ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԿԱՌԱՎԱՐՈՒԹՅՈՒՆ
ՈՐՈՇՈՒՄ
6 հոկտեմբերի 2022 թվականի N 1538-Ն
ՄԱՐԴԿԱՆՑ ԹՐԱՖԻՔԻՆԳԻ ԵՎ ՇԱՀԱԳՈՐԾՄԱՆ ԶՈՀԵՐԻՆ ԵՎ ՀԱՏՈՒԿ ԿԱՏԵԳՈՐԻԱՅԻ ԶՈՀԵՐԻՆ ԿԱՑԱՐԱՆԻ ՏՐԱՄԱԴՐՄԱՆ, ԲՆԱԻՐԱՅԻՆ, ՀՈԳԵԲԱՆԱԿԱՆ, ԽՈՐՀՐԴԱՏՎԱԿԱՆ, ԻՐԱՎԱԲԱՆԱԿԱՆ ՕԳՆՈՒԹՅԱՆ ԵՎ ԽՆԱՄՔԻ ՏՐԱՄԱԴՐՄԱՆ, ԱՅԴ ԹՎՈՒՄ` ՀԱՄԱՊԱՏԱՍԽԱՆ ՀԱՍՏԱՏՈՒԹՅՈՒՆՆԵՐՈՒՄ, ՈՐԱԿԻ ՆՎԱԶԱԳՈՒՅՆ ՉԱՓՈՐՈՇԻՉՆԵՐԸ ՍԱՀՄԱՆԵԼՈՒ ՄԱՍԻՆ
Հիմք ընդունելով «Մարդկանց թրաֆիքինգի և շահագործման ենթարկված անձանց նույնացման և աջակցության մասին» Հայաստանի Հանրապետության օրենքի 22-րդ հոդվածի 2.2-րդ մասը` Հայաստանի Հանրապետության կառավարությունը որոշում է.
1. Սահմանել մարդկանց թրաֆիքինգի և շահագործման զոհերին և հատուկ կատեգորիայի զոհերին կացարանի տրամադրման, բնաիրային, հոգեբանական, խորհրդատվական, իրավաբանական օգնության և խնամքի տրամադրման, այդ թվում` համապատասխան հաստատությունում, որակի նվազագույն չափորոշիչները` համաձայն հավելվածի:
2. Սույն որոշումն ուժի մեջ է մտնում պաշտոնական հրապարակմանը հաջորդող օրվանից:
Հայաստանի Հանրապետության
փոխվարչապետ Մ. Գրիգորյան
2022 թ. հոկտեմբերի 6
Երևան
Հավելված
ՀՀ կառավարության
2022 թվականի հոկտեմբերի 6-ի
N 1538-Ն որոշման
ՈՐԱԿԻ ՆՎԱԶԱԳՈՒՅՆ ՉԱՓՈՐՈՇԻՉՆԵՐ ՄԱՐԴԿԱՆՑ ԹՐԱՖԻՔԻՆԳԻ ԵՎ ՇԱՀԱԳՈՐԾՄԱՆ ԶՈՀԵՐԻՆ ԵՎ ՀԱՏՈՒԿ ԿԱՏԵԳՈՐԻԱՅԻ ԶՈՀԵՐԻՆ ԿԱՑԱՐԱՆԻ ՏՐԱՄԱԴՐՄԱՆ, ԲՆԱԻՐԱՅԻՆ, ՀՈԳԵԲԱՆԱԿԱՆ, ԽՈՐՀՐԴԱՏՎԱԿԱՆ, ԻՐԱՎԱԲԱՆԱԿԱՆ ՕԳՆՈՒԹՅԱՆ ԵՎ ԽՆԱՄՔԻ ՏՐԱՄԱԴՐՄԱՆ, ԱՅԴ ԹՎՈՒՄ` ՀԱՄԱՊԱՏԱՍԽԱՆ ՀԱՍՏԱՏՈՒԹՅՈՒՆՆԵՐՈՒՄ
1. ԸՆԴՀԱՆՈՒՐ ԴՐՈՒՅԹՆԵՐ
1. Սույն հավելվածով սահմանված` մարդկանց թրաֆիքինգի և շահագործման զոհերին և հատուկ կատեգորիայի զոհերին կացարանի տրամադրման, բնաիրային, հոգեբանական, խորհրդատվական, իրավաբանական օգնության և խնամքի տրամադրման, այդ թվում` համապատասխան հաստատությունում, որակի չափորոշիչները հանդիսանում են նվազագույն: Մարդկանց թրաֆիքինգի և շահագործման զոհերին և հատուկ կատեգորիայի զոհերին կացարան տրամադրող, բնաիրային, հոգեբանական, խորհրդատվական, իրավաբանական օգնություն և խնամք տրամադրող հաստատությունները և կազմակերպությունները կարող են լավարկել այն չափորոշիչները, որոնցով տրամադրելու են համապատասխան ծառայությունները կամ ներկայացնել առավել բարելավված պայմաններ:
2. Սույն հավելվածի 1-ին կետում նշված ծառայությունների չափորոշիչները ներկայացվում են ըստ ծառայությունների տեսակների:
3. Սույն հավելվածով նախատեսված ծառայությունները տրամադրելիս անհրաժեշտ է ապահովել հետևյալ պայմանները`
1) խտրականության բացառում.
2) մարդկանց թրաֆիքինգի և շահագործման զոհերի և հատուկ կատեգորիայի զոհերի անվտանգության ու արդար վերաբերմունքի ապահովում.
3) արդարադատության հասանելիություն և հայցային պահանջ ներկայացնելուն չխոչընդոտում.
4) վերաինտեգրման ապահովում.
5) մարդկանց թրաֆիքինգի և շահագործման զոհերի և հատուկ կատեգորիայի զոհերի անձնական կյանքի գաղտնիության ապահովում.
6) հատուկ կատեգորիայի երեխա զոհի լավագույն շահի ապահովում.
