ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 օգոստոսի 2022 թվականի N 1198-Ն
ՀԱՄԱՅՆՔԱՅԻՆ ՄԱՍՀԱՆՈՒՄՆԵՐԻ ԾԱԽՍԵՐԻ ՄԱՍՈՎ ՀԱՇՎԵՏՎՈՒԹՅԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐԸ ԵՎ ՀԱՇՎԵՏՎՈՒԹՅԱՆ ՁԵՎԱՉԱՓԸ ՀԱՍՏԱՏԵԼՈՒ ՄԱՍԻՆ
i
Հիմք ընդունելով «Հայաստանի Հանրապետության բյուջետային համակարգի մասին» օրենքի 35-րդ հոդվածի 3.1-ին մասը` Հայաստանի Հանրապետության կառավարությունը որոշում է.
1. Հաստատել`
1) համայնքային մասհանումների ծախսերի մասով հաշվետվությանը ներկայացվող պահանջները` համաձայն N 1 հավելվածի.
2) համայնքային մասհանումների ծախսերի մասով հաշվետվության ձևաչափը` համաձայն N 2 հավելվածի:
2. Հայաստանի Հանրապետության տարածքային կառավարման և ենթակառուցվածքների նախարարին` սույն որոշումն ընդունվելուց հետո 10 աշխատանքային օրվա ընթացքում համայնքային մասհանումների ծախսերի մասով հաշվետվությանը ներկայացվող պահանջները և ձևաչափը տեղադրել Հայաստանի Հանրապետության տարածքային կառավարման և ենթակառուցվածքների նախարարության պաշտոնական կայքում:
3. Սույն որոշումն ուժի մեջ է մտնում 2023 թվականի հունվարի 1-ից:
Հայաստանի Հանրապետության
փոխվարչապետ Մ. Գրիգորյան
2022 թ. օգոստոսի 4
Երևան
Հավելված N 1
ՀՀ կառավարության
2022 թվականի օգոստոսի 4-ի
N 1198-Ն որոշման
ՀԱՄԱՅՆՔԱՅԻՆ ՄԱՍՀԱՆՈՒՄՆԵՐԻ ԾԱԽՍԵՐԻ ՄԱՍՈՎ ՀԱՇՎԵՏՎՈՒԹՅԱՆԸ ՆԵՐԿԱՅԱՑՎՈՂ ՊԱՀԱՆՋՆԵՐԸ
1. Սույն հավելվածով սահմանվում են «Տեղական ինքնակառավարման մասին» օրենքի 11-րդ հոդվածի 5-րդ մասի 4.1-ին կետով սահմանված համայնքային մասհանումների ծախսերի մասով հաշվետվություններին ներկայացվող պահանջները, կարգավորվում են հաշվետվությունները կազմելու և ներկայացնելու հետ կապված հարաբերությունները:
2. Համայնքային մասհանումների ծախսերի մասով ընթացիկ տարվա ծրագրի (այսուհետ` ծրագիր) վերաբերյալ յուրաքանչյուր տարի մինչև հաջորդ տարվա մարտի 1-ը ներկայացվում է տարեկան հաշվետվություն:
3. Հաշվետվությունը կազմվում և ստորագրվում է համայնքի ղեկավարի կողմից` սույն որոշման N 2 հավելվածով հաստատված ձևաչափին համապատասխան` թղթային կամ էլեկտրոնային տարբերակով:
4. Համայնքներին բաշխված համայնքային մասհանումների ծախսերի մասով հաշվետվությունն առանձին հրապարակվում է տվյալ համայնքի պաշտոնական կայքում համայնքի ավագանու հաստատելուց հետո` հնգօրյա ժամկետում: Վերջինիս բացակայության դեպքում համայնքի ղեկավարի ներկայացմամբ հրապարակվում է համապատասխան մարզպետարանի պաշտոնական կայքում:
Հավելված N 2
ՀՀ կառավարության
2022 թվականի օգոստոսի 4-ի
N 1198-Ն որոշման
Ձևաչափ
ՀԱՄԱՅՆՔԱՅԻՆ ՄԱՍՀԱՆՈՒՄՆԵՐԻ ԾԱԽՍԵՐԻ ՄԱՍՈՎ ՀԱՇՎԵՏՎՈՒԹՅԱՆ
ՀՀ __________ մարզի _____________ համայնքի
____________________ ազդակիր բնակավայրում (բնակավայրերում)
Համայնքային մասհանումների ծախսման իրականացված ծրագրի մասին
(Եթե ծրագիրն իրականացվել է համայնքի մի քանի ազդակիր բնակավայրերում, ապա նշել դրանց անվանումները)
«Տեղական ինքնակառավարման մասին» օրենքի 11-րդ հոդվածի 5-րդ մասի 4.1-ին կետով սահմանված` համայնքային մասհանումների ծախսման ծրագրի (այսուհետ` ծրագիր) անվանումը
______________________________________________________________________
______________________________________________________________________
1. ԾՐԱԳՐԻ ՀԱԿԻՐՃ ՆԿԱՐԱԳՐՈՒԹՅՈՒՆԸ
Ծրագրի իրավական հիմքերը (նշել համայնքի ավագանու որոշման և ՀՀ պետական բյուջեի մասին օրենքի ամսաթիվը և համարը) _______________________
1. Ծրագրի սկիզբը և ավարտը _________________________
2. Ծրագրի նախագծային արժեքը ________ հազ. դրամ
3. Համայնքի առկա խնդիրները և նախնական վիճակի նկարագրությունը (ծրագրով նախատեսված ազդակիր բնակավայրի (համայնքի) սոցիալ-տնտեսական զարգացման առնչությամբ)
______________________________________________________________________
4. Ծրագրի նպատակը_____________________________________________________
5. Ծրագրով հաստատված վերջնական ակնկալվող արդյունքները ________________
6. Ծրագրի փաստացի արդյունքները_________________________________________
7. Ծրագրի շահառուները (նկարագրել շահառուների խումբը` ըստ տարիքային, մասնագիտական, կարիքավորության կամ այլ գործոնների և նախատեսվող թիվը)
______________________________________________________________________
8. Ծրագրի շրջանակում նախատեսված միջոցառումները և դրանց ընտրության հիմնավորումները (նշել ծրագրի, ինչպես նաև ծրագրում ընդգրկված միջոցառումների ընտրման հիմնական պատճառները)____________________________
2. ԾՐԱԳՐԻ ԻՐԱԿԱՆԱՑՈՒՄԸ
1. Ծրագրի իրականացման փաստացի արժեքը _______ հազ. դրամ
2. Ծրագրի փաստացի շահառուները (նշել փաստացի շահառուների խումբը և թիվը ամբողջ ծրագրի ընթացքում)__________________________________
3. Ծրագրի շրջանակում իրականացված միջոցառումները (նշել փաստացի իրականացված միջոցառումները` յուրաքանչյուրի մասով կատարված աշխատանքների, նկարագրությամբ) __________________________________
4. Ծրագիրն իրականացնողները և աջակցողները (թվարկել ծրագրի յուրաքանչյուր միջոցառման մասով իրականացման մասնակիցների (ՏԻՄ, իրավաբանական անձ, ծրագրի իրականացման նպատակով հավելյալ ֆինանսական միջոցներ տրամադրող անձ) անվանումները _____________________________________
5. Ծրագրի փաստացի վերջնական արդյունքների նկարագրությունը______________________________________________
6. Հաշվետվության հրապարակումը (նշել կայքէջում տեղադրման ամսաթիվը, ԶԼՄ-ներում հրապարակման դեպքում` նաև տալ հղումները) __________________
_________________________ _________________________
(զբաղեցրած պաշտոնը) (անունը, ազգանունը)
_________________________
(ստորագրությունը)
Պաշտոնական հրապարակման օրը` 5 օգոստոսի 2022 թվական: