Սեղմել Esc փակելու համար:
«ՀԱՅԿԱԿԱՆ ԱՎԻԱՈՒՂԻՆԵՐ» ՓԱԿ ԲԱԺՆԵՏԻՐԱԿ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

«ՀԱՅԿԱԿԱՆ ԱՎԻԱՈՒՂԻՆԵՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՄԱՍՆԱՎՈՐԵՑՄԱՆ ՆԱԽԱՊԱՏՐԱՍՏԱԿԱ ...

 

 

040.0755.251100

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«25» նոյեմբերի 2000 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

25 նոյեմբերի 2000 թվականի N 755

 

i

«ՀԱՅԿԱԿԱՆ ԱՎԻԱՈՒՂԻՆԵՐ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ՄԱՍՆԱՎՈՐԵՑՄԱՆ ՆԱԽԱՊԱՏՐԱՍՏԱԿԱՆ ԱՇԽԱՏԱՆՔՆԵՐԻ ԵՎ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅԱՆ 1998 ԹՎԱԿԱՆԻ ՓԵՏՐՎԱՐԻ 23-Ի N 102 ՈՐՈՇՈՒՄԸ ՄԱՍՆԱԿԻՈՐԵՆ ՈՒԺԸ ԿՈՐՑՐԱԾ ՃԱՆԱՉԵԼՈՒ ՄԱՍԻՆ

 

«Պետական գույքի մասնավորեցման (սեփականաշնորհման) մասին» Հայաստանի Հանրապետության օրենքի 24 հոդվածին համապատասխան և «Հայկական ավիաուղիներ» փակ բաժնետիրական ընկերության` պետությանը սեփականության իրավունքով պատկանող բաժնետոմսերի մասնավորեցման նախապատրաստական աշխատանքներն իրականացնելու նպատակով Հայաստանի Հանրապետության կառավարությունը որոշում է.

1. «Հայկական ավիաուղիներ» փակ բաժնետիրական ընկերության` պետությանը սեփականության իրավունքով պատկանող բաժնետոմսերի մասնավորեցման նախապատրաստական աշխատանքներն իրականացնելու նպատակով ստեղծել հանձնաժողով և հաստատել դրա կազմը (կցվում է):

2. Հայաստանի Հանրապետության տրանսպորտի և կապի նախարարությանը` երկամսյա ժամկետում` մասնավորեցվող պետական գույքի գնահատման համար անհրաժեշտ ելակետային տվյալները ներկայացնել Հայաստանի Հանրապետության պետական գույքի կառավարման նախարարություն` Հայաստանի Հանրապետության սեփականաշնորհման նախարարի 1999 թվականի հունիսի 2-ի «Մասնավորեցվող պետական գույքի գնահատման ելակետային տվյալների վերաբերյալ տեղեկանքների ձևերի փաթեթը հաստատելու մասին» հրամանին համապատասխան:

3. Հանձնաժողովին`

i

ա) 20-օրյա ժամկետում հաստատել «Հայկական ավիաուղիներ» փակ բաժնետիրական ընկերության` պետությանը սեփականության իրավունքով պատկանող բաժնետոմսերի մասնավորեցման նախապատրաստական աշխատանքներին աջակցելու նպատակով Հայաստանի Հանրապետության կառավարության խորհրդատուի ընտրության չափանիշները և ընտրության կարգը.

(3-րդ կետը ա ենթակետն ուժը կորցրել է 03.05.01 թիվ 377 որոշում)

բ) մեկամսյա ժամկետում մամուլում և զանգվածային լրատվության, էլեկտրոնային կապի միջոցներով հրապարակել տեղեկատվություն Հայաստանի Հանրապետության կառավարության խորհրդատուի ընտրության, ընտրության չափանիշների և կարգի մասին.

(3-րդ կետը բ ենթակետն ուժը կորցրել է 03.05.01 թիվ 377 որոշում)

գ) հայտարարության հրապարակման պահից երկամսյա ժամկետում կազմակերպել Հայաստանի Հանրապետության կառավարության խորհրդատուի ընտրությունը և արդյունքների մասին տեղեկատվություն ներկայացնել Հայաստանի Հանրապետության կառավարություն` Հայաստանի Հանրապետության կառավարության խորհրդատուի հետ խորհրդատվական ծառայությունների մատուցման պայմանագիր կնքելու համար.

(3-րդ կետը գ ենթակետն ուժը կորցրել է 03.05.01 թիվ 377 որոշում)

i

դ) «IBTCI» խորհրդատվական ընկերության հետ կնքել պայմանագիր և պայմանագիր կնքելու պահից եռամսյա ժամկետում Հայաստանի Հանրապետության կառավարություն ներկայացնել «Հայկական ավիաուղիներ» փակ բաժնետիրական ընկերության` պետությանը սեփականության իրավունքով պատկանող բաժնետոմսերի մասնավորեցման վերաբերյալ առաջարկություններ` հիմք ընդունելով Հայաստանի Հանրապետության կառավարության խորհրդատուի կողմից ներկայացված առաջարկությունները.

(3-րդ կետը դ ենթակետը փոփ. 03.05.01 թիվ 377 որոշում)

ե) անհրաժեշտության դեպքում բանակցություններ վարել հնարավոր ներդրողների հետ:

i

4. Ուժը կորցրած ճանաչել Հայաստանի Հանրապետության կառավարության 1998 թվականի փետրվարի 23-ի «Հայկական ավիաուղիներ» փակ բաժնետիրական ընկերության մասնավորեցման նախապատրաստական աշխատանքների մասին» N 102 որոշման 1-ին և 2-րդ կետերը և Հայաստանի Հանրապետության կառավարության 1998 թվականի հունիսի 8-ի «Հայաստանի Հանրապետության կառավարության 1998 թվականի փետրվարի 23-ի N 102 որոշման մեջ փոփոխություններ և լրացումներ կատարելու մասին» N 347 որոշումը:

5. Սույն որոշումն ուժի մեջ է մտնում 2000 թվականի նոյեմբերի 25-ից:

 

Հաստատված է

ՀՀ կառավարության 2000 թ.

նոյեմբերի 25-ի N 755 որոշմամբ

 

ԿԱԶՄ

 

«Հայկական ավիաուղիներ» փակ բաժնետիրական ընկերության

բաժնետոմսերի մասնավորեցման նախապատրաստական

աշխատանքներն իրականացնող հանձնաժողովի

 

    Վ. Խաչատրյան      - ՀՀ ֆինանսների և  էկոնոմիկայի նախարար (հանձնաժողովի

                        նախագահ)

    Դ. Վարդանյան      - ՀՀ պետական գույքի կառավարման նախարար

Դ. Հարությունյան  - ՀՀ արդարադատության նախարար

    Հ. Երիցյան        - ՀՀ կառավարությանն առընթեր քաղաքացիական ավիացիայի

                        գլխավոր վարչության պետ

    Վ. Յաղուբյան      - իրավական հարցերով խորհրդատու (համաձայնությամբ)

 

 

pin
ՀՀ կառավարություն
25.11.2000
N 755
Որոշում