7) մարդկանց թրաֆիքինգի և շահագործման զոհի և հատուկ կատեգորիայի զոհի կարծիքը հաշվի առնելը (հատուկ կատեգորիայի զոհերի կարծիքը հաշվի է առնվում նրանց տարիքին և հասունության մակարդակին համապատասխան):
4. Սույն հավելվածի 3-րդ կետով նախատեսված պայմաններն անվերապահորեն կիրառելի են մարդկանց թրաֆիքինգի և շահագործման բոլոր զոհերի և հատուկ կատեգորիայի զոհերի նկատմամբ:
2. ԿԱՑԱՐԱՆԻ ՏՐԱՄԱԴՐՄԱՆ ՈՐԱԿԻ ՆՎԱԶԱԳՈՒՅՆ ՉԱՓՈՐՈՇԻՉՆԵՐԸ
5. Մարդկանց թրաֆիքինգի և շահագործման զոհերին և հատուկ կատեգորիայի զոհերին կացարան տրամադրվում է միայն դրա անհրաժեշտության դեպքում` մարդկանց թրաֆիքինգի և շահագործման զոհի գրավոր համաձայնությամբ: Մարդկանց թրաֆիքինգի և շահագործման հատուկ կատեգորիայի զոհի փոխարեն համաձայնությունը տրվում է նրա ծնողի, օրինական ներկայացուցչի, խնամակալի կամ նման համաձայնություն տալու իրավունք ունեցող այլ անձի կողմից:
6. Կացարանը պետք է համապատասխանի հակահրդեհային և Հայաստանի Հանրապետության օրենսդրությամբ նախատեսված անվտանգության այլ կանոններին:
7. Մարդկանց թրաֆիքինգի և շահագործման զոհերին և հատուկ կատեգորիայի զոհերին կացարան տրամադրելու նախապայմաններն են`
1) անվտանգության ապահովումը` ներառյալ կացարանն անվտանգության համակարգով կահավորելը, տեսախցիկները և կացարանում անհատական պաշտպանության միջոցների (աերոզոլային սարքեր, ազդարարման համակարգ և այլն) առկայությունը: Արգելվում է տեսախցիկներ տեղադրել բնակելի սենյակում և սանհանգույցում.
2) գաղտնիությունը` ներառյալ կացարանի գտնվելու վայրի մասին տեղեկատվությունը չհրապարակելը:
8. Կացարանի տրամադրումը չի պարտավորեցնում մարդկանց թրաֆիքինգի և շահագործման զոհերին և հատուկ կատեգորիայի զոհերին ստանալ բոլոր ծառայությունները, որոնք տրամադրվում են կացարանում: Մարդկանց թրաֆիքինգի և շահագործման կոնկրետ զոհին և հատուկ կատեգորիայի զոհին` կացարանում տրամադրվող ծառայությունները պետք է հիմնվեն նրա կարիքների գնահատման վրա:
9. Կացարանում համակեցության կանոնների պահպանումը և կացարանում գտնվող այլ անձանց իրավունքները և ազատությունները հարգելն ու չոտնահարելը պարտադիր է: Կացարանում համակեցության կանոնների պահպանման կամ կացարանում գտնվող այլ անձի իրավունքները և ազատությունները հարգելու ու չոտնահարելու նկատմամբ վերահսկողությունն իրականացնում է կացարան տրամադրող կազմակերպությունը կամ հաստատությունը:
10. Կացարանում մարդկանց թրաֆիքինգի և շահագործման զոհի կամ հատուկ կատեգորիայի զոհի ընդունելությունն իրականացվում է շուրջօրյա` կացարանի հերթապահի կողմից: Մարդկանց թրաֆիքինգի և շահագործման հատուկ կատեգորիայի երեխա զոհերն ընդունվում են իրենց օրինական ներկայացուցչի հետ, եթե այդպիսին կա, և եթե դա չի հակասում երեխայի լավագույն շահին, իսկ մարդկանց թրաֆիքինգի և շահագործման զոհերն ընդունվում են իրենց խնամքի տակ գտնվող երեխաների հետ միասին: Եթե մարդկանց թրաֆիքինգի և շահագործման զոհի խնամքի տակ գտնվող երեխան 12 տարեկանից բարձր է, ապա զոհն իր երեխայի հետ համատեղ կացարանում տեղավորվում է այնպես, որպեսզի բացառվի մարդկանց թրաֆիքինգի և շահագործման այլ զոհերի կամ հատուկ կատեգորիայի զոհերի հետ շփումը, բացառությամբ այն դեպքերի, եթե այդ շփումը բխում է երեխայի լավագույն շահից: Եթե մարդկանց թրաֆիքինգի և շահագործման զոհը գտնվում է ծանր հոգեբանական վիճակում, ապա նրա խնամքի տակ գտնվող երեխան նրա հետ միասին ընդունվում է կացարան, եթե դա բխում է երեխայի լավագույն շահից կամ մինչև մարդկանց թրաֆիքինգի և շահագործման զոհի ծանր հոգեբանական վիճակի բարելավումը նրա և երեխայի շփումը կազմակերպվում է սոցիալական աշխատողի կամ հոգեբանի ներկայությամբ:
11. Կացարանում մարդկանց թրաֆիքինգի և շահագործման զոհին կամ հատուկ կատեգորիայի զոհին ընդունում են անձնագրով կամ անձը հաստատող այլ փաստաթղթով, իսկ դրանց բացակայության դեպքում` առանց դրա` նշում կատարելով այլ փաստաթղթերից մարդկանց թրաֆիքինգի և շահագործման զոհի կամ հատուկ կատեգորիայի զոհի անունը, ազգանունը, ծննդյան տարեթիվը և այլ տվյալներ, որոնք հայտնի են:
12. Կացարան ընդունելիս մարդկանց թրաֆիքինգի և շահագործման զոհին կամ հատուկ կատեգորիայի զոհին գրանցում են հաշվառման մատյանում, նրան ենթարկում են բժշկական զննման, ըստ անհրաժեշտության` նաև սանիտարական մշակման, և տեղափոխում կարանտինային բաժանմունք մինչև 15 օր տևողությամբ: Վարակիչ հիվանդությունների արձանագրման դեպքում կարանտինային բաժանմունքում նախատեսվում է առանձնացված սենյակ` մեկուսացման նպատակով:
i
13. Անձը չի կարող ընդունվել կացարան` ներառյալ կարանտինային բաժանմունքում գտնվելուց հետո, եթե ունի Հայաստանի Հանրապետության կառավարության 2001 թվականի դեկտեմբերի 27-ի N 1286 որոշմամբ հաստատված և շրջապատի համար վտանգ ներկայացնող հիվանդությունների ցանկում ընդգրկված հիվանդություններից որևէ մեկը: Այդ դեպքում կազմակերպությունը կամ հաստատությունը մարդկանց թրաֆիքինգի և շահագործման զոհի կամ հատուկ կատեգորիայի զոհի մասին տեղեկացնում է Հայաստանի Հանրապետության աշխատանքի և սոցիալական հարցերի նախարարությանը և Հայաստանի Հանրապետության առողջապահության նախարարությանը:
14. Կացարանում պետք է լինի իրական հնարավորություն մարդկանց թրաֆիքինգի և շահագործման յուրաքանչյուր զոհին կամ հատուկ կատեգորիայի զոհին տրամադրել բնակելի առանձին սենյակ, բացառությամբ այն դեպքերի, երբ հակառակի մասին խնդրում է մարդկանց թրաֆիքինգի և շահագործման զոհը կամ հատուկ կատեգորիայի զոհը կամ նրանք հանդիսանում են մերձավոր ազգականներ կամ դա բխում է նրանց անվտանգությունից կամ այլ ցուցումներից: Բնակելի սենյակում չեն կարող միաժամանակ բնակվել չորսից ավելի` մարդկանց թրաֆիքինգի և շահագործման զոհ կամ հատուկ կատեգորիայի զոհ: Մարդկանց թրաֆիքինգի և շահագործման զոհն իր երեխայի հետ միասին, ինչպես նաև մարդկանց թրաֆիքինգի և շահագործման հատուկ կատեգորիայի զոհն իր ծնողի կամ այլ օրինական ներկայացուցչի հետ միասին բնակվում են մարդկանց թրաֆիքինգի և շահագործման այլ զոհերից կամ հատուկ կատեգորիայի զոհերից անջատ, բացառությամբ սույն հավելվածի 10-րդ և 23-րդ կետերով նախատեսված դեպքերի:
15. Մարդկանց թրաֆիքինգի և շահագործման զոհին կամ հատուկ կատեգորիայի զոհին կացարանում հատկացվող բնակելի տարածության չափը չի կարող պակաս լինել ինը քառակուսի մետրից` մեկ անձի համար:
16. Կացարանը պետք է ունենա բավարար բնական և արհեստական լուսավորություն և օդափոխություն, լինի մատչելի մարդկանց թրաֆիքինգի և շահագործման զոհի կամ հատուկ կատեգորիայի զոհի համար, ինչպես նաև բացառի ավելորդ ֆիզիկական անհարմարությունը, մասնավորապես, հաշմանդամություն ունեցող անձանց համար: Կացարանը պետք է մշտապես ապահովված լինի տաք և սառը ջրով:
17. Կացարանում պետք է ապահովվի 18-24 oC ջերմաստիճան, որը կարգավորելու հնարավորություն ունի նաև մարդկանց թրաֆիքինգի և շահագործման զոհը կամ հատուկ կատեգորիայի զոհը:
18. Կացարանում մարդկանց թրաֆիքինգի և շահագործման զոհին կամ հատուկ կատեգորիայի զոհին անհատական օգտագործման համար տրամադրվում է`
1) հագուստի պահարան և մահճակալ.
2) անկողնային պարագաներ և սպիտակեղեն.
3) խոհանոցային սպասք (ափսե, բաժակ, գդալ, սնունդ պատրաստելու սպասք և այլն).
4) հագուստ (անհրաժեշտության դեպքում).
5) անձնական հիգիենայի պարագաներ (սրբիչ, օճառ, ատամի մածուկ, խոզանակ և այլն).
6) անհրաժեշտության դեպքում` երեխաների խնամքի պարագաներ` իր տարիքին համապատասխան.
7) սնունդ` օրական առնվազն երեք անգամ, ընդ որում, հատուկ սննդակարգի կարիք ունեցող անձանց համար բժշկի ցուցումով նշանակվում է դիետիկ սնունդ (մարդկանց թրաֆիքինգի և շահագործման զոհի ցանկության դեպքում սնունդը կարող է պատրաստվել իր կողմից ինքնուրույն, իսկ հատուկ կատեգորիայի զոհը կարող է մասնակցություն ունենալ սննդի պատրաստման ընթացքին).
8) մարդկանց թրաֆիքինգի և շահագործման զոհի յուրաքանչյուր երեխայի, ինչպես նաև տարիքային առանձնահատկություններից ելնելով` հատուկ կատեգորիայի երեխա զոհի համար մանկական մահճակալ:
19. Մարդկանց թրաֆիքինգի և շահագործման զոհը կամ հատուկ կատեգորիայի զոհը սնունդ, հագուստ, հիգիենայի և այլ պարագաներ ստանում է սույն հավելվածի 3-րդ գլխով նախատեսված չափով և ժամկետով, եթե առավել չափ չի տրամադրում կացարան տրամադրող կազմակերպությունը կամ հաստատությունը:
20. Կացարանը պետք է ապահովված լինի ընդհանուր օգտագործման սեղանով, աթոռներով, բազկաթոռներով, հագուստի կախիչներով, կենցաղային իրերի պահարանով, հեռուստացույցով, սառնարանով, գազօջախով կամ էլեկտրական օջախով, աղբամանով և կենցաղում անհրաժեշտ այլ պարագաներով:
21. Եթե կացարանը երկհարկանի է կամ այնտեղ առկա են երեքից ավելի բնակելի սենյակներ, ապա կացարանում պետք է լինի առնվազն երկու սանհանգույց:
22. Կացարանում առօրյան` ներառյալ քնելու և վերկացի ժամերը որոշում է մարդկանց թրաֆիքինգի և շահագործման զոհը կամ հատուկ կատեգորիայի զոհը:
23. Մարդկանց թրաֆիքինգի և շահագործման տարբեր սեռերի զոհերը կամ հատուկ կատեգորիայի զոհերը բնակվում են առանձին կացարաններում կամ կացարանի առանձին մուտք ունեցող բնակելի սենյակներում: Եթե կացարանում առանձին բնակեցնելու հնարավորությունը բացակայում է, ապա մարդկանց թրաֆիքինգի և շահագործման նույն սեռի զոհերի կամ հատուկ կատեգորիայի զոհերի առկայությունը բացառում է հակառակ սեռի զոհերի կամ հատուկ կատեգորիայի զոհերի ընդունումը, բացառությամբ, եթե`
1) մարդկանց թրաֆիքինգի և շահագործման տարբեր սեռերի զոհերը կամ հատուկ կատեգորիայի զոհերը մերձավոր ազգականներ են.
2) մարդկանց թրաֆիքինգի և շահագործման զոհն ընդունվում է իր մինչև 12 տարեկան երեխայի հետ:
24. Եթե կացարանում տրամադրվում են նաև այլ ծառայություններ, դրանց տրամադրումը պետք է համապատասխանի Հայաստանի Հանրապետության օրենսդրությամբ սահմանված պահանջներին` ներառյալ սույն հավելվածում նախատեսված չափորոշիչներին:
3. ԲՆԱԻՐԱՅԻՆ ՕԳՆՈՒԹՅԱՆ ՈՐԱԿԻ ՆՎԱԶԱԳՈՒՅՆ ՉԱՓՈՐՈՇԻՉՆԵՐԸ
i
25. Բնաիրային օգնությունը տրամադրվում է մարդկանց թրաֆիքինգի և շահագործման զոհի կամ հատուկ կատեգորիայի զոհի կարիքների գնահատման հիման վրա` ղեկավարվելով Հայաստանի Հանրապետության կառավարության 2015 թվականի օգոստոսի 31-ի N 984-Ն որոշմամբ:
26. Մարդկանց թրաֆիքինգի և շահագործման զոհին կամ հատուկ կատեգորիայի զոհին որպես բնաիրային օգնություն տրամադրվում է սնունդ, հագուստ, կոշիկ, անկողնային և հիգիենայի պարագաներ, երեխաների խնամքի պարագաներ, առաջին անհրաժեշտության այլ ապրանքներ:
27. Մարդկանց թրաֆիքինգի և շահագործման զոհին կամ հատուկ կատեգորիայի զոհին տրամադրվող սնունդը պետք է համապատասխանի Հայաստանի Հանրապետության օրենսդրությամբ սահմանված սննդի կոնկրետ տեսակին ներկայացվող պահանջներին և լինի պիտանի օգտագործման համար:
28. Մարդկանց թրաֆիքինգի և շահագործման զոհին կամ հատուկ կատեգորիայի զոհին սննդամթերքը տրամադրվում է հետևյալ նվազագույն չափաբաժիններով`
._________________________________________________________________________.
|Սննդամթերքի անվանումը |Չափի |Մեկ մարդու համար` օրական|
| |միավորը |(զտաքաշ) |
|_________________________|______________________|________________________|
| | |երեխաների |մեծահասակների|
|_________________________________________________________________________|
| 1. Հաց և ընդեղեն |
|_________________________________________________________________________|
|Սպիտակ հաց |գրամ |300 |300 |
|_________________________|______________________|__________|_____________|
|II կարգի ալյուրից |գրամ |100 |150 |
|պատրաստված հաց | | | |
|_________________________|______________________|__________|_____________|
|Մակարոնեղեն |գրամ |30 |40 |
|_________________________|______________________|__________|_____________|
|Ձավարեղեն (հաճար, ձավար, |գրամ |100 |150 |
|բլղուր, հնդկաձավար) | | | |
|_________________________|______________________|__________|_____________|
|Լոբեղեն (լոբի, սիսեռ, |գրամ |30 |50 |
|ոսպ) | | | |
|_________________________________________________________________________|
| 2. Կարտոֆիլ և այլ բանջարեղեն |
|_________________________________________________________________________|
|Կարտոֆիլ |գրամ |300 |200 |
|_________________________|______________________|__________|_____________|
|Բանջարեղեն ըստ սեզոնի |գրամ |500 |500 |
|_________________________________________________________________________|
| 3. Մրգեր և հատապտուղներ |
|_________________________________________________________________________|
|Թարմ մրգեր ըստ սեզոնի |գրամ |250 |250 |
|_________________________|______________________|__________|_____________|
|Չորացրած մրգեր |գրամ |20 |15 |
|_________________________________________________________________________|
| 4. Շաքար և հրուշակեղեն |
|_________________________________________________________________________|
|Շաքար |գրամ |10 |10 |
|_________________________|______________________|__________|_____________|
|Մուրաբա, ջեմ |գրամ |15 |15 |
|_________________________|______________________|__________|_____________|
|Մեղր |գրամ |20 |20 |
|_________________________|______________________|__________|_____________|
|Քաղցրավենիք |գրամ |20 |20 |
|_________________________________________________________________________|
| 5. Կաթ և կաթնամթերք |
|_________________________________________________________________________|
|Կաթնաշոռ |գրամ |60 |30 |
|_________________________|______________________|__________|_____________|
|Կաթ |գրամ |200 |200 |
|_________________________|______________________|__________|_____________|
|Մածուն, կեֆիր |գրամ |200 |200 |
|_________________________|______________________|__________|_____________|
|Թթվասեր |գրամ |50 |40 |
|_________________________|______________________|__________|_____________|
|Պանիր |գրամ |20 |20 |
|_________________________|______________________|__________|_____________|
|Կարագ |գրամ |50 |50 |
|_________________________________________________________________________|
| 6. Միս և մսամթերք |
|_________________________________________________________________________|
|Միս |գրամ |50 |100 |
|_________________________|______________________|__________|_____________|
|Թռչնամիս |գրամ |50 |100 |
|_________________________________________________________________________|
| 7. Ձուկ և ձկնամթերք |
|_________________________________________________________________________|
|Ձուկ, ծովամթերք |գրամ |30 |50 |
|_________________________________________________________________________|
| 8. Ձու |
|_________________________________________________________________________|
|Ձու |հատ |1 |1 |
|_________________________________________________________________________|
| 9. Բուսական յուղեր |
|_________________________________________________________________________|
|Բուսական յուղ |գրամ |25 |25 |
|_________________________________________________________________________|
| 10. Ոչ ալկոհոլային խմիչքներ |
|_________________________________________________________________________|
|Կակաո |գրամ |3 |- |
|_________________________|______________________|__________|_____________|
|Սուրճ | |- |3 |
|_________________________|______________________|__________|_____________|
|Թեյ |գրամ |1 |2 |
|_________________________________________________________________________|
| 11. Այլ մթերք |
|_________________________________________________________________________|
|Տոմատի մածուկ |գրամ |5 |5 |
|_________________________|______________________|__________|_____________|
|Խմորիչ |գրամ |1 |1 |
|_________________________|______________________|__________|_____________|
|Աղ` յոդացված |գրամ |5 |5 |
|_________________________|______________________|__________|_____________|
|Համեմունք |գրամ |1 |1 |
|_________________________|______________________|__________|_____________|
|Մասուր |գրամ |20 |20 |
._________________________________________________________________________.
29. Մարդկանց թրաֆիքինգի և շահագործման զոհը կամ հատուկ կատեգորիայի զոհ կարող է հրաժարվել կոնկրետ սննդամթերքներից` դրա մասին գրավոր հայտնելով բնաիրային օգնություն կամ կացարան տրամադրող կազմակերպությանը կամ հաստատությանը:
30. Մարդկանց թրաֆիքինգի և շահագործման զոհին կամ հատուկ կատեգորիայի զոհին հագուստն ու կոշիկը տրամադրվում են հետևյալ քանակով`
._____________________________________________________________________.
|Հագուստի |Չափի |Քանակը` հաշվարկված |Շահագործման |
|անվանումները |միավորը |մեկ անձի համար |ժամկետը (տարի) |
|________________________|________|___________________|_______________|
|Վերնաշապիկ, ներքնաշապիկ |հատ |6 |1 |
|________________________|________|___________________|_______________|
|Վարտիք |հատ |6 |1 |
|________________________|________|___________________|_______________|
|Գիշերային հագուստ |հատ |4 |1 |
|(ամառ, ձմեռ) | | | |
|________________________|________|___________________|_______________|
|Կոշիկ (ամառ, ձմեռ) |զույգ |4 |1 |
|________________________|________|___________________|_______________|
|Վերնազգեստ |հատ |2 |1 |
|________________________|________|___________________|_______________|
|Անդրավարտիք |հատ |2 |1 |
|________________________|________|___________________|_______________|
|Գլխարկ (ամառ, ձմեռ) |հատ |1 |1 |
|________________________|________|___________________|_______________|
|Զուգագուլպա, գուլպա |զույգ |8 |1 |
|(ամառ, ձմեռ) | | | |
|________________________|________|___________________|_______________|
|Հողաթափեր և ռետինե |զույգ |4 |1 |
|հողաթափեր | | | |
|________________________|________|___________________|_______________|
|Բաճկոն |հատ |1 |1 |
._____________________________________________________________________.
31. Մարդկանց թրաֆիքինգի և շահագործման զոհին կամ հատուկ կատեգորիայի զոհին սույն հավելվածի 30-րդ կետով նախատեսված հագուստը տրամադրվում է հաշվի առնելով նրանց սեռը, տարիքը, հնարավորինս` նախասիրությունները, և բացառելով ալերգիկ կամ այլ բացասական հնարավոր հետևանքները:
32. Մարդկանց թրաֆիքինգի և շահագործման զոհին կամ հատուկ կատեգորիայի զոհին անկողնային և հիգիենայի պարագաները տրամադրվում են հետևյալ քանակով`
.____________________________________________________________.
|Անկողնային և հիգիենայի |Չափի |Քանակը` |Շահագործման|
|պարագաների անվանումները |միավորը |հաշվարկված մեկ|ժամկետը |
| | |մահճակալի կամ | |
| | |անձի համար | |
|____________________________________________________________|
| 1. Անկողնային պարագաներ |
|____________________________________________________________|
|Սավան |հատ |3 |1 տարի |
|________________________|________|______________|___________|
|Անջրանցիկ սավան |հատ |2 |1 տարի |
|________________________|________|______________|___________|
|Վերմակասավան |հատ |3 |1 տարի |
|________________________|________|______________|___________|
|Բարձի երես (վերին) |հատ |3 |1 տարի |
|________________________|________|______________|___________|
|Ներքնակի երես |հատ |2 |1 տարի |
|________________________|________|______________|___________|
|Սրբիչ |հատ |4 |1 տարի |
|________________________|________|______________|___________|
|Ներքնակ |հատ |1 |1 տարի |
|________________________|________|______________|___________|
|Բարձ |հատ |1 |1 տարի |
|________________________|________|______________|___________|
|Տաք վերմակ |հատ |1 |1 տարի |
|________________________|________|______________|___________|
|Ամառային վերմակ |հատ |1 |1 տարի |
|____________________________________________________________|
| 2. Հիգիենայի պարագաներ |
|____________________________________________________________|
|Օճառ` ձեռքի |գրամ |400 |1 ամիս |
|________________________|________|______________|___________|
|Շամպուն |միլիլիտր|400 |1 ամիս |
|________________________|________|______________|___________|
|Լվացքի փոշի |գրամ |400 |1 ամիս |
|________________________|________|______________|___________|
|Սպասք լվանալու նյութեր |գրամ |300 |1 ամիս |
|________________________|________|______________|___________|
|Ատամի մածուկ |հատ |1 |1 ամիս |
|________________________|________|______________|___________|
|Ատամի խոզանակ |հատ |1 |2 ամիս |
|________________________|________|______________|___________|
|Զուգարանի թուղթ |հատ |3 |1 ամիս |
|________________________|________|______________|___________|
|Մեկանգամյա օգտագործման |հատ |1 |2 ամիս |
|սափրող սարք | | | |
|________________________|________|______________|___________|
|Սանր |հատ |1 |3 ամիս |
|________________________|________|______________|___________|
|Կնոջ հիգիենիկ պարագա |հատ |12 |1 ամիս |
.____________________________________________________________.
33. Մարդկանց թրաֆիքինգի և շահագործման զոհի խնամքի տակ գտնվող երեխայի կամ հատուկ կատեգորիայի երեխա զոհի խնամքի պարագաները, ինչպես նաև մարդկանց թրաֆիքինգի և շահագործման զոհի կամ հատուկ կատեգորիայի զոհի համար առաջին անհրաժեշտության այլ ապրանքները տրամադրվում են ըստ պահանջի` հաշվի առնելով նրանց կարիքները:
4. ՀՈԳԵԲԱՆԱԿԱՆ ՕԳՆՈՒԹՅԱՆ ՈՐԱԿԻ ՆՎԱԶԱԳՈՒՅՆ ՉԱՓՈՐՈՇԻՉՆԵՐԸ
34. Մարդկանց թրաֆիքինգի և շահագործման զոհին կամ հատուկ կատեգորիայի զոհին հոգեբանական օգնություն կարող է տրամադրել հոգեբանի բակալավրի, մագիստրոսի կամ մասնագետի կրթություն ունեցող այն անձը, ով ունի հոգեբանի աշխատանքի առնվազն 5 տարվա փորձ, և պետական, տեղական ինքնակառավարման մարմինների կամ միջազգային կամ հասարակական կազմակերպությունների կողմից վերապատրաստվել է հանցագործությունից տուժած անձանց կամ բռնության` ներառյալ ընտանիքում բռնության ենթարկված անձանց հետ հոգեբանական աշխատանքներ իրականացնելու համար: Մարդկանց թրաֆիքինգի և շահագործման հատուկ կատեգորիայի երեխա զոհին հոգեբանական օգնություն տրամադրում է սույն կետով նախատեսված պահանջներին համապատասխանող մանկական հոգեբանը:
35. Հոգեբանական օգնությունը տրամադրվում է անձի` մարդկանց թրաֆիքինգի և շահագործման ենթարկվելու հետևանքով առաջացած անկայուն հոգեբանական վիճակը վերականգնելու, սթրեսը հաղթահարելու, սոցիալական կապերը և ընտանիքի հետ հարաբերությունները վերահաստատելու, կարողություններն ամրապնդելու, անկախության և ինքնաբավության համար անհրաժեշտ հմտություններ ձեռք բերելու և անձին վերասոցիալականացնելու համար:
36. Հոգեբանական օգնությունը տրամադրվում է անհատական վերականգնողական ծրագրերի միջոցով: Հոգեբանը վերականգնողական ծրագիրը վերանայում է պարբերաբար, սակայն ոչ ուշ, քան երկու ամիսը մեկ:
37. Մարդկանց թրաֆիքինգի և շահագործման զոհին կամ հատուկ կատեգորիայի զոհին հոգեբանական օգնություն տրամադրելու նպատակով հոգեբանը գնահատում է անձի հոգեբանական վիճակը, մշակում և պարբերաբար վերանայում է անհատական վերականգնողական ծրագիրը` ներառելով անձի համար անհրաժեշտ միջոցառումներ, և իրականացնում այն:
38. Հոգեբանական օգնություն տրամադրվում է հետևյալ եղանակներով`
1) սոցիալ-հոգեբանական ծառայություններ.
2) հոգեբանական ախտորոշում և անձի ուսումնասիրություն.
3) սոցիալ-հոգեբանական պատրոնաժ (պարբերական դիտարկում).
4) հոգեկանխարգելիչ աշխատանք.
5) հոգեբանական խորհրդատվություն.
6) ճգնաժամային հոգեբանական օգնություն.
7) հոգեբանական շտկում.
8) հոգեբանական պատրաստումներ, քննարկումներ և զրույցներ` ներառյալ խմբային:
39. Սույն հավելվածի 38-րդ կետում նշված օգնության կոնկրետ եղանակը կամ դրանց համակցությունը որոշում է հոգեբանը` հոգեբանական վերականգնման ծրագրի շրջանակներում:
5. ԽՈՐՀՐԴԱՏՎԱԿԱՆ ՕԳՆՈՒԹՅԱՆ ՈՐԱԿԻ ՆՎԱԶԱԳՈՒՅՆ ՉԱՓՈՐՈՇԻՉՆԵՐԸ
40. Խորհրդատվական օգնությունը տրամադրվում է տարբեր ոլորտների մասնագետների կողմից` մարդկանց թրաֆիքինգի և շահագործման ենթարկվելու հետևանքով ստեղծված իրավիճակից դուրս գալու, սոցիալական խնդիրների լուծման ուղիներ և եղանակներ գտնելու միջոցների, հասարակությանը սոցիալական վերաինտեգրմանն ուղղված խորհուրդների և առաջարկությունների, ինչպես նաև համարժեք աջակցություն ստանալու համար:
41. Խորհրդատվական օգնությունը մարդկանց թրաֆիքինգի և շահագործման զոհին կամ հատուկ կատեգորիայի զոհին ուղղորդելն է պետական կամ տեղական ինքնակառավարման մարմիններ, միջազգային կամ հասարակական կազմակերպություններ` սույն հավելվածի 40-րդ կետում նշված նպատակների համար, ինչպես նաև կացարանում գտնվելիս կամ խնամք տրամադրելիս կազմակերպության կամ հաստատության մասնագետների կողմից տեղեկատվություն տրամադրելը, իսկ, անհրաժեշտության դեպքում, նաև համապատասխան մարմիններ և կազմակերպություններ համատեղ այցելելը:
42. Հոգեբանական և իրավաբանական խորհրդատվությունը տրամադրվում է սույն հավելվածի 4-րդ և 6-րդ գլուխների պայմաններին համապատասխան:
43. Խորհրդատվական օգնություն տրամադրող մասնագետը պատասխանատու է տրամադրվող տեղեկատվության ամբողջական, ճշգրիտ, նպատակային և կիրառելի լինելու համար: Անհրաժեշտության դեպքում, տրամադրվում են խորհրդատվական բուկլետներ` անհրաժեշտ տեղեկատվությամբ` մարդկանց թրաֆիքինգի և շահագործման զոհին կամ հատուկ կատեգորիայի զոհին հասկանալի լեզվով:
44. Խորհրդատվական օգնությունը մարդկանց թրաֆիքինգի և շահագործման հատուկ կատեգորիայի զոհին տրամադրվում է նրա օրինական ներկայացուցչի հետ միասին, եթե դա չի հակասում հատուկ կատեգորիայի երեխա զոհի լավագույն շահին:
6. ԻՐԱՎԱԲԱՆԱԿԱՆ ՕԳՆՈՒԹՅԱՆ ՈՐԱԿԻ ՆՎԱԶԱԳՈՒՅՆ ՉԱՓՈՐՈՇԻՉՆԵՐԸ
45. Իրավաբանական օգնությունը կարող է տրամադրել իրավաբանի բակալավրի, մագիստրոսի կամ մասնագետի կրթություն ունեցող այն անձը, ով ունի փաստաբանական գործունեության արտոնագիր կամ իրավաբանի աշխատանքի առնվազն 5 տարվա փորձ և պետական, տեղական ինքնակառավարման մարմինների կամ միջազգային կամ հասարակական կազմակերպությունների կողմից վերապատրաստվել է հանցագործությունից տուժած անձանց կամ բռնության ենթարկված անձանց հետ աշխատանքներ իրականացնելու համար: Մարդկանց թրաֆիքինգի և շահագործման հատուկ կատեգորիայի երեխա զոհին իրավաբանական օգնություն տրամադրվում է օրինական ներկայացուցչի միջոցով, եթե դա չի հակասում երեխայի լավագույն շահին:
46. Իրավաբանական օգնությունը ներառում է`
1) խորհրդատվություն` հայցադիմումների, դիմումների, բողոքների և այլ իրավաբանական բնույթի դատավարական փաստաթղթերի կազմում` ներառյալ իրավաբանական տեղեկատվության տրամադրում.
