ԱԶԱՏԻ ՋՐԱՄԲԱՐԻ ՄԵՌՅԱԼ ԾԱՎԱԼԻ ՀՈՐԻԶՈՆԸ ԻՋԵՑՆԵԼՈՒ ՄԱՍԻՆ

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ

ՈՐՈՇՈՒՄ

16 սեպտեմբերի 2022 թվականի N 1426-Ա

ԱԶԱՏԻ ՋՐԱՄԲԱՐԻ ՄԵՌՅԱԼ ԾԱՎԱԼԻ ՀՈՐԻԶՈՆԸ ԻՋԵՑՆԵԼՈՒ ՄԱՍԻՆ

Ղեկավարվելով Հայաստանի Հանրապետության ջրային օրենսգրքի 3-րդ հոդվածով և «Ջրի ազգային ծրագրի մասին» Հայաստանի Հանրապետության օրենքի 7-րդ հոդվածի 3-րդ և 5-րդ մասերով` Հայաստանի Հանրապետության կառավարությունը որոշում է.

1. Թույլատրել Ազատի ջրամբարի մեռյալ ծավալի հորիզոնը իջեցնել մինչև ջրամբարի մեռյալ ծավալի հնարավոր օգտագործելի մասի 993 մ նիշը` հատակային ջրթողի ջրառման հանգույցի տեխնիկական վիճակն ուսումնասիրելու և ջրառ իրականացնելու նպատակով:

2. Ջրամբարի թասում ջրի հորիզոնի իջեցմամբ պայմանավորված ջրի ծավալներն առավել չափով ուղղել ոռոգման ջրապահանջարկի ծածկմանը:

Հայաստանի Հանրապետության

    վարչապետ                     Ն. Փաշինյան

2022 թ. սեպտեմբերի

Երևան