ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՎԱՐՉԱՊԵՏ
ՈՐՈՇՈՒՄ
7 հուլիսի 2022 թվականի N 790-Ա
ԱՐՄԵՆ ԱՐԶՈՒՄԱՆՅԱՆԻՆ ՌՈՒՍԱՍՏԱՆԻ ԴԱՇՆՈՒԹՅՈՒՆ ԳՈՐԾՈՒՂԵԼՈՒ ՄԱՍԻՆ
i
Հիմք ընդունելով «Կառավարության կառուցվածքի և գործունեության մասին» Հայաստանի Հանրապետության օրենքի 7-րդ հոդվածի 5-րդ մասը`
1. Հայաստանի Հանրապետության էկոնոմիկայի նախարարի տեղակալ Արմեն Արզումանյանին 2022 թվականի հուլիսի 9-ից 13-ը գործուղել Ռուսաստանի Դաշնություն (հուլիսի 9-10-ը` Մոսկվա, հուլիսի 10-12-ը` Կրասնոյարսկ, հուլիսի 12-13-ը` Մոսկվա)` Հայաստանի Հանրապետության Ազգային ժողովի և Ռուսաստանի Դաշնության Դաշնային ժողովի միջև համագործակցության Միջխորհրդարանական հանձնաժողովի 35-րդ նիստին և հանձնաժողովին կից գործող փորձագիտական խորհրդի աշխատանքային հանդիպմանը մասնակցելու նպատակով:
2. Արմեն Արզումանյանի` Ռուսաստանի Դաշնություն գործուղման ճանապարհածախսի` Երևան-Մոսկվա-Երևան ուղղությամբ ավիատոմսերի և օրապահիկի հետ կապված ծախսերը կատարել Հայաստանի Հանրապետության 2022 թվականի պետական բյուջեով արտասահմանյան պաշտոնական գործուղումների համար նախատեսված միջոցների հաշվին:
3. Ընդունել ի գիտություն, որ Արմեն Արզումանյանի` Ռուսաստանի Դաշնություն գործուղման ճանապարհածախսի` Մոսկվա-Կրասնոյարսկ-Մոսկվա ուղղությամբ ավիատոմսերի և գիշերակացի հետ կապված ծախսերը կատարվելու են հրավիրող կողմի միջոցների հաշվին:
4. Հայաստանի Հանրապետության էկոնոմիկայի նախարարին` ապահովել գործուղումից վերադառնալուց հետո եռօրյա ժամկետում Ռուսաստանի Դաշնություն գործուղման արդյունքների մասին հաշվետվությունը Հայաստանի Հանրապետության վարչապետի աշխատակազմ և Հայաստանի Հանրապետության արտաքին գործերի նախարարություն ներկայացնելը:
Հայաստանի Հանրապետության
վարչապետ Ն. Փաշինյան
2022 թ. հուլիսի 7
Երևան