2) ներկայացուցչություն կամ պաշտպանություն` քրեական, քաղաքացիական, վարչական և սահմանադրական գործերով.
3) այլ աջակցություն` անձի իրավունքների և օրինական շահերի պաշտպանության, փաստաթղթերի վերականգնման կամ դրանց բացակայության դեպքում դրանք ձեռքբերման համար:
47. Սույն հավելվածի 46-րդ կետի 2-րդ ենթակետով նախատեսված իրավաբանական օգնությունը կարող է տրամադրվել միայն փաստաբանի կողմից:
7. ԽՆԱՄՔԻ ՏՐԱՄԱԴՐՄԱՆ ՈՐԱԿԻ ՆՎԱԶԱԳՈՒՅՆ ՉԱՓՈՐՈՇԻՉՆԵՐ, ԱՅԴ ԹՎՈՒՄ` ՀԱՄԱՊԱՏԱՍԽԱՆ ՀԱՍՏԱՏՈՒԹՅՈՒՆՈՒՄ
48. Մարդկանց թրաֆիքինգի և շահագործման զոհի կամ հատուկ կատեգորիայի զոհի խնամքը` նրանց ընտանիքում (հարազատ սոցիալական միջավայրում) կամ կացարանում` առօրյային առավել մոտ սոցիալ-կենցաղային պայմաններում, պահելու և հասարակությունում ներառելու նպատակով անհրաժեշտ օգնությունն է:
49. Եթե խնամքը տրամադրվում է կազմակերպության կամ հաստատության կացարանում, ապա այն տրամադրվում է սույն հավելվածի 2-6-րդ գլուխներով, իսկ եթե մարդկանց թրաֆիքինգի և շահագործման զոհի կամ հատուկ կատեգորիայի զոհի ընտանիքում (հարազատ սոցիալական միջավայրում)` 3-6-րդ գլուխներով նախատեսված պայմանների ապահովմամբ:
50. Խնամք տրամադրելիս հավելյալ կարող են տրամադրվել աջակցություն կրթության ստացմանը, ժամանցի կազմակերպմանը, բժշկական օգնության և սպասարկման տրամադրմանը, ինչն ապահովվում է համապատասխան մարմինների և հիմնարկների հետ համագործակցության միջոցով:
51. Խնամքի տրամադրումը, այդ թվում` համապատասխան հաստատությունում, կարող է իրականացվել միայն մարդկանց թրաֆիքինգի և շահագործման զոհի կամ հատուկ կատեգորիայի զոհի օրինական ներկայացուցչի գրավոր համաձայնության դեպքում:
8. ԵԶՐԱՓԱԿԻՉ ԴՐՈՒՅԹՆԵՐ
52. Սույն հավելվածով նախատեսված` մարդկանց թրաֆիքինգի և շահագործման զոհերին և հատուկ կատեգորիայի զոհերին կացարանի տրամադրման, բնաիրային, հոգեբանական, խորհրդատվական, իրավաբանական օգնության և խնամքի տրամադրման, այդ թվում` համապատասխան հաստատությունում, որակի նվազագույն չափորոշիչների ապահովման նկատմամբ վերահսկողությունն իրականացնում է Հայաստանի Հանրապետության աշխատանքի և սոցիալական հարցերի նախարարությունը:
53. Եթե ծառայությունը կամ օգնությունը տրամադրվում է կազմակերպության կամ հաստատության կողմից, ապա սույն հավելվածով նախատեսված` մարդկանց թրաֆիքինգի և շահագործման զոհերին և հատուկ կատեգորիայի զոհերին կացարանի տրամադրման, բնաիրային, հոգեբանական, խորհրդատվական, իրավաբանական օգնության և խնամքի տրամադրման, այդ թվում` համապատասխան հաստատությունում, որակի նվազագույն չափորոշիչների ապահովման նկատմամբ մշտադիտարկումը, ինչպես նաև վերահսկողությունն իրականացվում է նաև այդ կազմակերպության կամ հաստատության ղեկավարության կողմից:
54. Ծառայություններ կամ օգնություն տրամադրող կազմակերպության կամ հաստատության ղեկավարության կողմից մարդկանց թրաֆիքինգի և շահագործման զոհի կամ հատուկ կատեգորիայի զոհի հետ տարվող անհատական աշխատանքի մշտադիտարկումը` որպես ծառայությունների արդյունավետության ստուգման ձև, սահմանվում է սույն հավելվածի N 1 ձևով: Մարդկանց թրաֆիքինգի և շահագործման զոհի և հատուկ կատեգորիայի զոհի հետ տարվող անհատական աշխատանքի մշտադիտարկումն իրականացվում է առնվազն ամիսը մեկ անգամ:
55. Սույն հավելվածով նախատեսված նվազագույն չափորոշիչները չապահովելը կամ մասնակիորեն ապահովելը կարող է հանգեցնել մարդկանց թրաֆիքինգի և շահագործման զոհերին և հատուկ կատեգորիայի զոհերին համապատասխան հաստատություն և կազմակերպություն չուղղորդելուն, ինչպես նաև Հայաստանի Հանրապետության աշխատանքի և սոցիալական հարցերի նախարարության հետ` մարդկանց թրաֆիքինգի և շահագործման զոհերին և հատուկ կատեգորիայի զոհերին ծառայություններ մատուցելու իրավահարաբերությունների դադարեցմանը:
56. Սույն հավելվածով նախատեսված ծառայություններ կամ օգնություն տրամադրելու համար Հայաստանի Հանրապետության աշխատանքի և սոցիալական հարցերի նախարարություն դիմած կազմակերպությունը կամ հաստատությունը պարտավոր է ներկայացնել սույն հավելվածով նախատեսված պահանջների համապատասխանելիությունը փաստող կամ հիմնավորող փաստաթղթեր` ներառյալ մասնագետներին ներկայացվող պահանջները:
57. Եթե կազմակերպության կամ հաստատության գործունեության ընթացքում տեղի են ունենում այնպիսի փոփոխություններ, որոնք չեն համապատասխանում սույն հավելվածով նախատեսված պահանջներին, ապա կազմակերպության կամ հաստատության ղեկավարությունը ոչ ուշ, քան 5 աշխատանքային օրվա ընթացքում դրա մասին տեղեկացնում է Հայաստանի Հանրապետության աշխատանքի և սոցիալական հարցերի նախարարությանը:
58. Եթե սույն հավելվածի 57-րդ կետում նախատեսված տեղեկատվությունը փոխանցելուց հետո, սույն հավելվածով նախատեսված պահանջներին անհամապատասխանությունը չի վերացվում 10 աշխատանքային օրվա ընթացքում, ապա Հայաստանի Հանրապետության աշխատանքի և սոցիալական հարցերի նախարարության հետ` մարդկանց թրաֆիքինգի և շահագործման զոհերին և հատուկ կատեգորիայի զոհերին ծառայություններ մատուցելու իրավահարաբերությունները դադարում են:
Ձև N 1
ՄԱՐԴԿԱՆՑ ԹՐԱՖԻՔԻՆԳԻ ԵՎ ՇԱՀԱԳՈՐԾՄԱՆ ԶՈՀԻ ԿԱՄ ՀԱՏՈՒԿ ԿԱՏԵԳՈՐԻԱՅԻ ԶՈՀԻ ՀԵՏ ՏԱՐՎՈՂ ԱՆՀԱՏԱԿԱՆ ԱՇԽԱՏԱՆՔԻ ՄՇՏԱԴԻՏԱՐԿՈՒՄ
Մարդկանց թրաֆիքինգի և շահագործման զոհի կամ հատուկ կատեգորիայի զոհի անունը, ազգանունը և հայրանունը____________________________________________
___________________________________________________________________________
Ծննդյան ամսաթիվ __________________________________________ ____________ ից ___________ -ը նախատեսված անհատական աշխատանքի մշտադիտարկում
.____________________________________________________________________.
|NN |Նշումներ մարդկանց |Անհատական |Վերանայման|Վերանայում |
|ը/կ|թրաֆիքինգի և |աշխատանքի |կարիքը |իրականացնող|
| |շահագործման զոհի կամ |շտկման | |մասնագետի |
| |հատուկ կատեգորիայի զոհի |մասին | |անունը, |
| |վիճակի մասին |որոշում | |ազգանունը, |
| |______________________________|(նշել | |հայրանունը |
| |առկա են |փոփոխությունները |վերանայման| |և ստորա- |
| |դրական |բացակայում են |կարիք | |գրությունը |
| |փոփոխու- |կամ առկա են |ունեցող | | |
| |թյուններ |բացասական |ծառայու- | | |
| |(մանրամասն |փոփոխություններ |թյունը) | | |
| |նկարագրել(1)|(նշել պատճառները)| | | |
|___|____________|_________________|__________|__________|___________|
|1. | | | | | |
|___|____________|_________________|__________|__________|___________|
|2. | | | | | |
|___|____________|_________________|__________|__________|___________|
|3. | | | | | |
|___|____________|_________________|__________|__________|___________|
|4. | | | | | |
|___|____________|_________________|__________|__________|___________|
|5. | | | | | |
|___|____________|_________________|__________|__________|___________|
|6. | | | | | |
|___|____________|_________________|__________|__________|___________|
|7. | | | | | |
|___|____________|_________________|__________|__________|___________|
|8. | | | | | |
|___|____________|_________________|__________|__________|___________|
|9. | | | | | |
|___|____________|_________________|__________|__________|___________|
|10.| | | | | |
.____________________________________________________________________.
______________________________________________________
1) Դրական փոփոխությունները ներկայացվում են ըստ ոլորտների`
- մարմնական, հոգեկան, հուզական վիճակ,
- խոսքային, ճանաչողական, զգայական շարժողական ոլորտ,
- շփումների ոլորտ,
- ինքնասպասարկման ոլորտ,
- սոցիալ-կենցաղային և աշխատանքային հարմարեցման և սոցիալիզացիայի ոլորտ:
Հատուկ կարծիք և դիտարկումներ_________________________________________
__________________________________________________________________________
__________________________________________________________________________
__________________________________________________________________________
__________________________________________________________________________
__________________________________________________________________________
__________________________________________________________________________
__________________________________________________________________________
__________________________________________________________________________
___________________________________________________________________________
___________________________________________________________________________
Մասնագետ ________________________________
(Ա.Ա.Հ, ստորագրություն, ամսաթիվ)
Ղեկավար ________________________________
(Ա.Ա.Հ, ստորագրություն, ամսաթիվ)
Պաշտոնական հրապարակման օրը` 6 հոկտեմբերի 2022 թվական: