Սեղմել Esc փակելու համար:
ՆԱԽԿԻՆՈՒՄ ԿԵՆՍԱԹՈՇԱԿԻ ԱՆՑԱԾ ԶԻՆԾԱՌԱՅՈ...
Քարտային տվյալներ

Տեսակ
Գործում է
Ընդունող մարմին
Ընդունման ամսաթիվ
Համար

Վավերացման ամսաթիվ
ՈՒժի մեջ մտնելու ամսաթիվ
ՈՒժը կորցնելու ամսաթիվ
Ընդունման վայր
Սկզբնաղբյուր

Ժամանակագրական տարբերակ Փոփոխություն կատարող ակտ

Որոնում:
Բովանդակություն

Հղում իրավական ակտի ընտրված դրույթին X
irtek_logo

ՆԱԽԿԻՆՈՒՄ ԿԵՆՍԱԹՈՇԱԿԻ ԱՆՑԱԾ ԶԻՆԾԱՌԱՅՈՂՆԵՐԻ ԿԵՆՍԱԹՈՇԱԿՆԵՐԸ ՎԵՐԱՀԱՇՎԱՐԿԵԼՈՒ ԿԱՐԳԻ ...

 

 

040.0779.271100

«ՎԱՎԵՐԱՑՆՈՒՄ ԵՄ»
ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ
ՆԱԽԱԳԱՀ Ռ. ՔՈՉԱՐՅԱՆ

 

«27» նոյեմբերի 2000 թ.

 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

 

27 նոյեմբերի 2000 թվականի N 779

 

i

ՆԱԽԿԻՆՈՒՄ ԿԵՆՍԱԹՈՇԱԿԻ ԱՆՑԱԾ ԶԻՆԾԱՌԱՅՈՂՆԵՐԻ ԿԵՆՍԱԹՈՇԱԿՆԵՐԸ ՎԵՐԱՀԱՇՎԱՐԿԵԼՈՒ ԿԱՐԳԻ ԵՎ ՎՃԱՐՄԱՆ ԺԱՄԿԵՏԻ ՄԱՍԻՆ

 

«Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքի 38 հոդվածին համապատասխան` Հայաստանի Հանրապետության կառավարությունը որոշում է.

i

1. Մինչև 1998 թվականի դեկտեմբերի 1-ը կենսաթոշակի անցած զինծառայողների կենսաթոշակները վերահաշվարկել` ելնելով 2001 թվականի հունվարի 1-ի դրությամբ զինվորական ծառայության մեջ գտնվող` համապատասխան պաշտոններ զբաղեցրած զինծառայողների ամսական դրամական բավարարման չափերից:

Կենսաթոշակների ամսական չափերի վերահաշվարկման ժամանակ սննդի փոխհատուցման գործող գումարը հաշվի է առնվում 100 տոկոսի չափով:

(1-ին կետը փոփ. 01.07.04 թիվ 922-Ն, 24.02.05 թիվ 175-Ն որոշումներ)

2. Զինծառայողների ամսական դրամական բավարարման մեջ մտնում են Հայաստանի Հանրապետության վարչապետի որոշմամբ սահմանված պաշտոնային դրույքաչափը, զինվորական կոչման դրույքաչափն ու երկարամյա ծառայության համար նշված դրույքաչափերից հաշվարկվող տոկոսային հավելումները:

i

3. Սահմանել, որ նախկինում կենսաթոշակի անցած զինծառայողների կենսաթոշակների վերահաշվարկման համար ամսական դրամական բավարարման մեջ 2003 թվականի հունվարի 1-ից հիմք են ընդունվում զինվորական ծառայության մեջ գտնվող զինծառայողների համապատասխան պաշտոնների համար Հայաստանի Հանրապետության վարչապետի 1999 թվականի ապրիլի 16-ի «Հայաստանի Հանրապետության բյուջետային հիմնարկների աշխատողների պաշտոնային դրույքաչափերը սահմանելու մասին» N 226 որոշմամբ սահմանված պաշտոնային դրույքաչափերը:

(3-րդ կետը փոփ. 30.01.03 թիվ 69-Ն որոշում)

4. Նախկինում կենսաթոշակի անցած զինծառայողների երկարամյա ծառայության համար համապատասխան պաշտոնային և զինվորական կոչման դրույքաչափերի նկատմամբ հաշվարկվող հավելումները սահմանել հետևյալ տոկոսաչափերով`

 

    2-5 տարվա`          5 տոկոսի,

    5-10 տարվա`         10 տոկոսի,

    10-15 տարվա`        15 տոկոսի,

    15-20 տարվա`        20 տոկոսի,

    20-25 տարվա`        25 տոկոսի,

25 տարվանից ավելի`  30 տոկոսի չափով:

 

5. Զինծառայողների կենսաթոշակները վերահաշվարկվում են Հայաստանի Հանրապետության պաշտպանության նախարարության, Հայաստանի Հանրապետության ներքին գործերի նախարարության, Հայաստանի Հանրապետության ազգային անվտանգության նախարարության, Հայաստանի Հանրապետության կառավարությանն առընթեր արտակարգ իրավիճակների վարչության կենսաթոշակներ նշանակող ստորաբաժանումները:

6. Մինչև 1998 թվականի դեկտեմբերի 1-ը կենսաթոշակի անցած զինծառայողների վերահաշվարկված կենսաթոշակները վճարել 2001 թվականի հունվարի 1-ից:

7. Հայաստանի Հանրապետության ֆինանսների և էկոնոմիկայի նախարարությանը` Հայաստանի Հանրապետության 2001 թվականի պետական բյուջեի նախագծում նախատեսել համապատասխան միջոցներ` վերահաշվարկված կենսաթոշակները վճարելու համար:

7.1. Հայաստանի Հանրապետության սոցիալական ապահովագրության պետական հիմնադրամի նախագահին` մինչև 1999 թվականի հունվարի 1-ը նշանակված` զոհված (մահացած) զինծառայողների ընտանիքների անդամների կենսաթոշակները վերահաշվարկել «Զինծառայողների և նրանց ընտանիքների անդամների սոցիալական ապահովության մասին» Հայաստանի Հանրապետության օրենքի 24-րդ հոդվածին համապատասխան և վերահաշվարկված կենսաթոշակները վճարել 2006 թվականի հունվարի 1-ից:

(7.1-րդ կետը լրաց. 22.09.05 թիվ 1554-Ն որոշում)

i

8. Ուժը կորցրած ճանաչել Հայաստանի Հանրապետության կառավարության 1999 թվականի դեկտեմբերի 18-ի «Նախկինում կենսաթոշակի անցած զինծառայողների կենսաթոշակները վերահաշվարկելու կարգի և ժամկետների մասին» N 759 որոշումը (Հայաստանի Հանրապետության կառավարության 2000 թվականի հունվարի 21-ի N 20 որոշման խմբագրությամբ`) բացառությամբ 8-րդ կետի, և 2000 թվականի մարտի 13-ի «Նախկինում կենսաթոշակի անցած զինծառայողների վերահաշվարկված կենսաթոշակների վճարման ժամկետների մասին» N 115 որոշումը:

9. Սույն որոշումն ուժի մեջ է մտնում 2001 թվականի հունվարի 1-ից:

 

 

pin
ՀՀ կառավարություն
27.11.2000
N 779
Որոշում