համաձայն 1-ին, 2-րդ կամ 3-րդ ենթակետերի` ըստ հեմոդինամիկայի և արտաքին շնչառական ֆունկցիայի խանգարման աստիճանի:
5) 3-րդ ենթակետին են վերաբերում սրտանոթային համակարգի այն բոլոր հիվանդությունները, որոնք ուղեկցվում են քրոնիկ սրտային անբավարարության I դասի (ըստ NYHA դասակարգման) խանգարումներով: Սույն ենթակետին են վերաբերում նաև`
ա. միտրալ փականի արտանկումները (պրոլապս) II աստիճանի (6 մմ և ավելի)` II աստիճանի հետհոսքով,
բ. աորտալ հետհոսք I աստիճան և ավելի, ինչպես նաև երկու և ավելի փականների համակցված հետհոսքերը, եթե դրանցից մեկը II աստիճանի է,
գ. ակտիվ սուր ռևմատիկ տենդը, որի ստացիոնար հետազոտումից ու բուժումից հետո, առնվազն 45 օր պահպանվում են սրտի կամ այլ օրգանների ախտահարման օբյեկտիվ նշանները (սրտի արատ և այլն):
6) Արյան շրջանառության (հեմոդինամիկայի) խանգարումը պետք է առարկայացվի էխոկարդիոգրաֆիկ (ձախ փորոքի և նախասրտի սիստոլիկ ու դիաստոլիկ չափսերի մեծացում, արտամղման ֆրակցիայի իջեցում) և չափորոշված, դոզավորված ֆիզիկական ծանրաբեռնվածության փորձի (տրեդմիլ-թեստ, վելոէրգոմետրիա) ցուցանիշներով` համադրված հիվանդության կլինիկական տվյալների հետ: Պետք է նկատի ունենալ, որ ծանրաբեռնվածության փորձի արդյունքում առողջ անձանց մոտ հնարավոր է բացահայտվի կորոնար արյան շրջանառության կեղծ անբավարարություն, որը պայմանավորված է ոչ թե սրտանոթային համակարգի հիվանդությամբ, այլ անբավարար ֆիզիկական մարզվածությամբ և դրա հետևանքով` ֆիզիկական ծանրաբեռնվածության նկատմամբ ցածր դիմացկունությամբ:
7) 3-րդ ենթակետին են վերաբերում նաև սրտի ռիթմի և հաղորդականության մշտական, կայուն բնույթի խանգարումները` WPW-համախտանիշը, AV I աստիճանի պաշարումները (PQ` կայուն 0,22 վրկ-ից ավելի է), AV II աստիճանի պաշարումները, սինուսային հանգույցի թուլության համախտանիշը, SA պաշարումները` կլինիկական դրսևորումներով (ֆունկցիոնալ բնույթի և անցողիկ եզակի AV և SA պաշարումները փորձաքննվում են 4-րդ ենթակետով), փորոքային և վերփորոքային պարոքսիզմալ տախիկարդիայի էպիզոդները, փորոքային և վերփորոքային վազանցների (3 կոմպլեքս (և ավելի) 5 էպիզոդ (և ավելի), հաճախակի պոլիտոպ և պոլիմորֆ էքստրասիստոլիաները, հաճախակի ալոռիթմիաները, հաճախակի փորոքային (ըստ հոլտեր-մոնիտորինգի` ժամում 50 և ավելի, 24 ժամում` 2000 և ավելի) և վերփորոքային (ժամում 80 և ավելի, 24 ժամում` 4000 և ավելի) էքստրասիստոլիաները, մշտական ոչ սինուսային ռիթմը, Հիսի խրձի աջ կամ ձախ ոտիկի լրիվ պաշարումները:
8) Երկճյուղանի-բիֆասցիկուլյար ոչ լրիվ պաշարումները (առկա է Հիսի խրձի աջ ոտիկի և ձախ ոտիկի որևէ ճյուղի զուգակցված մասնակի պաշարում), եթե չկան հեմոդինամիկ և ռիթմի արտահայտված խանգարումներ փորձաքննվում են 4-րդ ենթակետով:
9) Սինուսային (շնչառական) առիթմիա, Հիսի խրձի աջ ոտիկի մասնակի պաշարում ունեցող անձինք ճանաչվում են պիտանի ծառայությանը, եթե ԷՍԳ-ով չկան ռիթմի և հաղորդականության խանգարման այլ (3-րդ ենթակետով նախատեսված) դրսևորումներ: Հիսի խրձի ձախ ոտիկի որևէ ճյուղի մասնակի պաշարման ժամանակ անհրաժեշտ է կատարել ԷխոՍԳ և, պաթոլոգիկ փոփոխությունների (ձախ կամ աջ փորոքի հիպերտրոֆիա) ժխտման պարագայում` փորձաքննվողները ճանաչվում են պիտանի ծառայության համար:
10) Սրտի հաղորդականության հավելյալ ուղիների աբլյացիայից հետո առաջին անգամ փորձաքննությունն իրականացվում է 3-րդ ենթակետով: Դինամիկ հսկողության պայմաններում, երեք տարի անց, եթե բացակայում են հեմոդինամիկայի, ռիթմի և հաղորդականության խանգարման նշանները, փորձաքննությունն իրականացվում է 4-րդ ենթակետով:
11) CLC-համախտանիշի (PQ ինտերվալի կայուն կարճացում մինչև 0.11 վրկ) առկայության դեպքում անհրաժեշտ է կատարել հոլտեր-մոնիտորինգ: Եթե PQ ինտերվալի կարճացումը չի գերազանցում 0.11 վրկ-ը և ուղեկցվում է PQ սեգմենտի բացակայությամբ, ռիթմի ու հաղորդականության այլ կայուն խանգարումներով, ապա փորձաքննությունը իրականացվում է են 3-րդ ենթակետով: Եթե PQ ինտերվալի կարճացումը չի ուղեկցվում ռիթմի կամ հաղորդականության այլ խանգարումներով (3-րդ ենթակետով նախատեսված), առկա է PQ սեգմենտը, բացակայում են կլինիկական ախտանիշները, ապա տվյալ վիճակը գնահատվում է որպես էլեկտրոկարդիոգրաֆիկ CLC-ֆենոմեն և փորձաքննվողները ճանաչվում են պիտանի ծառայությանը:
12) Եթե առկա են ռիթմավարի միգրացիայի էպիզոդներ, որոնք չեն ուղեկցվում ռիթմի կամ հաղորդականության այլ կայուն (3-րդ ենթակետով նախատեսված) խանգարումներով, ապա փորձաքննությունը իրականացվում է ըստ 4-րդ ենթակետի:
13) Սրտի ռիթմավարի մշտական կամ երկարատև միգրացիա ունեցող անձինք փորձաքննվում են 4-րդ ենթակետով: Սրտի ռիթմի և հաղորդականության խանգարում ունեցող անձինք պետք է հետազոտվեն պարտադիր 24-ժամյա հոլտեր-մոնիտորինգի կատարումով` անձնական գործին կցելով նաև ախտաբանական փոփոխությունները արտացոլող ծավալուն հոլտեր տպվածքը:
14) 4-րդ ենթակետին են վերաբերում սրտանոթային համակարգի այն հիվանդությունները, որոնք ունեն բարեհաջող ելք և չեն ուղեկցվում հեմոդինամիկ խանգարումներով: Առանց միոկարդիոսկլերոզի, սրտային անբավարարության և սրտի ռիթմի խանգարման միոկարդիտները (եթե բուժումից հետո անցել է առնվազն 12 ամիս) խոչընդոտ չեն ծառայության անցնելու համար: 4-րդ ենթակետին են վերաբերում նաև սրտի փականների մեկուսացված, ոչ մեծ չափսերի (մինչև առաջին աստիճանը ներառյալ) արտանկումները` աննշան հետհոսքով (մինչև առաջին աստիճանը ներառյալ): Մինչև առաջին աստիճանի կարճատև, ոչ մշտական, աննշան, առանց հեմոդինամիկ խանգարման աորտալ հետհոսքի պարագայում փորձաքննությունը իրականացվում է 5-րդ ենթակետով:
15) Տրիկուսպիդալ, միտրալ, թոքային զարկերակի համակցված առաջին աստիճանի հետհոսքերը (երեքը միասին) փորձաքննվում են 5-րդ ենթակետով: Մինչև 3 մմ ներառյալ միտրալ փականի պրոլապս ունեցող անձինք ճանաչվում են պիտանի ծառայությանը, 3 մմ-ից մինչև 6 մմ ներառյալ միտրալ փականի պրոլապս ունեցող անձինք փորձաքննվում են 4-րդ ենթակետով:
16) 4-րդ ենթակետին են վերաբերում նաև ոչ հաճախակի մոնոմորֆ փորոքային (ժամում` 30-ից պակաս, 24 ժամում` 400-ից պակաս) և վերփորոքային (ժամում` 60-ից պակաս, 24 ժամում` 800-ից պակաս) էքստրա-սիստոլիաները:
17) Եթե ըստ հոլտեր-մոնիտորինգի առկա է հաճախակի մոնոմորֆ փորոքային (ժամում` 30 և ավելի, 50-ից պակաս, 24 ժամում` 400-ից ավելի, 2000-ից պակաս) և վերփորոքային (ժամում` 60 և ավելի, 80-ից պակաս, 24 ժամում` 800 և ավելի 4000-ից պակաս) էքստրասիստոլիա, ապա փորձաքննությունն իրականացվում է ըստ 5-րդ ենթակետի:
18) 4-րդ ենթակետով են փորձաքննվում նաև ԷՍԳ քննությամբ ի հայտ եկած ռեպոլյարիզացիայի մշտական խանգարումներ ունեցող անձինք:
19) 5-րդ ենթակետին են վերաբերում նաև ակտիվ հոդաբորբից (սուր ռևմատիկ տենդից), թունավարակիչ, վարակիչ սեպտիկ կամ վարակիչ ալերգիկ միոկարդիտից (սրտամկանի բորբոքումներից), սրտի իշեմիկ հիվանդության սուր ձևերից հետո նկատվող վիճակները:
20) Անձանց համար հիվանդության պատճառով արձակուրդի անհրաժեշտության մասին եզրակացություն է կայացվում ակտիվ հոդաբորբ, ոչ
հոդաբորբային բնույթի միոկարդիտներ, ինչպես նաև սրտամկանի ինֆարկտ տանելուց հետո, երբ վերականգնողական բուժումն ավարտելու և աշխատունակությունը լրիվ վերականգնելու համար պահանջվում է մեկ ամիսը գերազանցող ժամկետ:
21) Անձանց սրտամկանի տարածուն ինֆարկտից հետո եզրակացությունը կայացվում է ըստ 1-ին կամ 2-րդ ենթակետերի:
22) Սուր ռևմատիկ տենդով, այլ ծագման միոկարդիտով հիվանդացած անձանց փորձաքննությունն իրականացվում է 2-րդ, 3-րդ կամ 4-րդ ենթակետերի` ըստ հիվանդության ելքի:
25. Զարկերակային հիպերտենզիա.
1) 1-ին ենթակետին են վերաբերում երրորդ փուլի զարկերակային հիպերտենզիայի դանդաղ զարգացող, ինչպես նաև արագընթաց (չարորակ) ձևերը: Ախտանշանային հիպերտենզիայով տառապող Անձանց փորձաքննության համար անհրաժեշտ է ղեկավարվել կարգացուցակի համապատասխան կետերով` հիմք ընդունելով հիմնական հիվանդությունը, իսկ անարդյունք բուժման կամ բարդ ձևերի արմատական բուժման անհնարինության դեպքում` նաև սույն ենթակետով:
2) Զարկերակային հիպերտենզիայի երրորդ փուլը բնութագրվում է զարկերակային ճնշման կայուն, բարձր մակարդակով (նվազագույնը` սնդիկի սյան 110 մմ և ավելի, առավելագույնը` սնդիկի սյան 180 մմ և ավելի): Այս ցուցանիշները կարող են նվազել սրտամկանի ինֆարկտ տարած անձանց մոտ: Կլինիկական պատկերում գերակշռում են անոթային ծանր խանգարումները` պայմանավորված սրտի, ուղեղի, երիկամների և աչքի հատակի ախտահարումով, որոնք հանգեցնում են օրգանների ու համակարգերի ֆունկցիայի չափավոր խանգարման, սակայն բարեհաջող բուժման դեպքում հնարավոր է լրիվ կամ մասնակի վերականգնել աշխատունակությունը:
3) 2-րդ ենթակետին է վերաբերում երկրորդ փուլի զարկերակային հիպերտենզիան, որը բնորոշվում է զարկերակային ճնշման կայուն, բարձր մակարդակով (նվազագույնը` սնդիկի սյան 100-109 մմ, առավելագույնը` սնդիկի սյան 160-179 մմ) և առանց ախտածագումնաբանորեն հիմնավորված բուժման չի կարգավորվում: Զարկերակային հիպերտենզիայի երկրորդ փուլին հատուկ է սրտամկանի գերաճը` գերբեռնվածության, հիպոքսիայի կամ իշեմիայի նշաններով: Այն հաստատվում է ինչպես կլինիկական, այնպես էլ գործիքային հետազոտությունների ու չափավոր ծանրաբեռնվածության փորձերի միջոցով: Զարկերակային հիպերտենզիայի երկրորդ փուլին բնորոշ են նաև ուղեղի արյան շրջանառության, դինամիկ խանգարումներն անցողիկ (շարժողական, զգացողական, խոսքի, ուղեղիկային, լսողական և այլ բնույթի) դրսևորումներով: Օրգանների ու համակարգերի ֆունկցիան չափավոր խանգարված է, աշխատունակությունը նվազած, սակայն հաջող բուժման դեպքում կարող է լրիվ կամ մասնակի վերականգնվել:
4) 3-րդ ենթակետին է վերաբերում ստացիոնար հետազոտման ժամանակ բացահայտված զարկերակային հիպերտենզիայի առաջին փուլը, որը բնորոշվում է որևէ գրգռիչի ազդեցությամբ զարկերակային ճնշման կայուն բարձրացումով (նվազագույնը` սնդիկի սյան 90-ից 99 մմ, առավելագույնը` սնդիկի սյան 140-ից 159 մմ): Կլինիկական պատկերում սովորաբար բացակայում են գլխուղեղի, երիկամների օրգանական փոփոխությունները, առկա է աչքերի հատակի զարկերակների չափավոր նեղացում և երակների լայնացում, սրտամկանի գերաճի նշաններ
5) Զարկերակային հիպերտենզիայի դեպքում կատարվում է տարբերակված ախտորոշում` ախտանշանային հիպերտենզիան ժխտելու համար: Ախտանշանային հիպերտենզիայով տառապող անձինք փորձաքննվում են ըստ հիմնական հիվանդության:
6) 4-րդ ենթակետին են վերաբերում ստացիոնար հետազոտման ժամանակ ի հայտ եկած զարկերակային ճնշման ժամանակավոր բարձրացումը (դիաստոլիկը` սնդիկի սյան մինչև 90 մմ, սիստոլիկը` սնդիկի սյան կայուն մինչև 140 մմ կամ եզակի, ոչ կայուն սիստոլիկ ճնշման տատանումները մինչև 150 մմ): Կլինիկական պատկերում բացակայում են սրտի, գլխուղեղի, երիկամների օրգանական փոփոխությունները, ինչպես նաև աչքի հատակի փոփոխությունները:
26. Նեյրոցիրկուլյատոր ասթենիա (հիպերտենզիվ, հիպոտենզիվ, սրտային, այլ ձևեր կամ խառը ձևեր). Ներառում է սրտանոթային դրսևորումների գերակշռումով նեյրոցիրկուլյատոր ասթենիան: Նեյրոցիրկուլյատոր ասթենիայի ախտորոշումը պետք է հաստատվի ստացիոնար հետազոտման ժամանակ` նյարդաբանի, ակնաբույժի, անհրաժեշտության դեպքում` այլ մասնագետների խորհրդատվությամբ:
1) Հիպոտենզիվ տիպի նեյրոցիրկուլյատոր ասթենիան պետք է տարբերել առողջ մարդկանց ֆիզիոլոգիական հիպոտոնիայից, որի դեպքում գանգատներ չկան, աշխատունակությունը պահպանվում է ԶՃ սնդիկի սյան 90/50 100/60 մմ ցուցանիշների դեպքում: Նման անձինք ճանաչվում են պիտանի ծառայության համար: Պետք է բացառել ախտանշանային հիպոտոնիան, որը կարող է պայմանավորված լինել ներզատիչ գեղձերի, աղեստամոքսային համակարգի, թոքերի և այլ հիվանդություններով:
2) Նեյրոցիրկուլյատոր ասթենիայի հիպերտենզիվ ձևի տարբերակիչ ախտորոշման համար անհրաժեշտ է հետազոտել վահանաձև գեղձը, երիկամները և այլ օրգանները:
3) 1-ին ենթակետին են վերաբերում`
ա. հիպոտենզիվ տիպի նեյրոցիրկուլյատոր ասթենիան. ԶՃ-ն սնդիկի սյան 90/50 մմ ցուցանիշից կայուն ցածր է, առկա են մշտական գանգատներ, հաճախակի ուշագնացություն, սրտի ռիթմը կայուն խանգարված է, աշխատունակությունը նկատելիորեն նվազած, վեգետատիվ-անոթային խանգարումները ցայտուն են արտահայտված,
բ. հիպերտենզիվ տիպի նեյրոցիրկուլյատոր ասթենիա. ԶՃ-ն անկայուն է (սիստոլիկը տատանվում է 140-ից 180 մմ սս), առկա են մշտական գանգատներ, աշխատունակությունը նկատելիորեն ցածր է, վեգետատիվ-անոթային բնույթի դրսևորումները ցայտուն են և կայուն,
գ. սրտային (տախիկարդիտիկ) տիպի նեյրոցիրկուլյատոր ասթենիան. սրտի ռիթմը կայուն միտված է հաճախսրտության (120 զարկից ավելի` ըստ ԷՍԳ-ի և 180-ից ավելի` ըստ Հոլտեր-մոնիտորինգի) և առկա է կայուն կարդիալգիա` վեգետատիվ-անոթային խանգարումների ֆոնի վրա,
դ. սրտային (բրադիկարդիտիկ) տիպի նեյրոցիրկուլյատոր ասթենիան. սրտի ռիթմը կայուն միտված է հազվասրտության (50 զարկից պակաս` ըստ ԷՍԳ-ի և 36-ից պակաս` ըստ Հոլտեր-մոնիտորինգի):
4) 2-րդ ենթակետին են վերաբերում ուղեղի ժամանակավոր սակավարյունությամբ ուղեկցվող (ֆունկցիոնալ ուշագնացություն) վեգետատիվ-անոթային ճգնաժամերը, ինչպես նաև առանց ԿՆՀ-ի օրգանական ախտահարման նշանների` արմատական վիրահատությունից հետո առաջացած վիճակները: Վեգետատիվ-անոթային ասթենիան ախտորոշվում է միայն այն դեպքում, երբ նպատակաուղղված հետազոտությամբ նյարդային համակարգի վեգետատիվ խանգարումներով զուգորդվող այլ հիվանդություններ չեն հայտնաբերվում:
ա. Հիպոտենզիվ տիպի չափավոր նեյրոցիրկուլյատոր ասթենիան. ԶՃ-ն սնդիկի սյան 90/50 մմ ցուցանիշից ոչ կայուն ցածր է, հազվադեպ ուշագնացություն, սրտի ռիթմը աննշան խանգարված է, վեգետատիվ-անոթային խանգարումները արտահայտված են աննշան,
բ. հիպերտենզիվ տիպի չափավոր նեյրոցիրկուլյատոր ասթենիա. ԶՃ-ն անկայուն է (սիստոլիկը տատանվում է 130-ից 160 մմ սս), առկա են վեգետատիվ-անոթային բնույթի աննշան, ոչ կայուն դրսևորումներ,
գ. սրտային (տախիկարդիտիկ) տիպի չափավոր նեյրոցիրկուլյատոր ասթենիան. սրտի ռիթմը միտված է անցողիկ հաճախսրտության (մինչև 120 զարկ` ըստ ԷՍԳ-ի և մինչև 180` ըստ Հոլտեր-մոնիտորինգի),
դ. սրտային (բրադիկարդիտիկ) տիպի չափավոր նեյրոցիրկուլյատոր ասթենիան. սրտի ռիթմը միտված անցողիկ հազվասրտության (60-50 զարկ` ըստ ԷՍԳ-ի և 36-ից ավելի` ըստ Հոլտեր-մոնիտորինգի):
5) 3-րդ ենթակետին են վերաբերում 60-100 սրտի ռիթմի հաճախականությամբ և ԶՃ տատանումներով ուղեկցվող (սիստոլիկը` մինչև 140 և դիաստոլիկը` մինչև 90 մմ սնդիկի սյան) վիճակներն առանց սրտանոթային համակարգի օրգանական ախտահարման նշանների:
6) Ոչ մշտական սուբֆեբրիլիտետով ուղեկցվող նեյրոցիրկուլյատոր ասթենիայով անձինք փորձաքննվում են ըստ 2-րդ ենթակետի:
27. Պարբերական հիվանդություն. Ներառում է պարբերական հիվանդության բոլոր ձևերը (որովայնային, կրծքային, խառը) և դրանց բարդությունները: Այդ ձևերը կարող են ուղեկցվել հոդային համախտանիշով` խոշոր հոդերի ցավերով:
1) Հաշվի են առնվում`
ա. գանգատները և անամնեստիկ տվյալները (որովայնի, կրծքավանդակի շրջանում պարբերաբար առաջացող` 24-48 ժամ տևողությամբ, դողէրոցքով, ջերմության բարձրացմամբ ուղեկցվող նոպայաձև ցավերը, պարբերաբար կրկնվող հոդաբորբերը), բուժկանխարգելիչ հիմնարկների, ամբուլատոր հիմնարկների փաստաթղթերը,
բ. ժառանգական գործոնը (հարազատների հիվանդությունը),
գ. ստացիոնար հետազոտման տվյալներ`
- ստացիոնար պայմաններում նոպայի արձանագրում,
- առնվազն 3 անգամ լաբորատոր և գործիքային հետազոտությունների արդյունքներ,
- արյան գենետիկ հետազոտություն MEFV գենի մուտացիաների վերաբերյալ:
2) Ախտորոշման հաստատման համար առավել կարևոր է բուժհիմնարկների կողմից նոպայի հաստատված արձանագրությունը: Հիվանդությունը հաստատող լրացուցիչ վկայություն է որովայնի պատի հետվիրահատական սպիների (ապենդեկտոմիայի, խոլեցիստէկտոմիայի, կպումային հիվանդության և այլ պատճառներով) առկայությունը:
3) 1-ին ենթակետին են վերաբերում պարբերական հիվանդության հաճախակի նոպաները` ներքին օրգանների արտահայտված օրգանական փոփոխություններով (երիկամների ամիլոիդոզ, լյարդի, փայծաղի դիստրոֆիկ փոփոխություններ և այլն):
4) 2-րդ ենթակետին են վերաբերում պարբերական հիվանդության հազվադեպ նոպաները` առանց ներքին օրգանների ֆունկցիաների խանգարման:
5) Առանց արձանագրված կլինիկական դրսևորումների` ընդամենը մեկ հետերոզիգոտ վիճակում գտնվող գենետիկ մուտացիաներ ունեցող անձինք, ինչպես նաև վերջին երեք և ավելի տարիների ընթացքում նոպաների բացակայությամբ կամ ներքին օրգանների ախտահարման բացակայությամբ, ընդամենը մեկ հետերոզիգոտ մուտացիայով փորձաքննվողները 3-րդ ենթակետով ճանաչվում են պիտանի հետագա ծառայությանը:
6) Անձինք, որոնք ներքին օրգանների ֆունկցիայի խանգարում չունեն, ճանաչվում են պիտանի հետագա ծառայությանը: Ներքին օրգանների ախտահարման և ֆունկցիայի զգալի կամ չափավոր խանգարման դեպքում նրանք փորձաքննվում են ըստ 1-ին կամ 2-րդ ենթակետերի:
28. Մարսողական համակարգի հիվանդություններ. Ներառում է կերակրափողի, ստամոքսի և 12-մատնյա աղու հիվանդություններ (բարդություններով և առանց բարդությունների), աղիների հիվանդություններ (բարդություններով և առանց բարդությունների), լյարդի հիվանդություններ (մինչև ցիռոզի զարգանալը և լյարդի ցիռոզի փուլում)
1) 1-ին ենթակետին են վերաբերում ստամոքսի և տասներկումատնյա աղու խոցային հիվանդությունը` բարդացած պենետրացիայով կամ ստամոքսաելքի նեղացմանը հանգեցնող (վիրահատության վերաբերյալ ցուցումների բացակայության կամ դրանից հրաժարվելու դեպքում), ստամոքսի մասնահատման, աղեստամոքսային անաստամոզի հետևանքները` մարսողության ֆունկցիայի խիստ արտահայտված խանգարումով և սնուցման անկումով, լյարդի ցիռոզը, քրոնիկ, ակտիվ հեպատիտների և քրոնիկ պանկրեատիտների ծանր ձևերը` ֆունկցիաների խիստ արտահայտված խանգարումով, քրոնիկ, ոչ սպեցիֆիկ խոցային կոլիտների և էնտերիտների ծանր ձևերը` մարսողության խիստ արտահայտված խանգարումով և սնուցման անկումով:
2) 2-րդ ենթակետին են վերաբերում մարսողության չափավոր խանգարումով, սնուցման անկումով և հաճախակի, տևական սրացումներով (տարին երկու և ավելի անգամ) ուղեկցվող աղեստամոքսային համակարգի քրոնիկ հիվանդությունները` հեպատիտները, պանկրեատիտները, քարային և ոչ քարային խոլեցիստիտները, տարածուն էրոզիվ գաստրոդուոդենիտները` արտազատման, թթվագոյացման ֆունկցիաների զգալի խանգարմամբ, սնուցման անկումով և հաճախակի սրացումներով (տարին երկու և ավելի անգամ), որոնք պահանջում են կրկնակի և տևական հոսպիտալացում, քրոնիկ կրկնվող ոչ սպեցիֆիկ խոցային կոլիտները և էնտերիտները, խոցային էզոֆագիտները, քարային խոլեցիստիտները, եթե քարի չափը 0.6 սմ-ից ավելի է, կամ եթե առկա են 0,4 սմ-ից ավելի չափի 2 և ավելի քար, անգամ ֆունկցիայի աննշան խանգարմամբ:
3) Խոցային հիվանդության ախտորոշումը պետք է հաստատվի ստացիոնար պայմաններում, գործիքային հետազոտություններով: Գաստրոդուոդենալ ախտահարման ռենտգենաբանական հետազոտությունը կատարվում է հիվանդի ուղղահայաց և հորիզոնական դիրքով` բնական կոնտրաստով պիլորոդուոդենալ գոտու լիարժեք լցումով բազմառանցքային նշանոցային լուսանկարներ ստանալու համար (ռենտգեն ժապավենները ներկայացվում են փորձաքննական մարմնին):
4) 2-րդ ենթակետով են փորձաքննվում բուժմանը դժվար ենթարկվող ստամոքսի քրոնիկ խոցերը:
5) 2-րդ ենթակետին են վերաբերում նաև տասներկումատնյա աղու կոճղեզի արտահայտված ձևախախտումները և հեպատոսպլենոմեգալիաները, երբ լյարդը մեծացած է 2 սմ-ից ավելի և փայծաղը սահմանվածից մեծ է 1 սմ և ավելի:
6) Եթե լյարդի չափերը նորմալ են, ապա փորձաքննությունը կատարվում է ըստ ֆունկցիաների խանգարման աստիճանի:
7) Անկախ ախտածնային հիվանդությունների առկայությունից` կայուն 2 սմ-ից ավելի հեպատոմեգալիայով անձինք փորձաքննվում են 4-րդ կամ 2-րդ ենթակետերով` ըստ ֆունկցիայի խանգարման աստիճանի:
8) Սպլենոմեգալիայի և հեպատոմեգալիայի ժամանակ անհրաժեշտ է փորձաքննվողին հետազոտել ինֆեկցիոն, արյան համակարգի, տուբերկուլոզային, օնկոլոգիական, պարբերական հիվանդության, սիֆիլիսի և համակարգային հիվանդությունները ժխտելու նպատակով: Վերոհիշյալ խմբի հիվանդությունների հաստատման ժամանակ փորձաքննությունն իրականացվում է ըստ կարգացուցակի համապատասխան կետի:
9) Առանց կլինիկական նշանակության փայծաղի չափերի մեծացման ժամանակ որոշումը կայացվում է` նկատի ունենալով փայծաղի սահմանված անհատական նորման հետևյալ բանաձևով` փայծաղը = առողջ ձախ երիկամ + ձախ երիկամի 1/3 (սակայն ոչ ավելի, քան 16 սմ):
10) Չափավոր սպլենոմեգալիա (կայուն 16 սմ և ավելի) ունեցող անձինք փորձաքննվում են 2-րդ ենթակետով:
11) 3-րդ ենթակետին են վերաբերում որովայնի խոռոչի օրգանների սուր հիվանդությունների հետևանքները, լեղապարկի «համր» եզակի քարի առկայությունը, առանց լեղապարկի բորբոքման նշանների, ինչպես նաև դոլիխոսիգմայի առկայությունը, երբ աղիների դատարկումը տևում է մինչև 96 ժամ: Նույն ենթակետով են փորձաքննվում նաև տասներկումատնյա աղու խոցային հիվանդությունը, այն դեպքում, երբ բուժման կուրսի ավարտից անցել է մեկ ամիս և ավելի և առկա է կլինիկալաբորատոր ռեմիսիա: Անձանց տրվում է արձակուրդ այն դեպքերում, երբ աշխատունակության վերականգնման համար պահանջվում է առնվազն մեկ ամիս:
12) 4-րդ ենթակետին են վերաբերում ստամոքս-աղիքային համակարգի խոցերի առաջացումով սուր հիվանդությունները, որոնց բուժման կուրսի ավարտից չի անցել մեկ ամիսը:
13) Տասներկումատնյա աղու ոչ բարդ ախտանշաններով խոցերի դեպքում պիտանիությունը որոշվում է` ըստ հիմնական հիվանդության ծանրության ու ընթացքի:
14) Մասնակիցների համար կիրառվում է 5-րդ ենթակետը, եթե արյան մեջ անուղղակի բիլիռուբինը կայուն 30-ից մինչև 40 մկմոլ/լ է: Նույն ենթակետով են փորձաքննվում նաև մոտոր-էվակուատոր ֆունկցիայի 96-ից մինչև 120 ժամ դանդաղման դեպքերը, եթե այն չի ուղեկցում ինտոքսիկացիայի երևույթներով:
15) Բարորակ հիպերբիլիռուբինէմիայով Մասնակիցները, եթե նրանց արյան մեջ անուղղակի բիլիռուբինը մինչև 30 մկմոլ/լ է, և չկան լյարդի ֆունկցիայի խանգարումներ, ճանաչվում են պիտանի ծառայությանը:
16) Խոցային հիվանդության 5 տարի և ավելի ռեմիսիայի դեպքում ստամոքսի և տասներկումատնյա աղու ձևախախտման բացակայությամբ Մասնակիցները ճանաչվում են պիտանի բոլոր սյունակներով:
------------------------------------------------------------
ԻՐՏԵԿ - շարունակությունը հաջորդ մասերում