ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
4 օգոստոսի 2022 թվականի N 1225-Ա
«ՁԵՌՆԱՐԿԱՏԵՐ+ՊԵՏՈՒԹՅՈՒՆ ՀԱԿԱՃԳՆԱԺԱՄԱՅԻՆ ՆԵՐԴՐՈՒՄՆԵՐԻ ԿԱՌԱՎԱՐԻՉ» ՓԱԿ ԲԱԺՆԵՏԻՐԱԿԱՆ ԸՆԿԵՐՈՒԹՅԱՆ ԲԱՆԿԱՅԻՆ ՍՊԱՍԱՐԿՈՒՄԸ ԳԱՆՁԱՊԵՏԱՐԱՆԻՆ ՎԵՐԱՊԱՀԵԼՈՒ ՄԱՍԻՆ
i
Հիմք ընդունելով «Գանձապետական համակարգի մասին» Հայաստանի Հանրապետության օրենքի 14-րդ հոդվածի 5-րդ մասի «է» և 6-րդ մասի «զ» կետերը, ինչպես նաև «Բաժնետիրական ընկերությունների մասին» Հայաստանի Հանրապետության օրենքի 2-րդ հոդվածի 5-րդ մասը` Հայաստանի Հանրապետության կառավարությունը որոշում է.
1. Սահմանել, որ «Ձեռնարկատեր+Պետություն հակաճգնաժամային ներդրումների կառավարիչ» փակ բաժնետիրական ընկերության (այսուհետ` ընկերություն) «Ձեռնարկատեր+Պետություն հակաճգնաժամային ներդրումներ» ոչ հրապարակային մասնագիտացված պայմանագրային ներդրումային ֆոնդում փայերի ձեռքբերման նպատակով Հայաստանի Հանրապետության պետական բյուջեից հատկացված (հատկացվող) դրամական միջոցների (այսուհետ` դրամական միջոցներ) հաշվին ծախսերի կազմակերպումն իրականացվում է ընկերության բանկային սպասարկումն ապահովելու համար Հայաստանի Հանրապետության գանձապետարանում բացված գանձապետական հաշվով (հաշիվներով):
2. Ընկերությանը` սույն որոշումն ուժի մեջ մտնելուց հետո եռամսյա ժամկետում ապահովել մինչև սույն որոշման ուժի մեջ մտնելը սույն որոշման 1-ին կետում նշված նպատակով հատկացված և չծախսված դրամական միջոցների փոխանցումն ընկերության բանկային սպասարկման համար բացված գանձապետական հաշվին (հաշիվներին):
Հայաստանի Հանրապետության
վարչապետ Ն. Փաշինյան
2022 թ. օգոստոսի
Երևան